~~~~~~~~~~~~~~~~







2011年1月3日 星期一

唱機回憶錄

photo by Edgar Hung
唱機回憶錄

我是一部唱機,一部殘舊的唱機。我躺在深水埗鴨寮街的地攤上,等人嚟收留我,一等已經等了幾年了。

我出產於1979年,今年32歲,父親叫TEAC,日本藉,但我精通各國語言,視乎你放什麼唱片在我身上,廣東話、英文、日文、國語、法文俱佳。

我的機身是石英盤,相當重磅。有33轉和45轉,可播放大碟和細碟。唱頭由鑽石造成,唱針堅硬無比,一碰落黑膠碟上,音樂就由唱針從碟紋「刮」出來。

我播放的第一張唱片,是Simon and Garfunkel的《Sounds of Silence》。記憶中,啲木結他聲真係好清脆。唱片是家中「大少爺」所買的。後來,我由家中讀中學的「二少爺爺」接管了,嘩!英倫新浪漫呀!「二少爺」最愛的是Culture Club、Depeche Mode、Duran Duran、David Bowie、Eurythmics、Pet Shop Boys、Queen、Spandau Ballet和Tears for Fears。二少爺趁父母不在家,便扭大音量「炸機」。說來奇怪,二少爺爺喜歡的全是英國歌手或樂隊,可能跟當時香港仍是英國殖民地有關係吧。當然我都有播過MJ、Modana同Prince。

至於廣東歌方面,我記得我有播過譚詠麟、張國榮、陳百強和林憶蓮。踏入80年代中期,香港興本地band sound。二少爺開始聽Local band:小島、達明一派、Radias、太極、Beyond、浮世繪、Fundamental等等。記得無線電視的《週末任你點》,播放MTV,二少爺用錄影機錄低,慢慢重溫。

那時候,二少爺沒有太多零用錢,不能見心愛的唱片都通通買下來,每張唱片大約35元左右。唯有去信和中心的「東急」和「迴音閣」租黑膠碟,7蚊租兩晚。回家由唱盤轉錄到TDK錄音帶,有鐵帶和磁帶。那時候,卡式帶中每一隻歌二少爺都識得唱,仲係滾瓜爛熟嗰隻。

那時候,有一句說話,叫:「上我屋企聽唱片吖」,它帶有「誘使性行為」的暗示。二少爺從來沒有成功帶過女仔回家聽唱片,可能因為他太過樣衰的關係。所以二少爺準備已久的唱片:Glenn Frey的《The One you love》,從未施展過它的威力,作為唱機的我,都引以為憾。

踏入90年代,CD唱機引入,我的黃金時代告一段落。一隻「令立立」的鐳射唱片,播放時「零噪音」,立即把我的唱針比下去。二少爺最後買了CD唱機回來,我便宣告退役下來。由收買佬帶我來到這地攤,日曬雨淋。黑膠唱片的命運跟我一樣,信和中心賣5蚊一隻,都乏人問津。

除了我之外,二少爺的卡式帶Walkman也退役了,由Discman頂上。過了幾年,Discman也退役了,由MD(Mini Disc)頂上,size越來越輕巧。過了幾年,MD也退役了,由MP3頂上。還有DVD和Blue Ray的出現,科技日新月異,我逃不了被淘汰的命運。

天黑了,我又這樣無無聊聊地過了一天。我記得的,大慨就是這樣。




楊學德的動畫創作:《勁驚》


無言的結局 – 林淑容 羅時豐作曲:劉明瑞
填詞:卡斯

曾經是對你說過這是個無言的結局
就讓那回憶淡淡而去
你曾經說過如果有一天我將會離開你
臉上已沒有淚滴

但我要如何如何能停止再次想你
我怎麼能夠怎麼能夠埋葬一切回憶
啊!讓我再看看你,讓我再說愛你
別將你背影離去
ˉˉˉˉˉˉˉˉ分手時候說分手
請不要說難忘記
就讓那回憶淡淡的隨風去
也許我會忘記ˉˉˉˉˉˉˉˉˉˉ也許我更想你ˉˉˉˉˉˉˉˉˉ也許已沒有也許ˉˉˉ

49 則留言:

  1. 臭襪、舊底褲…仝人留言2011年1月3日 星期一 上午9:57:00 [GMT+8]

    二少爺:

    你好偏心啫,我哋成班埋葬响堆填區你又唔回憶,凈係回憶架爛鬼唱機。

    回覆刪除
  2. 臭襪、舊底褲

    唔好嬲
    我將會陸續回憶你哋

    但係阿舊底褲
    我們之間的回憶都係唔公開好啲噃

    回覆刪除
  3. 舊底褲,等我代你出頭!

    當年有屋企人响度,二少爺就會要我播毆陸電影,但係到得返佢一個,就要我播來自東瀛嘅錄影帶,片入面打咗好多格仔又無乜對白,啲日本妹凈係識得V哇鬼叫,猛嗌『吔咩嗲!』

    之後,出咗vcd,dvd,仲有高清,遲啲仲有𠹺3D,我神早就被迫退咗休,因為二少爺唔想我爆佢啲嘢出嚟!

    回覆刪除
  4. 卡臣:

    好似黑膠碟的音質,好過CD!而CD就好過MP3的!

    回覆刪除
  5. 卡臣:

    你比你的回答:「唔好嬲
    我將會陸續回憶你哋」,笑到肚痛!

    回覆刪除
  6. 卡臣:

    你呢度變佐鴨寮街呀!嘻嘻!

    回覆刪除
  7. 錄影機

    好囉喎你!
    我播杜魯福,小津,伊力盧馬嗰陣
    你話悶,一千個唔願意
    我死求你先肯播

    倒返轉
    你成日求我播:小澤源等日本魔女
    我話唔好,一千個唔願意
    你死求我,我先肯放隻碟入去

    惡人先告狀
    好彩我一早賣你俾收買佬

    +++


    佛爺

    黑膠的「嘈雜音」有感情啊

    回覆刪除
  8. 唉呀!你冇播過王菲呀?有啲可惜喎!

    回覆刪除
  9. coffee

    我無播過王菲呀
    聽聞佢一出碟已經係鐳射碟片

    好遺憾呀
    妳快來鴨寮街找我
    等我播吓王菲啦

    回覆刪除
  10. 哈哈,我爸爸仲有好多黑膠碟,而家無唱機,啲碟又唔捨得丟!
    我最記得有次開住隻碟,之後去廁所開大,點知隻碟跳線,不斷唱住同一句!
    租碟我都有,錄落卡式帶,有時仲會抄埋歌詞,好忙嫁!

    回覆刪除
  11. Mac

    講起跳線
    真係好鬼驚,特別係夜晚一人在家

    歌詞...我就影印多
    不過有時啲唱片design,影完唔清楚
    就要用電腦打
    (80年代學校有電腦室)

    回覆刪除
  12. 卡臣,本來你對錄影機嘅反駁都有九成真,但係臨尾一句『我先肯放隻碟入去 』,就令人知道邊個講真,變個講大話,因為你無理由會放隻碟入錄影機㗎嘛!

    回覆刪除
  13. 歪歪

    哎呀
    露出破綻呀!!

    你果然好嘢
    有偵探頭腦

    回覆刪除
  14. 小島、達明一派、Radias、太極、Beyond、浮世繪、Fundamental
    >>>>仲有凡風, 我鐘意既區新明 !!

    Glenn Frey的《The One you love》
    >>>同期鬥上榜首既係reality !!!!

    回覆刪除
  15. 篤篤

    講起凡風
    我的至愛是:「看熟睡的妳」和「手心曾有妳的指紋」

    除了reality, 還有your eyes
    都好有殺傷力

    回覆刪除
  16. 「看熟睡的妳」和「手心曾有妳的指紋」
    >>>> GIVE ME 5 !!!!

    "細肥, 乜你冇聽過秋雨咩 ?"

    回覆刪除
  17. 呵呵,黑膠碟,這是我們的集體回憶!

    回覆刪除
  18. 篤篤

    GIVE YOU TEN!!

    秋天,落雨嘅秋天
    分手?佢地分手快半年
    根本好難想像呢啲嘢會發生係阿肥身上

    我都而家都識背

    +++

    校長

    其實黑膠的包裝好靚
    歌詞集又大本啲

    回覆刪除
  19. 阿卡臣,
    点解望黎望去,都揾唔到你讲个架旧唱机架?重以为你会摆系一个角落头,等我地系你张相个到周围甘揾添!乜真系俾左个收买佬架?而架di旧唱机同埋黑胶碟好值钱个窝!人地揾都想揾番黎收藏架,听讲重可以搅唱片架!

    回覆刪除
  20. helloninie

    部唱機不在相中
    身在鴨寮街(一條收賣佬賣舊嘢的市集)

    唱機現在都有人玩
    不過不分之名貴
    我們香港叫:「音響發燒友」

    回覆刪除
  21. 很經典的一首歌~

    家裏也有一個麈封了的黑膠 turntable
    播出來的歌特別有質感

    回覆刪除
  22. 好長嘅一篇,趕緊工,擇日再睇。。。。

    回覆刪除
  23. 嘩,原來除咗 SKII & 單無雙之外,呢度都有人精神分裂呀!

    我的黑膠碟,終於在數年前搬屋棄掉,諗返起都重有啲唔捨得!

    回覆刪除
  24. 卡臣,你真系班鼐写,尼个回忆很有味道。。。
    无奈的味道!

    时代的巨轮从不停下,回忆也不会停下。。。

    尼的就系人生囖!

    回覆刪除
  25. largeheadboy

    那時候
    還有防靜電水和掃

    +++

    naruto

    你趕工都嚟留個言表示支持?
    咁俾面
    多謝哂~~

    +++

    SKII

    我真係精神分裂
    一時麻甩一時扮感性

    我好多嘢掉了才後悔
    (女朋友除外)

    +++

    cindy

    這一分鐘就變成下一分鐘的回憶
    時間不等人啊

    回覆刪除
  26. haha~~卡臣大哥你錯了
    dvd同blueray係睇video,唔係播歌ga~!

    回覆刪除
  27. 應該去買番部放係屋企,等機會要黎炒賣

    回覆刪除
  28. l.minor

    應該去買番部放係屋企,等機會
    再同女仔講:「不如上我屋企聽唱片吖?」

    回覆刪除
  29. 卡臣:

    「好囉喎你!
    我播杜魯福,小津,伊力盧馬嗰陣
    你話悶,一千個唔願意
    我死求你先肯播
    ..........
    惡人先告狀
    好彩我一早賣你俾收買佬」

    呢一段答得好絕,錄影機真係要啞佐!

    回覆刪除
  30. 佛爺

    我諗錄影機唔得閒先唔覆啫

    點解而家超市仲有VHS錄影帶賣?
    邊個會買呢?

    回覆刪除
  31. 卡臣:

    「點解而家超市仲有VHS錄影帶賣?邊個會買呢?」

    我諗應該係考古學家會去買,試一下D碳十四測試遠古年代既遺物準唔準囉!嘻嘻!

    回覆刪除
  32. 佛爺,卡臣狡辯你仲讚佢,你梗係睇漏咗我篤爆佢鬼拍後尾枕。

    卡臣,你今年回憶咗兩篇,幾時輪到阿強呀?

    回覆刪除
  33. 我哋要舊底褲嘅回憶!
    舊底褲都要!

    回覆刪除
  34. 我哋要舊底褲嘅回憶!
    舊底褲都要!

    回覆刪除
  35. 歪歪

    再讚你一次觀察力高囉

    阿強嘛
    係喎, 佢都要同大家拜年
    下周吖!

    +++

    卡臣粉絲

    舊底褲嘅回憶...等我搵日回憶吓先
    舊底褲都要!<--吓?乜你咁戀物?唔好意思嘅

    回覆刪除
  36. 阿強FANS

    首先多謝你
    我唔知道自己有粉絲

    我的舊底褲嘛....要嚟把鬼咩!
    驅魔僻邪呀?

    回覆刪除
  37. 卡臣、阿強:

    你哋依家先知啲舊底褲咁值錢,咁多人爭。

    回覆刪除
  38. 歪歪

    我只知道日本初中生著過的舊底褲值錢咋

    回覆刪除
  39. 你係講女學生啫,男嘅你兩個霸哂個市場喇!

    回覆刪除
  40. 歪歪

    係咪先?
    咁我同阿強多條出路啦
    一個唔覺意
    開個年宵攤位添呀
    到時你要捧場呀

    回覆刪除
  41. 什么?旧底裤的回忆???

    等着你写,卡臣!好期待!

    O(∩_∩)O哈哈~

    回覆刪除
  42. cindy

    底褲回憶錄?
    good idea呀
    動筆先

    ++++

    naruto

    天下間咁多二少
    我只是其中一個啫

    回覆刪除
  43. 萬分期待你嘅『底褲回憶錄』!

    回覆刪除
  44. 歪歪

    我都萬分期待你嘅新作喎,動筆啦

    回覆刪除
  45. 你咪叉開話題喎,動筆啦!

    回覆刪除

LinkWithin

Blog Widget by LinkWithin