~~~~~~~~~~~~~~~~







2010年6月12日 星期六

蒙娜 麗莎

蒙娜 麗莎

溫馨提示:如果 閣下未睇過上集《夢羅 麗莎》,請按此重溫。

* * * * * *

Mona在那間美資公司升做市場經理,快兩個月了。她應付日常工作,感到吃力。
「真金不怕紅爐火」,但「鍍金」一燒就熔。總公司的亞太區經理(洋人)突然飛到香港開會,可惜Lisa撞期去了洛杉磯旅行,Mona想找Lisa幫手頂替也不能。Mona在這美國人面前口震震,露出馬腳,上司Wilson看得一清二楚,心裡有數。

第二天,Wilson叫Mona入房傾偈,20分鐘後,Mona願意自動辭職,唔好劃花自己個record。如是者,Mona便由經理之職打回原形,更加入香港失業大軍之行例。

* * * * *

一個月後,Mona成功找到一份工作,是保險公司的營業員,負責推銷的產品是「勞工意外及醫療保險」,主要推銷對象是各大公司的人事部經理。三個月後,她成功通過公司的試用期,又考到保險經紀牌照,Mona便開始她的保險推銷員生涯。

由於底薪微薄,靠佣金為生,Mona努力cold call、見客和sell客,忘記自己以前曾經坐過兩個月經理房,馬死落地行。但她推銷技巧普普通通,營業額成績也僅屬一般而已。

這天早上,Mona在辦公室cold call各大公司,求見人事部經理,推銷她的「最優惠最全面的勞保計劃」。Mona終於成功約見到某間美資公司的人事部經理。
Mona誠懇地:「李先生,咁我聽日下午3點上到你公司,到時見吖!拜拜。」

第二天下午2時50分,Mona準時抵達李先生位於銅鑼灣的辦公室見面。Mona手中拿著電腦notebook,坐在接待處,等待人事部經理李先生接見。那間公司佔大廈全層樓,望到廣闊維港海景。

李先生的秘書:「張小姐,麻煩呢一面吖。」
Mona隨秘書,行到「Human Resources Manager」的房間。敲門後,秘書打開大門,見到坐在辦公桌的李經理,正正就是Anthony。

「吓!有無眼花呀?!只係事隔半年,Anthony已經爬到人事部經理個位!」Mona估唔到電話中的李先生,竟然就是舊同事Anthony Lee。

Mona在這裡遇到Anthony,有機會傾成單生意,立即相認。但Anthony對Mona可能心存芥蒂,放不下心理包袱,竟然扮唔識呢位舊女上司。

Mona遞上咭片給Anthony後,Anthony說:「Sorry,我啲咭片啱啱派哂,遲啲補返俾妳。」
Mona心諗:「唔派咭片俾我?當我係cold call sales啲二打六,擺明想落我面。」

Anthony聽完Mona用電腦的powerpoint presentation後,Anthony答應會認真考慮,但語氣裡知道他正在敷衍自己,唉~以前自己點對人,今日人點對自己,報應呀!Mona對這單生意打了輸數,失望地離開。

* * * * * *

過了三天,李經理打電話給Mona,要求Mona後天再到公司做一個英語presentation給公司的美藉老細聽。
Mona心中大驚,問:「呢啲勞工保險,李先生一個人都可以決定啦。」
李經理:「無錯,但係總公司啱啱由美國調咗呢個新CEO嚟香港,新官上任,乜都想了解吓囉。」
Mona知道Anthony別有用心,想Mona的巴結英語,再一次出醜。Mona收線後,十分惆悵:想傾成單生意,又無信心對外藉老板講英文。

Mona想了一陣,打了一個電話給在香港的孖生妹妹:「喂,Lisa呀,後日幫我做一個英文presentation,妳收幾多錢?」
Lisa:「公價3,000元,仲要賞金先惠,我先肯做。」
Mona計過呢單生意如果做得成,有6,000元佣金,分一半俾Lisa之後,自己都有三千袋,除笨有精,Mona:「好!一言為定」。

* * * * * *

兩天後,在會議室內,Mona對著美藉CEO,將勞工保險計劃詳細闡述。美藉CEO十分滿意,決定採用Mona的保險服務。在旁的李經理,點頭微笑。
美藉CEO對李經理說:「Hopkins,should we increase the limit?」
Mona嚇了一跳:「吓?佢唔係Anthony?定後佢改咗個英文名呢?」
會議後,Mona問李經理取咭片,李經理遞上咭片。Hopkins的中文名跟Anthony的不同,雖然大家都姓李。

原來Anthony有一位孖生弟弟,兩人樣貌身材聲線長得一模一樣。當他母親懷孕期間,進行超聲波檢查時,醫生告訴她是一對男孖胎後,媽媽決定哥哥叫Anthony、弟弟叫Hopkins。因為媽媽的偶像,正是金象影帝Anthony Hopkins。

弟弟Hopkins學業成績好,又一世好運,畢業後扶搖直上,六年間升到人事部經理,反觀哥哥Anthony在學業和工作上,都無細佬咁醒目,仲輸埋無乜事業運。六年來工作上載浮載沉。

三天前,Hopkins的公司需要拍攝一條公司宣傳短片,要各部門主管對鏡頭讀稿。Hopkins做乜都醒,唯獨患上「鏡頭恐懼症」。為了不想失威,Hopkins叫哥哥Anthony頂包扮自己去拍攝短片。讀書時已有演話劇經驗的Anthony,簡直係「easy job」。順利完成拍攝工作。

Anthony頂包那天,Hopkins交帶說:下午3時約咗個cold call保險女經紀,叫Anthony扮嘢聽完之後就打發她走。結果Anthony在這裡遇上舊上司Mona。因為Anthony當時以Hopkins身份見客,不能跟Mona相認,也不派咭片。

Anthony念舊情(因他不知自己被炒的真兇是Mona),他回家後叫Hopkins睇睇Mona份計劃書,Hopkins見哥哥幫過自己,便認真看看Mona的計劃書。發現價錢優惠服務全面。連新到的美藉CEO也有興趣轉保險公司,逐約見Mona。

Mona原本打算叫妹妹Lisa頂包,但Mona覺得不可以一世都靠人解決自己的問題。另一個原因,就是Mona把戶口中的3,000元提出,便所剩無幾。最後Mona決定要靠自己,用英文將Presentation翻覆練習。最後由Mona親身上陣,成功靠自己的能力,做成這單生意。

* * * * * *

Mona回到自己辦公室後,發email給Anthony,想約他出來吃飯聚舊。半年前, Mona拒絕樣貌OK的Anthony,因為她心虛驚Anthony可能會揭穿Lisa頂包一事,所以Mona想盡快剷除他。如今大家都離開該公司,不如做個朋友見面吃頓飯,(Mona撥火辭退Anthony,內心有點內疚)。

結果Anthony用email回霞:「我現身在北京工作,長駐這裡已有三個月多,間中會回港,到時再約妳吧!」其實Anthony四個月前已經找到新工作,一直在葵芳區工作。他這樣回覆希望可以為自己製造不在港証據,免得Hopkins頂包一事露出破綻。加上兩個月前,Anthony已結識了新女友,因為避嫌而推卻了Mona的善意邀請。

半年前,Mona拒絕過Anthony,半年後,Anthony又拒絕返Mona,算是一比一打成平手。但Mona今次終於學會了「依靠自己」,算是比Anthony賺多了許多。




Anthony和Mona始終都是無緣,反而對大家都好。男的只好午夜夢迴,回味一吓那年那天那個黃昏的那一吻。




我懷念的 - 孫燕姿
作曲:李偲菘
作詞:姚若龍

我問為什麼 那女孩傳簡訊給我
而你為什麼 不解釋低著頭沉默
我該相信你很愛我 不願意敷衍我
還是明白 你已不想挽回什麼

想問為什麼 我不再是你的快樂
可是為什麼 卻苦笑說我都懂了
自尊常常將人拖著 把愛都走曲折
假裝要解釋 怕真相太赤裸裸
但被逼 失去難受

我懷念的 是無話不說
我懷念的 是一起作夢
我懷念的 是爭吵以後
還是想要愛你的衝動
我記得那年生日 也記得那一首歌
記得那片星空 最緊的右手 最暖的胸口
誰記得 誰忘了

我懷念的 是無言感動
我懷念的 是絕對炙熱
我懷念的 是你很激動
求我原諒 抱得我都痛
我記得你在背後 也記得我顫抖著
記得感覺洶湧 最美的煙火 最誠的相擁
誰愛得太自由 睡過頭太遠了
誰要偷我的心 誰忘了 那就是承諾
誰自顧自的走 誰忘了看著我
誰讓愛變沉重 誰忘了要給你溫柔

ho~~wo~~wo~~
我懷念的...

我還有想要愛你的衝動
我記得那年生日 也記得那一首歌
記得那片星空 最緊的右手 最暖的胸口
我放手 我讓走 較灑脫
誰懂我多麼不捨得
太愛了 所以我 沒有哭 沒有輸

19 則留言:

  1. 卡臣:

    Anthony當日被Mona咀到失魂,佢唔知係佢個妹Lisa做既,只係對Mona痴痴呆呆!

    隔幾個月,佢乜鬼都唔記得囉!

    所以,男人,淨係咀,係唔夠既!嘻嘻!

    回覆刪除
  2. 呵呵呵,Anthony Hopkins,好

    幾驚係anthony lun(倫X亮),成個故仔即刻爛哂

    回覆刪除
  3. 佛爺

    "男人,淨係咀,係唔夠既!"
    應該握埋手至夠

    +++

    naruto

    anthony lun?

    歌詞...將音樂喚醒...

    回覆刪除
  4. 乜呢個世界真係咁細?唔通真係不是冤家不聚頭?

    回覆刪除
  5. 睇完呢篇之後,我仍然懷念Lisa的一咀...

    Anthony上

    回覆刪除
  6. 歪歪

    呢個世界咁細
    因為...支筆在我手上
    我鐘意點寫都得..
    嘻嘻

    +++


    I.minor

    Dear Anthony

    我不會再出現了
    請你忘記我

    love
    Lisa

    回覆刪除
  7. 真係點寫都得!我一路睇有諗到一啲情節,但就無諗到有個孖生兄弟,哈哈!

    回覆刪除
  8. coffee

    係呀
    孖生兄弟遇上孖生姊妹
    真的在小說才發生

    回覆刪除
  9. 現實中好像有孖姐妹嫁孖兄弟呢!
    機會率萬中無一,
    世事很難說。

    回覆刪除
  10. 卡臣:

    「應該握埋手至夠」
    答得抵死!

    回覆刪除
  11. 「睇完呢篇之後,我仍然懷念Lisa的一咀...

    Anthony上」 

    「Dear Anthony

    我不會再出現了
    請你忘記我

    love
    Lisa」

    笑到我肚痛!

    回覆刪除
  12. 巴黎

    咁又係嘅
    正所謂:「咁啱得咁橋,飛機都撞紙鳶」

    +++

    naruto

    都話你叻架啦
    一早估中哂
    仲穿埋我條橋

    ++++

    佛爺

    講抵死幽默
    大家都咁上下啦

    回覆刪除
  13. 原來係下集, 咁都撞得番, 佢地4個人仲有冇機會發展呢?

    回覆刪除
  14. folium

    Mona跟anthony,
    Lisa跟Hopkins
    發展成情侶

    四人一齊搞婚禮
    兄弟話不如對調身份
    點知姊妹都對調身份
    結果都係無變到

    回覆刪除
  15. 孖妹對孖仔...完美結局,可惜世界邊有咁完美,都係自己搞好生計下下靠人吾多掂。

    下集無上集咁好,不過無下集又邊覺得上集好呢!女人都係鐘意比較。

    回覆刪除
  16. 聶聶

    「下集無上集咁好」
    hollywood 電影都係咁
    續集無第一集咁好睇
    e.g. Jaws2 / Ocean 11 / Rocky 2

    除了Aliens / Godfather II
    第二集好睇過首集

    回覆刪除
  17. 好睇, 上下集都好睇 !!!
    追埋其他先~~~

    回覆刪除

LinkWithin

Blog Widget by LinkWithin