~~~~~~~~~~~~~~~~







2010年7月19日 星期一

長街故事

長街故事

21歲嘉慧和17歲國豪是兩姊弟,住在旺角一幢唐樓的500尺單位。父母在旺角街市當菜販。半年前,父母清晨六時,在長沙灣菜市場攞貨後,駕駛貨van回旺角街市途中,被一部20尺貨櫃車撞到車毀人亡。貨櫃車的醉駕司機被捕,獲判入獄三年。父母於同年同月同日逝世。留下兩姊弟相依為命。獲某日報撥出五萬元慈善基金,作兩人殮葬之費用。

不幸中的大幸是他們住的舊樓,父母已於幾年前供滿,姊弟兩人總算有一個棲身之所,不至留落街頭。有親戚給他們一些現金救濟,嘉慧知道「長貧難顧」,父母生前亦教導子女要自力更生。讀緊大學二年級的嘉慧,毅然停學,決定擔起一頭家,賺取生活費和供國豪完成中五課程。如果遲啲經濟許可,嘉慧才考慮繼續完成大學課程。

另一個開源的方法,就是嘉慧盡快嫁給一名富裕的中產人士,舒緩經濟重擔,無奈嘉慧不認識有錢人,這條路行唔通。樣貌平庸的嘉慧亦沒有男朋友,她想把所有時間放在工作上,賺錢養家。她除了日間在電訊公司當sales admin之外,下班都會找些part-time job做:餐廳待應、市場調查員、時裝店sales。

弟弟國豪知道家姐辛苦、生活逼人,他亦懂節衣縮食,不會作無謂的消費。國豪課餘也有做賺職:便利店收銀員、派傳單、特約Fans,賺取一點零用錢,交電費雜項,想盡量減輕家姐的負擔。

鏡頭一轉,一名女藝人Jodie坐在經理人公司,一班人正在會議室內開會。他們正討論一個議題:「如何令Jodie有返多啲傳媒報導?」因為歌星Jodie出完兩張大碟後,人氣便無以為繼,大家度計如何令Jodie可以出現在娛樂版?

最後,眾人想出一條計:俾錢找個「臨記」,扮演Jodie的痴心粉絲,扮成「三文冶人」,胸前背後掛上兩塊3尺乘4尺的大紙板,紙板上寫「我愛Jodie!我要娶Jodie!」等肉麻字句。叫他於星期日下午五時,站在旺角行人專用區,高呼:「我愛Jodie!」。然後搵同事拍低成短片,上載到Youtube,一定可以引起觀眾注意和傳媒的報導。

臨記公司收到order,酬金一千元,睇吓邊個肯接這job。國豪知道有這offer後,立即認頭,因為下周三是家姐生日,國豪希望賺到這一千元後,好好替家姐慶祝一番,起碼吃餐好啲啲。

一番討價還價後,國豪甘願降價至700元取到這job,其餘300元當然落入了臨記阿頭嗰袋度。臨記公司把紙板交給國豪,叫他星期日下午五時準時到達旺角行人專用區,嗌20分鐘就可以收工。Jodie的助手會在五時抵達現場,拍下當時情景便upload上Youtube。完事後,臨記公司會在星期一過戶700元到國豪的銀行戶口。

* * * * * *

到了星期日下午五時,國豪到達了旺角行人專用區。對一般人來說,這個job需要極大的勇氣。但對於捱窮的國豪來說,他腦中只有「搵食」兩個字,一早衝破心理關口。想起家姐胼手胝足地工作,他心口便出現有一個「勇」字,毅然背上兩塊大紙牌。手錶正是5:01分,好!正式開工。

國豪嗌了一分鐘,已經引來一大班途人圍觀,有外國旅客有自由行,指指點點。有途人攞出手機拍攝,達到預期效果。國豪心中只有那700大元,橫眉冷看千夫指。

國豪大嗌:「我最鐘意聽Jodie嘅歌!我最鐘意睇Jod…..突然啪一聲,國豪被一名女子摑了一巴掌。國豪嚇呆了。定目一看,原來行兇者,竟然就是碰巧在旺角行人專用區當兼職市場調查員的嘉慧家姐!途人見有戲睇,立即圍圈注望。

嘉慧怒氣沖沖,用眼神說:「你有無搞錯!家姐咁辛苦去搵錢,你竟然咁唔長進,喺度迷偶像?好羞家呀你!」
嘉慧忍唔住流出眼淚,掩面轉身就跑,突破人圈,朝通菜街方向跑去。國豪傷了唯一的親人,立即放下工作,衝破人群,追返家姐解釋。途人見男女主角已走,無戲好睇,便掃興地散去。

國豪跑到通菜街,由於身上那兩塊大紙板阻手阻腳,國豪除低紙板,棄於街中,邊走邊嗌:「家姐!家姐……」

國豪終於在花園街追回家姐,解釋為了700元而接此job,無非都是想替家姐慶祝生日。家姐知道自己錯怪國豪後,立即叫他回去完成工作。國豪回到剛才棄紙板的位置,發覺紙板已經不見了,應該是被街邊阿嬸執了去當廢紙賣。家姐安慰他:「算啦,你咁生性,我好開心,已經係最好嘅生日禮物。」國豪未能完成工作,見財化水,唯有失望地離開旺角,嘉慧則返回崗位,繼續做她的街頭市場調查員。

* * * * * *

第二天是星期一,國豪放學提款時,發現銀行戶口竟然多了700元,「吓?乜阿頭咁好人,單job無做,都照過錢俾我?」

原來昨天國豪在通菜街掉下紙板之後,碰巧有一名精神有問題而又是Jodie的痴心粉絲路經,傻佬拾起紙板,套在自己身上,行去旺角行人區中央,高呼我愛Jodie!那時候是5時12分。而Jodie的助手,因睡過頭遲到,乘Taxi趕去旺角行人專用區,落車時剛好是5時17分,助手見到該名傻佬,正瘋狂大叫Jodie!助手立即用攝錄機拍低,助手心裡舒一口氣,總算趕得切、交到差俾老細。

那名傻佬的忘情演出,歇斯底里地狂嗌Jodie!助手於5時30分call臨記阿頭:「Good job!我好滿意呢位臨記,你記得過足錢俾佢。」當晚事件獲到廣泛報導,經理人很滿意今次的曲線promotion。

* * * * * *

星期三是嘉慧生日,嘉慧和國豪去了深水埗一間平民火鍋店吃120元任食,由國豪請客。兩人吃得很開心,兩個人在餐枱上擺了四個位。嘉慧和國豪的父母,在遠處凝望這對仔女,感到很安慰。




夏韶聲的《長街故事》。這個MTV遠赴三藩市拍攝,講一個黑邦愛情故事。充滿80年代的江湖電影味道MTV。如果你心情唔好,睇完應該會開心返啲。我誠意向大家推薦。




長街故事 - 夏韶聲

長街兩頭 孤身只影
只歎 誰能不再過問世事
若這心 要再天真 讓酒今天應更烈
帶醉的心不再灰暗

無需戰場 不披戰衣
今晚 長街裏戰事醞釀
若這刻 已覺驚慌
若心不可以冷靜 再會了於起點再相間

長街裏 血未乾
沒有知己卻有過百個敵人
尋一吻 老地方
在我一生之中幾許愛別人
塵埃之中 漆黑的街 將身軀擁抱我
冷冷的心 今相信愛 原來是岸
忘記過去 帶著熱淚
今天相信 盡處是蓬萊
你令我的一生 再閃照

長街兩頭 點點曙光
輕歎 情能改變每段故事
伴這生 每寸傷口
但心終找到信念 帶著愛的心總帶點笑

長街裏 血未乾
沒有知己卻有過百個敵人
尋一吻 老地方
在我一生之中幾許愛別人
塵埃之中 漆黑的街 將身軀擁抱我
冷冷的心 更相信愛 原來是岸

忘記過去 帶著熱淚
今天相信盡處是蓬萊
你令我的一生 再閃照
你令我的一生 永閃照

Forever Forever
Forever shinning in my life

26 則留言:

  1. 若果助手沒有遲到,拍了嘉慧摑國豪一巴,仲煽情啊!

    可以為短片做個標題:「窮小子不知姊苦,為Jodie忘魂!」

    Jodie,中文名是否譯作「早死」?嘻嘻!

    回覆刪除
  2. 佛爺

    係喎
    助手拍低嗰一巴掌
    「窮小子窮到無飯開,都要瞓身支持Jodie!」
    可以供報紙炒作吓

    早死?
    哈哈
    我作果陣無諗到喎
    你好嘢

    回覆刪除
  3. naruto

    長街的一角?
    憶蓮
    good idea喎!
    等我呢班健身哥兒們
    一齊唱先

    回覆刪除
  4. coffee

    如果她們的父母仍在生
    又可能無咁親愛

    回覆刪除
  5. yep i like the ending too, its a heartwarming one. really appreciate your creativity, can come up with so many good stories. keep it up.

    回覆刪除
  6. Mz

    多謝鼓勵先

    打後幾個故事都係咁「霎時感動」架

    回覆刪除
  7. 慶幸兩姐弟响咁不幸嘅經歷之後,能夠互相扶持,自強不息。睇到結尾幾句都眼濕濕𠻹。期待你將會陸續帶俾我哋嘅「霎時感動」!

    回覆刪除
  8. 歪歪

    係呀
    好彩佢哋無在傷痛後諗埋一邊
    索K 酣酒入黑社會
    互相扶持

    我原本寫最後:
    鏡頭隨火鍋中的白煙,緩緩上升
    升到半空
    見到她們的父母
    在星空下
    遙遙望著這對子女
    沒有遺憾之餘
    感到安慰

    回覆刪除
  9. 卡臣近排d故事既結局,都係好結局, 今晚又可以做好夢啦~~~

    回覆刪除
  10. Kateyip

    咁妳放心好啦
    打後幾篇一直happy ending
    睇完好睡

    回覆刪除
  11. 你有冇諗過將你啲故事集結成卡臣故事集?

    回覆刪除
  12. coffee

    卡臣故事集?

    我有想過
    但係無出版商想吖

    無計囉~

    回覆刪除
  13. 哈~~ 我都問過, 會唔會响書局揾到卡臣出既書.
    可以自資架 ! 我識人都係咁做. 當然要計清楚條數啦~
    不過, 如果出,我買左要卡臣簽名 !

    回覆刪除
  14. kateyip

    我出書
    驚無人吼
    當廢紙斷斤賣
    陰公~

    妳要書上簽名
    無問題
    樂意之至
    我開出這張未能兌現的支應

    回覆刪除
  15. 你嘅新結局比你原本嘅更好,因為對中國人嚟講兩雙筷子嘅象徵意義更鮮明。抵讚!

    回覆刪除
  16. 歪歪

    兩人四雙筷
    真係幾畫面悽涼

    多謝讚賞

    回覆刪除
  17. 我以為, 有人拍到感人故事後可以改變兩姊弟生活 !

    回覆刪除
  18. li ku sa

    社會福利處見佢地有手有腳又年輕
    叫佢地自力更生

    回覆刪除

LinkWithin

Blog Widget by LinkWithin