~~~~~~~~~~~~~~~~







2008年12月31日 星期三

2008年十大新聞

2008年十大新聞

每年年尾,香港各大傳媒都會選出十大新聞回顧,都是嚴肅正經的本地國際新聞。
而十大「另類新聞」回顧,就在這裡舉行:

1. 機管局高層嫁女 老千混入喜宴 賓客被騙財 (1月2日)
香港機場管理局總監嫁女,在港島香格里拉酒店舉行婚宴,筵開33席約400賓客赴宴,其間有三名宴會老千扮成戥穿石及姊妹潛入會場,分別在10圍放利是 封,要求各人放入現金玩神秘大抽獎,賓客們入錢後,老千得手後逃之夭夭,估 計約有百人受騙。直至宴會尾聲主人家送客,賓客經查詢才知道上當,報警求助。

2. 忘情熱吻遭車撞 情侶馬路中心飛彈3米 (1月7日)
一對情到濃時的熱戀男女,在微黃的街燈影照下,清晨5時許站在紅磡碼頭巴士總站一條行車通道的路中心忘情熱吻,一輛九巴工程車駛至時仍茫然不知,司機亦未料到竟有此情景,收掣不及將男女撞至飛彈三米外,男子頭部重創性命垂 危,其女友亦告受傷,一同送院治理。

3. 盜骨青年 晚晚「俾鬼責」 (3月5日)
三名青年在網上聲稱有泰國高僧開光的人頭骨「靈物」拍賣,開價28,000元。偷自己祖先金塔內的人頭骨,豈料得手後其中一名青年聲稱晚晚畀鬼責,為擺脫鬼魂纏身,惟有向警方自首,警方拘捕疑涉案17至22歲三男女。

4. 三釣魚友汲水門釣上值百萬巨魚 (4月25日)
三名釣魚人士在汲水門大橋對開的青洲灣海面釣魚,竟釣到一條被稱為「海上鑽石」的巨型黃鰲魚;此魚身長有如一個成年人,估計超過100萬元。因為他們 「唔識寶」,竟以兩萬元賤賣給船家。船家事後以58萬元轉售給海鮮酒家,而酒家再轉賣到內地估計售出100萬元。

5. 中漢1300漢堡包派街坊 抗議麥當勞白鴿眼(7月27日)
一名54歲在內地經營成衣買賣的小商人,不滿深水埗美居中心麥當勞快餐店職員服務態度惡劣、歧視基層街坊及喝罵奚落食客。特別是一名分店經理處處針對阿公阿婆坐低嘆冷氣傾偈!這位「怪客」自掏腰包豪花8,000多元,購買1,300個漢堡包免費派街坊,抗議大企業麥當勞「白鴿眼」對待基層食客。

6. 「活塞男」下體插公園鐵板無法自拔 折騰4小時獲救 (8月7日)
一名中年男子深宵在藍田公園「做運動」做得熱血沸騰,在一塊滿佈圓孔的仰起坐鐵板上,做出另類掌上壓,褪下褲子將陽具插入圓孔內自瀆,至陽具充血脹大無法拔出,緊卡在孔內進退兩難,痛苦難當惟有面懵懵報警求助。醫生到場為他打針放血無效,男事主陽具被卡住近4小時後,消防員最後要鋸去整塊鐵板,連人帶板五花大綁送院救治。

7. 精神病綠巴司機 瘋狂駕駛 胡言亂語搶警槍 (10月6日)
一名38歲患有精神病10多年的專線小巴司機,由西貢開往坑口的小巴時疑病發胡言亂語,大叫:「我細佬俾人殺咗埋屍。」駛離指定路線瘋狂駕駛,更險與另一部小巴相撞,車上乘客途中拉開車門逃生及報警。警員到場調查期間,小巴司機突發難企圖搶奪警槍,並向警員叉頸襲擊,終被增援的警員合力制服,被捕後綁手腳送院治理。

8. 風筒吹底褲釀打鬥 健身惹禍 動武男子事後摑面自責 (10月18日)

一名69歲老翁在銅鑼灣舒適堡健身中心健身後,不顧公眾衞生,利用風筒吹濕漉漉底褲及腳趾罅,一名42歲男子不滿干涉,老翁卻充耳不聞離去。中年男子不滿對方態度,追出從後箍頸,老翁還以一招「猴子偷桃」,偷襲對方下體,最後雙雙推撞倒地,警員到場拘捕該男子,事後十分懊悔,更激動地當眾自摑面孔自責:「好後悔,我唔應該打阿伯!」,稍後由警員帶返署調查。
 

9. 速遞員上午判感化中午再犯案 獲釋即日在法院偷窺 (12月4日)
承認在女廁偷窺的速遞員,早上在東區裁判法院獲判接受感化18個月後獲釋,竟公然挑戰法紀,中午12時許,隨即埋伏在法院女廁「再度出擊」,被一名女記者在廁格發現,駐庭警員及法院保安人員聞風而至,齊齊在女廁門外守候逮捕疑犯。報警處理。該名速遞員再被警方落案控以一項遊蕩罪。

10. 一女生遭非禮20次  三女同學義憤相助智擒淫看更 (12月6日)
14歲初中女生遭寓所大堂58歲看更非禮逾20次,在保安位後的樓梯口對她上下其手。向母親投訴不獲相信。三名女同學得悉事件後義憤填膺,叫受害少女犯險,再以肉體作誘餌引誘看更再度侵犯,打算趁機拍下罪證。雖然最終同學拍不到任何片段,但決定與看更當面對質。最後通知事主母親報警,警員到場調查後,看更自行招認淫行,

2007年十大新聞


* * * * * * * * 

當你睇到呢段文字嘅時候……

「當你睇到呢段文字嘅時候,我已經到咗機場,將會去一個好遠好遠嘅地方……」這是香港電視劇的一句典型對白。

當你睇到呢段文字嘅時候,
閣下應該是一個好彩或者唔好彩,從不同途徑click到本網誌吧!
或者,閣下觀看其他網誌的內文提及本人名字,因而click到這裡;
所以,我要向「
C+DesertfoxEricHanaJune小C小瓶子巴黎旅客井底蛙自由行佚名素顏天使陳大文渣估聶秀康」(排名先後按筆畫)您們講聲Thank you!

本網誌從2007年3月開始,專寫吓啲無謂無聊、低能白癡嘢。除了我圍內幾個朋友會睇之外,一向都無乜人吼,只是自娛一番。
自今年初開始,我好高興能夠從網誌認識到很多新朋友,我甚至有幸能夠跟某些朋友們親身見面,友誼由虛擬變成真實。

我還要多謝曾經在此處留言的新知舊遇,你們的留言十分精彩絕核抵死!往往令我在辦公室電腦前,忍俊不禁!惹來旁人白眼,我都心甘命抵!

祝大家新一年心身健康!

卡臣敬上

68 則留言:

  1. 喂小豬

    祝妳09行運一條龍!
    心想事成!

    回覆刪除
  2. 第二! 第二!

    真係得卡爺你一個人先會數得出呢個榜, 我一路睇一路喪笑, 祝新一年一樣開心, 寫更多更抵死幽默故仔予我等小讀者.

    回覆刪除
  3. 好明顯,我就係唔好彩 click 到呢處嘅人啦, 真係大吉利是。

    因為: 到訪此 blog 太遲! 2007 至知有呢度!!! 你話係咪好不幸先?!



    新年快樂!

    回覆刪除


  4. 祝妳09跟08完全180度相反
    (除了性別不變)
    開心啲健康啲!

    回覆刪除


  5. 妳的祝福已速遞去妳blog處
    收哂!

    +++

    素顏

    > 寫更多更抵死幽默故仔予我等小讀者.
    ==>好!一定盡力
    最緊要妳地睇得開心

    嘩!
    No2 --> No4
    真係瞬息萬變喎
    20胸變40胸

    ++++



    聽朝去你blog拜年

    回覆刪除
  6. 大文sir

    我真要衷心多謝你!
    常記起我們的文字對話
    而家都想笑

    新年快樂
    賺多啲!

    回覆刪除
  7. 弊傢伙喇你,榮升「卡叔 @@ ~」......


    Uncle Car ....

    回覆刪除
  8. @卡臣,

    雖然唔係睇咗你個 blog 好耐,但真係覺得你嘅故仔好好睇,仲攪到會追看㖭,真係唔夠你嚟。
    2009,期待你有更加攪嘢嘅故仔!

    希望你同你嘅劇團有更多新嘅嘢帶到俾我哋。個人都係鐘意樓市怪談,由其係馬尺嗰段。
    :P

    Happy New Year!

    回覆刪除
  9. 哈, 我发现Google 嗰blogger 名单, 有时候都未必将最新update 的post 放在最上方, 所以搞到我有时候会miss 左 D post.

    响新的一年, 希望大家都有新的开始, 新年快乐 !!!

    回覆刪除
  10. 大文sir

    喺啲妹妹仔面前
    我已升為uncle car

    好啦!又夠鐘上天台餵金魚喇!

    ++++

    巴黎

    又做夜貓?
    老爺嬲嗎?

    ++++

    viking

    >>覺得你嘅故仔好好睇,仲攪到會追看㖭,真係唔夠你嚟。
    ==唔係呀
    你幫我寫嘅Dr.Lo續篇好堅喎!

    話劇方面,好!盡力唔甩啦

    新年快樂!

    回覆刪除
  11. 小瓶

    係呀!有時要click吓先知update


    happy new year!

    回覆刪除
  12. 你既十大新聞好有趣, 有啲真係從來都無留意過, 不過第六則新聞就幾轟動, 好似做埋頭條同人物追訪, 真攪笑!!

    回覆刪除
  13. 肥貓

    「活塞男」<--十大新聞之首
    哈哈!

    祝妳新年快樂!

    回覆刪除
  14. 新年快樂!!!
    08事件特別誇張,繼續期待你09年新的排行榜!

    回覆刪除
  15. Shania

    放心
    十大新聞回顧keep住搞

    happy new year!

    回覆刪除
  16. 卡臣:
    新年快樂!08年開心大事是認識了卡臣及一眾blog友~

    回覆刪除
  17. DENZEL

    祝影藝更上一層樓!

    +++++

    小佚

    >>08年開心大事是認識了卡臣及一眾blog友~
    ==>做乜搶咗我想講的說話!

    回覆刪除
  18. 08年十大新聞, 我一定投「活塞男」一票!
    我o係在師傳blog處 click 到黎既, 好開心+榮幸識到卡卡, 更加多謝卡卡俾我在沉悶工作, 帶來無限歡樂!

    祝卡卡新年快樂, 心想事成, 型男萬歲!

    p.s. 講個秘密你知, 公司部機瓜左, 我入yahoo 搵你條link, 係排第二位既. 證明你在blog 界幾受歡迎!

    回覆刪除
  19. 其實你係咪有做News Clipping 架呢? hehe...

    卡sir, 祝你零九mud 都夠,紅到無人有!!

    粉C敬上

    回覆刪除
  20. 自由

    >>我入yahoo 搵你條link, 係排第二位既. 證明你在blog 界幾受歡迎!

    ==>我第二位?
    妳係咪search「最無聊無廢blog」?
    所以我第二位囉

    祝:又瘦又靚


    ++++++

    c+

    係呀!2008年頭儲到而家

    祝妳
    日日開心
    一路順咬

    ++++++

    校長

    你同二夢
    新年快樂

    回覆刪除
  21. 哈哈,
    各位卜界紅人都來拜年!
    我帶了
    桃花水仙大吉
    祝阿卡
    新嘅一年
    更英偉瀟灑
    創作無限
    笑口常開
    身壯力健!

    回覆刪除
  22. 巴黎

    隨便坐

    我帶了
    紅酒鵝肝芝士魚子醬香檳
    祝妳
    新嘅一年
    更詩意
    周遊列國
    美食常吃
    體態萬千!

    回覆刪除
  23. 巴黎

    既然對聯:

    「上水居民居水上」

    「大圍空姐胸圍大」

    請對:

    「」

    回覆刪除
  24. >又瘦又靚

    多謝卡卡!! ^^

    祝卡卡身壯力健!x 2

    回覆刪除
  25. 自由

    不如祝我:身體精壯呀!
    精壯...重要啲!

    回覆刪除
  26. 「上水居民居水上」

    「大圍空姐胸圍大」
    ==>
    嘩,超級難!
    要揾校長幫手!
    俾時間我諗吓....

    回覆刪除
  27. 「上水居民居水上」
    「大圍空姐胸圍大」
    ==>
    「河內漂艇漂內河」
    下聯:
    仲諗緊

    回覆刪除
  28. 卡臣:
    做乜搶咗我想講的說話!
    -->更係啦!唔快d講咪會俾人講左!
    所以下次要快d啦!
    唔係會好輸洩架!

    回覆刪除
  29. 巴黎

    「河內漂艇漂內河」
    下聯:
    「國泰飛機飛泰國」
    送給老爺


    +++++

    小佚

    祝妳快人一步,理想達到

    回覆刪除
  30. 「河內漂艇漂內河」

    「國泰飛機飛泰國」
    ==>
    對得
    實在太好了!
    欽佩萬分!
    老爺開心!

    回覆刪除
  31. 巴黎

    >老爺開心!
    我就開心啦!

    祝他出入平安

    回覆刪除
  32. 我著好衫襯好首飾等去街,點知這裡咁熱鬧,吟詩作對咁風流...

    祝卡臣歡樂天地常滿,文章風行...一切如意!

    回覆刪除
  33. 卡臣:
    祝妳快人一步,理想達到
    -->點解咁似廣告既?

    十大新聞卡臣應該都草左好耐,其實仲有咩新聞架?

    回覆刪除
  34. 係喎, 點解無冠希臘腸同賤震既?
    o拿o拿o拿....唔好話因為係娛樂新聞呀! 我o係頭版睇架!

    回覆刪除
  35. 卡兄~~

    我也祝你有新氣象呀!!!!!!

    火炭吳剛食炭火,
    大學鬥完鬥學大

    這兩句OK嗎? ^^

    回覆刪除
  36. 我睇你个blog长大嘅...卡臣先生~~~
    新年快乐!

    回覆刪除
  37. 卡sir
    祝新一年快樂
    我會得閒帶多d老細上尼玩架勒...哈哈

    回覆刪除
  38. 新年快樂!
    前排去咗旅行,而家先覆,唔好意思!

    回覆刪除
  39. 巴黎

    啱啱返家

    老爺飛啦!
    freedom~~~

    ++++++



    >吟詩作對咁風流...
    ==淫私作隊仲風流...

    妳也要09年撥開雲霧

    ++++++

    小佚

    >十大新聞卡臣應該都草左好耐,其實仲有咩新聞架?
    ====>eg:空姐偷嘢/老翁搶火燒面/迷幻漢裸體/子救自殺母.....

    回覆刪除
  40. 自由

    >>冠希臘腸同賤震既?
    呢兩單新聞留俾「香港娛樂新聞回顧」啦

    我啲選舉要無聊啲先可入選


    ++++++

    逍遙小妹

    火炭吳剛食炭火,
    大學鬥完鬥學大

    這兩句OK~~

    不過
    火炭吳剛食炭火,
    改為:
    火炭吳剛唔撻火,
    好似啱音啲

    +++++

    DEN

    >>我睇你个blog长大嘅
    吓?
    我個blog未夠兩歲
    你未夠兩歲已經識字打中文
    尖子啊!

    我祝你新年快乐!

    回覆刪除
  41. 匿名

    我都祝你新一年健康快樂
    記得帶多啲老細上尼玩勒
    人民弊碌卡都得架!
    ...irasaimase
    (醫啦西醫媽些)

    +++++

    笑兄

    祝你琴藝高超!
    工作愉快

    回覆刪除
  42. Happy New Year Carson!
    新年快樂!
    心想事成!

    回覆刪除
  43. 南蠻

    祝妳愈忙愈靚!


    +++++++++

    Desertfox

    祝你 COCO生活愉快
    飄移進步

    回覆刪除
  44. 『閣下應該是一個好彩或者唔好彩,從不同途徑click到本網誌吧!』

    我係特登用你個名嚟搜查先至揾到你呢度,可以話係自投羅網,原來唔經唔覺都差唔多有一年,呢個真係我呢一年嚟做得最啱嘅事,因為你帶俾我好多意想不到嘅收獲。

    祝你新一年身體健康!生活愉快!早日同卡嫂生個小卡臣!
    仲有就係寫多啲好嘢俾我哋睇!

    回覆刪除
  45. 卡先生:

    勁呀~~~~~~~~~~
    咁都搵到!巧利害啊.....

    祝新年快樂!萬事勝意!

    JC

    回覆刪除
  46. 卡臣兄:

    我所以會知你個blog,皆因一個人,你要同佢講多謝噃~~~~~~:P

    Daniel.

    回覆刪除
  47. 歪歪

    原來你search我個名
    其實我個blog用自己名carson chung
    都係方便劇場觀眾search
    結果識到你, 哈哈

    你客氣啦
    2008年,你點止做一伴啱事吖?
    多謝你的支持和留言就真
    還有你首次落筆幫我續寫故事
    來年還有很多....

    祝工作稱心
    身體健康!

    +++++

    jc

    儲有趣news clipping儲咗一年!

    祝你美艷如花
    工作愉快

    +++++++

    daniel

    >>我所以會知你個blog,皆因一個人,你要同佢講多謝噃~
    ==> 一於多謝佢啦!

    祝新年快樂!

    回覆刪除
  48. Bonjour Car sir!
    XX crew countdown party (15 people!)
    champagne,red,white,strip-show, hide-and-seek....to celebrate the new year.
    11:06 1st Jan 09 in Vancouver

    回覆刪除
  49. 巴黎

    轉眼又去了溫哥華
    哈!
    好嘢
    兩次2009 countdown
    賺多一歲!

    回覆刪除
  50. 上海居民居海上
    昆明擺檔擺明昆
    飲湯畢飯畢湯飲
    國泰飛機飛泰國

    lunch time 係 internet 搵到, 第三句好好笑.....

    回覆刪除
  51. 肥貓

    多謝妳!

    等我補充多兩句:

    大角咀狗咀角大
    油麻地遍地麻油

    回覆刪除
  52. >> 油麻地遍地麻油

    咁...咪好"煽"囉....

    回覆刪除
  53. 「上水居民居水上」
    「大圍空姐胸圍大」
    >>>>

    長洲賓客.......

    我win曬 ar !!!!!
    kakakkaa

    回覆刪除
  54. C+
    >> 油麻地遍地麻油

    咁...咪好"煽"囉....

    ==>都好過「油麻地戲院遍地米青」
    我知唔押韻又唔工整!

    +++++

    篤撐

    >>>>長洲賓客.......

    全句是:
    「長洲賓客好似我咁囉」

    回覆刪除
  55. >>>>長洲賓客.......

    全句是:
    「長洲賓客好似我咁囉」
    >>>又比你知道我係長洲賓客tim, 硃, 唔好講出去ar...

    回覆刪除
  56. 篤撐

    >>你係長洲賓客,

    唔使我講都係人都知
    街知巷聞

    回覆刪除

LinkWithin

Blog Widget by LinkWithin