~~~~~~~~~~~~~~~~







2011年1月7日 星期五

底褲回憶錄

底褲回憶錄

本文內容極為不雅,不喜勿閱。
你唔睇 我唔會怪你,你睇咗 反而會怪我。

* * * * *

我身處在漆黑之中,我生前是一條底褲,死後就是一條「死底褲」。我過身後被安葬在將軍澳堆填區,埋葬在地下三米之深。四周十分寧靜和黑暗;沒有任何騷擾,正好讓我好好回憶一吓:「我身前全身灰色,死時卻全身染滿鮮紅……

我在Giordano出產,M嘥屎、灰色棉質三角褲,原價39元,待我減價到25元,精打細算的主人把我買下。我在貨架上想:「我將會服侍何家主人呢?」這問題我是十分被動的,希望主人會善待我啦。

主人是家中二少爺,搬離父母家後,自租單位獨居。一個獨居、不修邊幅的麻甩仔喎!唉~ 整定我苦命,要行的路將會十分艱苦崎嶇。

我工作的時候,是在黑暗中,因為我通常被「面褲」所包裹著。當二少爺去洗手間時,我才偶爾見吓光,呼吸一吓新鮮空氣;可惜又要面對一陣味的尿兜。這份厭惡性工作,不是一般人所能容忍。

間中,我會在洗手間以外的地方露面。主人解開「面褲」,我見到一個靚女在我面前,靚女說著一些奇怪的日本語言,她的動作有時Fast forward,有時逐格搜畫,跟著我感到一陣孺動後,主人又穿回面褲。每次都是不多不少的五分鐘。

除了見到靚女外,我也見過男人,仲係一大班男人添呀!二少爺差不多每天都去健身室,他在更衣室內更換運動褲時,我便會見到很多大隻佬,一起換衫換褲。在那裡,我偶爾會遇到Giordano的同門師兄弟,都會打招呼。我還目睹到一些不能用常理解釋的奇怪事情,但二少爺吩咐我不要亂同人講,所以我都係唔講嘞。

我最討厭回南天氣,天氣潮濕,我洗後掛在衣架上,晾一日都晾唔乾。二少爺嫌我未乾,竟然…竟然…「Leave home without me!」當晚我見他回來時,表情痛苦,隱隱作痛。自這一次撞板之後,二少爺以後再不敢獨留我在家中。

但是如何解決我唔乾的問題呢?二少爺用風筒吹乾我,令我渾身暖烘烘。之後二少爺又會用該風筒去吹頭,我不其然有點噁心的感覺。辛苦了風筒大哥了。

我知道有一個民間傳說,如果「撞鬼」的話,可以把底褲「笠頭」去闢邪趕鬼!紅色底褲效果最佳。我好期待有這一天,讓我可以一展所長,發揮我的終極最大威力。可惜至我死的一天,二少爺仍未試過「撞鬼」。他自嘲是因為自己太樣衰,鬼都怕咗佢喎。哈哈!我信佢唔係講笑囉。

我看過一些電影情節,男女主角開門後,鞋襪、衫褲、內衣胸圍、脫到地上。沿客廳一直脫入睡房。我好希望這激情一幕會發生在我身上。可惜至我死的一天,二少爺仍未試過,連他準備已久的催情唱片:Glenn Frey的《The One you love》,都未有機會施展其威力,這是我最大的遺憾!二少爺自嘲是因為自己太樣衰,無女仔肯跟佢返嚟喎。哈哈!真話唔需要講兩次囉。

我出產的時候,全身灰色。但當我工作了一段時間後,我的面色變黃,可能肝有問題啦,仲愈來愈黃。二少爺用了我三個月後,便要我退役,我功成身退。

唔知二少爺是「環保」或是「慳家」,他竟然廢物利用,把我放在廁所地上當「地布」,用來抹地「嗦」吓水。他獨居自然唔怕核突,乜都做得出。延遲了我的退役日期。

某天傍晚,二少爺買了外賣回家。(甩麻仔唔會自己煮飯,是是但但又一餐。) 二少爺在廚房傳來一聲:「Shit!」原來他搗瀉了外賣回來的羅宋湯,一地鮮紅。二少爺立即徵召我從廁所趕到廚房進行救援,我全身「嗦」滿羅宋湯後,便拋進黑暗的垃圾桶內,正式certified了。所以我在第一段說過:「我身前全身灰色,死時卻全身染滿鮮紅…」唔知你仲記唔記得呢?

二少爺算待我不薄,在我臨死前還請我飲熱辣辣的羅宋湯。正如死囚行刑前都有餐飽飯食,做隻飽鬼。

好啦!差不多啦,我繼續等待慢慢分解,聽講要等100年先完全分解哂。如果下一世有得揀的話,我一定唔做底褲。如果命運安排了我一定要做底褲,請不要讓我做二少爺的底褲。

底褲要求重聽二少爺「製造浪漫蒂克氣氛情歌」《The One you love》。


The One You Love – Glenn Frey

I know you need a friend, someone you can talk to
Who will understand what you're going through
When it comes to love, there's no easy answer
Only you can say what you're gonna do

I heard you on the phone; you took his number
Said you weren't alone, but you'd call him soon
Isn't he the guy, the guy who left you cryin'?
Isn't he the one who made you blue?

When you remember those nights in his arms
You know you gotta make up your mind

Are you gonna stay with the one who loves you
Or are you goin' back to the one you love?
Someone's gonna cry when they know they've lost you
Someone's gonna thank the stars above

What you gonna say when he comes over?
There's no easy way to see this through
All the broken dreams, all the disappointment
Oh girl, what you gonna do?
Your heart keeps sayin' it's just not fair
But still you gotta make up your mind

Are you gonna stay with the one who loves you
Or are you goin' back to the one you love?
Someone's gonna cry when they know they've lost you
Someone's gonna thank the stars above

49 則留言:

  1. 嘩!好正呀呢篇!底褲,你令讀者有如置身你一幕幕嘅回憶畫面之中,好似身歷其境咁。不過,讀完就明白點解你個前主人用你三個月,咁快就由灰變黃,呢啲唔係你嘅錯,都係啲㗎妹嘅錯。

    你得閒就返嚟呢回憶下啦,好多人想聽你爆多啲二少爺嘅嘢。

    回覆刪除
  2. 歪歪

    多謝你同情我呀!我好慘架,成日對住啲唔想對啲嘢。燒多啲金銀衣紙俾我呀!

    好似得你一個想知二少爺的秘密喎,二少爺叫我唔講,我點都唔講。

    回覆刪除
  3. 底褲:「二少爺!講一個在我心底裡蘊藏很久的秘密給你知,有一次你飲至酩酊大醉,有一位E神小蠻腰架妹送你回家。她扶你上床後,脫去你的衫褲,只留下我。跟住她也脫衣去褲,然後凝視我一會,隨之用手撫摸我的臉龐五分鐘,弄得我很尷尬呀!

    但她又意猶未盡,跟著再將我從你身上除下,然後穿在她自己身上。

    她還自言自語:『終於可以品嚐到二少爺的恩澤了!』

    跟住她又把她的底褲穿在二少爺身上,然後摟抱住你十分鐘呀!

    所以我也同架妹條底褲熱吻了十分鐘,原來她的底褲是香味撲鼻的啊!

    我還聽到床頭發出啜啜聲呀!

    後來她把我穿回你身上就離開了!

    二少爺!其實,我 ... 我 ... 我 ... 曾經灰杏出牆,被一名架妹偷穿過的,你是否可以原諒我呀?」

    回覆刪除
  4. 埋 lai 睇 埋 lai 簡, 全棉底環10蚊3條,買100蚊 送多一條女環

    回覆刪除
  5. 佛爺

    我從無怪過底褲,因為其實佢係臥底,(全名臥底褲).我派他去日本試探情報,忍辱負重。套取日本釣魚台機密。現在臥底褲已功成身退。升做處長。

    回覆刪除
  6. 絲襪佬

    我為底褲界發聲,要求政府立法:底褲底價33元!

    人民萬歲!民主萬歲!

    回覆刪除
  7. 乜野係:一些不能用常理解釋的奇怪事情?

    開吓估好唔好?

    回覆刪除
  8. eben

    見你咁有求知的欲望,我好高興!一於靜雞雞話你知。留意9/1/11 星期日上午9:25,千祈唔好俾其他人知呀!

    回覆刪除
  9. 底褲,你睇下你一出現就幾受歡迎,風頭蓋過你二少爺。你揀用鹿仔張相,係咪想啲讀者睇到心如鹿撞呀?

    你連臥底褲都見識過,我好心急想知你星期日有乜更堅嘅料要爆。

    最後我想同你講我以前仲以為灰色唔易起漬,原來:灰色 Ha~ Ha~ Ha~ Ha~ Ha~ Ah~ Ha~

    回覆刪除
  10. 卡臣,你睇下你條舊底褲幾好文采,樂而不淫,睇到我想入非非,你成日叫我寫,不如叫佢寫多啲好過啦!

    另外,我想勸下你去到健身室就唔好用風筒吹底褲,唔係你隨時被登十大㗎喇!

    回覆刪除
  11. 估唔到真係會有底褲篇.....笑鳥......
    「我還目睹到一些不能用常理解釋的奇怪事情,但二少爺吩咐我不要亂同人講」,少爺會同底褲講野???oh my god!

    回覆刪除
  12. 歪歪

    「鹿仔張相」不是表示心如鹿撞,只是表示二少爺曾服鹿茸/鹿尾巴補身。不過補都無起色。

    星期日那篇只是翻叮,我估你已看過了。

    回覆刪除
  13. 歪歪

    底褲已死,埋在填土區。你尚在人間,都係等你寫好啲。

    我在健身室唔會用風筒吹底褲,著住入sauna房就會乾。

    你真有記性,2008寫過乜你都記得.

    +++

    馬田

    好多人同毛公仔傾計架,唔奇呀!

    回覆刪除
  14. 二少爺聽the one u love, o甘老餅, 唔怪得冇女溝

    回覆刪除
  15. 篤篤篤撐

    這個是回憶錄,回憶80年代的事情。果陣聽Glenn Frey好正常。唔通80年代可以聽蕭敬騰咩?

    回覆刪除
  16. 底褲,我仲以為你會爆二少爺嗰啲豹紋、大象、T- back,甚至鮮紅喱士𠻹。翻叮?我諗我知你講邊篇,睇完一額汗嗰篇吓嘛?

    卡臣,唓,你家陣又唔係戒咗唔著,舊嘅寫回憶錄啫,用緊嘅咪寫周記囉!

    08年嗰單,我响網上新聞睇到,第一時間諗起你。

    入桑拿房唔係包毛巾咋咩?你仲要著𠹺底褲,你驚畀人猴子偷桃呀?

    回覆刪除
  17. 歪歪

    二少爺窮,唔會花錢買什麼豹紋、大象、T- back等fancy嘢。但求有塊布包裹住就得了。

    無錯!你真性! 估就估中!

    回覆刪除
  18. 歪歪

    我仲保持穿底褲的習慣。寫「周」記? 不便公開囉。

    08年單新聞你仲記得,人肉電腦呀!

    我穿埋潛水衣入桑拿房,貪佢可以焗一身汗嘛!

    回覆刪除
  19. 底褲,二少爺咁鍾意日本,都係因為一條兜檔布。

    『你真性!』吓?我真性?性感?唔及你!

    卡臣,唔好意思食你豆腐,好滑呀!

    回覆刪除
  20. 歪歪

    我寫:『你真性情中人!』

    不要誤會是性變態、性無能、性沉溺呀!

    回覆刪除
  21. 叮噹

    作為底褲界的一份子,我為叮噹而感到驕傲。

    回覆刪除
  22. 阿卡臣,
    尼篇真系好鬼好笑,条底裤都可以俾你写到翻生敢窝,真系服得你好交关!

    回覆刪除
  23. helloninie

    哈哈!妳想睇乜通知一聲,睇吓我寫唔寫到。

    回覆刪除
  24. 卡臣,salute!真系劲!
    底裤都写得咁鬼马风趣!
    哈哈哈哈。。。。
    叻叻叻叻叻叻叻。。。。
    过阿叻陈百祥。。。

    期待你的下一篇~~

    回覆刪除
  25. 底褲應該仲有有幾個出生入死嘅好兄弟,唔知佢地有冇啲更可歌可泣嘅故事呢?

    回覆刪除
  26. 唔通80年代可以聽蕭敬騰咩?
    >>>>聽賓...州....肥 !!!
    oh, 係bon jovi先啱 !

    回覆刪除
  27. naruto

    二少爺吝嗇囉,得兩條,AB Shift,一條著另一條洗。返輪班制.

    ++++

    cindy

    叻過阿叻?真是很叻呀!他經常贏錢架!

    +++

    largeheadboy

    可惜好兄弟們失散了,在各大堆填區,再找不到他們。

    +++

    篤篤

    梗係聽:
    周~大~威~哂~
    oh, 係Joy Division先啱 !

    回覆刪除
  28. 歪歪:

    「我好心急想知你星期日有乜更堅嘅料要爆。」

    條底褲就快要「爆春」,既係爆春天幾時到既料囉!嘻嘻!

    回覆刪除
  29. 卡臣:

    我都唔係好鹹架咋!有人連「bon jovi」都寫埋!嘻嘻!

    回覆刪除
  30. 卡卡,唔想做底褲呀,主人會放屁喔!可以做肚兜嗎?小背心?甚至,甚至.....

    回覆刪除
  31. 我細過去camp時,聽到一位同學無帶底褲(四日camp來的),佢就話無有怕,因為佢張條底褲前後左右再反轉著,咁就可以著四日...咁就唔洗AB shift...不過都係搵多幾個底褲兄弟幫手好d...有個照應呀!

    回覆刪除
  32. 『不要誤會是性變態、性無能、性沉溺呀!』

    卡臣,既然真話唔需要講兩次,咁我就一次過認哂佢囉!因為我睇咗叮噹張相,令我想起細個時嘅奇想,就係可以伸隻手入佢個百寶袋度摷嘢,希望有日可以達成。

    佛爺,『條底褲就快要「爆春」』?你講緊入面個袋呀?

    底褲,我諗二少爺登呢篇文,係為咗想大家知度佢窮到得兩條底褲,所以我決定下次見面,會送半打中碼灰底褲畀佢,等你啲兄弟有伴。

    回覆刪除
  33. 佛爺

    春天幾時到? 歌仔都有得唱啦:「春風它吻上了我的臉,告訴我現在是春天」你去feel吓而家係春風定北風啦!

    你唔鹹,我一人摃上身吧!

    +++

    laulong

    我坦白啲,做胸圍? 呢個答案滿意啦?

    +++

    I.minor

    你個同學好「電波少年」喎!
    去荒島一定生存到!

    +++

    歪歪

    衰嘢唔好爭住認喎,我都有份呀!

    講起叮噹...我最想要時光機,可以回去昨天買六合彩嘛。

    下次送底褲俾我,記得買加加大碼....我講腰圍。

    回覆刪除
  34. 歪歪:

    「你講緊入面個袋呀?」

    我有難言之隱!嘻嘻!

    回覆刪除
  35. 卡臣:

    我的長篇下一集有鹹故。我研究過,寫上十八禁,係唔夠既!最好寫埋有成人內容,可能會引起閣下不安!

    我係度張D鹹味內容左閃右避,若果都會比人插,我會考慮改邪歸正,去寫道德經或者聖經!嘻嘻!

    回覆刪除
  36. 佛爺

    你下一集有鹹故睇?咁正! 好期待啊!

    你考慮改邪歸正啦,去寫「盜duck經」或者「性經」啦。

    回覆刪除
  37. 卡臣:

    你真係食字大王,盜DUCK經都諗到!你唔好以為我講笑,我讀小學果陣,即係未生性之前,每個星期都去教堂,聽牧師講道理架!好神心架!嘻嘻!

    回覆刪除
  38. 新年快樂!呢篇好好笑,好治好我今晚的悶鬱心情.

    回覆刪除
  39. 佛爺

    「你以前每個星期都去教堂,聽牧師講道理?」吓? 那個牧師一定是臥底,宣揚性教育。

    +++

    南蠻

    咁耐無見,一見就心情悶鬱?睇開啲啦!

    回覆刪除
  40. 卡臣:

    係呀!那個牧師已經還俗,從臥底躍升佐做「淫穢物品審裁處」處長架喇!佢每日既工作,已經唔係睇聖經,而係睇鹹書囉!嘻嘻!

    回覆刪除
  41. 佛爺

    真係俾你笑死! 我都想做政府工去掃鹹碟,可惜已經無人賣老翻。

    回覆刪除
  42. 卡臣:

    哈哈!我鹽上腦架!以前我識得背十戒架,而家唔記得佐9.9戒之嘛!嘻嘻!

    回覆刪除
  43. 佛爺

    你以前背十戒,而家就背棄十戒!

    回覆刪除
  44. 『下次送底褲俾我,記得買加加大碼....』

    卡臣,加加大碼?用嚟做地布,索水力特強。

    佛爺,你一向乜都噏得出,點會有難言之隱?

    回覆刪除
  45. 歪歪

    佛爺可能有隱疾,
    男人隱疾...好難開口嘅。

    回覆刪除
  46. 阿強,歪歪:

    男人之苦!十個只有三個去求醫,我係七分一,陰公。

    回覆刪除

LinkWithin

Blog Widget by LinkWithin