~~~~~~~~~~~~~~~~







2009年3月1日 星期日

宅女的新衣 By C+

宅女的新衣  By C+

宅女,不諳穿衣之道,不懂化妝技巧,更不懂營造髮型.尤幸身邊有兩位張家小姐,義務作形象指導,經過兩年「除宅行動」,初見小成。但女生宅性太深.未經兩位高人審批的行裝,理論上,可以穿;實際上,她不敢穿。

一天,宅女收到突發邀約,需要決定行裝。惟張大小姐忙於享受陽光海灘,無暇理會宅女死活。張二小姐在趕往開會途上,但亦善心地提議宅女於電話中,口述心水選擇,讓她作個定斷。

宅女:「Hm....紅色個條,新買架,個cutting同妳嗰條橙色花花裙差唔多,黑色個條,咪妳話我十世都唔著個條McQueen囉。藍色嗰條。..」

二小姐:「紅色嗰條咩質地?咩Length?妳邊條McQueen呀?妳條條都係黑裙,我點記得?藍色,咩藍?Navy? Sky? Cyan?」

宅女:「紅色嗰條Knee Length,Satin?但有彈性架播,係咪Lycra先真?我唔知,令令地架囉... 」

二小姐怒吼:「妖你!買條裙妳連咩質地都唔知?」

宅女被罵,心怯,細細聲以極有限的認知繼續口述。依依哦哦了兩三分鐘,仍然說得不清不楚。

掛線前,張二小姐拋下一句:
「打電話問功夫仲Work過妳打電話問Fashion,好好反省吓啦!」

碰了一鼻子灰,宅女只得望著三條裙子發呆。距離約定時間只剩九十分鐘,心急,一轉念,她想到新方法,去麻煩別的朋友。

她逐一穿上裙子,對鏡自拍,再以電郵及MSN征求協助。經五位不同年齡品味的好心男女審批後,以四票對一票通過黑裙子為第一選擇。

奈何宅女心中想穿的,明明是那條藍色裙子呀!死不忿氣的她,竟然在想 「這幫人,根本不明白裙子的成本效益論。還是問問小S安全!」

她再次拿起電話,撥了一通IDD到印度,以友情要 脅小S即時上網,為她作最後決定。小S無奈答應,但說要十至十五分鐘後才能上線,宅女趁這個空檔,以極速洗頭沖涼,跳回電腦前時,小S剛登入MSN。

小S:「睇咗妳啲相啦。妳想佢心藏病發,藍色;唔想佢死住,黑色啦…喂妳啲頭髮記住紮起,但唔好立死All Back...」
宅女:「喂開Webcam吖!」
小S:「唔喺屋企,無Cam...」
宅女:「吓!?」
小S:「屋企Internet神咗,要去Internet Café。今晚咩Plan呀?喂妳諗住著邊對鞋呀?」
宅女:「I MISS U SO MUCH! (喊樣Icon)」




....................

C+,唔使我多介紹,
她以我行我素、型到爆性格聞名,
今次送我忐忑少女心事作回禮,
又唔似她平時咁充滿自信喎,
係咪扮嘢先?!

本故事也在Living in the moment中,作全球性同步發行。


.......................................................

當宅女遇上鬼才

(轉載自Living in the moment)

出賣自己,OK有效播.見大家咁捧場,等我又出賣下其他野先.

電郵「宅女的新衣」給卡臣時,郵來郵去,竟然譜出一段「疑似專訪」.交友以誠,網交半年,是時候拿點誠意出來.於是卡Sir有問,宅女必答.卡Sir直接得可愛,傳來的尖銳問題包括「揀衫見男友? 點呀? 個男人被妳俘虜咗啦?」、「聽聞妳男友是傳媒人,對嗎? 」等.

面對卡Sir,宅女不敢扮型,不單乖乖回應平日打死不談的題目,更自揭身世,道出「根本就係一個爛口宅女!」、「我係夜冷店店東,賣得既統統都賣!賣身都有得傾!」等等.

樂極忘形之際,宅女問:
「我覺得有好多野,女人做左,唔應該比男人知.佢受落,夠了.男人呢?有無d咩係為個女人做,但唔會比女人知?」

卡Sir道:
「除非賣血換錢來送包包給女朋友,otherwise,大鑼大鼓告訴女友自己點犧牲點偉大.」

女人與男人,真有這分別嗎?抑或宅女「宅毒」太深,慣於將一切收收埋埋,才有此等歪想?

又,任性的宅女,無視鬼才正處於請勿打擾閉關期,厚面皮請他出關,為她一個小實驗執筆.鬼才大方,即時答應,令宅女好生感動.

各位掛念卡臣的粉絲,要讀他的文字,下星期三(2月25日),便要來宅女的博咯!嘿嘿~

16 則留言:

  1. 卡Sir願意笑納我呢個宅爆的鎖事,無要求我重寫,真係好彩!希望大家唔會噓啦 =)

    又,咩事呢,點解懷疑我扮少女?我唔可以少女下咩哼哼哼!

    回覆刪除
  2. C+呢個pose, 好索ar~~~
    唔該show 埋條藍裙丫, 快d....

    回覆刪除
  3. 嘻嘻好彩你地應下我唶.文筆唔好,出幅相轉移下視線,果然有效呀!=)

    回覆刪除
  4. 又,多謝你地覺得索.裙子的觀眾,竟然膽敢同我講句:

    "條裙係靚,但我更加鍾意佢方便."

    我.真.心.想.爆.佢.樽.囉

    回覆刪除
  5. to C+ : 做咩遮住半塊面? 咁靚女唔怕見樣啦。

    (男人心聲) 吊帶裙好呀,上身易拉落o黎,下身又易推上去,真係好方便o架!

    回覆刪除
  6. "二小姐怒吼:「妖你!買條裙妳連咩質地都唔知?」"

    哈哈,鬧得又幾應喎。

    "C+呢個pose, 好索ar~~~
    唔該show 埋條藍裙丫, 快d...."X2

    大隻權 提到...
    to C+ : 做咩遮住半塊面? 咁靚女唔怕見樣啦。

    咁你都應該POST多啲泳裝相啦。

    回覆刪除
  7. 更加鍾意佢方便
    >>>>方便做乜sin ? kakakakaka

    回覆刪除
  8. 阿權哥,如果我真係靚女,我豁出去有咩所謂?=p

    又,我覺得呢,係裙都方便架啦!嘻嘻

    ***
    佚名,多謝捧場先.藍色裙仔係前後Deep V囉呵呵呵!

    回覆刪除
  9. Eric eric,二小姐鬧人好應架,但佢計得打電話問功夫我先嚇一跳囉...周星馳果然係深入民心!

    藍色裙等緊首映窩,搶先曝光,我怕裙子的觀眾無左Suprise播...

    ***
    Laulong,謝你的留言.宅女係咪好"柯個"呢?其實,仲可以煩d呢.哈哈哈

    回覆刪除
  10. 篤撐,方便...方便...洗熨囉!=p

    ***
    娜姐,多謝捧場!但索?塑膠就有我份!=p

    回覆刪除
  11. 吾多似宅女喎!邊會為著衫而苦惱?
    係浦女多些...
    張相好有mood....
    nice story!

    回覆刪除

LinkWithin

Blog Widget by LinkWithin