~~~~~~~~~~~~~~~~







2008年12月25日 星期四

聖誕交叉扑 - 祝福婚禮 By CK

聖誕交叉扑 - 祝福婚禮 By 人在中環CK

「離鬼譜架真係…」我心裡暗暗咒罵:「邊有人揀平安夜結婚架,搞到一個二個局住黎飲冇得蒲!」

平安夜既夜晚,我身穿整齊既西裝,出席我老友victor同joey既婚宴。victor同joey係我大學認識既同學,大學生涯裡面,如果冇左佢地兩個陪我溫書,我可能根本畢唔到業。我認識victor既時候,佢正係瘋狂咁追求緊joey。joey係個一等一既靚女,追求者眾。不過victor當年的確毅力驚人,苦等joey好幾年,後來joey終於被victor既持久等待所感動,佢地兩個終於成為左一對。一對我一直認為係金銅玉女既組合。

* * * * * * * * * *

一年前,蘭桂坊。

「喂,果個咪victor?」拖住我既老婆忽然猛力搖我手臂:「佢拖住果個邊個黎架?」
我抬頭望一望,咦,真係victor喎!至於佢拖住果個,我唔清楚,我淨係知道,果個女仔一定唔係joey。

「頂,洗唔洗邊行邊打車輪呀…」

我本來想衝前去拍victor膊頭,卻被身邊既老婆拉住。

joey、victor,兩個都係我少數稱得上「老友」既人,同我感情非淺。而我亦一直以為,victor同joey關係美滿,victor俾我既印像亦一直係個專一既男朋友。眼前呢個景象,的確令我好唔舒服。

事後我私底下搵過victor,問佢我當日響老蘭見到既事。victor向我親口承認左,同joey既感情,變得越黎越淡如水。大家雖然經歷左好多,有深厚既感情,但係彼此間既愛情卻消失左。相處變得淡如水。佢又話只係一時意亂情迷,加上酒精影響,先至做錯左事。果個女仔,佢話當晚響酒吧認識既,唔會有手尾跟,亦唔會影響佢同joey既關係,one night stand,過左就算數。

「千祈唔好同joey講呀…」victor求我。

我心面有點氣,只是一向唔懂得推人既我,無奈地應承左佢。

往後既日子,victor同joey一pair,我同我老婆一pair仍然時不時咁一齊出黎玩。victor一直表現得若無其事,響我兩公婆面前,仲表現得好甜蜜好恩愛。我心裡面總覺得有d唔妥,不過又唔敢表現出黎。我心裡面一直相信,victor當日同我講既說話係真既,當日只係一時意亂情迷,一時。

* * * * * * * * * *

大約六個月後,我又響街上碰見victor。

victor拖住同一個女仔,行左入時鐘酒店。

同。一。個。女。仔。

即係當晚唔係one night stand,而係一個持續既關係。

我忍唔住即刻call victor手提:「你條仆街有冇搞x錯呀?你對得住joey嘛?」

「喂,你響邊呀?」電話裡面既victor心急如焚:「喂,你冷靜d,千祈唔好同joey講呀…」

「仲要我信你?」我忍唔住大叫,然後將電話掛斷。

當晚深夜,我同老婆提及我今日見到既事,正係豫疑緊係唔係應該同joey講出我見到既野時,我既手提電話突然收到joey既來電。

我心裡一沉,心諗victor係咪已經自首?

「我係joey呀!」電話裡面傳黎joey興奮既聲音:「victor同我求婚呀!我地決定年尾結婚呀,我一應承左,就想打電話俾你地兩公婆啦!」

效率真快,我心諗。

呢一晚,我有一種被好朋友欺騙既感覺。

* * * * * * * * * *

婚禮上,我既角式,係一個鄧穿石。

一個不能真心戥一對新人高興既鄧穿石。

我整晚心不在焉,我去過好多好多婚禮,亦都做過好多次伴郎、兄弟既工作。今次,係其中一次感覺最差既experience。

晚上既婚宴,嘉賓陸續入場。一對新人依然表現甜蜜。來賓都先後上台同一對新人影相。

後來有一個樣貌幾標緻既女孩子,一上台就同joey黎左個擁抱,然之後撬住joey既手臂,親蜜地合照。

我拉一拉身邊既老婆衫袖:「認得佢嗎?」

當日victor響老蘭拖住,之後一齊入時鐘酒店既女仔,就係佢啦。

原來係joey既friend黎。

我望住眼前呢個女仔同joey親蜜既朋友舉動,再望望響佢地身邊,victor果一副神態自若既模樣,突然覺得好心寒。

我拖緊身邊既老婆,深深吸了一啖氣。

「你能夠真心祝福呢對新人嗎?」




.....................

帶妳見我父母吖! By卡臣

(Photo by Milo Boggy)

Kevin從加拿大回流,在香港一間銀行工作。
他的父母留在溫哥華居住。
每年聖誕節,Kevin也會回溫哥華跟父母歡渡聖誕節,
Kevin已屆適婚年齡,恨飲新抱茶的父母,著Kevin帶女朋友回家給他們過目。
Kevin唯唯諾諾,12月帶女朋友去攝氏零度的溫哥華渡冬假。

Kevin帶著女朋友,由機場返家,母親正在家中準備豐富晚餐替他們洗塵。
Kevin按門鈴,父母殷切開門,女朋友首次拜見Kevin父母。

媽媽見女友後,面色一沉:「Kevin,你入一入嚟廚房幫幫我手吖!」
Kevin入廚房後:「媽,點呀?幫手整火雞呀?」
媽媽:「哼!你女友咁醜樣,你唔飛咗佢,唔好認我做阿媽!」
Kevin最鍚父母,唯命是從,回港後,不久就甩了這女友。

半年後,找到一個更靚更索的model女友,12月又帶新女朋友去溫哥華見父母。
今次Kevin充滿信心,希望媽媽會鐘意呢位模特兒女友啦!

怎料媽媽見新女友後,面色一沉:「Kevin,你入一入嚟廚房幫我手吖!」
Kevin入廚房後:「點呀?呢個OK囉呱?」
媽媽:「哼!你新女友咁醜樣,你唔飛咗佢,唔好認我做阿媽!」
Kevin雖然失望,但他最聽父母的話,回港後,不久就甩了這新女友。

Kevin極度氣餒,不知道什麼女友才可以取悅到父母?
Kevin的同事Carlson獻計教路:「嗱!Kevin,你一於根據你媽媽年輕個樣,揾個女友同你阿媽一模一樣,信我!你阿媽一定唔會詐型!」
Kevin照板煮碗,又竟然俾佢咁好彩喺人海之中,
揾到一個跟媽媽年輕時一模一樣的女友。

12月,Kevin帶最新女友去溫哥華見父母。
Kevin今次真的充滿信心,媽媽一定會鐘意呢位新女友!

不出所料,媽媽一見這位新女友,面色大悅,當場大讚:「Kevin,你呢位女朋友真係fabulous!」繼續好開心咁仔細打量這位未來新抱。

此時,父親叫:「Kevin,你入一入嚟車房幫幫我手吖!」
Kevin入車房後:「爸,點呀?剷雪機又壞咗呀?」
父親:「哼!你新女友咁醜樣,你唔飛咗佢,唔好認我做阿爸!」
Kevin:「吓……?」




--------------------------------------------

很高興能夠與Blog界名人:人在中環CK 交叉Blog,本人十分榮幸!

更要多謝大鐵鎚發起今次活動出心出力。

英國聖誕電影《Love Actually》全名:Love Actually All Around.
如果愛一早已經包圍著我們,只是我哋一時間唔察覺或者唔為意,
咁我祝大家:
Many Kiss Must

48 則留言:

  1. In fact, how much time you spend on 寫作, 打字, 你都好似好得閑. 我打字是很慢很慢.....努力

    回覆刪除
  2. 查比斑特頓

    >你都好似好得閑

    對呀!
    我已經退休
    年華逝水...

    回覆刪除
  3. 對呀!
    我已經退休
    >>>>你個死有錢佬丫....
    KAKAKAK

    回覆刪除
  4. 篤撐

    我住深水埗籠屋
    去starbuck上網咋!
    陰公~~

    Many Kiss Must!

    回覆刪除
  5. 這一年...落花流水!
    All flowers falling...the year!
    講真,
    我連標題都諗好
    硬係吾知點落筆
    露了口風
    卡兄又話期待(實情係未亂嗡24)
    指教下...好wor
    係呢你真係退了休?
    Doo Doo 撐係好有米?
    諸事3隻耳上

    回覆刪除


  6. 這一年...落花流水!
    All flowers falling...the year!

    個標題起得好呀!
    妳諗著一集過?定上下集?

    點落筆:
    順敍?倒敍?
    分三集?
    每集專講一樣:愛情/家居/工作?
    分四季講?

    我期待(真心架!)

    我未退休!
    只是公司冗員而已

    >Doo Doo 撐係好有米?
    嗱!呢句真啦!
    問佢借,一定唔使妳還

    回覆刪除
  7. 一個 post 又睇到 CK 嘅文又睇埋卡臣嘅故仔,爽!

    回覆刪除
  8. merry x'mas.

    i enjoy reading CK's article in the AM730 newspaper.

    回覆刪除
  9. 卡臣:

    我多謝你幫我post文就真。 =)

    祝你聖誕快樂!

    CK

    回覆刪除
  10. 開始寫啦!硬係有D甩頭甩計咁.
    第1個故事有D似倪周story
    我鐘意第2個故事多D.

    回覆刪除
  11. carson 同 ck 寫得一模一樣,你學佢佢又學你 =D

    回覆刪除
  12. ah nei tiu carson... changed my merry kissmas to many kiss must....

    OKAY YOURS IS WAY BETTER THAN MINE!!!

    kisssi mustttttt!!

    回覆刪除
  13. Viking Man

    CK 的墨寶喎!
    你果然識貨!

    ++++++

    nost

    係呀!
    am730我都有睇
    CK 專欄必讀!

    +++++

    Audi 計數佬

    >CK寫故仔真有一手
    可以post到CK
    讓我沾吓光先!

    回覆刪除
  14. CK

    我可以post閣下的文章,
    是我的榮幸啊!

    祝你聖誕快樂!



    ++++++++




    >開始寫"落花流水"啦
    好嘢!
    我都好想知妳的故事啊!


    +++++++



    >carson 同 ck 寫得一模一樣,你學佢佢又學你
    ==>一定係卡臣抄CK, 因我是他的讀者啊

    回覆刪除
  15. 呀!妳條C+

    玩到天光五點先返屋企?
    我昨夜去完朋友屋企
    12時已經回家
    老人家嘛
    玩通宵?遠古之事

    抄妳merry kissmas
    哈哈!
    妳啲好嘢唔怕俾人抄啦!
    中國翻版技術又一示範!

    Many Kiss Must!!

    ++++


    eric

    回英國啦!
    個trip好玩嘛?

    Many Kiss Must

    回覆刪除
  16. 聖誕交叉扑,有意思,依家真係乜都有crossover。

    祝福婚禮By人在中環CK
    ==> Victor+Joey嘅故事,現實唔少,不過,呢種偷情關係應該唔會持久,有一日,或彼此生厭、或給人發現,悲劇已經預見。只是,人墜入迷惑的肉體關係,很難抽身。

    帶妳見我父母吖by卡臣
    ==> 卡臣間接道出,世上有許多像Kevin父母的怨偶?
    就到阿媽就唔到阿爸,乾脆結左婚先帶返去!

    回覆刪除
  17. 巴黎

    好懷念妳的中文留言啦

    >>祝福婚禮By人在中環CK
    =
    男人的動物雄性DNA
    需要繁殖傳後,
    唉~難改~難改~

    >>帶妳見我父母吖by卡臣
    講吓笑咁啦
    老豆唔能夠容許家族中有二個成員都是
    太太個樣,頂唔順
    盞篤眼篤鼻!

    妳快啲答妳的留言,堆積如山喇!

    回覆刪除
  18. 卡臣:
    哦!正啊!交叉朴要攪多d!
    many kiss must too ar!

    回覆刪除
  19. 卡臣兄,
    講到繁殖基因,我推薦呢本書
    自私的基因
    The selfish gene by Richard Dawkins
    可能會解釋到雄性愛四播種子的原因.那應是天性使然.

    回覆刪除
  20. 小佚

    交叉扑
    一年一度
    下次記得參加啦!

    ++++

    mocra

    聖誕快樂
    新年進步

    +++++



    多謝提供
    妳都好博覽群書喎!

    回覆刪除
  21. 好懷念妳的中文留言啦
    ==>
    無論外語說得多捧,基於文化背景不同,有些東西,始終以母語表達,更深入。

    回覆刪除
  22. 巴黎

    我已經急不及待
    送妳故事
    於27/12星期六晚925
    (早一天)
    請笑納

    +++++

    億利兄,

    你好!

    Happy New Year!!

    ++++++


    >>CK 篇文.. 有啲心寒..
    對呀!
    我本人最反對三角關係, 堅持一夫一妻制,堅貞愛情(下刪三千字....)
    呀~~明光社上身!

    回覆刪除
  23. 卡臣:
    交叉扑
    一年一度
    下次記得參加啦!
    -->諗下先,唔知交唔交扑@@

    回覆刪除
  24. 聶秀康,同感,熱切期待x 2...

    21:50 - 26.12.2008
    倒數 23小時25分鐘!

    回覆刪除
  25. 小佚

    唔使心急
    有365日妳慢慢諗~~~


    +++++=



    對於post巴黎旅客的故事
    我都十分熱切期待啊!


    +++++++

    巴黎

    >925
    一位才子誕生日!

    哈哈!
    一位傻子誕生日!

    妳真細心如塵
    明夜925我在朋友家
    妳盡力啦

    回覆刪除
  26. 自由 & 聶

    >>>你個死有錢佬丫....

    哈哈!有錢佬?
    我都想!
    可惜事與願違呢~

    回覆刪除
  27. 巴黎

    妳自己搓喇
    我幫唔到妳搓
    否則,老爺殺咗我

    回覆刪除
  28. >>搓.......麵粉喎!
    咁又唔同
    try my best 大力啲搓添呀

    回覆刪除


  29. >因為是paris的故事.
    哈哈
    我知道妳都好捧paris場

    今晚見

    回覆刪除
  30. 而阿卡嘅故事,
    總叫人期待!

    倒數
    8個鐘頭零20分....

    A+

    回覆刪除
  31. Paris & Lip

    I at GYM now
    2.5 hours to go
    i so excited too!

    回覆刪除
  32. carson爸打
    聶=Leep
    一陣去打邊爐
    回來就開估
    祝gym gym 愉快!

    回覆刪除
  33. Leep

    Sorry!wrong spelling

    Happy hot pot la

    Brother car

    回覆刪除

LinkWithin

Blog Widget by LinkWithin