~~~~~~~~~~~~~~~~







2010年3月31日 星期三

女皇辦功德

女皇辦功德

收費電視公司內,一間可容納一百人的演講室中,七十多名直銷營業員(Direct sales)頭耷耷坐喺度,正被一名火爆女經理鬧到「死狗」咁款!因為今個禮拜營業額唔達標。表現差的sales被揪出來質問,這種批鬥大會,每天早上都舉行一次,而這位「唔係人咁品」的女經理叫Queenie,花名是「女皇」。她管轄的員工有一百名之多。

在辦公室盡頭,女皇坐在寬敞的經理房內,一塊落地大玻璃,讓她監視房外眾多下屬的一舉一動。女皇是由街頭Direct sale做起,慢慢向上爬,由supervisor升到營業經理、再升到分區經理,全靠她硬橋硬馬的快狠準處事作風。

獨身的女皇沒有愛情,專注在事業上。因為沒有愛情的滋潤,女皇的脾氣特別火爆,把心中的怒火轉嫁到下屬身上。大家都吃過她的苦頭,下屬對橫蠻霸道的女皇,聞風喪膽。

女皇有一位得力助手叫Kate,當營業經理,協助女皇處理大小工作事務。Queenie親手提拔Kate,因為Kate也是醒目進取型,女皇在Kate身上看到惜日的自己。Kate為了報答女皇之賞識,對女皇忠心耿耿,認真工作。

* * * * *

因為女皇對下屬太harsh了,Direct sales為了簽到單,用嗱渣手段呃屋邨阿婆,八十歲阿婆被呃三千元棺材本後,一時睇唔開,在家中上吊自盡,以死作為控訴。

傳媒報導這宗悲劇,茅頭直指收費電視,公司形象受損,Queenie需要向公司高層作出交待和解釋。炒了該名害群之馬的Direct sale後,發出公開聲明了事。女皇對老人家一條人命,無動於衷。

但怪事開始發生:女皇坐在辦公室內,成日覺得自己好似被人監視,周身唔舒服。某天傍晚6時,工作中的女皇,無意中見到房間牆角,慢慢浮現出一個婆婆的形象,由矇矓變至清晰,樣貌陰深恐怖。嚇到女皇成個彈起,立即衝出房大嗌!Kate立即上前問何事?Kate入房後當然唔見阿婆,Kate安慰女皇說:「應該只係一時眼花、或者疑心生暗鬼啫。」

硬淨的女皇扮堅強,話自己從來唔信鬼神,(雖然她辦公室內放滿旺財催運的風水擺設)。女皇同自己講:只是因為工作太多,一時眼花幻覺啫,繼續如常返工。但女皇總是周身唔聚財,長期失眠,心裡凝著有啲「污糟嘢」。話頭醒尾的Kate立即向女皇獻計:「我識得一個茅山師傅,不如搵佢幫吓手啦。」女皇同意。

第二天下午,由Kate介紹下,師傅上office睇睇情況,眉頭一皺,師傅向女皇說:「真係有個阿婆嘅靈體,跟著妳唔肯走喎。」
女皇強作鎮定:「咁…有乜嘢…可以化解?」
師傅:「要同阿婆做啲功德,咁先可以化解。」
女皇:「如果用錢可以解決到問題,就唔係問題啦!」
師傅考慮一吓:「咁我就幫妳啦。」
師傅應承女皇辦功德。

結果一萬、三萬、五萬,不斷搞功德,前後搞咗十萬元,但阿婆仍然間中出現在辦公室的牆上。女皇越來越驚慌,曾試過情緒失控,大鬧下屬,又試過一手掃低哂枱面啲嘢落地。因為長期失眠,神經衰弱,導致工作上做錯決定,生意急跌。無生意就大鬧Direct sales,Direct sales士氣低落,惡性循環,營業額插水,已經驚動了高層。

女皇受壓力後,打電話追究師傅,點解花咗十萬都搞唔掂個阿婆?師傅解釋:因為女皇之前成日鬧人,種下好多口舌的罪孽。她又為了推高營業額,縱容下屬欺騙客人,無所不用其技,種下偷呃拐騙的罪孽。阿婆鬼魂從中作梗,咒到她行衰運。

發緊爛渣的女皇聽後,不覺得責任在自己,換上任何一個人在她的工作位置,也會變得陰毒卑鄙,心狠手辣。反罵師傅道行未夠,多多藉口推搪。女皇大力cut線後,決定不在給錢這個神棍。

第二天下午,阿婆的鬼魂又在牆上出現,她五孔流血,死狀恐怖,今次終於嚇病了女皇,當晚發高燒,入了私家醫院,需要留院觀察。女皇一連告了幾天病假,病臥在床上,往日的氣焰無哂,老虎變病貓。

Queenie的工作,暫時由助手Kate代為執行。Kate臨危受命,沒有令高層失望。Kate熟悉女皇的日常工作,對待下屬的手法和女皇180度相反,用鼓勵和獎勵的手法,Kate更私底下掏腰包,每日拿出一千元作獎金,打賞給表現最突出之員工。立即令士氣大增!做回往日的成績,營業額止跌回升。高層無睇錯人,Kate成了集團新愛將。

高層只認成績唔認人,見到病到死死吓、無生產力嘅Queenie,決定是但找個理由裁走她。提拔Kate升做分區經理。女皇收到公司通知後,怒不可遏!但想到公司的補償金唔少,自己又唔想再返鬼office,自己在事業上衝刺了好幾年,不如趁這機會休養一吓。

* * * * *

Kate在寬敞的經理房內,坐在那張女皇曾經坐過的黑皮大班椅上,望著落地玻璃房外的眾多下屬,意氣風發。她望著file櫃上的一部手提投射機,嘴角向上戚起。那部投射機(projector)原本是為了開會做Presentation之用,一個月前,Kate在房外,用projector投射了一個血流披面的阿婆image,穿過落地玻璃,射到女皇辦公室的牆上。扮鬼嚇她的上司。

而那個茅山師傅,是Kate找回來的茄呢啡演員,俾五百元佢嚟呃神騙鬼。Kate行獎勵政策的獎金,那十萬元全數是女皇辦功德的錢。如今魔女Queenie一走,新官Kate行懷柔政策,賞勵要折現,士氣大增,做出好營業額成績,高層龍顏大悅。

Kate望著那部立下大功的projector,入了神,突然被房內一吓乾澀咳聲打擾,回頭一望,見到一個血流披面的阿婆坐在桌前的客椅上,阿婆說:「還~返~啲~錢~俾~我~」伸出瘦骨嶙峋的手。Kate嚇到大叫!心臟停頓咁滯。因為她知道面前這個會發聲會郁動的立體影像,不是projector所能夠做成。Kate口震震:「吓…乜真係有…鬼架?…」無助的Kate,面如死灰。



Queenie縱容下屬呃神騙鬼而上位,又因得力助手呃神騙鬼而落台。故事的原本結局,是Kate有一位具野心的下屬,不謀而合,想用projector扮鬼嚇走Kate。但我覺得真係有鬼魂出現會有趣啲。Kate向上爬呀爬,爬到高位,表面風光,但也要承受它的污糟辣撻,陰暗一面。

選了電影《動物奧運會Animalympics》的主題曲《Love's not for me》,MV中,主角(一頭羊)向錢幣盲目地追呀追,最後只剩下迷失的自己。

Love's not for me – Graham ouldman

I always run away from things that tie me down
My life I live
But love’s not for me

I see my goal ahead
With nothing in the way
If love should come
Then I’ll run away

I’ve always been the kind of man
Who’s dedicated to his course
And it’s a lonely road to run
But I’ll stay faithful to my course
There’s only one direction

There comes a time when you must choose
About the path you’re gonna take
And you must take it win or lose
And if you lose it’s your mistake
There’s only one direction

So when the race is won
And there’s nothing left to do
Alone again but where are you
Alone again but where are you

* * * * *

另外有一首廣東歌也是講「人到底追求什麼?」一年容易又四月一日。

11 則留言:

  1. coffee

    跟住又點呢?
    ==> 好似水墨畫咁囉...留白

    留待大家自己發揮

    回覆刪除
  2. 卡臣:

    跟住又點呢?

    跟住Kate見到隻艷鬼,艷福無邊,財色兼收囉!

    回覆刪除
  3. 睇得好心涼

    ps:晏晝明明唔係呢篇架喎

    回覆刪除
  4. 佛爺

    有艷鬼?
    五鬼運財
    撈到大把錢
    可惜無命享

    +++

    鳴門

    原本下午我set 緊 timer
    post 4月4日那篇
    點知錯手撳錯掣貼咗
    立即回收(學保濟丸)
    嘻嘻

    回覆刪除
  5. 「多~謝~施~主~」 -───- 、
            /       ヽ
             \     /
            , -‐'========'‐-、
         /           ヽ、
         /  ,、,'ヽ'ヽ  ,'ヽ'ヽ、 ヽ
         |  ,ゝ    `´   <,  |
         | ,ゝ          <,.  |
         ,ヘi'´ __ヽ、  ,'___  'i:,ヘ,'
         l t   'て}'    'て}`'  yl
         ヽ,,|          |,,/
          ljヽ    `´    /'lj
           \   ‐ニニ‐  /
          ,.==|` 、 _  ,,/|==,
       --^ ヾ、           /`r-

    回覆刪除
  6. 嘩!你呢篇咁猛,唔怪得你要安排响夜晚出籠!

    我覺得你呢個結局比原本嗰個更有趣。

    鳴門就好啦,有得睇優先場!

    回覆刪除
  7. 阿婆

    妳顯靈呀!
    請保佑我
    六合彩一票獨中頭獎

    +++

    歪歪

    其實...趕係3月內post埋
    咁成個3月
    都是關於電視

    鳴門睇咗先
    咁4月4日咪無新嘢睇
    一樣啫


    +++

    i.minor

    大把貸?
    其實..差不多盡架啦

    回覆刪除

LinkWithin

Blog Widget by LinkWithin