~~~~~~~~~~~~~~~~







2010年6月23日 星期三

求婚大作戰

求婚大作戰

Ronald決定要在一個最難忘、最浪漫的時刻,向女朋友Rosalina求婚,讓她一世難忘。

今年是雙春兼潤月,在Ronald的父母催婚之下,Ronald決定在年尾跟Rosalina拉埋天窗。Ronald打算在2月14日情人節當天,向女朋友求婚。

碰巧今年的渣打馬拉松舉行日期,也是在2月14日星期天。Rosalina是長跑運動健將,已經連續五年參加了這項長跑盛事,今年也不例外。

Ronald是一個怕做運動的人,連跑兩步都會喘哂氣。所以過去五年,Ronald只是做觀眾,在賽事終點等待女朋友,影吓相、打吓氣、遞吓水咁。

Ronald打算在馬拉松那天,買定一束鮮紅玫瑰花,帶了鑽石結婚戒指,站在賽事終點,等待Rosalina衝過終點一刻,Ronald便會跑上前,一手鮮花、一手鑽戒、一腳跪低,講聲「Marry me?」嘩!咁浪漫!仲唔冧死Rosalina?一定有旁觀者煽風點火,齊聲大嗌:「嫁俾佢~ 嫁俾佢~ 嫁俾佢~」Ronald想到這裡,不自覺地傻笑起來。

* * * * * 

眨眼又到了2月14日情人節當天早上。Ronald帶齊玫瑰花和鑽戒,在維園賽事終點,緊張地等待Rosalina的到臨。心中翻覆背誦著求婚的台詞。

Ronald終於離遠見到Rosalina,還有200米的距離便衝線,Ronald緊張到心手冒汗。正當Ronald清一清喉嚨,想行到終點較前位置時,他身旁有一名穿黑色西裝男士,掠過自己的右手邊,一馬當先,走到一位剛過終點的女選手面前,男士跪在她面前,遞上玫瑰花和鑽戒向她求婚。吓?又會咁啱得咁橋?!Ronald窒了一窒。

同一時間,Ronald的右手邊,又有一名穿著藍色西裝男士,走到另一位剛跑過終點的女選手,男士跪在她面前,遞上玫瑰花和鑽戒向她求婚。嘩!兩個男士同時間向兩位小姐求婚。在場記者立即攝下情況。

Ronald被殺過措手不及之際,被跑至的Rosalina拍醒。Ronald立即把求婚說話吞回,不想變成「人求我又求」的即時翻版。只好把花遞上,說聲「Happy Valentine!」Rosalina笑著接過鮮花。之後Ronald送Rosalina回家沐浴更衣。

在Rosalina家中,Ronald趁Rosalina洗澡期間,上網採用「情人短訊」服務。銅鑼灣時代廣場有一個新服務:情侶可在Times Square的戶外大電視屏幕,打出一條限時為一分鐘的愛情短訊。Ronald在網上付款後,網頁回覆「短訊時間」為今天下午2:59分。換言之,Ronald一定要在下午兩時許,帶Rosalina到Times Square;再進行求婚大作戰。

Rosalina換好衣服後,兩人再出街吃午飯,開始情人節的慶祝活動。

Ronald跟Rosalina午飯後,兩人於下午2時40分行到時代廣場地下。Ronald的短訊是些「肉麻情話」加「嫁給我吧!」,Ronald希望女友見到短訊後,即時跪低,再遞上戒指求婚,一定可以打動到Rosalina。

手錶顯示「2:55」。Ronald好緊張呀!

2時56分,兩人站在羅素街的士站旁邊,Ronald伸手入衫袋,找結婚戒指錦盒,打算等大電視短訊一出,立即跪低求婚,仲唔冧死Rosalina?她一定肯答應啦!

突然間,「嘿!嘩!嚯!噓!哇!」到處殺聲四起!

在時代廣場地下中央處,一班為數一百人的「星球大戰迷」,拿著玩具激光劍,展開大廝殺!這班「Star Wars 快閃黨」在網上相約在今天2時57分,扮成Jedi武士,在時代廣場地下互片。Ronald和Rosalina被這班突如其來的快閃黨嚇親。

其中一名「快閃大肥佬」,用激光劍追劈另一名「快閃高佬」,竟然撞到Rosalina失去重心,令她倒跌出馬路中…

Rosalina跌在馬路中,一部的士剛駛離的士站,同一時間,Ronald飛撲出馬路,用身驅擋在Rosalina前面。電影中才會出現的動人生死與共的感人場面啊!

因為的士剛起行,速度不快,及時在兩人面前急停。的士司機沒有鬧Ronald,因司機目睹事發經過是由「快閃黨」造成。

途人幫手扶起兩人返回安全地方後,「快閃黨」亦同時間散水,Ronald想追究的大肥佬,亦逃之夭夭。

Ronald舉頭一望,剛好是2時59分45秒,還剩15秒。Ronald及時叫Rosalina看到愛情短訊。Rosalina感動到立即答應,因為什麼求婚花巧招數,都是得個講字,不及男友「以身擋車」般義無反顧、犧牲性命去愛自己,唔嫁給他嫁給誰啊!?

路人見到Rosalina願意下嫁,拍掌恭賀。Ronald很滿意,總算能帶給Rosalina一個難忘的回憶。更暗裡多謝「快閃黨」的造就。

Ronald站起來,才發現右腳劇痛,原來剛才救Rosalina時,差錯腳「拗柴」,腳踝腫了。Rosalina送了未婚夫去醫院急症室。醫生診斷後,原來傷勢不輕,Ronald需要留院觀察。

* * * * *

Rosalina捧著鮮花和水果,來到病房探望未婚夫,Ronald正呼呼大睡。Rosalina沒有叫醒Ronald,滿足地望著Ronald的睡覺傻樣……

Ronald突然發開口夢,迷糊間沉吟:「…邊條粉腸推我出馬路?…仲搞到我跌跛腳…俾我知道係邊個…佢死梗架…」

原來2月14日當天,Rosalina被「快閃黨」撞出馬路後,Ronald不知所措之際,他也被另一名「快閃黨」撞出馬路,正好跌在Rosalina面前,咁啱得咁橋,以身軀擋著的士。

Ronald發完開口夢,醒了,見到Rosalina正捧著一個盛滿水的花樽,剛從洗手間回來。

Ronald:「啊!妳來了。」
Rosalina:「點呀隻腳?痛唔痛?」
兩人相望,笑得很甜,Rosalina坐在床邊,跟Ronald興高采烈地討論年尾婚禮的細節,Rosalina感到幸福的味道。




一場美麗的誤會,換來一生幸福。不去搞清楚,反活得自在。錢財身外物、愛恨身外情。



身外情 – 黃耀明
作曲:梁基爵
作詞:林夕

帶走傷感,帶不走哭得轉紅了的燈
記憶隨身,延續欠你的戲份
帶走開心,卻帶不走拖手時的體溫
微暖質感,留在臉上還未吻

給一分鐘我靜靜回味
將一生一世翻天覆地
明日已被今天處死
淚存在原為反映天理
這一分鐘我站在何地
怎麼竟跟你活在一起
緣是鏡中花,留在鏡中死
原諒我不記得忘記

帶走身影,帶不走裝飾你瞳孔的星
放手無聲,沉默也等於約定
帶走心境,卻帶不走分手時的風景
雲過天青,忘掉我們曾盡興

當這一雙腳慢慢離地
拈不走一瞬羨慕妒忌
誰又記得起、誰被我歡喜
延續到下一世的你

誰又帶得走,一塊紀念碑
心中掛着什麼行李

28 則留言:

  1. naruto

    有架
    今天新聞有講
    香港出現「強奸快閃黨」
    警方查緊

    回覆刪除
  2. 強奸就梗係快閃啦,唔閃聽拉呀?

    回覆刪除
  3. 卡臣

    又黎過超正的故事,笑死我呀!同事問我做咩陰陰咀笑?

    另外d友又真係無咩新意,年年馬拉松都求婚,阿Ronald如果真係當時求婚,就真係”囉”爆呀!

    頂...等我下年又試下先!

    回覆刪除
  4. 雖然係符碌「以身擋車」,但係話哂都算係英雄救美,如果呢次求唔成,都唔駛再試囉!

    回覆刪除
  5. l.minor

    同事問你點解陰陰咀笑?
    咁你介紹被大家
    一齊笑吓囉

    另一個場合:
    紀律部隊畢業典禮
    passing out + 求婚

    預祝你求婚成功先!

    ++++

    歪歪

    英雄救美<---ronald是
    一個accidental hero
    (Dustin Hoffman舊戲)

    回覆刪除
  6. 我都係睇到笑咗,好彩我哋一個二個都係久唔久自己笑的。:p

    回覆刪除
  7. 天時地利人和,
    每一對走往婚姻的戀人,
    都經過橋段不一的故事。

    回覆刪除
  8. i like this story too r... btw, it's also a song tht i like best wo... cheers... btw, how did u come up with this story gei?

    回覆刪除
  9. coffee

    係喎
    我都係久唔久自己笑吓
    (青山院友)

    ++++

    巴黎

    好似妳同老爺
    從異地開始

    回覆刪除
  10. cathy

    我如何構思故事?

    1) 今年2月睇新聞,見marthron終點有人求婚,警校畢業又求婚, 想寫一個求婚故事.

    2) 其後看到一單外國新聞,一少女因快閃黨釀成意外,決定將兩者合一

    3) 如果男的真是犧牲自己護妻, 故事就太浪漫化. 所以安排男友只是意外地護花

    明哥的歌,我大部份都識唱

    回覆刪除
  11. 卡臣:

    係呢一句笑死人:「…邊條粉腸推我出馬路?…仲搞到我跌跛腳…俾我知道係邊個…佢死梗架…」,𠩤來英雄都係受害人。嘻嘻!

    回覆刪除
  12. 佛爺

    英雄莫問出處....原來一個唔覺意
    被逼做英雄

    回覆刪除
  13. i c i c... it's interesting tht u can come up with a story nearly everyday... such a genius...

    回覆刪除
  14. cathy

    天才/鬼才
    我就唔敢當
    庸人一個啫

    回覆刪除
  15. 卡臣

    一年真係過得好快呀!

    其實,睇吓你以前嘅作品,又會有一種新嘅體會,好有意思,真㗎!

    近來,我聽返嗰首"失落園",發覺有一兩句以前自己唔覺唔覺嘅歌詞,依家人老左,再聽。

    叮!好感動哩!

    我覺得,唔洗時時要睇新作品嘅。反而,再細味吓那些年月日嘅故事,會有另一種感覺,仲有feel呀!

    回覆刪除
  16. 今次再睇先留意到最尾嘅精粹:

    『錢財身外物、愛恨身外情。』

    真係要叫卡臣一聲:「世外高人!」

    回覆刪除
  17. 快樂人

    good idea
    我揀在星期六/日重溫舊文

    另一個較主動的方法:就請你去click舊文睇,可能有意外收獲。

    +++

    歪歪

    「世外高人」就唔敢當
    「細外膏人」就有

    回覆刪除
  18. 意外收獲? 希望撳到係超級市場"Q旁"啦!

    回覆刪除
  19. 快樂人

    意外收獲...係你的「意外笑聲」咋!

    回覆刪除
  20. 「細外膏人」,周末返叮真係好主意,好似今次再睇,我先至領悟到最尾嗰句『愛恨身外情。』

    回覆刪除
  21. 卡臣:

    今年佢地應該一齊跑,跑完就離婚!嘻嘻!

    回覆刪除
  22. 卡臣:

    你以為我講笑,派佐請帖,差兩個禮拜去飲,新娘突然話唔嫁!咁都得?仲見過兩單,服未!酒席都蝕埋!

    回覆刪除
  23. 错有错着,终于娶得美人归,编得好!
    睇得好紧张,过程好刺激,结局好完美!

    回覆刪除
  24. 依家興拍前傳。

    我就覺得,呢個結局,可能係另一個(家庭)悲劇故事嘅前傳喇。

    回覆刪除
  25. 畀着我已經預備好晒
    我點都會照喺終點度同 rosalina 求婚~

    回覆刪除
  26. 歪歪

    人死之後乜都帶唔走

    +++

    佛爺

    未跑之前
    熱身已嗌離婚

    +++

    cindy

    妳不是過獎
    是誇張呀
    我邊有寫得咁好?!

    +++

    快樂人

    可能係喜劇呢
    樂觀啲好噃!

    +++

    largeheadboy

    係囉
    可能已經一早搞掂哂

    回覆刪除

LinkWithin

Blog Widget by LinkWithin