~~~~~~~~~~~~~~~~







2009年3月1日 星期日

不要重播 By the8

Felicia 和 Felix 本應是同事...Felicia 是會計部的主管.....Felix 是行人力資源部的主管 ....大家年齡相約都是熱愛水上活動....二人都是在外國讀書返香港工作.......由在 pantry 眼望眼到一聲早晨...internal training 時開始認識....再到 "不如搵日一齊食 lunch 囉!" 他們的約會很快便由 lunch 到 dinner 到 weekend dating.....火速戀上後...為保持底調....他們在公司中扮作普通同事....故此公司的人並不知道他們的關係~

三年的時間內...除了感情特飛猛進外,恩愛日添,甚至認定對方是自己的另一半之外...Felix 在事業上更一日千里....最近更升上天堂管理層的職位~

這個星期五....一大班同事約好替 Felix 升職而慶祝...Happy Hour 食飯唱 K 直落......Felix 想趁這個機會把戀情公開...可惜 Felicia 有點猶疑....事因 Felicia 對上的女上司 Cathy 是老姑婆一名....痛恨所有一雙一對的戀人...Felicia 加入這間公司的第一年的情人節....親眼見到某新來的小文員收花....Cathy 表面上扮作無事無幹...但卻在臨放工前半小時....把小文員叫了入房....將雞毛蒜皮等小事化大...隨即把五大個 file 扔給小文員要她在明天十時前把所有錯誤糾正!

小文員欲哭無淚....唯有哭喪的面在情人節當日加班到晚上九時....才飛的去赴會小男朋友.....

自始之後...會計部再沒有人收花了~

Felicia 知道除非辭職不幹...否則....戀情是絕不可公開的~ 但在經濟不景....Felicia 不想摶一舖...也不想回悶爆的加拿大...唯有死忍及盡量不觸及變態上司的死穴~

Felix 無奈但也體諒 Felicia 的慘況....所以星期五晚便單拖赴會~

當晚....由 Happy Hour 開始....Felix 便不停被灌啤酒....晚飯時又被灌紅酒.....唱 K 時芝華士當然小不免喇!

一整晚....Felix 也沒有致電給 Felicia .....平常 Felix 通常在回家時也會致電給 Felicia 報到....Felicia 覺得奇怪....但好歹她也是受過高等教育的人....明知男友有約會也不好意思打電話去干擾.....反正明天不用上班....體貼的她就讓他盡慶一晚吧!

第二天早上...Felix 也沒給 Felicia 電話喎....一直到中午....Felix 才來電說昨天被同事們 "隊林" 了....醉得一塌糊塗~ Felicia 知道後....著愛人在家休息散吓酒氣...休息夠明天才見面吧!

三個月後....

Felix 在送 Felicia 回家時有點異像.....Felicia 做開會計心細如塵...在數天前一早已經感覺到 Felix 的行為有點異樣....在家門口...主動問 "做咩呀? 成晚囉囉鬈唔自在咁既? 有嘢想講呀?"




Felix 按耐不住....向 Felicia 坦白三個月前同事為他慶功的那晚.....自己一時飲大咗....就好似電視劇老土到爆的情節下....跟女下屬 Violet 發生了不應該發生的關係....原先 Violet 向 Felix 承諾 "這是一個祗有你知我知的秘密....ONS啫....唔好睇得咁大件事喇! 出咗呢個門口...你仲係你女友既好男友...你仲係我老細...就係咁簡單!" 結果這個秘密....現在有 4 個人知道了....Felix + Felicia + Violet + Violet 肚入面個 BB~




Violet 現在要 Felix 作出決擇....要佢同個 BB 定要自己的女朋友? 攻心計強的 Violet 其實在第一個月已經知道自己有咗....她知 Felix 這種單身高職樣子不俗的筍盤有巿無價絕....特登不即時把有咗的消息告訴 Felix .....等到自己個肚有返三個月喇...才把 surprise 告訴 他....她一看到 Felix 一副 "唔知點算" 既樣...便即時以退為進嚷 "你唔駛揀、我揀! 我去落咗個 BB 咪無煩惱囉!" Felix 愛小朋友....而且也知道懷孕三個月去墮胎是很危險的....他不忍心....話晒係人命一條又是自己的骨肉....叫 Violet 給他一星期時間去諗辦法~




Felicia 如夢初醒....怪不得男朋友慶功後第二天中午才給自己打電話~ 驚呆交雜的 Felicia....看見 Felix 邊猶疑邊說 BB 是意外但亦是無辜的...想起他的不忠...想起他以為 ONS 不會 "瀨嘢" 便把出軌行為收埋...好喇現在東窗事發喇才走來坦白....氣得扔下一句 "你唔駛揀,我揀!" Felicia 雖然不捨得也毅然放手.....第二天....Felicia 回公司辭職放下了一個月的代通知金....買了機票回老家加拿大....索性把在香港工作時儲下的儲蓄拿去埋首讀返個 PHD~ 以讀書去療情傷!




四年後....




Felicia 和家人回港探親....飛機都未降落在機場.... Felicia 望著窗外....腦裡快速 recall 了和 Felix 那段感情....傷口已經平復...但這些年來...和自己拍拖的男生從來沒有一個像 Felix 一樣咁合拍咁投契~ 不過...一切都過去了!!! 甩甩頭....把思絮視線都由遠處收回來現在~




步出離境大堂....家人要先去洗間手解決生理需要.....Felicia 在外面看管行理等待著~




忽然間....有東西撞到自己的腳上~ 低頭一看....見到一個小男孩一時大意撞到自己身上....把小男孩剛扶好....卻見另一個長得一模一樣但穿著裙仔的小女孩蹦蹦跳的走來..."哥哥....論盡豬....撞到人!" Felicia 一時間以為自己搭完長途機又沒有休息而頭暈花出現幻覺....原來是一對雙生兒~ 這時一菲籍工人正好趕上來....以半咸半淡的廣東話說 "妹妹...曳曳! 歹撈...快啲同姐姐講堆唔治喇!"




Felicia 笑一笑示意沒關係....看著那工人拖著一對雙生兒離去....原來雙生兒的母親正在不遠處...那個母親....不就是 Violet 吧? Felicia 百般滋味在心頭...慨嘆她跟 Felix 的緣份其實不淺....但可惜大家有綠卻無份吧!




垂著頭的 Felicia ....沒留意 Violet 一步一步走近自己~




"Felicia ....真係啱~ 係機場都撞到妳! 我哋一家出門去日本玩幾日呀...."




Felicia 不懂給前情敵來個甚麼的反應.... Violet 又一輪咀的說 "妳果時話走就走....大家都唔知發生乜事呀~"




Felicia 定一定神....唯有亂找一個藉口草草交待....剛好家人從洗手間內出來....便跟 Violet 說句再見離開了機場~ 在出機場大樓前....Felicia 回頭再看一眼 Violet...Violet 忙於叮囑工人....而站在她身邊的 Felix 抱著大佬.....遙遙的望著 Felicia ~ 四目交頭的一刻....Felix 送上一個歉意的微笑作為問候~




在家人催速下...Felicia 向 Felix 點點頭....便離去~ 心中不禁自嘲四年前作出的正確的決定而有點欣慰~




未跟 Felix 開始前...Felicia 在一次婦檢中得知自己不育的機會很大....會計出生的她...對數字從不陌生....心中一算...已經知道生 BB 的機會有幾咁大....不太愛小孩子的 Felicia 對這個消息縱使有點意外...也深覺不育是 "整定既!" 大不了將來和伴侶不要小孩便算了吧!




開始跟 Felix 拍拖....沒想到大家會到談婚論嫁的階段....有一次在沙灘中曬太陽時 Felix 看到另一邊廂一家三口來玩沙玩水....Felix 一時走漏咀說 "你睇吓個 BB 幾 cute....圓碌碌既腳指仔...一掂到沙就縮晒....哈哈哈哈~ 第時我哋都要生返三個....二個女一個仔....家姐可以幫手教細佬...." Felicia 才知道 Felix 是很愛小朋友的~




那時...Felicia 也自私的想....跟 Felix 未必修成正果會到達談婚論嫁的階段....暫且得快樂時且快樂吧! 誰知 Felix 認定了她是另一半...在 "出事" 前一年的聖誕節更揚言會努力工作...四至五年後便迎娶 Felicia ~




好幾次.... Felicia 想把自己不育的真相告知 Felix ....但卻因自私而又開不了口...故此 "我無得生架! " 呢五個字便一直藏在心中~




出事的當晚....Felicia 看見 Felix 提及 BB 是無辜的樣子...想起自己一世也不能給 Felix 誕下兒女....索性忍痛退出吧!




另一邊廂...




Felix 想不到會再碰到 Felicia ....當 Felicia 辭職後....他發了瘋的找她....可惜她 email 不覆....電話又 cut 埋....日日上 MSN 等她在 FB 中留言也音訊全無~ 而他完全不知道她在加拿大的地址....那時...Violet 的肚子都快四個月了....而且她亦告訴他...醫生說是雙包胎! Felix 心想...唉生米都煮成熟飯....仲要係二碗絲苗白飯添...唯有一人啃晒兩碗飯....婚後想不到平時 we we wet wet 的 Violet 生了孩子也定性下來....總括來說都不失為一個好母親~




在四目交投的一刻....Felicia 冰冷的面孔是因為驚覺 Felix 已為人父...有一對可愛的兒女....若果 Felix 和自己一起便沒可能有這種天輪之樂~ 但在 Felix 眼中.... Felicia 的冷寞是因為自己一時塗而犯下錯誤而內疚....他因內疚遮掩著眼睛....看不到 Felicia 臉上那一抹欣慰~






..................................


多謝 the8撐場!故事結局叫人無奈~
the8 說他作為長期 CD ROM, 是時候回禮以表心意~
故事是 base on 「不要重播」這首歌的靈感而成~







33 則留言:

  1. 點解呢幾篇都喺咁無奈嘅結果呢。。。

    回覆刪除
  2. 多謝卡臣兄肯貼民婦此劣作...仲搵到張咁靚既相做 starter! (本應我都想張自己公司張相貼上0黎...但好多公仔...一 D 都唔整潔!)

    希望大家俾 D 意見...我預了被喪插...忽留手! 謝!

    回覆刪除
  3. re eric: 你鍾意大團結局嗎? 帶點無奈的事...令人更回味呀! (我覺得咋!)

    回覆刪除
  4. the8 呢個故仔,一D都唔劣呀!不過又真係無奈咗D,睇到我都係咁嘆氣!!

    回覆刪除
  5. 嗰结局几好吖... 我中意呢种结局.

    回覆刪除
  6. 呢個故仔,一D都唔劣呀!X2

    無奈嘅結局,的確喺會再三回味嘅。。現實真喺無奈多於大團圓。。

    回覆刪除
  7. 我都幾鍾意這結局, 是有點無奈, 但人生不就是這樣嗎?

    回覆刪除
  8. 好精彩的故仔,唔拍電影,起碼可開拍一集完電視劇!

    回覆刪除
  9. 雖然係無奈,但係畢竟都已成過去,今次再見係提醒雙方都要 move on。

    回覆刪除
  10. 呢D故事才叫做現實故事,因為現實係充滿無奈,尤其是愛情,如果我係felica,我都會係咁...

    回覆刪除
  11. 我覺得個選擇好o岩...就係唔自私先係真既愛嘛。

    不過…the8 如果可以用番標點就會易睇D 喇。(小小意見o者~)

    回覆刪除
  12. the8
    故事很有意思,都算完滿,Filex是喜歡小朋友的,家下打孖上而且太太又照顧得居企好好添!
    有時你愛的是某人與之結婚生子的又是另一個人!

    回覆刪除
  13. re gwenzilla: 多謝你~ 係咖...都算係中度無奈喇~

    回覆刪除
  14. re eric: 多謝多謝....我唔想連 blog 都好似毛記電視咁...集集都 happy ending....好悶丫嘛!

    回覆刪除
  15. re 肥貓: 嗯~ 其實我0地日常都經常發生這種無奈...真係日日皆大歡喜咁開心咩~ >_<

    回覆刪除
  16. re 渣沽: 多謝...但我功力未到家...必成票房毒藥~ XDDDD

    回覆刪除
  17. re JC: 仲乜呀? 好感慨咁既你?

    回覆刪除
  18. re 逍遙小妹: 無奈...真係經常出現係我0地身邊呀~ 不能改變...祗好接受吧!

    回覆刪除
  19. re Iris Eye: 這就是生活吧! 多謝意見...我真係要搵搵打標點符號既 short key 先得...其實自己都覺得咁會好 D ...但起初無想過會借花敬卡...嘿~

    回覆刪除
  20. re 聶康秀: 多謝你呀! 有時 D 0野真錯有錯著呀~

    回覆刪除
  21. re 市場維京人: 請問係咪唔得踏實呢?

    回覆刪除
  22. FF 戀的失落,好唏噓!

    Fv 戀能修成正果,好驚險!

    v 的計算,令人好驚驚!

    改番啲好 key 嘅字吖:天倫之樂

    回覆刪除
  23. re laulong: 其實都不失一個好結局既...Felix 永遠唔會知道 Felicia 有一個不能說的秘密...2 人之間的回憶美好的比不美好的多~

    另多謝提點錯字...我係朋友間既外號係錯別字王...平時同朋友既 email...更是錯到離晒譜~ 好羞家!

    回覆刪除
  24. the8:

    我"唉..", 係因為嘆息你個結局呀....

    無奈無奈...

    回覆刪除
  25. re JC: 明白了~ 小時候咁多種感受最遲學會/體會的是無奈...但長大後...無奈經常在身邊出現...由無所適從到淡然接受了~

    回覆刪除
  26. re the8,

    踏唔踏實唔重要吖,最緊要好睇。

    It's a nice story.

    Cheers!

    回覆刪除
  27. 好中意好中意呢個故事!
    一路睇..一路感受到o個種無奈feel...

    回覆刪除
  28. re Cat: 多謝~ 女仔對呢種無奈既共鳴好似大反應 D 咁既~

    回覆刪除
  29. 故事個結局都好反映現實呀..
    好多事發展到某一個地步,
    真係唔係大家可以控制到..

    繼續努力呀!

    回覆刪除

LinkWithin

Blog Widget by LinkWithin