~~~~~~~~~~~~~~~~







2008年12月10日 星期三

變型俠醫候群症

變型俠醫候群症

Angus躺在一張寬敞的貴妃椅上,旁邊坐著一名年青的心理醫生Dr. Lo。Dr. Lo一邊細心聆聽著Angus的描述,一邊做筆記。Angus已經覆診了好幾次,但病情仍然沒有半點起色。

Angus外表斯文,戴著圓框眼鏡,帶點書卷氣,用「弱不禁風」來形容他也不算過份。說話滋陰又怕羞的Angus,在大學圖書館當管理員,少矖太陽,皮膚白皙。愛一人看書食飯、聽交響樂、少交際應酬。他這種怕醜性格是很難結識到異性朋友。

Angus的心理病是:如果沒有受到外間事物刺激到他情緒的話,他跟一個平常文靜的平凡男士無異。但當他被激怒的話,他會突然喪失理智地破口大鬧!好似鬼上身咁變成另一個火爆爛佬。爆炸發狂破壞周遭物件,發狂期間,只要一見到有人喊、一聽到有喊聲,他就立即變回原本溫文柔弱的模樣。停止鬧人不得止,仲會咔咔笑出聲,笑到四萬咁口唔停!

而最攞命的地方:就是他完全不知道自己剛才發生過什麼突變。

最初,旁人仲以為Angus是撞邪鬼上身。Dr. Lo姑且暫稱這種病徵為「變型俠醫候群症.The Incredible Hulk Syndrome」。面對此怪病,Dr. Lo詢問過其他本地及海外心理醫生,都束手無策。

Angus屢醫無效,此時躺在貴妃椅上開始有點不安,繼而情緒開始有點波動,瞳孔開始擴張,血壓急升,拳頭握緊,Dr. Lo見狀,立即用說話催眠Angus,因為Dr. Lo之前都曾經領教過病發後Angus的鐵拳,免得過都唔想試多次。

Angus安靜下來,呼吸放緩。在爆炸邊緣打了個白鴿轉回來。Angus問醫生下次幾時再來覆診?醫生翻一翻手帳後,告訴Angus下週星期四下午三時準時再來。Angus有點氣餒,無奈地離開。

* * * * * * *

一週後,星期四下午2:45分,Angus已經來到診所,等待Dr. Lo。護士說Dr. Lo正在返回診所的途中,着Angus坐下來等候。

全間診所,計埋Angus,只有兩位病人在等候。另一名女子,接近三十歲左右,是一名陽光少女,明眸皓齒。古銅膚色,一頭清爽短髮,猜她愛戶外活動。等到3:15分,仍未見Dr. Lo出現,Angus開始等到有點慌悶。

這位女子叫Fia,主動上前結識怕醜的Angus,Fia說與其等得咁無聊,不如傾吓計解悶。Fia是游泳教練,專教小朋友學游水,性格開朗,樂觀健談、笑容掛嘴。Angus和Fia愈傾愈投契,兩人好像齒輪一樣,互補對方欠缺的性格缺憾。兩人交換電話,約定日後再見面。

Dr. Lo到4:00才出現,馬上向兩人道歉。原來醫生今天要到法庭,替疑犯提供心理評估,怎料個case審耐咗,連累Dr. Lo也要遲到一小時。Angus和Fia沒有怪責醫生,反而從心底裡多謝他的無心造就撮合。

Dr. Lo被邀做証婚人,出席Angus和Fia的婚宴。兩位拍拖一年後結婚,作為紅娘的Dr. Lo,成為席上的重要嘉賓。

但Angus的心理病仍未痊癒,難道樂觀的Fia能夠招架Angus?

非也!

Fia那天也在Dr. Lo診所候診,她當然也有心理病。

Fia的心理病是:如果她的情緒沒有受到外間事物牽動的話,她跟一個樂觀豁達的女子無異。但當她被別人大聲鬧的時候,她會突然情緒失控!好似撞邪咁變成一隻極度恐懼顫抖的小雞咁,失聲狂喊,但只要一聽到笑聲,就會立即變返原本陽光愛笑的模樣。

而最攞膽的地方:就是她完全不知道自己剛才發生過什麼突變。

Dr. Lo姑且暫稱這種病徵為「蛇龜候群症.Scared Syndrome」。面對此怪病,Dr. Lo詢問過其他本地及海外醫生,均束手無策。

結果Dr. Lo把心一橫,特地於那個星期四下午,
全診所只安排了Angus和Fia兩個appointment,然後故意藉詞遲到,讓性格主動的Fia自行去結識內歛的Angus。

兩人拍拖後,當健談又喋喋不休的Fia講呀講呀,講到Angus產生煩躁的情緒,Angus頂唔住終於爆炸,狂鬧Fia,Fia立即喪哭起來。Angus一聽到Fia淒厲的喊聲後,停止漫罵,並忘形大笑。Fia一聽到Angus的笑聲後,立即收聲唔喊。幾分鐘後,兩人同一時間收聲,默然相望,相安無事。大家都忘記了剛才發生過什麼事,一切再重頭開始過。如像電腦boot機一樣,Reset後洗牌再嚟過。

兩人都自知自己有情緒缺憾,所以對對方產生同病相憐之憐愛。唔跟對方結婚?仲可以跟邊個?

雖然Dr. Lo不能根治兩人的心理病,但能令兩人開心,舒緩內心困擾,也可算是心理醫生的職責所在。
而Dr. Lo成功之處,就是他勇於打破框框,唔介意將自己的診所,變作婚姻介紹所。

Dr. Lo舉起香檳酒杯,向一對新人祝酒:「百年好合,永結同心!」賓客紛紛舉杯,掌聲雷動。

Angus和Fia面對如此感人場面,Angus情緒開始波動起來,舉起的手開始顫抖,Dr. Lo見狀,眼也突了出來,「唔好呀!...... 千祈唔好呀!......」

送給lo哥


* * * * * *

結局續寫 By 市場維京人

阿 Augus 同 Fia生咗個BB女,叫Violet。Violet患咗個怪病,每次見到阿爸阿媽喺埋一齊就會抓狂。Augus 同埋 Fia 為咗個女好,唯有唔好同時間喺個女面前出現。到個女上咗幼稚園, 先生焗住話見家長要同時間見齊阿爸阿媽兩位。

Fia為免出醜,揾恩人Dr.Lo出手,扮爸爸見學校Miss,怎料Miss是Dr.Lo的舊情人。Miss以為Dr.Lo娶了Fia,日後上堂處處難為Violet這孽種。

Violet 雖然係豆丁小孩,但對上網非常熱衷。Click 吓 click 下喺挪威嘅華人網站搵到一個自稱沙漠狐嘅殺手。

Violet 為求對 Miss 報復,於網誌留言,希望可以搵沙漠狐對付 Miss。原來沙漠狐不嬲對做 Miss 嘅人都好反感,結果喺挪威森林飛返嚟香港。

沙漠狐攪掂咗阿 Miss。Dr Lo 知道 Miss 嘅死後,悲痛欲絕,生無可戀。隔咗幾年,Dr Lo 亦已經從悲痛中站起來。

有一日,Dr Lo 無意中咁喺網上搵到 Violet 喺沙漠狐個 blog 嘅留言,發現原來主動請殺手殺死 Miss 嘅,竟然係當日曾經做中間人幫佢哋拉埋天窗嘅 Angus 同埋Fia 嘅女。

一剎那, Dr Lo 只有呆著反應不過來,只知道冥冥中自有主宰。想著想著,不期然於眼角下流了一小滴眼淚......

Dr Lo 決定俾錢沙漠狐,殺死Violet!沙漠狐回港,將Violet溺斃。 將昏迷的Violet綁上大可扔落海,以為完成任務!

Angus 和 Fia 報警Violet失蹤,找Dr Lo 幫手,Dr Lo 假裝緊張。 怎料Angus 和 Fia突然情緒激動發作!大打出手!

就快錯手殺死Dr Lo之際,Violet趕到! 因為她是新人類,懂水中呼吸。Violet更指出Dr Lo 是幕後黑手....Dr Lo 被捕, 檢察官竟然是棄商從官的Helena....

Helena 咁靚女,哪個男人不心動?Dr Lo 自己雖然己一把年紀,但 Helena 喺商場打滾咗咁多年,相信年紀亦唔細。只可惜,對方係 Violet 老豆老母 Angus 同埋 Fia 搵嚟告自己嘅檢察官,如果唔係 Dr Lo 肯定第一時間約佢。家下約靚女不成,仲俾由自己一手撮合嘅 Angus 同埋 Fia 鄙視,心中不是味兒。

Helena 又如何呢?當她第一眼看見 Dr Lo 嘅時候,只覺佢時帶憂鬱的表情,樣子常常很沉重的樣子。相信佢搵人買兇殺 Violet 亦有佢嘅苦衷。奈何身份對立,亦不便與他面談。

不過,Helena 真係一位心思細膩嘅女子。當日佢曾假稱家裡也有自慰器,而希望解除 Alex 嘅心魔。今次佢亦深覺 Dr Lo 背後有一個不一樣的故事,於是乎佢搵咗人稱女黑俠嘅 Hana 去作調查。

女黑俠 Hana 知道當日暗殺 Violet 嘅係沙漠狐,心中暗嘲沙漠狐喺挪威做世界做得太耐,一點也不懂香港原來已有懂水中呼吸嘅細路。冇法啦,鬼叫沙漠狐同 Hana 係對歡喜怨家咩?

Anyway,Hana 亦很快手咁查出整件事件,而將之告訴 Helena。

當 Helena 知悉整件事情後,雖知 Dr Lo 買兇殺人係唔啱,但亦知道 Violet 其實係一個好可怕嘅細路,決定退出有關嘅訴訟。本來佢都想勸 Angus 同 Fia 留意下自己個細路,但做家長嘅又點會聽得入耳?

好在嘅係,喺 Violet 面前,Angus 同埋 Fia 永遠都唔可以同時間出現,如果唔係 Violet 會抓狂。於是乎 Helena 為咗幫 Dr Lo,繼搵女黑俠 Hana 幫手外,呢次搵咗據聞大把貞操帶喺手嘅小瓶子出馬。當 Violet 同 Fia 出街食飯嘅時候,就搵小瓶子出去色誘 Angus ............

當 Fia 知道 Angus 去偷食嘅時候,性情大變,搵咗 Violet 嚟發泄。Violet 最後亦知錯,而 Angus 最後亦冇偷食。Angus 冇偷食嘅原因係,小瓶子本來好幾次想如 Helena 所分付約咗 Angus,但當去嘅途中發現金融海嘯大減價,於是乎自己走咗出街 shopping,而唔記得要去冧仔。

最後唔知點樣 Angus、Fia 同埋 Violet 一家人又喺番埋一齊。 最後又唔知點樣點樣,Dr Lo 因為感動而力追 Helena。Helena 當時都不瞅不睬,後嚟 Dr Lo 喺南京搵到一種易容秘技,整到成個 Alex 咁款。Helena 當年其實暗地裡都鐘意空中少爺 Alex 嘅,結果 Dr Lo 就奪得美人歸,同 Helena 走咗去 Paris 結婚。

哈哈,寫完。個結尾連我都覺得好爛! :P

天生一對 - 夢劇院
作曲:KEITH YIP
作詞:夢劇院

愛看海邊那真摯美
獨在思想當天一起
可惜我從不會令你歡喜
想你定將我忘記
從來沒記起

愛看星空那閃爍美
獨在空間在運轉裡
那感覺漸冰冷 沒你共我一起
一切便不覺完美 唯願在某地

在世間讓你我變一對
無懼怕各種困難與唏噓
在我心 全合意
是最真 的一次
心中彼此載滿舊日名字

你我仿似一套戲
盡力演出花點心機
早註定一對 又再共你一起
想已是一切完美
重逢在故地
從來是一對
(完全為了你)(常會念記)

134 則留言:

  1. 唉。臨post斷線都有! 中國真係好垃圾!!! 拿唔到第一..................................

    樓上邊位匿名送個遺憾比我呀? >.<

    回覆刪除
  2. >>卡臣

    hahaha! 多謝carson兄,難得會用reboot呢隻字~~ 不過我好難做心理醫生架喇,病人就有我份. 同埋無做中間人lu... 被人憎死. =P

    回覆刪除
  3. lo哥:
    咁都被人搶左,但點解我覺得個個係lo哥來既

    回覆刪除
  4. 卡臣:
    呢個故仔真係出人異表啊!
    都幾漫畫個wow 0.0
    聖誕笑片?

    回覆刪除
  5. >>佚名

    我都想做第一個! 真係失禮.... >.<


    呀卡臣,我辜負咗你一番心意la!! ><

    回覆刪除
  6. Actually Carson can delete the first comment......
    but that won' be too good.

    回覆刪除
  7. >>desertfox

    carson點可以咁做ga~~ 來! carson, 比個password我幫你做呢啲污糟野!!! hahahahah

    回覆刪除
  8. 各位朋友

    啱啱返家!!

    (925 post是用Timer)

    恭喜lo哥第一呀!

    回覆刪除
  9. 中國網絡post真係好垃圾

    係咩?
    你咪第一囉!
    無嘢值得遺憾啊!

    做媒人?
    哈哈!水能載舟,亦能覆舟

    你是程式員
    我估在有限技術限制條件下
    配對/調配/協調
    達到/改善最後效果
    可稱你是Dr.lo

    +++++

    佚名

    我搞掂咗喇

    >聖誕笑片?
    成個BLOG都係啦

    回覆刪除
  10. desertfox

    沙漠狐
    我唔落手,我驚你會殺我
    所以我...逼不得已...

    +++++

    匿名

    你原諒我啦!
    1同9都差不多
    是十三么的基本配元素嘛...

    回覆刪除
  11. >>卡臣

    嘩,你咁做點對得住你啲讀者?..... =0=
    haha.. Dr.Lo... 我臨我好難會再踏上academics lu! 太難入la ``~~

    回覆刪除
  12. lo哥
    我諗「他」大人有大量
    有怪莫怪
    再一叩頭

    >而Dr. Lo成功之處,就是他勇於打破框框,
    ==>送給你,由澳門衝出上海去法國

    Angus = Anger
    Fia = Fear

    情緒困擾都幾大威力架
    靠你去協調陰陽兩極

    Dr. Lo = know
    了解自己多啲

    回覆刪除
  13. lo哥:
    我都想做第一個! 真係失禮.... >.<
    呀卡臣,我辜負咗你一番心意la!! ><
    -->你得左啦
    我地為匿名默哀一分鐘啦

    Desertfox:
    Actually Carson can delete the first comment......
    but that won' be too good.
    -->我都有咁諗過
    呢位匿名真可憐啦

    回覆刪除
  14. 卡臣:
    我搞掂咗喇
    -->嗯,做得好,上頭會打償你ga la

    >聖誕笑片?
    成個BLOG都係啦
    -->嗯!0.0!又係wow

    回覆刪除
  15. 佚名

    >我地為匿名默哀一分鐘啦
    ==>唔使啦
    我諗匿名..其實唔志在no.1
    同我玩吓啫~~

    >嗯,做得好,上頭會打償你ga la
    ==>我有乜打賞呀?
    一於妳寫返個故事俾我啦~~

    回覆刪除
  16. 卡臣:
    唔使啦
    我諗匿名..其實唔志在no.1
    同我玩吓啫~~
    -->咁就唔知啦,可能佢想做卡臣blog no.1好耐呢
    你都知你多fans ga la

    我有乜打賞呀?
    一於妳寫返個故事俾我啦~~
    -->0.0!有難度,我無創意ga!

    回覆刪除
  17. 佚名,
    In English we call this being in the wrong place in the wrong time.

    Carson,
    Can't kill too many and too often. Must slowly pick my target. Don't worry, you are safe..........................for now :)

    回覆刪除
  18. 係咪俗語所謂:
    乜野煲就有乜野蓋(好似係咁)?

    變型俠醫遇到蛇龜候群症,
    咁嘅怪病都俾卡卡幻想出來,
    服!

    排第21!
    Black Jack!

    回覆刪除
  19. 小佚

    >可能佢想做卡臣blog no.1好耐呢?

    非也~~
    我估到「匿名」是誰喎
    他也是blogger
    年紀同我差不多
    也是搞笑風趣
    他應該不會mind我的惡行
    (但不要問我他是誰, 我估啫, 可能錯)

    +++++

    沙漠狐

    錯人錯時錯地
    人生大部分也是如此
    唉!!!

    你唔殺我
    因為我唔係奸夫嘛

    ++++++




    多謝你睇先
    陸續有嚟架!

    回覆刪除
  20. 巴黎

    妳啲廣東話又進步咗
    咁都識
    perfect match~~

    排第21!
    Black Jack!

    咁good luck啦
    又飛去巴黎


    lo哥都話12月中飛去巴黎喎!
    嘩~~
    四人喺鐵塔下相遇

    +++++++

    hana

    >精彩!!!
    ==>係咪真心話先?
    i doubt

    回覆刪除
  21. >>>而Dr. Lo成功之處,就是他勇於打破框框,唔介意將自己的診所,變作婚姻介紹所。

    卡臣, 你又试下打破框框, 将自己的舞台变成婚姻介紹所啦.....

    哈哈!!

    回覆刪除
  22. 又一個物以類聚既絕頂配搭!

    Dr. Lo 我又要make appointment 睇醫生!

    回覆刪除
  23. 小瓶子

    >>>卡臣, 你又试下打破框框, 将自己的舞台变成婚姻介紹所啦.....


    話時話
    我都試過:
    幾個朋友買飛睇我做戲
    其中有一人甩底
    friend 搭friend揾新朋友頂張飛
    結果發展成為一對

    咁...我算唔算係?

    +++++

    自由

    appointment已book
    男病人是
    「潛水俠醫候群症」
    成日潛水
    妳揾唔到佢
    有拖拍都好似無拖拍咁!

    回覆刪除
  24. >「潛水俠醫候群症」
    成日潛水
    妳揾唔到佢
    有拖拍都好似無拖拍咁!

    呢d好喎, free 爆!

    回覆刪除
  25. 自由

    >呢d好喎, free 爆!

    我知妳叫自由行
    當然熱愛自由

    但...男友成日潛水
    有=無
    咁好咩?

    回覆刪除
  26. 『兩人好像齒輪一樣,互補對方欠缺的性格缺憾。』

    『Angus = Anger
    Fia = Fear』

    好有趣嘅比喻,唔知佢哋生嘅BB會係點呢。

    回覆刪除
  27. 歪歪

    『Angus = Anger
    Fia = Fear』

    佢哋生嘅女BB係叫:

    violet = violence

    回覆刪除
  28. 卡臣:
    非也~~
    我估到「匿名」是誰喎
    他也是blogger
    年紀同我差不多
    也是搞笑風趣
    他應該不會mind我的惡行
    (但不要問我他是誰, 我估啫, 可能錯)
    -->匿名快d來澄清一下啦

    行姐:
    成日潛水
    妳揾唔到佢
    有拖拍都好似無拖拍咁!

    呢d好喎, free 爆!
    -->一d都唔好wow

    回覆刪除
  29. 小佚

    >行姐:
    有拖拍都好似無拖拍咁!
    呢d好喎, free 爆!

    ==>-->一d都唔好wow

    嗱!小佚都同意
    咁拍嚟做乜呀!

    回覆刪除
  30. 哈哈!個古仔好搞野

    >有拖拍都好似無拖拍咁!

    呵呵~咁有搞野都好似冇搞野咁點算?

    回覆刪除


  31. >呵呵~咁有搞野都好似冇搞野咁點算?
    ==>三個可能性:
    1)夢遺
    2)俾鬼責
    3)女友是一個巨蟹座的女人

    回覆刪除
  32. 倪震

    你果晚唔知你做乜唔緊要
    我地讀者+傳媒
    知你做乜已經足夠

    我介紹心理醫生Dr.Lo俾你
    有八折

    回覆刪除
  33. 『佢哋生嘅女BB係叫:
    violet = violence』

    咁都幾弊喎,睇嚟長大咗又要Dr. Lo出馬,先會揾到夾得啱佢嘅嗰副齒輪。

    回覆刪除
  34. 歪歪

    經Dr. Lo出馬後
    violet個男友叫Tank

    嘩!!坦克鎮壓呀!!!

    回覆刪除
  35. 『violet個男友叫Tank

    嘩!!坦克鎮壓呀!!!』

    吓,配阿Tank以暴易暴?唔係幾好嘅,等我介紹阿Zen,以禪嚟收服Violet會祥和啲。

    回覆刪除
  36. >但...男友成日潛水
    有=無
    咁好咩?

    容祖兒都係咁,有幾奇!

    >咁有搞野都好似冇搞野咁點算?
    咁大鑊? 既然係咁,唔好攪咁多野,大家早d訓把呀!!

    回覆刪除
  37. 歪歪

    good喎!
    叫zen!

    我都話你好嘢啦!

    ++++++

    自由

    >>咁有搞野都好似冇搞野咁點算?
    大家早d訓把呀!!

    ==>唉~~
    妳咁樣係度揚開咗
    減少咗好多男士對妳的fantansy架

    回覆刪除
  38. 校長呀校長

    下篇送給你
    13/12
    星期六晚上
    (我叫孫女幫你插旗)

    回覆刪除
  39. 頭位緊係留俾主角流浪!
    邊個幫我插第二支旗,
    我返嚟有法蘭西手信俾佢!

    回覆刪除
  40. Paris

    Let me try my breast to help you insert 2nd place~

    car sir

    Have a nice trip~~~

    回覆刪除
  41. 卡臣 提到...
    校長呀校長

    下篇送給你
    13/12
    星期六晚上
    (我叫孫女幫你插旗)

    好期待啊。
    我又想插~旗~~~

    回覆刪除
  42. eric

    你插還插
    最好代校長插支頭籌

    將心比心

    回覆刪除
  43. this time, an early Woody Allen comedy...

    回覆刪除
  44. 唔知道阿 Augus 同 Fia 會唔會生 BB 呢?如果有,個 BB 又會唔會患咗咩嘅症候群呢?

    例如 BB 患咗個怪病,每次見到阿爸阿媽喺埋一齊就會抓狂。 Augus 同埋 Fia 為咗個仔好,唯有唔好同時間喺個仔面前出現。到個仔上咗幼稚園, 先生焗住話見家長要同時間見齊阿爸阿媽兩位,結果阿仔响學校發顛,仲出手打先生 ......

    哈哈 ..... 好好玩 ......
    :P

    回覆刪除
  45. NOST


    woody allen我唔敢高攀
    雖然Dr. Lo由woody allen扮都會幾過癮!

    ++++

    viking

    我都話揾你寫續集
    不過你謙唔寫啫!

    >BB Violet患咗個怪病,每次見到阿爸阿媽喺埋一齊就會抓狂。 Augus 同埋 Fia 為咗個Violet好,唯有唔好同時間喺Violet面前出現。

    到Violet上咗幼稚園, Miss焗住話見家長要同時間見齊阿爸阿媽兩位,Fia為免出醜,
    揾恩人Dr.Lo出手,扮爸爸見學校Miss

    怎料Miss是Dr.Lo的舊情人
    Miss以為Dr.Lo娶了Fia
    日後上堂處處難為Violet這孽種

    Violet為了自保,
    告訴Miss聽Dr.Lo不是自己父親
    Miss知道後..
    哎呀!
    講到呢度...我都no idea!
    我投降喇!

    回覆刪除
  46. 嗚嗚...明明第1...點知家下變左第9

    人地第一次留言
    你就送個遺憾比我 =口=

    回覆刪除
  47. 匿名

    咁我講聲sorry

    或者

    錢我就無啦,
    如果你唔嫌棄
    不如報上名字
    等我送個故事俾你補返數啦

    回覆刪除
  48. 卡臣:
    嗱!小佚都同意
    咁拍嚟做乜呀!
    -->掛名男友??

    好野星期六到爺爺,唔知係咩故仔呢?

    回覆刪除
  49. 小佚

    >好野星期六到爺爺,唔知係咩故仔呢?
    ==>故事又有人死....

    妳星期六晚在家嗎?
    記得幫爺爺插旗啊!

    回覆刪除
  50. 啊...會唔會有香艷情節? (e.g. 城x校花姣啜中學校長)

    回覆刪除
  51. 自由

    恭喜妳考試合格先!!

    城x姣啜?
    欠奉喎!
    抱歉令妳失望
    (有都留番俾自己啦)

    而且校長在故事內不是校長...是校工
    (講笑唧)

    回覆刪除
  52. 篤撐

    係呀!
    送故事俾朋友嘛
    出密啲

    身子虛弱哂~~

    回覆刪除
  53. 多謝!
    o岩...有都留俾自己, 無理由益人o麻!

    回覆刪除
  54. 自由

    考試合格
    一於去賀一賀佢

    妳去各大食肆食餐勁
    同waiter講入我數,妳就走得
    一於試試佢

    回覆刪除
  55. 手瓜起展, 食野唔駛俾錢??
    好..一於試試佢, 後數呀唔該!

    回覆刪除
  56. 死喇,最近死得人多,時時下半旗!

    小佚你後生,快手快腳幫爺爺插呀!

    哎吔,講開講,我度真係有俏工友架,但係我淨係掛住發夢,乜都唔諗!

    回覆刪除
  57. 自由 + 校長

    星期六晚呀
    校長請笑納

    自由/小佚幫手昅著



    >但係我淨係掛住發夢,乜都唔諗!
    ==>係人都知你掛住第二夢啦!

    回覆刪除
  58. 係人都知你掛住第二夢啦! X 2

    >但係我淨係掛住發夢,乜都唔諗!
    愛的宣言???

    回覆刪除
  59. 自由

    >但係我淨係掛住發夢,乜都唔諗!

    ==我咁樣解讀喎:
    校長話只是掛住/思念住二夢
    其他乜都唔諗
    即是沒有毛手毛腳/身體接觸等非分之想
    好純潔呀

    希望二夢知道校長不是「有心無力」
    只是尊重對方而已

    回覆刪除
  60. 都話近排死得人多下半旗咯。

    太平啲喇,又或者歌舞昇平呀,舉世歡騰呀,插番枝靚晒嘅彩旗!

    回覆刪除
  61. 校長

    雖然故事有人死
    但你無事架
    你仲好威風添

    happy ending!

    回覆刪除
  62. >校長話只是掛住/思念住二夢
    其他乜都唔諗

    亦都表示校長係坐o係校長房度乜都唔做,淨係發夢...
    p.s. 我估佢老細唔會上黎睇到卦~~

    回覆刪除
  63. 自由

    我估校長行「無為而治」
    好似什麼都唔做
    其實什麼都已經做咗

    喂! 夠鐘啦
    放學走得~~

    ok! thank you!
    「喂!二夢呀?我而家過嚟接妳」

    回覆刪除
  64. 「無為而治」? 呢招勁喎! 適合各行各業使用!

    唔怪得當年上完堂同無上無分別呀!! 哈哈

    回覆刪除


  65. 無為:

    特別在香港

    傾咗計好似無傾過
    賺咗錢好似無賺過
    拍咗拖好似無拍過
    搞咗嘢好似無搞過

    回覆刪除
  66. "搞咗嘢好似無搞過"

    香港搞野頻率已經好低㗎喎。慘啊。

    回覆刪除
  67. ERIC

    >香港搞野頻率已經好低㗎喎。慘啊。
    ==>
    無錯!
    夫妻間搞野頻率已經降低
    不過跟陌生人/新相識/嫖妓/ons/搞野頻率上升喎!

    回覆刪除
  68. 卡臣:
    故事又有人死....
    -->個人會唔會,死而復生ga?

    妳星期六晚在家嗎?
    記得幫爺爺插旗啊!
    -->有難度卡臣咁多fans,希望我插到旗仔啦
    呼籲各方人士齊齊幫爺爺做第一名~

    妳去各大食肆食餐勁
    同waiter講入我數,妳就走得
    一於試試佢
    -->如果個waiter唔俾行姐走點算?

    爺爺:
    死喇,最近死得人多,時時下半旗!
    -->唔怕,就快放聖誕,有得休息~

    小佚你後生,快手快腳幫爺爺插呀!
    -->嗯,我會盡力而為
    卡臣9:25發?

    哎吔,講開講,我度真係有俏工友架,但係我淨係掛住發夢,乜都唔諗!
    -->嗯,者係都會發夢啦,仲仲要一心兩用

    回覆刪除
  69. 小佚

    >個人會唔會,死而復生ga?
    唉~~人死不能復生啊!

    >我都學「東華」咁,呼籲各方人士齊齊幫爺爺做第一名~

    >如果個waiter唔俾行姐走點算?
    ==>簡單啦!行姐俾錢咪走得囉

    >對呀!星期六晚9:25post

    >校長淨係掛住發二夢,乜都唔諗!
    妳都係唔好叫醒佢甜在溫柔鄉內

    回覆刪除
  70. 星期六,唔駛返工,易插旗好多。一定會保送劉兄做第一!

    回覆刪除
  71. ERIC

    我都唔知sat 925返到屋企未?
    如果我返到
    我都會替校長護航

    回覆刪除
  72. @ 卡臣,

    喺度留下言仲過癮啦,都係睇你寫好 D。

    你嘅 Violet 延續篇好 pulp fiction feel 喎,正。

    ******

    >怎料Miss是Dr.Lo的舊情人
    >Miss以為Dr.Lo娶了Fia
    >日後上堂處處難為Violet這孽種

    Violet 雖然係豆丁小孩,但對上網非常熱衷。Click 吓 click 下喺挪威嘅華人網站搵到一個自稱沙漠狐嘅殺手。

    Violet 為求對 Miss 報復,於網誌留言,希望可以搵沙漠狐對付 Miss。原來沙漠狐不嬲對 Miss 嘅人都好反感 (呢個可以係另一個故仔) ,結果喺挪威森林飛返嚟香港。

    寫到呢度,又係下半旗嘅時候:沙漠狐攪掂咗阿 Miss。Dr Lo 知道 Miss 嘅死後,悲痛欲絕,生無可戀。

    隔咗幾年,Dr Lo 亦已經從悲痛中站起來。

    有一日,Dr Lo 無意中咁喺網上搵到 Violet 喺沙漠狐個 blog 嘅留言,發現原來主動請殺手殺死 Miss 嘅,竟然係當日曾經做中間人幫佢哋拉埋天窗嘅 Angus 同埋 Fia 嘅仔。

    一剎那, Dr Lo 只有呆著反應不過來,只知道冥冥中自有主宰。想著想著,不期然於眼角下流了一小滴眼淚 ......

    回覆刪除
  73. ~~死喇,最近死得人多,時時下半旗! My wanderer Laulong, are you alright? What does it mean?

    Merci Carson!
    Everybody knows, your breast is the best! So you should always try your breast, from 43 to 44.

    回覆刪除
  74. 巴黎

    Merci 巴黎
    Landing 啦?
    開心啦!又見到鐵塔!

    我諗校長古道心腸
    講緊雅典爆亂/F18墮機/泰國港人意外/中大生跳樓等.....

    默哀...

    +++++++

    viking

    我都話你堅啦!!

    等我續寫先:

    一剎那, Dr Lo 只有呆著反應不過來,只知道冥冥中自有主宰。想著想著,不期然於眼角下流了一小滴眼淚 ......

    Dr Lo 決定俾錢沙漠狐
    殺死violet

    沙漠狐想將violet溺斃
    將昏迷的violet綁上大可扔落海
    完成任務

    angus fia 報警violet失蹤
    找Dr Lo 幫手
    Dr Lo 假裝緊張
    怎料angus fia突然情緒激動發作
    大打出手
    就快錯手殺死Dr Lo 之際

    violet趕到
    因為她是新人類
    懂水中呼吸

    violet更指出Dr Lo 是幕後黑手....
    Dr Lo 被捕
    檢察官竟然是棄商從官的Helena....

    到你啦

    回覆刪除
  75. 巴黎:

    我無嘢,戲言啫,多謝關心!

    嗱,我今晚 9:25 紥恆馬!小佚乖孫 9:30 都未見爺爺出招,就幫爺爺插!

    可能爺爺紮馬紥到散咗、暈咗,唔識拑電腦呀!

    小行見勢色唔對,都幫吓師傅!

    回覆刪除
  76. 校長

    多謝你抽空等候
    隆重其事!

    但你抽空..會唔會冷落咗二夢呀?
    如果冷落咗,我願代勞陪她架!

    今晚見!!

    回覆刪除
  77. 爺爺:
    嗱,我今晚 9:25 紥恆馬!小佚乖孫 9:30 都未見爺爺出招,就幫爺爺插!
    可能爺爺紮馬紥到散咗、暈咗,唔識拑電腦呀!
    小行見勢色唔對,都幫吓師傅!
    -->嗯,大家同心協力,爺爺一定做no.1!

    回覆刪除
  78. 小佚

    >-->嗯,大家同心協力,爺爺一定做no.1!
    =>ok!搞掂!

    回覆刪除
  79. >>卡臣 & all

    嘩!大家好好傾喎!真係可惜我join唔到. 岩岩去咗睇孫中山個陵返來(南京), 散晒!

    *finished reading all posts*

    ........
    無喇喇 Dr.Lo 被人拖左入去坐監咁灰既???

    回覆刪除
  80. Dr. Lo

    原來你岩岩從孫中山陵返來(南京),
    嘩!馬不停蹄
    又去法國喎!


    ........
    無喇喇 Dr.Lo 被人拖左入去坐監咁灰既???

    唔灰!安排咗條愛情線(helena)俾你
    加上全身紋身的ERIC做你細佬
    做prison break

    回覆刪除
  81. >>卡臣

    坐監誤一生呀!嗚嗚嗚,你地對我好差呀~~~要我拿良民証~

    我要月底先去到喇!Paris~ 尋晚先同實時機票戰鬥咗六個小時,差啲嘔晒血。

    回覆刪除
  82. lo哥

    哦!月尾先去
    點呀
    國內航空公司令你嘔血?

    咁...我祝福你順利登機
    旅途愉快!!

    回覆刪除
  83. @ lo哥,
    劇情發展亦非寫嘅人能夠控制。哈哈。
    :P

    @ 卡臣,
    小弟又想繼續咯,希望你唔會介意啦。

    ******

    >violet更指出Dr Lo 是幕後黑手....
    >Dr Lo 被捕
    >檢察官竟然是棄商從官的Helena....

    Helena 咁靚女,哪個男人不心動?Dr Lo 自己雖然己一把年紀,但 Helena 喺商場打滾咗咁多年,相信年紀亦唔細。只可惜,對方係 Violet 老豆老母 Angus 同埋 Fia 搵嚟告自己嘅檢察官,如果唔係 Dr Lo 肯定第一時間約佢。家下約靚女不成,仲俾由自己一手撮合嘅 Angus 同埋 Fia 鄙視,心中不是味兒。

    Helena 又如何呢?當她第一眼看見 Dr Lo 嘅時候,只覺佢時帶憂鬱的表情,樣子常常很沉重的樣子。相信佢搵人買兇殺 Violet 亦有佢嘅苦衷。奈何身份對立,亦不便與他面談。

    不過,Helena 真係一位心思細膩嘅女子。當日佢曾假稱家裡也有自慰器,而希望解除 Alex 嘅心魔。今次佢亦深覺 Dr Lo 背後有一個不一樣的故事,於是乎佢搵咗人稱女黑俠嘅 Hana 去作調查。

    女黑俠 Hana 知道當日暗殺 Violet 嘅係沙漠狐,心中暗嘲沙漠狐喺挪威做世界做得太耐,一點也不懂香港原來已有懂水中呼吸嘅細路。冇法啦,鬼叫沙漠狐同 Hana 係對歡喜怨家咩?

    Anyway,Hana 亦很快手咁查出整件事件,而將之告訴 Helena。

    當 Helena 知悉整件事情後,雖知 Dr Lo 買兇殺人係唔啱,但亦知道 Violet 其實係一個好可怕嘅細路,決定退出有關嘅訴訟。本來佢都想勸 Angus 同 Fia 留意下自己個細路,但做家長嘅又點會聽得入耳?

    好在嘅係,喺 Violet 面前,Angus 同埋 Fia 永遠都唔可以同時間出現,如果唔係 Violet 會抓狂。於是乎 Helena 為咗幫 Dr Lo,繼搵女黑俠 Hana 幫手外,呢次搵咗據聞大把貞操帶喺手嘅小瓶子出馬。當 Violet 同 Fia 出街食飯嘅時候,就搵小瓶子出去色誘 Angus ............

    當 Fia 知道 Angus 去偷食嘅時候,性情大變,搵咗 Violet 嚟發泄。Violet 最後亦知錯,而 Angus 最後亦冇偷食。Angus 冇偷食嘅原因係,小瓶子本來好幾次想如 Helena 所分付約咗 Angus,但當去嘅途中發現金融海嘯大減價,於是乎自己走咗出街 shopping,而唔記得要去冧仔。

    最後唔知點樣 Angus、Fia 同埋 Violet 一家人又喺番埋一齊。

    最後又唔知點樣點樣,Dr Lo 因為感動而力追 Helena。Helena 當時都不瞅不睬,後嚟 Dr Lo 喺南京搵到一種易容秘技,整到成個 Alex 咁款。Helena 當年其實暗地裡都鐘意空中少爺 Alex 嘅,結果 Dr Lo 就奪得美人歸,同 Helena 走咗去 Paris 結婚。

    ******

    哈哈,寫完。個結尾連我都覺得好爛!
    :P

    回覆刪除
  84. VIKING!!!!

    我一路睇
    一路忍唔住笑
    (係笑出聲果隻
    老婆以為我SHORT咗)

    真係無.得.接.
    你贏哂
    受我小弟三拜!

    我又忍唔住
    哈~哈~哈~哈~哈~哈~哈~哈~

    thanks

    回覆刪除
  85. @ 卡臣,

    多謝你唔 delete 我呢個咁長嘅 post 就真!

    小弟有一個小小嘅心願,唔知可唔可以達成呢?

    就咁嘅,唔知可唔可以將我哋呢個咁爛嘅故仔接埋,變成一個 post,然後 post 去你個 blog 咁呢?等我沾下你光都好嘛 ......

    一次咁多。唔知得唔得呢?
    :)

    回覆刪除
  86. Viking

    你天馬行空
    咁好諗頭
    一於post先

    睇吓眾網友有乜反應先?

    回覆刪除
  87. Viking

    你天馬行空
    咁好諗頭
    一於post先

    睇吓眾網友有乜反應先?

    回覆刪除
  88. 如無意外維京人會俾人唾罵而死,因為喺你個 blog 度攪攪震,破壞晒個整個 blog 嘅風格。
    :P

    如果唔係,一定有網友喺維京人休息嘅時候整冧棵樹,咁小弟就會俾樹幹壓死。

    Anyway, 哈哈,好多謝你呀!

    感動 ~~

    ^_^

    回覆刪除
  89. VIKING

    點會呀?
    你過嚟顛覆吓
    歡迎呀!

    睇吓, 大家睇得幾開心!

    回覆刪除
  90. 市場維京人

    你睇
    小瓶子都無嬲
    仲話搞笑添呀!

    請你繼續寫啦

    回覆刪除
  91. 嘩嘩嘩嘩!100POST!
    你班友仔用晒我個名,係咪要單聲先?!

    好!出PO出PO!難得唔駛壞下場喎~

    回覆刪除
  92. @卡臣 & 小瓶子,
    多謝。不過原來寫小說真係唔易寫。得閒再玩過。

    @Lo哥,
    我都好 jealous of you, 點解你可以得美人歸?
    :P

    回覆刪除
  93. 市場維京人

    >不過原來寫小說真係唔易寫。
    ==>不過你又寫到吖!
    熟能生巧嘛

    回覆刪除
  94. 卡臣:

    這篇連同一佰個留言真係好搞笑。不過我都睇到Dr. Lo遲到係故意既。

    痴痴呆呆,坐埋一檯,好呀!嘻嘻!

    回覆刪除
  95. 佛爺

    你真係叻!
    你睇出Dr. Lo遲到係故意既。

    好嘢!

    回覆刪除
  96. 卡臣:

    我唔叻!因我知道這是慣招。

    心理研究,十個有九個都要先騙的。有一個肥人研究,時間在中午,叫那些「白豬仔」要食飽,然後試一下飽肚對記憶力有無影響。

    成班「白豬仔」灌到肚滿腸肥後,轉到了等候室。

    突然有個人走入等候室,對他們說:「噢!個研究員塞車,遲一些才到。」他跟住放了一些雜食和雜誌在檯面,叫他們自便。

    實驗才正式開始,等候室的天花板是安裝了鏡頭的。

    在等待一會後,肥人就開始取雜食來吃,瘦人就取雜誌來看。

    研究結論是:肥人和瘦人在食飽之後,肥人還會繼續食,所以肥人是「食到肥」,不是飲水都會肥的。嘻嘻!

    回覆刪除
  97. 佛爺

    讀過心理學果然"寧些不同"
    啲案例好有趣
    可以用嚟作故事添呀

    我都係呀
    食薯片/魷魚絲...手口不停架

    回覆刪除
  98. 卡臣:

    社會心理學最多這些趣味案例,你有咁多「橋」,去圖書館睇一下,會作到好多故事架!

    最衰果科係「不正常行為」,我唔敢夜晚來讀,嚇死我呀!「死亡心理學」都未有咁得人驚呀!

    你的故事情節是合了一些心理學研究的,就是「反常」,人們才會記得。

    回覆刪除
  99. 三十歲左右仲係少女?

    咁十八二十歲叫乜呀?

    回覆刪除
  100. 佛爺

    好喎
    橫豎我都無乜橋寫故事了
    找心理書増加靈感先

    ++++

    naruto

    如果三十歲左右仲係少女,
    咁十八二十歲叫胚胎囉.

    回覆刪除
  101. 有少女情懷,少女裝扮,少女...其實真係仲好少女!

    回覆刪除
  102. 『橫豎我都無乜橋寫故事了』

    喂你唔係講笑下嘛?十二月就到,大家等緊你全面復出㗎喎!

    回覆刪除
  103. coffee

    少女心事,但願我亦了解我也能知

    +++

    歪歪

    我踏入更年期
    心有餘而力不足

    唉~~盡力啦

    回覆刪除
  104. 忽然想起阿Sam首舊歌:十個女仔!!

    ~~三張幾野,紮起辮仔,青春美麗,就冇失禮

    回覆刪除
  105. 哈哈!我都好想試試,三十幾歲點樣重可以似少女而唔會比人話"老...”

    第一幅相好... 唔知點形容,好特別!
    重有,你啲“橋”由邊度來,好攪笑。

    回覆刪除
  106. 單無雙

    呢篇創作背景:
    只想講夫妻是互相補足對方
    男無的女有,女無的男有

    點解揀 hulk?
    皆因當時看了李安的 hulk

    回覆刪除
  107. 「咁十八二十歲叫胚胎囉。」

    卡臣:

    哈哈!笑死我!簡直答得好絕!合哂邏輯!嘻嘻!

    回覆刪除
  108. 『我踏入更年期
    心有餘而力不足』

    你唔係講緊創作能力下嘛?

    回覆刪除
  109. 佛爺

    我有正常的邏輯思維

    +++

    歪歪

    乜力都無啦
    你快啲寫啦
    下一代靠你哋架啦

    回覆刪除
  110. 『乜力都無啦』

    我聽到心都痛,因為我應該都係咁上下年紀,即係他朝君體也相同!

    好在趁我仲得已經寫好篇文,你一復出就送俾你㗎喇!

    回覆刪除
  111. 歪歪

    好嘢!
    原來已經寫好了~
    謝謝

    12月中
    等我沐浴更衣
    齋戒三日
    睇你的大作

    回覆刪除
  112. 『沐浴更衣
    齋戒三日』

    你係咪講緊食完韓國燒烤,等去食自助餐之間嗰三日呀?

    我嗰篇肯定唔係大作,只希望唔會係睇完嘔吐大作。

    回覆刪除
  113. 歪歪

    都話你犀利啦
    合理解釋什麼是『沐浴更衣 齋戒三日』
    仲食字解釋什麼是「大作」
    好嘢!

    仲有15日度就可以睇你的作品了

    回覆刪除
  114. 卡臣:

    歪歪做定件聖誕禮物,等你十二月中開聖誕派對架喇!

    回覆刪除
  115. 歪歪:

    你有無興趣寫番篇鹹古,聖誕節放係我果度呀?嘻嘻!

    回覆刪除
  116. 佛爺

    係呀
    歪歪2008年開始睇我blog
    感情深厚架

    我估歪歪未必寫鹹故喎

    回覆刪除
  117. 卡臣:

    可能我可以挑起歪歪的「慾根」!嘻嘻!

    回覆刪除
  118. 佛爺

    歪歪是男非女
    加上你只好女色
    我諗你都無興趣挑起歪歪的「慾根」了

    回覆刪除
  119. 原來 2011年 2月前, 卡臣都唔知歪歪係男定女...嘻嘻~~

    回覆刪除
  120. 個故仔真係搞笑~~ 我以為真係會把所有人都放入故仔裏面....哈哈~~~~
    正呀 !!

    回覆刪除

LinkWithin

Blog Widget by LinkWithin