~~~~~~~~~~~~~~~~







2010年6月25日 星期五

暴風一族之失意的孩子

暴風一族之失意的孩子

粉嶺某一間band 5 中文中學,中四丁班的六名15、16歲中學生,他們住在同一屋邨內。結成童黨,到處撩是鬥非、欺凌弱小。

他們平日愛索K劈酒溝女撻嘢打交打機,因為他們的精力太過旺盛,他們最新的玩意是:「破壞公物」。一群迷失少年,從破壞裡發洩出心中的憤怒,表達對社會的不滿仇恨。

他們六個人坐在屋邨足球場的看台上,正在開會,討論今次搞什麼破壞?有人提議有人和議。有了定案之後,他們選在深夜二時左右下手,以盡快時間破壞,以盡快時間逃走,警方從未擒獲過他們。第二朝新聞報導他們的破壞傑作,他們便會沾沾自喜。他們的行動快速、威力又大,所以六人給這種破壞行為一個代號:「暴風行動」。

* * * * * *

上星期三晚上,他們又完成一次暴風行動。其中一名黨員提議到屋邨停車場,用螺絲批把十二部汽車的車身刮花。因為停車場有閉路電視的關係,六人帶上「Keroro軍曹」的面具,盡情發洩,刮起的「吱吱聲」,此起彼落。停車場管理員發覺前,六人已經鳥獸四散。

汽車遭集會破壞,加上之前已經發生過「十間店舖的廚窗玻璃遭打碎」、「停泊在屋邨的十九部單車遭縱火燒毀」、「二十度屋邨鐵閘鎖匙孔遭超能膠封塞」、「商場十五部閉路電視鏡頭遭擊碎」。粉嶺區的警方已經密切關注這幾宗連環刑事破壞案件,作出深入調查。

* * * * * *

今晚又是暴風行動的時間,其中一名黨員建議到和合石墳場,破壞先人墓碑。六人從建築地盤偷來鐵鎚,深夜三時潛入和合石墳場,揮鎚就打。砰砰嘭嘭!幾十個墓碑被打崩打裂。一輪瘋狂發洩之後,六分鐘後,立即散水。

怎料六人逃走時,在墳場出口,遭埋伏的警員拘捕。原來他們潛入時已驚動管理員,暗中報警。將六人一網打盡。

* * * * * *

六人留在警署拘留所,等待父母來保釋。有人承認了刑事破壞的責任,表示因為對人生、建制、政府不滿,從破壞中才可肯定自己的存在。

第二朝報紙廣泛報導:「憤怒90後,在粉嶺敲起喪鐘」大家關注這班「城市計時炸彈」,社工、大學教授、時事評論員、青年關注團體、風水學家,對這班偏激憤青,紛紛發表意見。一大堆標題:「香港絕望下一代」、「破壞中肯定自我」、「新界北踏入火運,噩夢連場」、「90後 摧毀社會」…

經警方深入調查,終於揭開事實真相。

原來這六人都有共通點:他們的父親都是在粉嶺區搞小本生意。這六名太子爺的父親,從事「維修車房」、「單車零售」、「廚窗玻璃安裝」、「鐵閘裝鎖」、「防盜閉路電視工程」和「墓碑石雕」。

六童黨知道經濟日差,父親生意一落千丈。所以跟童黨們去搞破壞發洩。表面上眾人口中大嗌:「從破壞中發洩心中對社會的怒火!」實則各懷鬼胎,借助其餘五人之力,大搞破壞,從破壞公物中因而帶挈老豆有生意。

雖然每次破壞,他們的老豆都未必能攞哂所有生意,但總有一兩單生意會游向老豆的舖頭,聊勝於無。

原來一班憤怒青年,他們看似漫無目的破壞的背後,包含血濃於水的親情。博得部份社會人士的同情。無奈搞破壞就是犯了法,一定要受到法律制裁。希望法官會從輕發落,引導他們步回正軌啦。




講起迷失的一代,怎能不提達明一派的《今夜星光燦爛》呢?廣東道荷東的士高的舞伴們 ,在 video wall 前起舞吧!



今夜星光燦爛 - 達明一派
作曲:劉以達
作詞:陳少琪 

霓虹亮透晚上 把城內也照亮
猶豫在馬路上 只求在這午夜 
找一個新方向

皇后像公園裡 光芒密佈結聚
遙遙望向對岸 海傍無點燈光 
多淒美的境況
唯願到處去看 這黑夜 願去闖蕩

隨著路燈牽引 她朝著我靠近
名字沒有去問 只求共我放任 星光裡飛車去
祈望我倆佔有這黑夜 踏上這架快車

燈光裡飛馳 失意的孩子
請看一眼這個光輝都市
再奔馳 心裡猜疑
恐怕這個璀璨都市 光輝到此

紅黃綠燈驅散 心靈盡處界限
無懼夜風冰冷 車從沒有變慢 多荒旦的今晚
城內到處去逛 這黑夜 沒有終站

沉悶極這一晚 星塵劃破暗淡
華麗夜市燦爛 晶瑩亮透熾熱的雙眼 驅不散
祈望我倆撲向 這光亮
墮進這晚臂彎

21 則留言:

  1. 好感人呀,睇到最後竟然講親情喎;

    如果屋企賣底褲,咁呢篇會香艷D

    回覆刪除
  2. naruto

    好主意喎
    屋邨仔集體偷女性底褲
    再放上網bid
    益老竇有生意自己又有錢賺

    回覆刪除
  3. 卡臣:

    naruto被我「淫化」咗喇!不過佢青出於藍,我都無諗過底褲!嘻嘻!

    回覆刪除
  4. 佛爺

    你係無諗過偷底褲
    不過,你諗過採花賊,風化案之麻

    嘿嘿!

    回覆刪除
  5. 呢篇係你舊作做吓好心嘅相反,乜事隔兩年半,社會風氣變咗咁多!

    我睇完Naruto嘅留言,都笑咗出嚟!

    回覆刪除
  6. 呢班細佬咁識知人善用,真係社會未來嘅主人翁,可惜用錯咗方向...

    另外,原來個故事結尾係打溫情牌...

    另另外,我懷疑有個細佬個老豆係警察,因為長期破唔到案,被受壓力,所以用自己換番老豆嘅工作...

    回覆刪除
  7. I.minor


    "其中一個細佬個老竇做警察"?
    你好嘢喎!
    咁都俾你諗到
    早知我咁寫啦

    +++

    歪歪

    我只想說句:
    多 謝 你 !
    記得我的舊作

    係呀
    社會風氣暴戾了許多
    衝擊/圍堵/扔嘢/欺凌
    乜都有

    回覆刪除
  8. 我記得『做吓好心』因為呢篇係我第一次嚟你呢度而睇到嘅,所以特別記得,眨下眼原來已經有兩年半,真係唔講唔覺。

    我睇完I.minor嘅留言,又笑咗出嚟!

    回覆刪除
  9. 今夜旦光燦爛, 有N個REMIX, 我有"夜未央"版~~

    回覆刪除
  10. 佛爺:
    我見呢度越嚟越似淫blog,咪答下嘴囉

    回覆刪除
  11. 歪歪

    「做吓好心」是你第一次嚟我blog而看的呀
    嘩!真係好早期呀
    咁你隔咗好耐先第一次留言


    +++

    篤篤

    那張EP封面好靚
    一個大頭側面
    明哥留鬚根


    +++++

    naruto

    吓? 變淫blog?
    我會毀了它

    回覆刪除
  12. 零八年四月睇完你嗰篇「捉心理」講你「小巴空位」嘅經歷,笑到死,忍唔住咪奉獻咗我嘅第一次俾你囉!嗰時仲未識打中文,要用網上翻譯,搞好多轉先打到一句。

    回覆刪除
  13. 卡臣:

    我通常寫花採賊,好少寫採花賊,嘻嘻!

    回覆刪除
  14. naruto:

    卡臣好正經,你千奇唔好話佢淫。我就真係 .....

    回覆刪除
  15. 歪歪

    我記得你第一次留言用why呢個名
    原來你咁苦心用翻譯打中文

    及後你叻到打個「生日快樂」故事出嚟
    進步神速呀!

    總之就多謝你咁支持!

    +++

    naruto


    我無嬲
    不過沒有什麼是last forever
    呢句又係啱嘅


    +++++

    佛爺

    花採賊?
    你一係靚仔到爆
    一係長過馬x
    你都叻啦

    呢個係咪淫blog?
    大家明眼人, 心中有數
    一人做事一人當
    你唔使替我頂哂的罪
    我會去承受番

    回覆刪除
  16. 卡臣:

    我兩樣都無,所以係精神出路。嘻嘻!

    以前有班朋友,送pizza的,成日話夜晚送到上門時,被性感玉女撲上身。佢地講到好精彩,繪影繪聲,我都唔知係真定係假嘅!

    回覆刪除
  17. 阿卡 好熱鬧喎!
    我覺得呢個blog 愛情親情現實科幻感人攪笑創意五彩繽紛 兼而有之....

    又一個反映社會既故事,
    90後反叛之餘有親情。

    回覆刪除
  18. 佛爺

    我估假嘅居多
    否則我一早做咗通渠佬外賣佬啦!

    +++

    巴黎

    七彩繽紛的blog
    才能吸引到七彩繽紛的朋友s

    回覆刪除
  19. 『我記得你第一次留言用why呢個名』

    都算你有良心,仲記得我嘅第一次。

    『總之就多謝你咁支持!』

    多謝你帶嚟咁多娛樂/分享/見解…至啱!

    回覆刪除
  20. 歪歪

    爸打
    我寫你肯睇至得架!
    thank you!

    回覆刪除

LinkWithin

Blog Widget by LinkWithin