~~~~~~~~~~~~~~~~







2010年4月18日 星期日

中史百搭詞

中史百搭詞

我中學時讀中國歷史科,考試後,老師改卷時根據「Model Answer」去評分,見到一些「Keyword」出現就會俾分。其實答邊一個朝代嘅問題都好,只需答一堆「中史百搭四字詞」,改番啲歷史人物名,咁就雖不中亦不遠。今次數一數那些中史四字詞。(我讀中史時已經是成個世紀前,如有偏差,多多包涵。)

第十位:「自封為帝」
有野心的人都幻想過做皇帝,「大地在我腳下,國計掌於手中」。財富權力,享之不盡,既然有人想做皇帝,便會出現大量「謀朝篡位」的血腥弒君情節,勝利者自封為帝;庶民趁飢荒時起義,「自封為帝」;叛將趁兵變時起義,「自封為帝」。另外,皇帝駕崩後,要寫一句「立乜宗為帝」、「乜宗繼位」。新人葬舊人,改朝換代,換新老細。

第九位:「外族入侵」
中國東南西北都被外族包圍:東夷、南蠻、西戎、北狄,對中國虎視眈眈。中國積弱時,外族便壓境侵入,答題時要寫「外族入侵」。點解中國唔揮軍打外族返塞外?當然因為國內本身有問題,天災人禍,國庫空虛,所以雙管齊下寫「內憂外患,引來外族入侵」一定可以攞分。

第八位:「平定內亂」
有人話中國人是一盤散沙,唔團結齊心之餘,仲會趁火打劫。中國一亂、四分五裂、分崩離析,群雄割據。結果由最有實力嗰位英雄收拾殘局。需要寫「平定內亂」,之後再加多一句:「一統天下」,開創一個新局面。經過內戰連年,「滿目瘡痍」、「百廢待興」國家需要重建,休養生息,這些平實伴碟都可以攞分。

第七位:「勵精圖治」
講咗咁多負面嘢,終於有一些正面嘢可以講,就是只佔歷史極少數的「太平盛世」。為數唔多的「生性皇帝」有heart去做啲嘢,考評局送「勵精圖治」四字牌匾給他們,以示鼓勵。其餘四字金漆牌匾包括:「勤儉治國」、「選賢任能」、「勤政愛民」等等。無奈呢啲咁積極進取的四字詞,不是經常出現中國於歷史裡。

第六位:「使節往來」
中國有衰運時亦有當旺的時候,中國威嗰陣真係好威!鄰邦都會俾面,派人過嚟中國進貢吓。這時就要寫「使節往來」,鄰國好識做咁派使節到中國,皇帝又派人回禮,雙方行吓行吓,就行出幾條交通路線,就要另一句:「商賈僧人,絡繹不絕」。有錢揾喎,中國人幾遠都唔怕,照去可也。

第五位:「窮兵黷武」
數咗一輪好嘢,無奈又要講返負面嘢,有「暴力傾向」、「野心勃勃」、「也文也武」的皇帝,登上帝位後立即自我膨脹,實行武力擴張。先寫佢「好大喜功」、「大興土木」,再寫佢「窮兵黷武」,最後加送「窮奢極侈」。咁一個嗜殺暴君便活靈活現在試卷上,評卷員立即俾分。

第四位:「宦官弄權」
中國人對權力很渴求,所謂「權力令人腐化」,有權掌握在手,仲唔玩嘢咩?宮中的公公,成日在皇帝身邊團團轉,公公贏得皇帝的信任後,玩弄權勢。就要用「宦官弄權」這四字詞。除了宦官外,外戚進入權力核心後,都忍不住弄吓權,抽吓水,出現「外戚專政」。宦官外戚兩派爭相在皇帝面前爭寵或詆毀對方,諗落都替皇帝對耳朵受苦。

第三位:「嚴刑苛政」
歷史的其中一項功用,是讓現世人「前車可鑑」、「鑑古辨今」,歷史書紀錄了亡國的其中一個原因,就是朝廷實施極權統治。就要寫「嚴刑苛政」,同義詞的還有「貪污腐敗」、「橫徵暴斂」。每個朝代都會由盛轉衰,冶亂世就用重典,所以「嚴刑苛政」這四字詞出場率很高,寫得「嚴刑苛政」,就可能要寫埋「官迫民反」和「揭竿起義」了。

第二位:「荒淫無道」
一國之君掌握了一國之興衰,但很多皇帝都不務政事,掛著去玩,酒林肉池。描寫呢班昏君,最典型的四字詞是「荒淫無道」,一寫到「荒淫」兩字,就聯想到皇帝有「後宮佳麗三千」夜夜筀歌。而「驕奢淫逸」都有「淫」呢個字,也可聯想到皇帝淫笑的衰樣。如果皇帝只蠢唔淫,就用「庸碌無能」、「貪圖安逸」來形容。

第一位:「民不聊生」
有人說「中國人是一個苦難的民族」。中國人在亂世時,性命朝不保夕,最常用的四字詞是:「民不聊生」。民不聊生導致民心思變,希望改朝換代。除了「民不聊生」外,還有其他的選擇:「飢荒旱災」、「土地兼併」、「繁賦苛斂」、「戰禍連年」等等。都描述了中國百姓的悲慘命運。無奈中國的亂世多過盛世,「民不聊生」的出鏡率最高,成為「中史百搭詞」的第一位。




子弒父奪權,歷史中曾出不層。我十分喜歡《菊花台》呢首歌,乘機聽吓先。



菊花台 - 周杰倫
作曲:周杰倫 填詞:方文山 

妳 的淚光 柔弱中帶傷
慘白的月彎彎 勾住過往
夜 太漫長 凝結成了霜
是誰在閣樓上 冰冷的絕望

雨 輕輕彈 朱紅色的窗
我一生在紙上 被風吹亂
夢 在遠方 化成一縷香
隨風飄散 妳的模樣

菊花殘 滿地傷 妳的笑容已泛黃
花落人斷腸 我心事靜靜躺
北風亂 夜未央 妳的影子剪不斷
徒留我孤單 在湖面 成雙

花 已向晚 飄落了燦爛
凋謝的世道上 命運不堪
愁 莫渡江 秋心拆兩半
怕妳上不了岸 一輩子搖晃

誰 的江山 馬蹄聲狂亂
我一身的戎裝 呼嘯滄桑
天 微微亮 妳輕聲的嘆
一夜惆悵 如此委婉

菊花殘 滿地傷 妳的笑容已泛黃
花落人斷腸 我心事靜靜躺
北風亂 夜未央 妳的影子剪不斷
徒留我孤單 在湖面 成雙

19 則留言:

  1. 點解中國唔揮軍打外族返塞外?
    >>>有ka, 如果唔係, 回紇、吐蕃、契肘丹、南夷去曬邊 ?

    回覆刪除
  2. 中史科,以前第一課係隋,跟住係唐,但真係一讀就瞓著,去到考試都只係讀左隋唐,本書其餘係超乾淨

    呢篇,我一見番D詞,睡魔又嚟。。。

    回覆刪除
  3. 讀書嗰時好鬼無聊㗎,啲同學聽到阿Sir講乜嘢『大舉出征入侵西域』都可以笑一餐。

    回覆刪除
  4. 賤妾、賤內、賤人、賤民、賤婢、賤賊...凶狠嘅係前面加上「狗」字。:p

    《菊花台》好聽!

    回覆刪除
  5. 「內憂外患」,近代中史都唔少。

    回覆刪除
  6. 中史係我最怕科目
    歷時咁多個朝代
    百撘詞都亂成一團....

    回覆刪除
  7. 仲有輕徭薄稅,強徵賦稅,休養生息,謀朝篡位,南征北伐..

    寫黎都無乜意思既四字詞語,寫黎都係為左方便中史老師畀分~

    回覆刪除
  8. 篤篤

    說得有道理
    多謝補充


    +++

    naruto

    睡魔嚟?
    而家都一點幾
    早抖了

    +++


    歪歪
    『大具出精入侵西域』喎?
    我都笑啦
    無聊嘛

    +++

    coffee

    賤狗格?
    唔係講我吖?

    +++

    eric

    除了「內憂外患」,
    還有「外強中乾」

    ++++

    巴黎

    妳唔似歷史科差的人喎
    我最怕的科目是家政

    +++

    浪子

    我諗十年內都啱用

    +++

    瑤姑

    果然係教育界
    舉出的四字詞都好經典啊

    回覆刪除
  9. 嘩!唔係講任何人!只係我好自然諗到中國人自貶等同謙虛有禮的慣性。:p

    回覆刪除
  10. 你噚晚去慶功呀?淩晨兩點鐘覆留言!

    回覆刪除
  11. 歪歪

    我同香港電影金像獎沾不上關係
    點有慶功宴吖

    不過返咗深圳
    好夜先回港

    (我沒有去煙花之地啊)

    ++++

    coffee

    有理有理
    中國人中庸之道
    不可鋒芒太露

    回覆刪除
  12. 卡臣:

    中國歷史最呃人就係華清池,宜家求其搵過鷓鴣池都好過佢喇!嘻嘻!

    回覆刪除
  13. 佛爺

    我立即google華清池
    原來是中國名勝

    我未去過
    所以唔知幾細

    回覆刪除
  14. 「實越迷誠」嘅「泥濘」抄足你個丐幫長老做型。

    你上深圳唔去煙花之地,咁去嚟做乜?

    回覆刪除
  15. 歪歪

    你食字功力之高
    拜服!!

    我返深圳食晚飯囉
    平吖嘛

    回覆刪除
  16. 吓!!中史百搭四字詞!!!早廿年識你就好啦...唉,呢次真係相逢恨晚-.-!

    回覆刪除
  17. 卡臣:

    我都未去過華清池,只在電視看過而已!

    回覆刪除
  18. Denzel

    再補考中史囉
    終生學習嘛

    +++


    佛爺

    紀錄片...我少睇
    (繁殖的紀錄片更少睇)

    回覆刪除

LinkWithin

Blog Widget by LinkWithin