~~~~~~~~~~~~~~~~







2008年6月25日 星期三

紀漢醇 - 09 - 二人失樂園

紀漢醇 - 第九節 - 二人失樂園

紀漢醇手中的票尾印着:百老匯電影中心二院《咖啡杯邊的唇印》座位R11!
票尾夾在書中作書籤,而呢本《日本自助旅遊指南》屬於淑芳所擁有,
咁即係話:雅典娜的真正身份好大可能就是淑芳!
紀漢醇估唔到同他日MSN夜MSN的情慾對象,竟然就是早已下嫁給自己的太太!

紀漢醇極度震驚之餘,仍然要強扮鎮靜。
瞄一瞄廚房中的淑芳,她仍在烹調糖水。
紀漢醇趁淑芳未返出客廳前,細聲問阿Man張票尾喺邊個架?
阿Man話張票尾一早己經插咗喺本書入面。
Alma見紀漢醇因一張票尾而神色緊張,她問:「張票尾有乜咁特別呀?」
紀漢醇知道自己要第一時間扮到若無其事,否則會在Alma面前露出馬腳。
隨口編了一個藉口,說他有收藏所有看過電影票尾的習慣。
他找了很久也找不到這張《咖啡杯邊的唇印》票尾,
如今竟然失而復得,喜出望外,所以十分高興!

Alma相信紀漢醇的說話,因為紀漢醇確實喜歡乜都收藏一餐:
扭蛋公仔、漫畫書、絕版CD、襟章、可樂樽、Action figure乜都要搵齊一套!
對於他有儲電影票尾的習慣,不足為奇!

紀漢醇肯定了R11票尾是來自淑芳,知道幕後黑手是誰之後,
但心裡馬上浮現出一個疑問:淑芳唔識用電腦,
唔識寫Blog、又唔識傾MSN,唔通內情還牽涉第三者?
一時間百思不得其解!

此時,淑芳從廚房步出來說:「十五分鐘後有得食!」
Alma問淑芳:「呢本旅遊書妳借俾我吖!」
淑芳:「無問題!妳慢慢睇,唔使急!」
紀漢醇用眼尾偷望着淑芳,點解淑芳能夠有咁好演技去掩飾自己呢?

淑芳的電子手錶鬧鐘突然「嘟嘟聲」響起,
淑芳說:「唷!掛住煲糖水,差啲唔記得咗!」,
紀漢醇突然緊張起來!吓?唔通夠鐘同我攤牌反面?嚟過大審判?
淑芳從沙化彈起,紀漢醇因為心虛,本能地把身軀俟後、緊貼沙化背!

淑芳起身後,轉身走到她放在偏廳的公事包,
從公事包內取出一部手提電腦和一條電話線,
走到沙化旁的牆腳電話線插座,用電話線連接上手提電腦,
手勢乾淨俐落,熟練地開啟電腦、連線上網。
紀漢醇見狀心諗:「咦?乜淑芳唔係電腦白痴咩?佢幾時學識用電腦架?!」

淑芳要在晚上10:45分,跟美國總公司的同事開一個on line電腦視象會議,
由於兩夫妻太少溝通,半年前,淑芳公司已提供一部手提電腦和電腦課程給淑芳,
讓淑芳於晚上能身處家中,跟相隔12小時時差的美國波士頓的公司同事,透過電腦開視象會議。
紀漢醇回家後,只懂關起書房門上網,當然對於淑芳這個新工作安排毫不知情!

紀漢醇嚇了一跳!但礙於在Alma和阿Man面前,
他不好意思問淑芳幾時學懂用電腦,
因為他一問就等於告訴Alma和阿Man知道:他倆夫妻是長期處於缺乏溝通的狀態。

15分鐘網上會議完畢後,淑芳要做會議後follow up工夫:上互聯網找資料,
紀漢醇偷看到淑芳網上search資料時,是用中文輸入法!
吓?!乜淑芳叻到連中文打字都識?!
即是話:淑芳自己寫中文Blog、傾MSN完全不成問題!

紀漢醇腦裡立即閃出一幅畫面:淑芳化名雅典娜寫Blog,
叫阿Man幫手forward個Blog link俾自己睇,
如是者,每晚男的坐在書房內,女的坐在客廳當中,兩人隔着一度房門,
一對夫妻於晚上經MSN踏進二人失樂園,在網上跟對方溝通、了解、聊天、調情、作性幻想!
如果屬實的話,紀漢醇這個月的一舉一動,都在淑芳的監視和操控之內,
淑芳更叫埋Lydia一齊「撚化」自己。
想到這裡,紀漢醇不禁打了個心寒的冷震!

吃罷糖水,Alma和阿Man告辭返家,屋裏只剩下紀漢醇和淑芳,
紀漢醇因為心中有鬼,他覺得今夜的氣氛特別詭異。
紀漢醇不知道隨時會喺邊一分鐘,淑芳會突然向他發爛攤牌!
紀漢醇呢生人,從未試過被這種白色恐怖所折磨煎熬。

兩人相安無事,深夜一時入睡房睡覺,
紀漢醇見淑芳仍未發難,心中盤算出四個可能性:
A:淑芳故意給自己看R11票尾,暗示她已知情,但她選擇不拆穿丈夫,如果丈夫醒悟過來,自發地改過自新的話,淑芳就當從來無事發生過、
B:淑芳用R11票尾暗示她已知情,她只是在等待着一個更加適合的最佳時機,才跟丈夫攤牌、
C:淑芳化名「雅典娜」,巧合地跟「韓信」網上交往,不過淑芳不知道「韓信」就是自己老公紀漢醇、
D:淑芳一早知道網上交往的「韓信」就是自己老公,不過淑芳已經愛上這種與丈夫溝通調情方法,並想繼續一直維持下去。

紀漢醇一時間找不到確定的答案,不過如果推論C屬實的話,
咁紀漢醇就可以180度扭轉形勢,自己由老鼠變成貓!
以「老公捉姦」的姿態出現,踢爆太太企圖背夫偷漢;
不過紀漢醇沒有足夠的證據去證實推論C的確實性。
失眠一宿、無話到天明。

第二天,紀漢醇回到辦公室,雅典娜用MSN向紀漢醇says hi,
紀漢醇知道逃避唔答只是駝鳥政策,紀漢醇只好硬著頭皮去接淑芳的出招。

雅典娜says:
喂!你噚晚又放我飛機啦!算點先?!


韓信says:
I waited for you from 7:30 to 8:30 last night!

雅典娜says:
有冇搞錯!間餐廳直情話無韓先生的訂枱!

韓信says:
Why?I wait for you at Orchid Café from 7:30 pm

雅典娜says:
吓!!Orchid Café?!我去咗Orchard Café等你呀!

韓信says:
Oh!typo mistake? Orchid? Orchard? we waited at two different cafes last night?

紀漢醇死頂話昨夜兩人各自等錯地方,心諗:「唉!淑芳,點解妳仲要扮嘢玩落去吖?!」

雅典娜says:
我公司抽獎,我抽中咗東涌新開張的酒店,送出一晚免費住宿連早餐,我老公去咗美國公幹兩個星期,我打算今個星期六晚入住,你有冇興趣一齊嚟?

紀漢醇見到雅典娜這麼說,心中暗忖:「咦?今個星期六咪係我生日?淑芳用咁樣方法嚟約我?都算幾有創意!但係…佢叫我出嚟…係慶祝?定係攤牌先?」

紀漢醇想到如果到酒店赴會,有以下兩個可能性:
A:這是淑芳善意安排,夫妻兩人重修關係,冰釋前嫌,開開心心於酒店慶祝自己生日兼渡週末;抑或是
B:這是淑芳所安排的陷阱,入酒店房後,被眾多手持武器的姊妹們重重包圍,輕則遭到慘烈批鬥,重則受到肉體折磨,再逼簽離婚文件,討索贍養費銀碼。

紀漢醇面對雅典娜這個不明來意的邀請,此時不知如何回覆是好……

雅典娜says:
嚟唔嚟呀?

紀漢醇says:um…um…

雅典娜says:
好多雜誌都讚呢間新酒店,又新又靚!張床用納米技術做,瞓落去好舒服架!

雅典娜says:
點呀?一於嚟啦!當我求吓你呀,一次咁多吖!

紀漢醇望着電腦屏幕上閃動著的cursor,心跳唇乾,唉!點算好呢……



最終回《羅馬鬥獸場》大結局 6月28日 星期六 2345



溫馨提示

本人溫馨地提示各位,如果大家呢兩日有少少時間,不妨抽出寶貴時間,將過往九集的《紀漢醇》一次過快瞄一吓(browse)。因為第一集已經是差不多一個月前posted,大家可能對故事情節已經淡忘。如閣下可以重溫過往九集的話,咁大家就容易啲follow到嚟緊呢一場羅馬鬥獸場的困獸鬥。

42 則留言:

  1. 鬥獸塲?開始想像結局....

    雅典娜主動酒店約會,似乎事有QK,開放左d喎。

    唔經唔覺,原來過左一個月嗱!真你光陰似箭,歲月如梭....

    回覆刪除
  2. 唔~athena咁主動既突然,驚喎~會唔會有古怪架?!

    話咁快就9集,真係就快陪伴左我地成個六月了

    回覆刪除
  3. 有疑問:

    淑芳如果係雅典娜( 漢醇認為 ),咁淑芳都喺屋企,根本都去唔到目的地,咁【雅典娜】又點知漢醇放左飛機?

    ..........@@ ?

    回覆刪除
  4. 卡臣:

    我跟雲煙兄也同意漢醇遇gayman是事有蹺蹊.

    漢醇是否慘淡收場?看你如何編寫,不如整個民意調查先:)

    Daniel.

    回覆刪除
  5. Eric
    多謝你閉關都嚟睇,祝你過五關, 斬六將!

    nost
    偏偏相差太遠

    巴黎旅客
    多謝妳幫手就真!
    再多謝妳伴我成個六月啦

    mona
    去酒店喎!梗係有古怪啦!
    多謝妳陪我成個六月啦
    好快星期六

    回覆刪除
  6. Man
    你的疑問,大結局一定還你一個解釋交代.

    laulong
    經網上溝返自己老婆,好似角色扮演,增加情趣

    daniel
    漢醇遇gayman....點會咁橋吖?
    民意調查?唔想睇完調查結果搞到自己唔開心

    二打六
    希望下集你會滿意返啲

    回覆刪除
  7. 雅典娜突然間咁主動,一定事有qk

    回覆刪除
  8. rachel

    雅典娜突然間反客為主,
    因為故事發展到尾聲,
    係時候輪到佢出招

    回覆刪除
  9. 卡生現正在何方,該離開了芭提雅吧?

    新形像照很artistic,
    那影子
    像古代日規、
    像羅馬鬥士、
    卻不屬於二零零八舞臺。

    回覆刪除
  10. 會唔會系距地三個金蘭姐妹夾埋一起來玩紀漢醇呢?
    你知架啦,好姐妹之間會互相交換同老公、男友的相處之道。一旦淑芳講到同老公之間無哂激情,其余兩個好姐妹就幫手諗埋哂D屎橋,幫距地重獲激情~~~~~~~

    回覆刪除
  11. 會唔會係由頭到尾都係阿Alma一個人搞的鬼?!

    由介紹Athena,佢可以自己扮。
    Lydia去餐廳,可以係Alma約,Lydia或許亳不知情。
    Alma又可以攝張戲飛落本旅遊書度。

    嗯~似層層喎..haha

    回覆刪除
  12. 二打六
    好快星期六啦!
    等埋呢次就唔使再等啦.

    巴黎旅客
    我已回港,在巴黎站當實Q

    這相片攝於2007年10月
    壽臣劇院
    妳看到什麼也很歐洲啊!

    carmen
    多謝妳看先
    對啊!姊妹有事,點會唔幫先?!

     

    回覆刪除
  13. 噢是2007年的舞臺!
    沒法啦在歐洲流浪太久吧其實常常想念那些日子。

    巴黎站實Q ?好喎!請問有冇留意愛馬仕Birkin番貨未?

    回覆刪除
  14. 巴黎旅客

    妳慣了浪漫的生活...
    香港好似唔係好啱妳喎

    愛馬仕Birkin?
    有貨返咗!有七彩櫻桃花果隻吖嘛,
    已經留起一個俾妳啦

    巴黎站實Q

    回覆刪除
  15. [有偵探頭腦喎]
    ....咁即係估錯啦~ ><

    回覆刪除
  16. 適應得有點困難,但漸漸投入了。那段離開過空白了的時差,需要趕上。浪漫有時侯是心境。

    七彩櫻桃花果隻?係L記喎!你有冇認錯呀,實Q哥?

    回覆刪除
  17. 雅典娜又會唔會另有其人? 雖然我都好想淑芳係雅典娜!

    另, 忽想起"真實謊言(True Lies)", 戲內大隻佬辛力加一直瞞住老婆自己做特務既真正身份...

    期待著結局...

    回覆刪除
  18. Mona
    阿miss, 妳係聰明女!!

    巴黎旅客
    係咩?
    七彩櫻桃花果隻係L記咩?
    但係繡咗愛馬仕個logo喎!
    唉~羅湖城班友仔都唔放個心做嘢嘅!
    巴黎站食蕉

    回覆刪除

  19. 「第一次見就上房,好驚~」
    梗係驚啦,捉佢入房緊住圍毆嘛!

    渣sir
    真實謊言(True Lies)<--James Cameron正!
    對呀!每人都有一個掩藏身分
    好似你,
    我知你其實係年薪幾百粒的副局長

    回覆刪除
  20. 哎羅湖城真係亂咁嚟,無天理,知識產權冇地位!
    我都係講吓啫,點會係巴黎站買吖,貴法國咁多,重唔知係唔係A貨!

    回覆刪除
  21. 好緊張呀~不過相信係十份出人意表!
    你咁多集都冇一集係我估得中過~
    -_-"

    回覆刪除
  22. 巴黎旅客
    「點會係巴黎站買吖,貴法國咁多,」
    妳唔係名牌奴隸啩(我估)!
    住喺法國梗係唔用法國貨喇,
    一於用紅白藍膠袋啦(成面法國旗咁)
    招搖過市!

    mona
    妳喺學校有教通識啩?!
    應該已擁有一個具邏輯的頭腦
    明晚就係,我都好緊張

    大家有冇重溫呀?

    回覆刪除
  23. 已經再重溫過去九集,緊張!星期六有大結局喇,又可預備啤酒了!

    回覆刪除
  24. 溫馨地提示? 有幾"溫馨"先?!
    我覺得呢,呢個故仔應該拍廣播戲。

    回覆刪除
  25. man
    好!醉醉地睇大結局
    好睇啲架!

    雪雪
    「有幾"溫馨"先?!」
    我嘟著咀唇,勁瞇雙眼
    陰聲細氣咁提示
    好溫馨架啦!

    回覆刪除
  26. 名牌奴隸?何苦呢!

    其實我成屋都係舊貨,從1894年到1950年的傢俱、二手衫、畫作....

    一於預備啤酒,睇完大结局,再飛維也納,德國大戰西班牙!

    回覆刪除
  27. 我冇教通識架~咁係唔係唔應該有一個具邏輯的頭腦?haha
    今晚上lu~~~~~WOW~~~~~~

    回覆刪除
  28. 巴黎旅客
    嘩!妳屋企咁多古董架!?
    唔好俾人知妳住係深井區呀
    好危險架!

    逍遙小妹
    妳叻囉!

    mona
    妳冇教通識架....咁就好啦!
    ...教少瓣,多啲自己時間嘛

    回覆刪除
  29. 巴黎站Q哥,你點知我住係深井?查實我啱啱搬左去深圳啦!

    屋企個d邊度係古董呀,香港人見到話係破爛,問我驚唔驚有鬼附!

    回覆刪除
  30. 巴黎(深圳)旅客
    乜妳搬咗去深圳呀?
    咪幾好!近「世界之窗」
    得閒入去望吓凱旋門,懷緬吓

    妳啲傢私有冇污穢嘢架?
    ..咦!點解有個鬼佬...企喺妳後面嘅?...

    eric
    出關啦你
    welcome back!

    回覆刪除
  31. 嘩係咪想嚇死人呀!今晚得我一個人詐,出面又落雨!唔得,等我唸100次玫瑰經先。

    回覆刪除
  32. 好緊張呀~~睇到第9回....就黎完啦~~~
    唔想咁快完呀 !!!!!

    hahaaa

    回覆刪除

LinkWithin

Blog Widget by LinkWithin