~~~~~~~~~~~~~~~~







2009年11月6日 星期五

就是她

就是她

新晉偶像派女歌手,18歲的Kissue,被金牌經理人Bosco點石成金,出了首張Debute大碟後,在機場博覽館開了一場演唱會,名叫《淘氣公主超靚演唱會》。

演唱會反應冷淡,門票滯銷,藝人公司半賣半送又派飛,跟卡拉OK酒吧便利店合作搞宣傳,初期在酒吧K場叫一支啤酒送兩張門票。後期票房告急,便利店的收銀員會問顧客:「先生多謝幫襯,不如加多五蚊,換《淘氣公主超靚演唱會》門票四張吖?」但都不能刺激票房,演唱會在三成票房下舉行了,冷冷清清。

演唱會反應強差人意,問題出於Kissue本身,無歌藝走音又唔夠氣,跳舞甩Beat零演技。只懂在鏡頭前甜笑,展示其可愛爆牙,在臉龐旁擺出「橫V字」手勢。公司替她塑造日本Lolitta少女的形象,目標要hit中「宅男毒男」市場。一臉無知但大胸的青春少女模樣,經理人Bosco預計Kissue應該可以攻陷到少男觀眾的龐大市場。

怎料中五都未畢業的Kissue,真正入世未深,心智停留在中三階段。她的單純心智接近白癡程度,連男觀眾都覺得Kissue過了火位,歸她入「波大無腦」一類。Kissue接受訪問時,成日都「O嘴」問記者:「吓?我唔明你問乜呀?」、「我...唔知啊。」令到記者和讀者都火光。Bosco多次在訪問前已經教路,但Kissue無記性,轉頭面對記者時,又雙眼迷茫。繼續低能下去。

但公司對Kissue仍未絕望,舉行演唱會後,更計畫會推出「演唱會現場DVD」。Bosco目前最頭痛的問題:是如何改變觀眾對Kissue白癡無腦的感觀?

這晚,Bosco一人去戲院看電影,是Michael Jackson的《This is it》。戲中見到Michael Jackson在綵排中,很有主見、很有創意,給導演加了很多寶貴意見,令到表演效果更臻完美,充分反映出Michael是如何熱愛音樂、如何關心地球。

Bosco看罷,靈機一動,決定要照板煮碗,替Kissue起死回生。在Kissue將會推出的「演唱會現場DVD」中,碟內附送另一隻光碟:是《The making of淘氣公主超靚演唱會》,Bosco將會重新補拍一些Kissue綵排的模擬片段。片段中會見到Kissue在排練期間,好有自信好有主見咁,向Band leader、編舞導師和導演提出自己的意見和睇法,而那些意見又是眼光獨到和有份量的。如果觀眾睇完呢套《The making of淘氣公主超靚演唱會》,觀眾一定會對Kissue改觀,大讚Kissue有腦有自信,眼光精闢。

Bosco回到公司開會,決定要製作《The making of淘氣公主超靚演唱會》,找製作公司、book了rehearsal studio、dancers、musicians 和一晚機場博覽館場地後,便開鏡拍攝。

一周後已經拍攝完畢,攞去剪片和做後期的同時,Bosco在公司開會,隆重其事,為這套《The making of》起一個名字。他心目中想叫它做《This is it》,但經同事們討論後,認為起一個中文字名會讓觀眾較易記得。

有同事將《This is it》譯成《係咁嘅》或《是咁的》,但Bosco不喜歡。有同事提出《這是它》,這個名字開始接近了。但用死物的「它」似乎不恰當。最後,Bosco一錘定音,叫做《就是她》,英文名是《This is her》。

Bosco看了first cut毛片,很滿意。片中的Kissue有主見有思想,好charming。Bosco對這張《This is her》充滿信心,應該可以替Kissue徹底洗底。

這一天,《淘氣公主超靚演唱會現場DVD》終於上架發售了,但Bosco的期望,又再落空了。

因為同一日You-tube有另一條短片上載,上載者是製作公司的某位員工,他偷偷上載短片,短片名字叫《The making of『The making of淘氣公主超靚演唱會』》嘩!The making of 另一套The making of?首創先例:拍攝「製作特輯」的「製作特輯」,解構再解構。

短片中見到Kissue在導演嗌cut後,立即回復白癡模樣,又抱怨咁複雜的對白點背呀?見她講一段對白,竟要拍36個takes才收貨,狠狠踢爆了Kissue白癡扮正常人。網民留言狠批Kissue,指責存心欺騙觀眾。Kissue的人氣跌落谷低。

因為製作公司某位員工,跟上司嗌交後,劈炮唔撈。該員工臨走前,偷走了一些cut走的NG片段,上載到You-tube,讓製作公司搞到一身蟻。

Bosco見到《This is her》做成的反效果,搖頭嘆息。原本諗著令Kissue起死回生,結果卻反令她永不超生。或者 This is her destiny,命運不是勉強可以改變得來。

23 則留言:

  1. 無歌藝走音又唔夠氣,跳舞甩Beat零演技。只懂在鏡頭前甜笑,展示其可愛爆牙,在臉龐旁擺出「橫V字」手勢。
    >>> O甘樣既ARTIST 睇香港現狀就知一定紅 , 點會唔得 ?

    回覆刪除
  2. 換左相???
    學篤篤話齋, 呢d一定紅.

    回覆刪除
  3. 最不幸就係"...員工,跟上司嗌交後,劈炮唔撈..." 所以話呢,做人上司,千其唔好同伙記嗌交!!

    回覆刪除
  4. 死拉....
    我一邊睇
    腦裡面就諗到果隻台灣尼既瑤瑤=口=

    回覆刪除
  5. 無歌藝走音又唔夠氣,跳舞甩Beat零演技。只懂在鏡頭前甜笑,展示其可愛爆牙,在臉龐旁擺出「橫V字」手勢。
    >>> O甘樣既ARTIST 睇香港現狀就知一定紅 , 點會唔得 ?

    Kissue對波究竟有幾大呢?好可能喺唔夠大囉。

    回覆刪除
  6. 自由

    快紅又快消失

    ++++

    denzel

    做人上司,千其唔好同伙記嗌交!
    ==>階層鬥爭, 好難避免喎

    +++++

    瑤瑤...
    但我諗起孟瑤喎

    ++++

    eric

    Kissue對波究竟有幾大呢?
    應該唔大, 如果大, 一早去咗做靚模

    回覆刪除
  7. 你暗指一系列香港新晉女藝人?

    得罪啲講句,既然依家啲大學生影畢業相要擰毛公仔,淘氣公主中五都未畢業,你想佢會好成點?

    回覆刪除
  8. 歪歪

    唉,
    係呀,而家下一代好脆弱
    唔願長大

    而家歌壇都沒有像以前的明星了
    只有吹波膠歌手

    回覆刪除
  9. 咦!果時我已睇架,我冇留言?唔,一定係俾網食了!
    哈!:)

    回覆刪除
  10. 你個故事,反應咗企業對Information Security control 嘅重要性。

    回覆刪除
  11. coffee

    妳的留言俾網食咗?
    咁靈異!!

    呢單嘢要徹查
    找司徒師傅出馬!

    ++++

    eben

    同一個故事
    唔同讀者有唔同的睇法
    你呢位專業人士真果然真專業

    回覆刪除
  12. 「吓?我唔明你問乜呀?」、「我...唔知啊。」

    卡臣:

    好多專家都係咁答問題架!有腦同無腦,無分別架!嘻嘻!

    回覆刪除
  13. 佛爺

    你果然心水清噃

    專家用專家口吻:

    「目前我唔打算作任何回應,有進一步消息,會再公佈.」

    「我唔會回應假設性問題,」

    回覆刪除
  14. 咁扮好寸唔答問題果個天后,其實可能都係「吓?我唔明你問乜呀?」、「我...唔知啊。」,但佢選擇唔講野

    回覆刪除
  15. naruto

    果位天后...東山復出
    可能佢已經唔識講廣東話了

    回覆刪除
  16. 你哋講嗰位女歌手(sorry 唔係天后),除咗唔答問題之外,正如朱咪咪話齋,佢响台上同觀眾都係零交流。

    回覆刪除
  17. 我就一面睇一面諗起呀 GEM,雖則呀 GEM 應該得啲啲~

    回覆刪除
  18. 歪歪

    天后級吖嘛
    惜字如金
    越串越受歡迎

    +++

    largeheadboy

    welcome back~~

    我就想起傅穎

    回覆刪除
  19. 嘿嘿

    18歲的Kissue喎,
    可能唔係你心目中果位天后

    回覆刪除

LinkWithin

Blog Widget by LinkWithin