~~~~~~~~~~~~~~~~







2010年4月16日 星期五

虎鶴雙形拳

虎鶴雙形拳

今天某日報A3版其中一小格,報導「虎鶴雙形拳宗師石問,生辰變忌辰」,不大起眼的一小格報導,大師兄看得淚流滿面……

* * * * * * *

一代宗師石問,是虎鶴雙形拳第八十代傳人,今年是石問師傅的80歲大壽。石師傅於70年代初,在慈雲山屋邨設館授徒,宗旨在於教人練拳強身健體,發揚中國武術精神。全盛期,有二百多個徒弟,晚上分批在屋邨天台上習武。桃李滿門的石師傅,徒弟做龍虎舞獅或電影替身,徒弟在影圈闖出名堂,飲水思源,都對石師傅尊師重道。

五日後,便是石師傅的80歲大壽。石師傅八十高齡仍然龍精虎猛,手腳靈活。一眾同門師兄弟,決定替師傅擺大壽,在秀茂坪某酒樓延開二十圍。所有徒弟徒孫,包括已移民美加的師兄弟們,都乘飛機回港飲呢一餐,向老人家拜壽,可說是武術界的一樁盛事。

大師兄是虎鶴雙形拳第八十一代傳人,在慈雲山開設跌打醫館,兼營舞獅,這一區的新店剪綵、開年賀歲,所有舞獅助慶,都由大師兄的醫館包哂嚟做。
二師兄在電影圈當動作指導,很多師弟跟他搵食,當電影動作替身。
三師兄則沒有繼續練武,變成一個大肥佬,經營裝修生意。
三人正是這次石師傅大壽的搞手,負責聯絡、召集、訂酒席、搞表演、買賀禮等大小事務。三位師兄弟,年屆壯年,仍然感情要好,大家真心想搞好件事,沒有私心想爭取什麼,只要老人家老懷安慰,便已心滿意足。

還有兩天,便是石師傅的80歲大壽,壽宴之事務已經搞得八八九九。席間已安排好表演節目:徒孫們集體耍虎鶴雙形拳。二師兄在辦公室諗:「師傅雖然80歲,但身手仍然唔錯,不如等佢露一手,大家一定好高興!」

二師兄想出一條橋:在壽宴那晚,安排兩個電影茄呢啡嚟踩場,挑釁石師傅的武術,等石師傅出手,打到佢哋一仆一碌。大家就狂旁吶喊助威,石師傅知道自己寶刀未老,一定會好開心!

二師兄不想自己出面,叫助手搵兩件唔識打嘅金毛少年茄呢啡在壽宴那晚去踩場。吩咐茄呢啡要唸出一句對白:「石師傅,聽講你全個慈雲山最好打,咁好打?同我打吖,死老坑!」助手照辦。一切準備就緒,二師兄期待石師傅再出手這精彩一幕。

* * * * * * *

石師傅80歲大壽當天,在酒樓內,徒弟跪底向石師傅敬茶,拍照留念。石師傅見咁多賢孝的徒弟徒孫,十分欣慰,笑到合不攏嘴。晚上9時,石師傅說了一番語重心長的感謝說話後,晚宴正式開始,雙眼放了燈泡的乳豬,捧到每張枱上,眾人舉杯:「飲杯!飲杯!」

吃到「菜膽扖鮑魚」時,有兩名身材瘦削的金毛少年,凶神惡煞咁走入嚟,伸手指向石師傅,大聲嗌:「石師傅,聽講你全個慈雲山最好打,咁好打?同我打吖,死老坑!」

全場139位師兄弟,立即起身:齊聲:「咩呀!你講咩呀!」三師兄先出聲:「想同我師傅打?我一隻手指已經可以捽死你啦!」二師兄知道他們是「臨時演員」,向師傅挑撥:「不如師傅您露一手,教訓一吓呢啲死靚仔!」

石師傅很久沒出手,一時技癢,竟然答應。大家都習慣了對師傅說話絕對服從,師傅話要出手,大家靜靜退下兩旁。

不出所料,石師傅三扖兩撥,就一拳打中個死靚仔塊面,死靚仔當場暈倒地上。139位師兄弟立即替師傅喝釆!石師傅也得意地笑了起來。二師兄見氹師傅的目的已達到,就更加開心。

金毛死靚仔的同伴上前攙扶,驚叫:「吓!死咗?」石師傅大驚,上前察看,用手指探鼻,弊!家!伙!金毛死靚仔真係無咗氣,乜而家啲後生仔咁化學?take咗嘢呀?營養不良呀?一拳就打得死?石師傅驚惶向後退了兩步。
搞出人命,氣氛急轉直下。大家都手足無措。

就在這一刻,又有兩名身材瘦削的金毛少年,凶神惡煞咁走入嚟,大聲嗌:「石師傅,聽講你全個慈雲山最好打,咁好打?同我打吖,死老坑!」

二師兄見到這兩個少年,熟口熟面,記得他們是自己公司旗下的某兩名特約演員,二師兄大驚:「吓?大鑊!乜頭先嗰兩條金毛,真係咁啱得咁橋嚟踢館,早知唔叫師傅出手啦!」

金毛特約演員見有一個人瞓咗喺地上,又無人答佢,一時間,情況都好尷尬。突然「Bang Bong」一聲,石師傅暈倒在地上,他情緒激動、心律不正、心臟病發、昏死過去。眾師兄弟大嗌:「師傅!師傅!師傅……」

二師兄見玩出火,向金毛特約演員大喝一聲:「想死呀?仲唔走吖!」金毛臨記聽到自己老細一喝,當然乖乖走人收工。大師兄已經call了白車。大師兄向師傅進行急救。心外壓加人工呼吸,但石師傅似乎無乜起色。

等候白車期間,瞓在地上的金毛少年突然甦醒過來,原來佢未死,剛才休克,呼吸微弱而已。金毛少年見到現場情況咁混亂,趁機靜雞雞走人。

* * * * * *

139位師兄弟來到聯合醫院急症室,關心石師傅的安危。警方以為有黑幫曬馬,立即加以疏散。剩下十位師兄弟,焦急地等候。半小時後,搶救無效。一代宗師石問,魂歸天國,生辰變忌辰。

急症室大堂,十位師兄弟激動得留下男兒淚。二師兄和大師兄最為激動,因為他們相信自己就是「弒師主謀」。

原來大師兄也想氹石師傅開心,想出一條橋,竟然跟二師兄想出的一模一樣。大師兄book了兩名金毛茄呢啡嚟踢場。為了加強戲劇效果,大師兄吩咐那臨記要扮重傷暈倒。怎料另一名臨記唸錯對白,把「吓!暈咗?」唸錯「吓!死咗?」,結果錯手嚇到石師傅心臟病發作,返魂乏術。

大師兄和二師兄沒有勇氣去把自己的秘密,告訴給其他師兄弟知道。自己偷偷背負弒師之罪名,終生留下自責陰影。石問師傅沒有想過自己一生80年,最後竟然由他最寵愛的二位大弟子,親手畫上句號。



石師傅80高齡逝世,可說是「笑喪」。在生時玩過笑過威過就無悔啦!想起Elton John曾經說過:How wonderful life is while you're in the world。

Your Song – Ewan McGregor

My gift is my song and this one's for you
And you can tell everybody this is your song
It may be quite simple but now that it's done
I hope you don't mind
I hope you don't mind that I put down in words
How wonderful life is while you're in the world

I sat on the roof and kicked off the moss
Well a few of the verses well they've got me quite cross
But the sun's been quite kind while I wrote this song
It's for people like you that keep it turned on
So excuse me forgetting but these things I do
You see I've forgotten if they're green or they're blue
Anyway the thing is what I really mean
Yours are the sweetest eyes I've ever seen

And you can tell everybody this is your song
It may be quite simple but now that it's done
I hope you don't mind
I hope you don't mind that I put down in words
How wonderful life is now you're in the world

10 則留言:

  1. 睇唔明呢篇個背後故事㖭,叫人唔好玩咁大呀?

    回覆刪除
  2. 『在生時玩過笑過威過就無悔啦!』

    最後悔係收錯徒弟,大徒弟同二徒弟幾廿歲人竟然諗到同一條屎橋去害死師傅。

    回覆刪除
  3. 咁樣一嚇就出事,睇來石師傅都係時候了,不用太自責餘生!:p

    回覆刪除
  4. naruto

    故事講:乜嘢人都好(就算如茄喱啡等小角色)只要講錯一句說話(或唸錯一句台詞)都可以害死人

    +++

    I.minor

    羅文則說:愛妳變成害妳

    +++

    歪歪

    大徒弟同二徒出發點係好嘅
    不過好心做壞事啫

    +++

    coffee

    係喎
    生有時,死有時

    回覆刪除
  5. 巴黎

    「生命影响生命。」

    好句

    生命衍生生命。

    回覆刪除
  6. 卡臣:

    如果我是徒弟,我就搵兩位靚模去表現震波,兼玉腿跨頭,等師傅做鬼也風流呀嘛!嘻嘻!

    回覆刪除
  7. 佛爺

    如果有靚模去表現震波,兼玉腿跨頭,
    139個師兄弟
    一齊噴血而死
    無人找數

    回覆刪除
  8. 卡臣:

    咁都比你諗到,兩個靚模,玩死139個壯丁,仲要無人找數,好野!嘻嘻!

    回覆刪除

LinkWithin

Blog Widget by LinkWithin