~~~~~~~~~~~~~~~~







2008年12月16日 星期二

空中少爺的玩具


空中少爺的玩具

穿著機艙服務員制服的Alex,
站在機艙入口,向每位登機的乘客打招呼。
最後一位乘客登機後,Alex始終見不到「她」的踪影,
暗自失望地嘆氣。收拾心情,投入工作。

* * * * * * *

三年前Alex大學畢業,他到航空公司申請當「機艙服務員」,
因為他想趁年輕到世界各處免費旅行,擴闊自己眼界。
機艙服務員正好給予他這個機會。
Alex憑他俊俏外型和六尺身高,順利被航空公司取錄。
驗身合格後,接受為期一個月的訓練。

在受訓期間,一大班年輕男女上堂之餘,留意班中有無心儀對像。
如像「日本單身男女配對」的電視遊戲節目,
Alex看上了班中樣子甜美的Helena,
除了Alex外,班中亦有很多男同事暗戀Helena。
但眼角高的Helena,暫時未有人能令她心動,保持單身狀態。
Alex雖未能獲得Helena的芳心,不過總算能夠跟Helena的距離拉近,
Alex和Helena同行交談的機會,較其他的競爭者為多。

訓練完畢後,Alex的處女航是由香港飛去台灣。
咁啱得咁蹺,Alex、Helena和另外三位同班同事,
都被安排在這班航機,首次投入服務。Alex知道可以跟Helena同機,十分興奮!
希望可以跟她下班後,單獨約她到台北101晚飯,
站在台北璀璨夜色前,向Helena示愛!一定馬到功成!
想到這裡,在機艙工作中的Alex,不其然傻笑起來!
被旁邊的同事Philip拍醒:「笑咩呀?派緊餐架!」

在機艙中工作的Alex,跟Helena一有eye contact,
Alex就報以微笑,Helena亦以微笑回應,
Alex直覺今夜應該可以跟她有突破性的進展,
雖然他仍未開口約會Helena。

飛機抵達桃園機場,艙務員下機等候酒店巴士時,
Alex拉Helena埋一邊細細聲密密斟。
Alex想約她今晚吃飯,Helena因為身體不適,拒絕了他的邀請。
Alex雖然失望,但扮有風度,叮囑她好好休息後,微笑行開。

當夜,艙務員入住台北飯店,Philip和Alex被編同一間房間,
晚上8時,Philip問Alex:「今晚大伙兒去吃鼎泰豐!」
Alex答:「唔使預我,我約咗人!」
Alex有一位香港朋友在台北工作,這夜相約聚舊。

翌日一早,艙務員離開酒店到機場,在一班早機內服務。
Alex在酒店大堂等候公司巴士時,見到Helena,上前問候她身體。
隨便交談幾句,講吓他自已昨夜去了什麼地方?吃了什麼?

抵達機場後,一班艙務員經的「工作人員通道」進入機場禁區,
Alex和Helena一邊傾偈一邊行,感到一份虛榮感。
當Alex的行李喼經過X-ray檢查機時,閃燈顯示,需要Alex打開的行李喼進行檢查。Alex很驚奇,因為公司培訓時,他已經清楚什麼東西是不可攜帶上機。

檢查員叫Alex打開行李喼,Alex合作地打開,
檢查員翻出一個「電動的假陽具自慰器」,仲唔覺意啟動咗,假陽具在喼中央「嗤嗤聲咁轉轉吓」!
一名在旁的女艙務員目睹:「嘩!哈哈!」大聲爆笑!
Alex立即面部通紅,用國語向檢查員說:「這個不是我的!」
唉!這個情景,什麼解釋只當作掩飾!無人會相信Alex是清白的!
Alex只想找個窿躲進去!登機之後,全程再不敢跟Helena有任何眼神接觸。

好事不出門,醜事傳千里!全間公司都談論這名「電具男」;
Alex只覺瘀到爆,解釋又無人願聽,大感無癮,自動辭職。

Philip知道Alex辭職後,心裡暗自拍掌叫好!
受訓時Philip一早已是Helena的裙下之臣,在機艙內見Alex和Helena眉來眼去,
心中已經不悅,抵達台北後,目睹Alex拉Helena到一邊密斟,
當晚, Alex向Philip說約了人吃飯,而大伙兒吃飯時Helena因病沒有出現,
令Philip聯想到Alex 跟Helena單獨約會。

妒嫉心燃燒!Philip決定要令Alex當眾出醜!當夜在台北的性商店買了一件「陽具自慰器」和一把又長又尖的指甲挫,
翌日早上,Philip趁Alex在洗手間梳洗時,把「贓物」放進Alex的行李喼一角。
結果機場X-ray檢查員照到那柄「鋒利的指甲挫」而要求Alex開喼檢查。換來一隻死貓和一場擾攘!

Alex曾經懷疑過是同房Philip插贓嫁禍,但當天早上Alex在酒店大堂等候巴士時,跟Helena談天,曾經把自己行李喼留在一旁,所以任何人也有可疑。

Alex轉投另一航空公司當艙務員,兩年後晉升到商務艙務員。
七月某一天,Alex在一班飛住美國的航機機艙內,竟然給他再遇上Helena。
Helena兩年前因緣際會從商,仲做到一番好成績,身居要職,她要去美國參加商品展銷會,她的下屬坐在經濟客位,自己坐在商務客位,整定Alex可以再見她。

Alex想起兩年前的尷尬事,又覺得Helena是商務乘客、自己只是服務員,身份變了。Alex打了聲招呼後,便靦腆行開,
Alex更跟同事對調位置,不再行近Helena那排乘客座位。Helena看在眼裡,明白Alex心裡留下的陰影。

18小時後,飛機抵達紐約機場,艙務員排列站在機艙出口,向乘客說再見。
Alex知道他始終要面對Helena多一次。
Helena走到Alex面前,細細聲好誠懇咁講:「其實我屋企都有你嗰啲玩具架!」
跟著一個神秘的微笑後,回頭轉身踏步走,離開機艙。

Alex想追上去,無奈Supervisor在旁,不能擅離職守,目送Helena消失於人潮中。Alex心中三年來的陰霾,被Helena一句說話一掃而空!
想找回Helena,但她電話號碼已改,她又無登記facebook,
Alex甚至向航空公司票務部追查,當然有私隱條例保障。

其實Helena家裡那會有自慰器!她相信這樣講可以消除Alex的心裡包伏。
雖然Alex想再遇上Helena,但Helena在香港已有一名有頭有面的富商男朋友,
兩袖清風的Alex又怎可跟富商匹敵?

* * * * * * *

Alex以後每一程飛機,都希望可以再遇上Helena。
說不定Helena已經轉選搭另一間航空公司更舒適的頭等客位,
但不知情的Alex仍然心存希望,
做人有希望,總好比無希望而活得好吧!

送給 Hana

43 則留言:

  1. 多謝哂!

    估唔到Alex男女通殺喎!(如果唔係整個飛機杯/marry合理啲)haha

    回覆刪除
  2. 空中少爺派餐@w@~ 養眼耶~~


    自古,美女都係有著數的。又做到空姐,商界發展又好~無往而不利~~

    我還是捲成一團的閃邊好了~

    回覆刪除
  3. 三甲不入。
    個菲利蒲都幾衰喎,攪嫁禍!
    唔知點解,好少空姐揾番同行男友,兩個都飛,好難成日見面。
    幾日情會多d,去到outport,渡假feel加新鮮感,好易墜入愛河。

    回覆刪除
  4. 如果塞包白分落去, 米可以搞到Alex 坐一世监?

    回覆刪除
  5. 哈哈! 勁鬼馬!!
    仲好切合娜姐商界女強人既身份!

    不過全篇我都係鍾意摷行李呢part多d!

    回覆刪除
  6. 我有個朋友做副機長,佢老豆成日叫我介紹女仔俾佢識, 照計, 機師識空姐非常容易,
    原來佢話, 機師通常同空姐唔arm, 好少搵空姐做對象

    回覆刪除
  7. 嘩,乜你呢排咁飄忽,依家唔2345/925喇咩?咁難捉點入三甲呀?

    「其實我屋企都有你嗰啲玩具架!」
    點解Alex仍然心存希望,乜佢無諗過Helena咁講,其實可能係誤會咗佢係同志。

    回覆刪除
  8. Nice story.

    Have a good Monday.

    Company meeting in 1.5 hours. Talking about restructuring.

    Nervous...............

    回覆刪除
  9. oh~十甲不入><!
    hana係靚女,傾迷者一定不少!

    回覆刪除
  10. Hana

    唔使多謝!

    如果寫「飛機杯/marry」
    咁Alex就單一啲

    因為假陽具:
    1)他不舉,用工具滿足女友, 或
    2)他是基,工具留來自用

    這樣,加強這名「電具男」的州爭議性
    否則,男士行李找到飛機杯=男學生書包找到鹹書,好正常啫!

    +++++

    泰國上的香港人

    去布吉時
    路過這裡吖?
    路上小心啊!

    ++++++

    笨豬

    唔好睇低自己!

    好彩我係德成訓練出嚟
    有番自信心咋!

    回覆刪除
  11. nice ending, there's still hope between them.

    回覆刪除
  12. 巴黎

    唔緊要
    我送給妳的故事時
    保證妳是no.1

    講起空中少爺
    妳就精神啦!
    點呀?又飛咗去邊?

    多謝妳資料提供
    我仲停留喺2人share 房的階段
    1人1房?
    咁...老爺咪....為所欲為?


    +++++

    小瓶子

    果然心狠手辣!
    斬草除根!

    ++++++

    自由

    >不過全篇我都係鍾意摷行李呢part多d!
    ....我都係!
    當支陽具在眾人前震震吓!fing fing吓!

    回覆刪除


  13. >機師通常同空姐唔啱
    ==>原來如此!
    係咪飛機遇到氣流
    機師駕駛技術差
    搞到派緊餐的空姐
    一身都係?

    +++++

    歪歪

    post時間飄飄忽忽,等你估唔到~~
    搞吓surprise

    >其實可能係誤會咗佢係同志。
    ==>正男也需要工具來讓自己喘吓氣
    啲日本AV,直男也用來招呼女優

    helena咁講,希望alex唔好因為藏有這東西而介意啫

    ++++++

    desertfox

    點呀?
    公司無事嘛?
    TVB今日裁員214名

    回覆刪除
  14. 小佚

    oh~十甲不入><!

    補返數
    下次送俾妳
    3/12星期三晚

    故事題材前所未有

    回覆刪除
  15. ==咁...老爺咪....為所欲為?
    哈哈,我由佢....自由架!
    男人越管越放肆。

    回覆刪除
  16. 各方好友

    你們在「旺角聲音」的寶貴留言
    轉載在2007年8月24日的「旺角聲音」

    多謝垂注

    回覆刪除
  17. 巴黎
    >男人越管越放肆。
    ==即係男人越唔管越守規矩?
    >>>>極度同意!
    無政府狀態最好!

    回覆刪除
  18. nost

    希望只存在男方
    女方已去到另一階層
    兩人沒有可能
    不過女方做吓好心
    替alex解咒

    回覆刪除
  19. ==無政府狀態最好!
    男人心聲...

    ==不過女方做吓好心 替alex解咒
    人性本善論。

    回覆刪除
  20. 好似philip最後都冇同helena一齊。。。抵佢死啦咁陰濕。

    回覆刪除
  21. yiyiya!! 好羨慕Hana 呀... 卡臣會唔會考慮寫個關於咬人o既故仔送比我先 hehe

    回覆刪除
  22. 巴黎

    妳真了解我們男人!
    欲擒先縱

    英國歌手Sting:「If you love somebody, set them free」

    妳咁識諗,最得男士支持

    +++++++

    ERIC


    如果俾陰濕的philip
    得到helena
    真的連天都不太高興!
    都係富商襯啲

    ++++++=

    c+

    送故事俾妳?
    當然唔成問題啦!
    My pleasure
    不過排滿哂
    要2009年1月
    等唔等得呀?

    回覆刪除
  23. 數奇門
    >呢個故事最接近現實

    ==>吓!
    乜我原來寫開啲超現實故事?!
    咁離奇

    回覆刪除
  24. 吾係
    只不過有時有d故事我覺得有d 脫離現實囉

    回覆刪除
  25. 『helena咁講,希望alex唔好因為藏有這東西而介意啫』

    就算Alex無諗過被誤會為同志,但係佢聽完Helena咁講仍然心存希望,咁咪仲更加蠢,自作多情!

    『正男也需要工具來讓自己喘吓氣
    啲日本AV,直男也用來招呼女優』

    多謝分享你嘅AV觀後感(定係家電用後感?),我一直覺得啲男演員好專業因為佢哋要打真軍,乜佢哋可以攞架生頂檔。既然啲歌星唔唱現場播帶咪嘴,會被指欺騙觀眾,俾人柴台兼嗌回水,咁你睇呢啲AV又有冇同感呢?

    P.S. 你仲會唔會睇返上篇嘅留言㗎?

    回覆刪除
  26. >多謝分享你嘅AV觀後感(定係家電用後感?)...

    放心呀卡臣, 我唔會岐視你~
    睇4仔, 好正常既!!
    hehe~

    回覆刪除
  27. 卡臣:
    補返數
    下次送俾妳
    3/12星期三晚
    -->0.0咁快到我!
    那天要上班,不過晚上都睇到
    希望無人坐住部電腦啦

    故事題材前所未有
    -->哦0.0!太榮幸啦!,就快有啦!聽晚就係啦!!

    回覆刪除
  28. 歪歪

    >就算Alex無諗過被誤會為同志,但係佢聽完Helena咁講仍然心存希望,咁咪仲更加蠢,自作多情!
    ==>
    1) Helena咁講,解開alex的心理陰影
    2) 但令alex自作多情
    3) 前者可解開心結,讓他再挺起胸膛做人,
    4) 至於自作多情,你不可阻止別人/自己自作多情,你也喜歡過人啩

    AV男演員用工具
    我會Fast forward

    你的最新回應有看:

    其實現今咁開明
    社會唔會俾太大壓力你
    身份危機...只要你接受自己
    唔理其他人點講
    做番自己!

    +++++

    自由

    >放心呀卡臣, 我唔會岐視你~
    睇4仔, 好正常既!!

    ==呢番話正正好似helena對alex的解咒說話
    我而家開心番哂啦!

    ++++++

    小佚

    咁,明晚
    夜啲post好唔好?
    2345?
    925?
    妳話事吖!

    回覆刪除
  29. 卡臣:
    925啦
    2345太夜啦!
    定915呢?hee

    回覆刪除
  30. 下一個故事的主人:
    敲定了
    3/12
    915(晚上)

    回覆刪除
  31. 校長
    >相好,文好,好好好!
    但都唔夠你咁好!

    咦?
    你漏咗讚女主角好喎!

    回覆刪除
  32. 『你不可阻止別人/自己自作多情,你也喜歡過人啩』

    又俾你篤正我個死穴,我唯有認我都試過自作多情囉,亦都係因為人哋一句說話,而自己諗多咗。(喂你唔好笑得咁得戚好喎!)

    『身份危機...只要你接受自己
    唔理其他人點講』

    你口中嘅「身份危機」,响其他人口中會變咗係「精神分裂」㗎!

    回覆刪除
  33. 火女

    >好睇呀~
    祝妳學業進步!

    +++++

    歪歪

    >又俾你篤正我個死穴?
    也是我的死穴!
    中招唔少
    唉~~~
    善哉~~

    >「精神分裂」
    啲人咁誇張?
    唔埋咁多
    揸住自己宗旨啦!

    回覆刪除
  34. 卡臣, your stories are very interesting. Really enjoy the twist at the end of each one.

    回覆刪除
  35. Loretta

    多謝妳欣賞!
    我會繼續努力

    妳在多倫多
    工作?讀書?

    回覆刪除

LinkWithin

Blog Widget by LinkWithin