~~~~~~~~~~~~~~~~







2010年3月23日 星期二

美女處方

美女處方

Betty看著電視節目《美女廚房》,六位青春性感的「味之天使」,正搔首弄姿、扭動纖腰:「♫ they call me sexy!that’s not my name ♪」Betty口中哼著,渴望自己變成螢幕中的其中一位天使,士多啤梨、蘋果、香蕉、榴槤,做邊個都好……

* * * * *

33歲的Betty,在長沙灣一間成衣貿易行做跟單文員,生活圈子狹窄。沒有拍拖,因為Betty生得醜樣,眼細鼻扁嘴大下巴兜腮骨闊。令Betty做人無自信,終日頭耷耷,唔敢直望別人。

在公司裡,跟Betty 較為熟稔的,只有32歲的Ann。Ann樣子平庸,水桶身材。典型工廠區女工友模樣。Ann無樣無身材,唔keep唔扮靚、性格內向又乏味,Ann五年前和當貨車司機的男友分手後,一直沒有再拍拖。Ann是基督教徒,關心身邊同事,Ann對Betty產生憐憫之心,不嫌棄每天跟Betty結伴吃午飯。

某個星期六中午一時,Betty和Ann放工後,同路一起行去長沙灣港鐵站。
Betty說:「我噚晚聽我啊姨講,喺銅鑼灣有一個神醫,可以將醜女醫到變靚女。」
Ann:「吓?整容醫生呀?」
Betty:「唔係喎,唔使開刀,食藥得啦。」
Ann一個疑惑的表情,
Betty細細聲提議:「Ann,不如妳陪我一齊去睇吓?」
擇日不如撞日,兩人抱著「不妨一試」的好奇心態,立即乘港鐵去銅鑼灣,訪尋該名隱世神醫。

* * * * *

銅鑼灣某座商業大廈,10樓一間尋常診所。診所內掛起兩塊長方型大鏡,一塊鏡中央寫了四隻書法大字:「美女處方」,另一塊鏡則寫「靚咗先講」。牆上掛滿多間美國英國大學的醫學證書。當時只有二位病人在候診。十五分鐘後,護士請Betty和Ann入醫生房,究竟這醫生可否扭轉乾坤?Betty心情十分緊張。

一位貌似鄧梓豐的男醫生,坐在大班椅中。Betty表明來意後,鄧醫生講解:他在美國經過十年鑽研之後,成功研製出一條處方:一條「美女處方」。醜女服用該處方後,立即變靚女、無需開刀、無V型反彈。Betty聽後,眼睛發亮。終於找到人生的曙光。

鄧醫生繼續解釋:「療程非常簡單,每日食五粒藥丸,連續食五日,人就會變靚。」Betty難掩心中興奮。鄧醫生:「但係有一個副作用:就係呢隻藥會影響到妳嘅視覺神經,令妳見到所有人都會變得極度醜樣。」Betty聽到一頭霧水。鄧醫生解釋:「即是人人都覺得妳靚,但當妳一照鏡,妳就會見到自己好醜樣。」

Ann皺眉說:「如果自己變靚咗,但係自己就欣賞唔到自己幾靚,咁自己靚嚟為咗俾旁人睇得開心?定係靚嚟等自己睇得開心先?」這是一條「To see」重要?還是「To be seen」重要的問題。

Betty則覺得無問題,堅決地說:「女人想靚,無非都係為咗想得到多啲人讚賞,自信心大啲。咁多年嚟,我受夠啦!就算我睇到自己醜,我都要人人覺得我靚!」

Betty連忙問收費時,鄧醫生說:「成個療程,二十五粒藥,一萬六千蚊,我哋只收現金。呀!咁啱我賣剩最後一樽,下次返貨要等下個月啊。」Betty話銀包無咁多現金,需要落街撳機攞錢。Ann陪Betty離開了診所。

Betty好像怒海中見到救生艇般,盲目衝向自動櫃員機,Ann見Betty忘了形,忙加勸止。Ann勸導說:「我知道靚係好重要,但如果自己睇唔到自己幾靚,咁妳靚嚟咪淨係服務人哋囉?」Betty充耳不聞,她一心只想買到「美女處方」變靚女。

Betty突然頓一頓,原來她銀行戶口只有8,563元。Betty問Ann借錢,但Ann拒絕,叫Betty先冷靜一晚,不要太衝動,作出草率決定。Betty沒有朋友,父母早亡,又唔夠膽搵「邦民」,借錢也苦無對像。

好彩四天後公司便出糧,Betty唯有聽天攸命,打算四天後一出糧,就立即仆去鄧醫生度買藥。

* * * * *

過了星期日,星期一早上,Betty在辦公室走廊遇上Ann,Betty主動說:星期日想了一整天,最後都是決定要買,因為靚女可以獲得很多物質上和精神上的著數,對於Betty來說,是十分渴望的。

Ann知道Betty的決定後,她們的友誼受到挑戰了。自當天開始,Ann便疏遠Betty。Ann經常怒目相向,或者不啾不啋,Betty很失望,抱怨Ann唔設身處地,嘗試了解自己的處境和心情。Betty和Ann從此決裂,分道揚鑣,成陌路人。

四天後公司出糧,Betty一放工就趕去銅鑼灣鄧醫生診所。原本Betty想找Ann陪,但如今兩人各行各路,Betty唯有自己提款去買藥。沿途Betty祈禱那道「美女處方」仍在診所中等待自己。

去到診所,護士抱歉地說最後一樽已在四天前賣出,新貨最快要到月中先有。Betty聽到很失望,又要多等15天。臨走時,護士多口講句:「買最後嗰樽藥嗰位小姐,咪就係妳個朋友囉,嗰日妳哋走咗,大概半個鐘之後,佢自己上返嚟買嘅。」

Betty聽到十分激動!「點解Ann要同我爭樽藥?仲虛偽到一邊遊說我唔買,一個屈尾十就自己買咗!」Betty的友情被出賣,立即打電話給Ann,要質問她。但Ann的電話沒有開,Betty已急不及待在留言信箱鬧爆Ann。唯有等明天回公司找Ann晦氣。氣得Betty徹夜失眠。

翌日早上,Betty磨拳擦掌回辦公室,打算找Ann算帳,怎料Ann告了病假。隨後在人事部流出傳言:「Ann誤服減肥藥,導致精神錯亂,已經送咗入醫院。」
Betty知道那不是減肥藥,而是美女處方。原來那鄧醫生是呃神騙鬼之徒,邊度會有「美女處方」可以令人變靚?而服該藥後會出現思覺失調的病徵。

* * * * *

上個星期六下午,Ann聽到鄧醫生的介紹後,很想買到美女處方,因她十分渴望愛情,希望服後可以變靚,重獲愛情的滋潤;所以出口術叫Betty三思唔好買,自己喺街兜咗個圈後,立即折返診所買藥。但Ann服藥後,開始神經紊亂,所以星期一向Betty怒目而視,又嬲咗成村人咁。終於在第四晚病發,在家中大吵大鬧又自殘,被家人送去醫院。更成為港版聞的一宗新聞,鄧醫生被警方邀請回警署協助調查。

Betty知道後,沒有再嬲Ann,Ann渴望愛情而出賣友情,結果成了白老鼠,免Betty成為精神病患者。Betty更慶幸自己當時銀行戶口只得幾千元,否則一定和Ann競投那樽藥。

Betty終於冷靜下來,如常獨來獨往地生活,但她臉上少了一份抱怨,多了一分樂觀。




靚,邊個唔想先?姿色和知識兩者之間,每人心中都有各自的比重。無內涵者如我,唯有去健身啦,又夠鐘去gym啦!拜拜。



姿色份子 - 謝安琪
作曲 / 填詞:周博賢

為何面容淨白兼緊緻
瘦削蛋臉 便算合時
手臂只有少許的鬆弛
已太丟臉 活著沒有意思

神奇 保濕的忌廉
能完全鎖緊水分去粉刺
更有那彩光修護店
人在世 無下次 全部要一試

不可思議 個個變姿色份子
美態等於尊嚴
纖體主義 擴散了整個城市
如同疫症感染
終於 貝特瑪利亞麗塔艾美或翠斯
每個相貌也極似
全沒個性與自我的標誌 倒模天使

若求令男士目光轉移
強作嬌豔 實太便宜
跟四周女子互相比試
鬥美爭艷 實在沒有意思

試試 想得真實點
誰能搖身一變成模特兒
各有各本身的特點
肥或瘦 圓或幼 無謂太刻意

不可思議 個個變姿色份子
美態等於尊嚴
纖體主義 擴散了整個城市
如同疫症感染
終於 貝特瑪利亞麗塔艾美或翠斯
每個相貌也極似
全沒個性與自我的標誌 倒模天使

不可思議 看看本週的雜誌
愛美標準一致
纖體主義 灌溉這一個城市
全民受到恩賜

不可思議 個個變姿色份子
美態等於尊嚴
纖體主義 擴散了整個城市
如同疫症感染

終於 貝特瑪利亞麗塔艾美或翠斯
每個相貌也極似
全沒個性與自我的標誌 倒模天使

22 則留言:

  1. 卡臣︰

    又一個好故事!

    姿色係天生的,知識是後天的,先天的奈何?惟有在後天的作努力!

    回覆刪除
  2. coffee

    多謝讚許先

    IQ題:
    先天是由母胎賦予
    那麼,後天是什麼呢?
    .
    .
    .
    .
    後天是: the day after tommorow

    回覆刪除
  3. kelly

    em..em...
    好似得妳至會話我的故事有教育意義
    (汗顏中)

    回覆刪除
  4. naruto

    相由心生...我知道吖
    所以我心中對人好啲
    希望個樣可以變靚啲

    回覆刪除
  5. 其實心地好,個人樣都會順眼咗。

    ”唔keep唔扮靚”又想用食藥變靚,個萬幾蚊點解唔用嚟買化粧品,做美容扮靚呢,可能會靚D喎,

    好多唔起眼的女仔,化了粧都會靚咗架啦!

    回覆刪除
  6. 「外在美唔重要,內在美至重要。」呢啲咪就係生得唔靚嘅人嘅自我安慰囉,我成日都要咁提自己。

    回覆刪除
  7. 個 poll 既潛意識好似係..根本想搵第二個partner 做 ?

    回覆刪除
  8. gwen

    係呀
    睇youtube短片
    真人示範
    化妝後
    醜小鴨都變天鵝

    ++++

    歪歪

    「外在美唔重要,內在美至重要。」
    呢句直情係我座右銘
    我每晚要唸十篇才睡

    +++

    次郎

    我以為問緊肉體忠誠緊要啲?
    還是精神忠誠緊重啲添?

    回覆刪除
  9. 女人為左靚咩都得
    不過都係內在美襟d

    回覆刪除
  10. phyllis

    內在美重要呀
    如果個女仔靚
    但有嚴重公主病
    我都避之則吉

    回覆刪除
  11. 你駛乜唸呀,我不知幾羨慕你樣靚,身材正,更妒忌你風趣幽默,天才橫溢!

    其實係人都想自己靚啲之外,仲會都想揾返個靚嘅嚟做情侶,你幾時聽過醜男/女,會話想揾返個醜嘅嚟拍拖㗎?

    至於你個民調,就真係有啲失敗,因為『不容許伴侶跟其他人做愛,條件是你/妳們做愛時,伴侶可以把你/妳幻想成為其他人。』係唔駛任何人批准你同你嘅伴侶都已經做緊,之前有調查已經証實咗呢個情況係好普遍。所以要揀就揀第一項,索性大家都出去玩喇!

    回覆刪除
  12. 鄧醫生說:「成個療程,二十五粒藥,一萬六千蚊,我哋只收現金。呀!咁啱我賣剩最後一樽,下次返貨要等下個月啊。」

    令我諗起絲襪阿婆. =p

    回覆刪除
  13. 人老都係會色衰㗎啦,點靚都喺假。

    回覆刪除
  14. 如果佢地一齊去相睇,咁就斃喇。Ann靜雞雞揀選了唯一一個男人,原來他有S&M癖好嘅!去完時鐘房翻黎,行路都腳震震囉!嘻嘻!

    回覆刪除
  15. 歪歪

    你咁讚,大家以為我俾錢你做媒添呀

    對於poll的意見
    你有道理
    我抵鬧

    +++

    巴黎

    好命-->有錢-->整容-->靚

    ++++

    c+

    所有街頭騙案的開場白

    +++

    eric

    所以要趁後生
    靚咗先講

    回覆刪除
  16. 『你有道理
    我抵鬧』

    我唔係鬧,你亦唔抵鬧。只係想講『精神忠誠』易失過『肉體忠誠』咁啫。你出得呢個題目,証明你仲好『忠誠』,未有歪念。

    『你咁讚,大家以為我俾錢你做媒添呀』

    咁你記得入錢落我戶口!

    回覆刪除
  17. 其實靚唔代表會有人要架喎...
    眼見好多唔靚身材唔出眾,
    都會有人要架...

    咩嘢都係睇自己條"命"生得好唔好...

    強求外表,不如做好自己

    邪留丸~

    回覆刪除
  18. 歪歪

    「証明你仲好『忠誠』,未有歪念。」
    咁都俾你兜到
    我唯有欣然接受啦

    已入錢到你accont了
    check吓啦

    ++++

    邪留丸

    多謝留言

    我悲觀地覺得醜人都有人愛
    因為那醜人好有錢

    回覆刪除
  19. 佛爺

    嘩~SM咁激?
    何止腳軟
    死咁滯添呀

    回覆刪除

LinkWithin

Blog Widget by LinkWithin