~~~~~~~~~~~~~~~~







2008年6月16日 星期一

紀漢醇 - 06 - 蛇蠍美人

紀漢醇 - 第六節 - 蛇蠍美人

阿Bill沙煲咁大嘅拳頭,朝向紀漢醇的心口,打摏機咁揼落去,
力度強勁的重重一搥,實而不華咁窩落紀漢醇的胸膛,
紀漢醇的五臟六腑立即來過大翻騰,慘叫一聲!
掩着心口應聲倒下,痛得死去活來!
旺角途人見到有戲睇,火速圍觀,立即將街頭變成「跳蚤擂台」。
阿Bill得勢不饒人,舉起第二拳朝紀漢醇的面部揮下!
Angela大叫:「停手呀!黐咗線呀你!」
阿Bill聽到Angela的求情,更加怒火沖燒!
加重力度的第二拳勢不可止!

當阿Bill嘅拳頭和紀漢醇面部剩下半吋距離之時,拳頭去勢突然停止了!
原來另一位健身教練出手,拉住阿Bill的拳頭,並說:「打夠啦!有差佬嚟緊!」
Angela叫:「阿醇!你走先呀!阿Bill,你聽我講吖……」
倒在地上的紀漢醇,連忙爬起,轉身逃跑!
在旁圍觀的途人見咁快就KO打完散場,大呼無癮唔夠喉!徐徐散開。

紀漢醇逃到安全地方後才敢停下來,拉高T-Shirt 檢查傷勢,
心口瘀黑了一片,隱隱作痛!大嘆倒楣!
急call大嚿,大嚿提議他立即回到安全地方,今夜運氣唔好噃!
紀漢醇也想取消跟雅典娜的9時約會,但因為沒有辦法通知她,
只好帶傷去尖沙咀赴約。

Angela拖着阿Bill去另一間餐廳,坐低慢慢解釋,
容易衝動的阿Bill聽Angela解畫後,慢慢平靜下來,兩人冰釋前嫌。
其實這一幕是Angela一手策劃,精心舖排而成!
Angela和阿Bill拍拖一年後,阿Bill開始對Angela若即若離,唔嗲唔吊,
例如阿Bill只喜歡睇荷里活式的飛車爆炸動作電影,
當Angela叫阿Bill陪自己睇文藝電影《咖啡杯邊的唇印》時,
阿Bill眼也不望一眼,只冷冷淡淡一句:「吓!嗰套《咖啡杯邊的唇印》?妳想悶死我呀!?無興趣呀!如果係《毒蛇.Turbo.逼擊炮》我就睇!」搞到Angela極度無癮,要自己孤伶伶一個人去睇《咖啡杯邊的唇印》。
Angela打算求求其其揾個男仔嚟激吓阿Bill,
讓阿Bill產生醋意,繼而對自己會著緊返啲!

結果,昨天下午,當紀漢醇在pantry撩Angela傾計時,
Angela順水推舟,搵紀漢醇過橋。
買電腦只是「藉口」,引紀漢醇到旺角才是「目的」,
因為阿Bill任職教練的鏈鎖式健身院位於旺角。
點解Angela揀8點鐘到達那間旺角餐廳?
因為Angela知道阿Bill當天輪班時間表,晚上十一時才下班。
而公司編排了阿Bill於晚上7點放dinner,
懶得諗去邊度吃飯的阿Bill,習慣了晚晚都會幫襯那間餐廳。
所以Angela選擇阿Bill差不多吃完飯的時候,
在餐廳門前跟紀漢醇打情駡俏,等阿Bill出嚟見到,刺激吓阿Bill。

Angela知道火爆的阿Bill一定會出手教訓紀漢醇!
Angela覺得紀漢醇對自己色迷迷,不懷好意。
這樣做一石二鳥,一來可以教訓一吓紀漢醇呢名鹹濕佬,
二來可以爭取到阿Bill再次對自己緊張,
一舉兩得!Angela何樂而不為呢?
可憐的紀漢醇,不知道自己慘遭「蛇蠍美人Angela」利用,
他正撫着傷痛的胸口,趕去尖沙咀漢口道見雅典娜。

受過教訓的紀漢醇,驚俾人再次點錯相,
在途中想出一個方法保護自己:就是躲在Starbucks的對面街,
留意進入Starbucks的每一個顧客,
如果係靚女就立即行動,上前相認, 
如果係醜女或男人就馬上走人,回家塗跌打酒療傷。

紀漢醇於8:55分抵達漢口道的Starbucks,
他身穿紅色捷古華拉T恤,雅典娜則穿橙色猿人Tee作記認。
紀漢醇躲在Starbucks對面馬路停泊的一部七人van之後,
留意每一個進出的客人和尋找橙色猿人Tee。
曾經有一名40餘歲「麻甩佬」穿橙色T-shirt路過,
幸而他的T-shirt牌子是Baleno,他也沒有步入Starbucks,紀漢醇才鬆一口氣。
雖然這名「Baleno麻甩佬」咁啱路過,但他的衣著已教紀漢醇的腎上腺急升!

終於喺9:05分,目標人物,千呼萬喚終出來!
一名20多歲的女子,穿著橙色猿人Tee步入Starbucks,
但由於晚間光線不足,加上她戴上cap帽,紀漢醇只能夠離遠看到她輪廓。
紀漢醇心裡很高興,因為起馬確定了雅典娜是一名後生女,而非痴肥婦人或甩髮基佬。
當目標人物在店內找尋位置時,
她終於扭轉身,臉龐正面朝向店外的紀漢醇。
咦?佢個樣咁熟嘅!?
Oh my God!目標人物竟然是Lydia!
雅典娜竟然是Lydia?!
雅典娜竟然是淑芳的閨中密友Lydia?

嚇得紀漢醇馬上從袋中取出黑色風褸,急急穿上,
並把風褸的拉鍊拉上至頸喉位置,
將紅色捷古華拉T-shirt全面封鎖。
轉身朝廣東道方向極速逃走!

紀漢醇見到街口前面有一部的士,毫不猶豫就跳上的士趕回家,
他今夜先俾人打,再知道雅典娜是Lydia;
坐在的士裏,一時間無法整理腦裡混亂的思緒。
只想快些回家,回到一個安全的地方!

他扭鎖匙打開大門,大廳已經亮了燈,淑芳早已回到家中。
她坐在廳中的沙化上,神情凝重,
她劈頭第一句,帶有質問的語氣:「阿醇,你今晚去咗邊?」
紀漢醇強扮鎮靜:「咪同阿祖去睇電腦囉。」
淑芳厲了他一眼:「哼!你講大話!」

吓!唔通Lydia剛才已經昅到自己,
並且將事情經過一五一十咁講哂俾淑芳知?
紀漢醇心裡冒出冷汗,
淑芳再嚴厲追問:「你好講啦……」




次回《霹靂壯陽針》6月19日星期四2345

145 則留言:

  1. 喂我估中左喎...除非再有曲線?

    嗱,唔好話我知,大舊其實暗中同..Angela 有路下 ~~~ !?

    Lydia 好丫,不如就咩左佢啦 ~ 話晒熟嘛 。

    回覆刪除
  2. 【捷古華拉】T 恤去溝女.....

    【猿人 Tee 】去搵仔.....

    好 Art Film + X-files + sex and the 乜乜 囉。


    好外星人囉。

    回覆刪除
  3. 嘩..阿Angela機心真重~果然蛇蠍!!!

    哎~handsome為左識女仔要冒咁多風險,值唔值呢?!我係佢嚇到嚇死~

    回覆刪除
  4. 「喂我估中左喎!」
    我都話你堅啦!

    大舊絕對同..Angel a 冇路!!!

    Lydia 好丫...銀行客戶服務員
    穿起制服, 好多fatansy!!!

    回覆刪除
  5. 咁 handsome 都算係黑仔喎,而且都幾蠢下。

    呢類人真係有既。成日以為溝女皇,又唔 check 下人地有無仔,係女就去,果個阿 bill 都幾正。

    不過 Angela 真係毒左啲。

    真係好毒。

    回覆刪除
  6. mona

    識女仔識到俾人打...真係得不償失

    不過..男人未試過唔死心.

    更有男人見過鬼都唔怕黑,深入虎穴

    回覆刪除
  7. Angela 示範成語「一箭雙鵰」

    其實好多人都喜歡multi-task
    同一時間做幾嘢樣
    business順便旅遊
    lunch meeting吃飯順便傾生意
    返工順便溝女
    寫blog順便............練打中文囉.

    回覆刪除
  8. 男性果然有好強烈係冒險精神喎~~

    不過,咁既劇情都應該係發自你心中的那座山..keke

    回覆刪除
  9. 寫 blog 梗係順便搵......

    搵.....

    搵....題材啦 ~~

    回覆刪除
  10. 素素

    oh! 扖快兩啖呀喂!
    我地等妳.

    不過佢呢排少咗蒲頭
    難道又同qc仔搞業務擴展?

    唉~~留力呀

    回覆刪除
  11. 我心中那座係.....青山...隔離間病院


    大夫,我要..霹靂壯陽針...呀!

    回覆刪除
  12. 去滾前, 男人必打《霹靂壯陽針》
    男人之寶!

    你今日打咗未?

    回覆刪除
  13. 呀中女boss

    我好同情妳的不幸遭遇
    但請妳高抬貴手
    放返呀素素出個籠先
    犯法架miss!

    回覆刪除
  14. 有分教:青竹蛇兒口,黃蜂尾後針。兩者皆不毒,最毒Angel a心。

    回覆刪除
  15. "蛇蠍美人Angela",唔。。。其實佢算唔算係美人架。。。


    霹靂壯陽針,呢個名好令人期待呀~~~

    回覆刪除
  16. Angela係唔係蛇蠍美人就唔知,佢得閒過頭冇野好做就一定係.佢搵份好D的工,上進少少,
    學呢又學路,就自然識好多男人,唔洗攪咁多"花神".

    回覆刪除
  17. eric

    兩者皆不毒,最毒Angel a心

    又靚又毒,至少可取其靚
    又醜又毒,如Angel a 就唔好提啦!

    回覆刪除
  18. eric

    「霹靂壯陽針,呢個名好令人期待呀~~~」

    喂!我地好同情你架
    如果偉而鋼,神油無效, 請用霹靂壯陽針啦

    回覆刪除
  19. 小妮

    同意呀同意!

    Angel a 得閒過頭冇野好做就一定係.叫佢搵份好D的工,上進少少,學呢又學路,就自然識好多男人,唔洗攪咁多"花神".\

    同意呀!同意!
    好同意呀!好同意!

    回覆刪除
  20. 唉,見過蛇蠍美人angel a之後,打十支霹靂壯陽針另加犀利士偉而鋼都唔掂啦。

    回覆刪除
  21. 咦係喎,呀素素呢排真係冇乜浦頭喎。
    係咪佢怕左Uncle Car呢。。。

    回覆刪除
  22. 唔好叫 Uncle Car ,係 Car 哥仔 ~~

    素素點會怕左卡呢,卡..實的的咁 ~~

    個肚有舊【王】字腹肌嘛。

    回覆刪除
  23. 喂~! 我一唔响度你地就作反啦~~!!!

    陳大文,我係要服侍我個女 Boss呀,依家仲煩呀,有個鐘意玩老屈嘅鬼佬呀,我同大老細開會講明叫佢有咩眞接問我,唔好有misconception囉。

    Carson... 阿Bill係唔係on drugs呀。佢情緒咁唔穩定嘅? 咁high嘅? 沙煲咁大嘅拳頭? 好奇怪地...依家呢個時勢,好多香港女仔都鐘意教練,健身教練,游水教練....女仔都會貪圖美色咖。

    回覆刪除
  24. 素素返黎啦好野!
    我呢度冇咩野好食,我多數自己煮架咋。
    中東菜囉,呢度唔少中東移民。越南粉都OK既。

    回覆刪除
  25. 【鍾意玩老屈既鬼佬】<----咁正?


    唔係喎,而家好多香港女仔,其實係唔鍾意大隻佬,見到就驚架喎。

    但當然把口就話要實的的咁啦下。

    回覆刪除
  26. 係喎,應該叫Car哥仔至係。多謝大文兄指正!

    回覆刪除
  27. 素素,成村人望你返嚟架。

    亞女 ~~~ 返嚟囉 、返嚟啦 ~~

    卡教授應該整番集【殺死亞標】。

    即係.... Kill Bill ~ @@"~

    回覆刪除
  28. eeeeric,

    中東菜,你包住頭咁入去會唔會計平D? 自己人嘛~~ 你包頭佢都唔信你就現場玩蛇比佢睇。吹哂"D 咑"咁。我發覺呢度D印度嘢懶係high咁。我嗰日教個印度friend講 "重慶大廈, 重慶大廈"

    回覆刪除
  29. 大大大文,

    我都唸起Kill Bill,佑唔到你會出【殺死亞標】。咁邊個去殺佢好呢?

    好明顯就係【大舊】去啦。
    呀handsome要復仇,呀大舊去出頭。我好期待有打片出。呀Carrrrson寫嘅打交/被人打嘅場面寫得好好,好生動。

    回覆刪除
  30. 哎YA~很想看handsome出軌啊!!!原來是lydia....@_@
    Angela的這種女生我都有朋友像她啊.很PK的.現在的女生都是喜歡這些"橋"..哈哈

    回覆刪除
  31. 卡臣 提到...
    eric

    「霹靂壯陽針,呢個名好令人期待呀~~~」

    喂!我地好同情你架
    如果偉而鋼,神油無效, 請用霹靂壯陽針啦

    以我每天早上的表現,暫時無需用霹靂壯陽針呢~~~~~~:P

    P.S.我覺得紀漢醇應該會一場歡喜一場空

    Daniel.

    回覆刪除
  32. 哈,卡卡,引人入勝好過癮!

    不過那個 Angela, 好蛇蠍啫,死婆呀,等我教訓吓佢,hea, hea, hea...

    回覆刪除
  33. 素素 大文 愛力

    很高興素素成功逃脫出嚟
    返番文明社會
    唔好再探險啦

    素素話:「依家呢個時勢,好多香港女仔都鐘意教練,健身教練,」<---點解我唔覺架?
    香港邊區啲女仔呀, 講清楚少少呀
    速去!

    回覆刪除
  34. 大文

    kill bill
    Tarrentino....cult film 大師

    我鐘意第一集多過第二集

    佢個friend果套《喪屍.索女.機關槍》正!
    我套《毒蛇.turbo.逼擊炮》向他致敬!

    回覆刪除
  35. eric
    叫我car哥仔?
    點都係一句啫
    爸打

    回覆刪除
  36. 有咖!!!! 我個男仔friend 狂 complain!!! 佢有個friend好靚女,講完書返香港找到份不錯的工作。但選擇咗個F5都未grad嘅健身教練wo!!!! 眞咖~

    回覆刪除
  37. jessie

    Angela的這種女生我都有朋友像她啊.
    很PK的.現在的女生都是喜歡這些"橋"..哈哈

    係咪「朋友夫,that is cool!」
    介紹啲嚟好喎!

    回覆刪除
  38. Daniel

    「以我每天早上的表現,暫時無需用霹靂壯陽針呢~~~~~~」
    朝頭早高啲?咁每天晚上的表現就需要喇


    「P.S.我覺得紀漢醇應該
    會一場歡喜一場空」<--這是人生吧!

    回覆刪除
  39. laulong

    不過那個 angel a,
    好蛇蠍啫,死婆呀,等我教訓吓佢,hea, hea, hea...

    多謝先!加送皮鞭燭具麻繩

    回覆刪除
  40. 素素

    「但選擇咗個F5都未grad嘅健身教練wo!!!! 」

    咁嘥料?!
    我起碼u grad呀
    我電話係9999 2345!

    回覆刪除
  41. 不過...個女仔未必想同個男仔結婚。因為D friend一問佢佢就話--"唔係呀化? 唔會嫁佢囉~" 咁...依家D女仔好得意咖,唔再只係女人被人"貪色" 男人都可以被唔serious嘅女仔以 "我見你靚仔先同你拍吓拖咖咋。其他你唸都唔洗唸啦吓,大家出得嚟玩,心知啦。"嘩~好瀟灑好man囉~

    回覆刪除
  42. soso

    女:「我見你靚仔先同你拍吓拖咖咋」

    嘩!嘩!嘩!
    呢個乜野道德世界呀?
    世風日下, 人心不古

    唔得!我要親自教訓吓呢位小姐
    幫我約佢出嚟
    唔該!

    回覆刪除
  43. 玩嘢呀?! 你個電話 "999" ?!!! 你做警報接線咖?!

    回覆刪除
  44. 車~~ 你地D男人夠會 "見人靚女先同人拍吓拖咁啦。" 拍拖但又唔想娶人嘅男人仲多啦。

    拍到人地老啦,就分手囉~ 識過個再後生D嘅咁囉。眼見不少couples都係咁。

    回覆刪除
  45. SOSO

    Sorry打錯字!
    倒轉咗
    應該係 6666 2345

    快打!

    回覆刪除
  46. 越來越好睇!
    絲絲入扣!
    引人入性!

    回覆刪除
  47. 卡臣 提到...
    素素

    「但選擇咗個F5都未grad嘅健身教練wo!!!! 」

    咁嘥料?!
    我起碼u grad呀
    我電話係9999 2345!

    老友,你好似係Postgraduate噃!*^~^

    P.S.我寧願你揹支鎗,萬歷十五年果陣一定有,哈!:P

    Daniel.

    回覆刪除
  48. 素素

    「車~~ 你地D男人夠會 "見人靚女先同人拍吓拖咁啦。」

    我絕對唔係呢啲人嚟架!!

    ...

    我見人「靚女」同「身材好」,先同人拍吓拖咁啦。

    回覆刪除
  49. Daniel,

    你爆呀CarCarD嘢出嚟?? 你點知咖? 咁大膽嘅~~~

    回覆刪除
  50. hana

    多謝先

    故事開始
    cc入扣
    引入「人性」

    回覆刪除
  51. daniel

    老友,你好似係Postgraduate噃!*^~^
    你打錯字
    我係「Postcard」咋!

    P.S.我寧願你揹支鎗,萬歷十五年果陣一定有,哈!

    相中我已揹了支鎗,在肚臍對下膝頭對上

    回覆刪除
  52. 卡臣 提到...
    daniel

    老友,你好似係Postgraduate噃!*^~^
    你打錯字
    我係「Postcard」咋!

    P.S.我寧願你揹支鎗,萬歷十五年果陣一定有,哈!

    相中我已揹了支鎗,在肚臍對下膝頭對上

    萬歷十五年有Postcard啦,咁有無閃卡呢?

    果支呀?哎,心照啦~~~~~~:P

    Daniel.

    回覆刪除
  53. ** 飛雪素素 ** 提到...
    Daniel,

    你爆呀CarCarD嘢出嚟?? 你點知咖? 咁大膽嘅~~~

    功名在身者自有光芒,無從掩蓋~~~~~~:)

    Daniel.

    回覆刪除
  54. haa "功名在身者自有光芒,無從掩蓋" <---咁台詞feel嘅? 佢個"GEE書人"D台詞嚟咖?

    回覆刪除
  55. daniel

    「功名在身者自有光芒,無從掩蓋~~~~~~」

    嘩!你講到咁玄
    係咪講緊「青光眼」呀?

    回覆刪除
  56. ** 飛雪素素 ** 提到...
    haa "功名在身者自有光芒,無從掩蓋" <---咁台詞feel嘅? 佢個"GEE書人"D台詞嚟咖?

    梗係!咁妳話Erica Yuen同Tanya Chan有無光芒呢~~~~~~?:P

    Daniel.

    回覆刪除
  57. super funny and full of action, i like this episode!!

    回覆刪除
  58. Kill 標 我都係鍾意第一集多過第二集。

    《喪屍.索女.機關槍》呢套好睇,尤其開場既 dance。


    亞素素話好多香港女仔鍾意大隻人,可以佢講緊.....美國哈林區......真係好哈林....

    回覆刪除
  59. eric

    Tanya Chan 陳淑莊
    公民黨成員
    明日政治之星
    今年選入立法會成數高

    google陳淑莊啦

    我支鎗?
    攞支小煙斗睇吓,差不多
    千祈唔好攞錯支「水煙槍」
    唔咁長~

    回覆刪除
  60. 嘩呢兩日冇嚟,原來咁熱鬧拿!雅典娜係老婆嘅好友,有D意外!蛇蠍美人係Angela,咁既鬼計好衰喎,不過D男人有個陣唔珍惜,第三者出現先去爭,但女人要明白,有時爭未必代表男人愛妳,佢地有時為面子、自己唔鍾意都唔想俾人搶咗去,自尊問題。
    故事真係越黎越多人物,而且各有性格,好精采呀,亂過黎巴嫩!
    Bravo!
    今晚法國對意大利!

    回覆刪除
  61. nost
    多謝先
    賞你一支霹靂壯陽針!

    回覆刪除
  62. 大文
    《喪屍.索女.機關槍》開場條假預告片,勁!玩哂啲爛場面。

    素素,哈林區啲男人只係對籃球有興趣咋

    回覆刪除
  63. 巴黎旅客

    妳簡直將我頭幾集做了個sum up!
    thx!

    男女之間的妒忌...是一種能量
    可以係正能量,可以係負能量
    可以修補關係,可以變成命案
    善哉~善哉~

    黎巴嫩旅客

    回覆刪除
  64. Carson - "我見人「靚女」同「身材好」,先同人拍吓拖咁啦。"

    -你留意吓條街,咁點解嫁左的女人,大部份都係樣衰的呢? 中環靚姐姐又大部份都係單身呢?咁男人又點同「靚女」同「身材好」拍拖呢?呢呢呢...

    《喪屍.索女.機關槍》.. hahahahahaha比你笑死!

    回覆刪除
  65. 小妮

    「咁男人又點同「靚女」同「身材好」拍拖呢?呢呢呢...」

    小妮, 妳都知我係:大隻廣 - 得個講字
    我邊有本事吖?!

    回覆刪除
  66. 其實D男人認為女人點樣先算係"身材好"呢?
    D 姊妹嘅準則又好似好唔同wo...
    我覺得"林希雷"同"徐若瑄"的身材幾好
    "林嘉欣"同"張柏芝"就唔係幾好啦

    回覆刪除
  67. 素素:

    長腿會唔會係因素之一?

    仲有笑容都係。就算身材誇啦啦,但黑面,咁又係死。

    回覆刪除
  68. 素素

    妳提到的, 我只喜歡"林熙雷"
    其餘痲痲
    太突也不是好事

    大文講得啱
    和顏悅色就人都靚啲

    回覆刪除
  69. 今天在公司lift口有個約40歲的"港婆"出現.

    港婆:「我要我老公的錢比晒我,每個月我比零用錢佢.」

    朋友:「佢肯咩?」

    港婆:「係我強權之下,點到佢唔肯!!!」

    成lift人都聽到,what a crazy woman!

    其實女人run到40幾歲,可以自動摺埋,做令自己開心的事算就了.日日有後生女供應,的確唔夠fight,花100%心機管個老公最終會變成傻婆.求其個男人仲會返居企,佢好還神or攪個welcome home party賀吓,問吓點解佢仲唔走老.

    Be a happy woman, always be humourous... :P

    回覆刪除
  70. 嘩!
    呢個40歲的"港婆"都幾孔武有力!

    唉~有因必有果, 不懂互相尊重
    又睇吓呢位女士嘅下場係點?

    回覆刪除
  71. .........大女人!
    不過呢個世界成日都出現一pair pair願打願捱既最佳拍擋...

    回覆刪除
  72. MONA

    男女之間所謂:「邊個食住邊個」

    一個主動,主觀,愛控制
    一個被動,無主見,愛被管

    咁就注定係一對

    回覆刪除
  73. 一個主動,主觀,愛控制
    一個被動,無主見,愛被管

    咁你屬於邊邊呢?

    回覆刪除
  74. 素素,
    我喜歡長腿多過胸大。屁股最好唔好太扁啦。

    回覆刪除
  75. 如果是"願",應該也不算是"捱"吧。"捱"也只不過是外人的觀點而已。

    回覆刪除
  76. 小妮,哈哈,那港婆有趣。我會追問下去,你有甚麼強權招式呀又。。晚晚話頭痛?剪JJ?唔掂架喎。

    回覆刪除
  77. 小妮:

    得,ok 明白既,搵個社工跟跟呢個 case。

    回覆刪除
  78. "上午04時30分00秒 H陳大文 部落"??!!

    嘩~~~陳大文你去晨運呀?!

    回覆刪除
  79. 喂~ Carson

    你遲D係唔係又會再有show出,演"GAY書人"....

    回覆刪除
  80. 素素

    香港女星身材
    我最愛:鄭欣宜,朱咪咪,盧婉欣.. 咁囉~

    回覆刪除
  81. "上午04時30分00秒 H陳大文 部落"??!!

    陳大文呢位隱形富豪
    啱啱飛咗去紐約 吃下午high tea
    今晨已經秘密抵港
    約咗郭炳江食早餐

    回覆刪除
  82. soso
    「你遲D係唔係又會再有show出,演"GAY書人"....」

    我會演"lesbian書人"
    都係鐘意女人

    回覆刪除
  83. 男人,你專唔專重佢,最後都係會走人gar lah,因為他們會因為個女人老(即老婆,女朋友之類)而生厭.

    但專重佢就會stay耐D,而且自己都會開心啦!為何事事都要管著別人啊?

    回覆刪除
  84. 二打六

    好爆?....阿bill拳頭好爆?

    小妮

    多啲妳這種人, 就天下太平
    imagine all the people, living live and peace,

    回覆刪除
  85. 卡臣 - 我只不過是明白人類基本上是動物的道理.男人一定厭女人老(沒有生育能力), 女人一定厭男人窮(沒有搵食物供給子女能力).

    幾萬年都人類都係咁run.人類文明有了商業產品如婚嫁,家庭,小孩related business,商人便要create一個快樂美好的婚姻家庭生活image以吸引人購物.解決家庭問題是政府的責任(唔洗錢的service),所以好少人提. 解決感情問題是白姐姐的service,廣告商比左錢,所以大家以為係free service.

    回覆刪除
  86. 小妮
    「男人一定厭女人老,女人一定厭男人窮」

    唉~好中啊!
    作為男士的我
    決定要做單大嘢

    邊度有紅星曲尺賣吖!

    回覆刪除
  87. 唔係咁激呀Car哥仔....
    (....pppssst,其實你可以唔使親身做架 呵呵)

    回覆刪除
  88. 喂卡臣,你駛乜搵“紅星曲尺“呀,你唔係响“肚臍對下膝頭對上“陀住支槍㗎咩?

    回覆刪除
  89. 歪歪

    「你駛乜搵“紅星曲尺“呀,你唔係响“肚臍對下膝頭對上“陀住支槍㗎咩?」

    唉~果支係噴水的水鎗
    打劫咩呀?

    唔通打劫火煱店呀?
    一唔俾錢就淋熄個火煱咩?!

    回覆刪除
  90. 咩招呀~~一招就可攪掂!

    其實我覺得女人結緍後都要少少打扮一下,讓老公有種新鮮感,我想男人未必只喜歡青春笑艾,而是對住唔打扮的老婆有D嘆氣呢~~~
    要維持男女之間的感情,最重要互相信任,如果不信任,此感情不用談吧!

    徐若萱身材不錯呀~~小妹非常羡慕~~~

    卡哥哥~~~

    不可以只願默默承受,要同對方講,因為對方有時真的不知道. 雙方要坦城相處,才可維持感情的...

    回覆刪除
  91. 逍遙小妹

    「不可以只願默默承受,要同對方講,因為對方有時真的不知道. 雙方要坦城相處,才可維持感情的.」

    雙方要坦城相處?
    有道理
    我要同老婆講聲: 其實I love Hello Kitty 同軍曹!

    回覆刪除
  92. 小妮話:「你留意吓條街,咁點解嫁左的女人,大部份都係樣衰的呢? 」

    唔係呀?嫁左唔一定係樣衰呀,真令人失望....

    回覆刪除
  93. 但我觀察上,唔少已婚既女士,個樣都好得架喎,仲 keep 得非常之好添。

    但問題係,我反而見到不少既未婚女士,甚至所謂青春少艾,可能激瘦身呢,個樣都幾衰下,好似慘白紙公仔咁...

    回覆刪除
  94. 巴黎旅客... 你是靚太啊!

    陳大文 ...teenage紙公仔.哈哈哈哈

    回覆刪除
  95. teenage紙公仔, 哈哈。。。嘩,紙扎用黎燒個D?

    回覆刪除
  96. 喂大文,"唔少已婚既女士,個樣都好得架喎,仲 keep 得非常之好添。" 我之前post嗰個鬼妹就係一個好例子。越後生生BB越好。

    回覆刪除
  97. 素素:


    越後生生BB越好 <----- 咁妳要考慮下,係時候.....咩喇。

    話晒妳而家咁 young ,咁...咩丫嘛,就...咩..啦。

    回覆刪除
  98. 陳大文 部落 提到...
    素素:

    越後生生BB越好 <----- 咁妳要考慮下,係時候.....咩喇。

    話晒妳而家咁 young ,咁...咩丫嘛,就...咩..啦。

    想不到我對Jared Diamond的推介終於起了作用.小妮妹講,大文兄都講~~~~~~:)

    Daniel.

    回覆刪除
  99. 各位爸打, 私事打

    今晨忙做report
    未on-line

    哈哈!
    各位
    素素將步入教堂
    她的"甜蜜的幸福"告訴我們她作人婦

    恭喜恭喜!
    百年好合

    我哋將會越洋轉播婚禮過程

    live衛星直播

    回覆刪除
  100. 素素

    「喂大文,"唔少已婚既女士,個樣都好得架喎,仲 keep 得非常之好添。"」

    原來妳講緊妳自己,
    已婚既素素, 應該仲靚
    有Heart shape diamond!

    回覆刪除
  101. Daniel

    想不到我對Jared Diamond的推介終於起了作用.小妮妹講,大文兄都講~~~~~~:)

    你講嘢越來越玄
    麻煩你就一就我個level
    寫出啲!

    回覆刪除
  102. 巴黎旅客

    呢便黎巴嫩好啲
    已婚女士披哂面紗
    只露出雙眼
    都唔知醜定靚?

    回覆刪除
  103. 陳大文部落集團(香港)

    祝賀飛雪素素& QC 人 百年好合。



    PS : 其實我寫稿咁多年,未寫過駕文,我真係好想寫的....<---(._.") 寫稿佬自說自話

    回覆刪除
  104. 大文

    素素的喜事
    你唔送diamond, 就一於送駕文啦
    我無墨水咋, 有我都寫呀!

    回覆刪除
  105. 好主意呀。
    eh ,其實駕文是什麼?(我很白癡的)。

    回覆刪除
  106. eric

    「eh ,其實駕文是什麼?」
    (我很白癡的)x 2

    其實我都唔知
    係咪嫁俾人的文章
    取其「駕」的同音?

    定係丈夫駕馭太太的文章?

    定係駕駛牌照的文件?

    回覆刪除
  107. 可能係個賀字,大文寫得太快(馬)。
    恭喜賀喜素素妹,快將加入太太團。

    小妮太多人追,唔知揀邊個好?計我話最緊要人品好、識多國語言、鍾意成日vacances、幽默唔古板、識飲識食、識彈琴唱歌...留意妳身邊人。

    回覆刪除
  108. 巴黎旅客果然係巴黎旅客

    真係滿肚墨水
    唔似我喺度亂估
    賀文變駕文
    貽笑大方

    素素加入太太團
    又少一個single girl啦

    妳提議小妮:
    人品好、
    識多國語言、
    鍾意成日vacances、
    幽默唔古板、
    識飲識食、
    識彈琴唱歌

    乎合以上咁多條件...應該係....

    ...菲律賓酒廊歌手

    回覆刪除
  109. 係喎,賀文嘛。我真係蠢!!

    香港還有沒有菲律賓酒廊歌手?以前好像很普遍的。現在是不是沒有那麼多?

    回覆刪除
  110. 噢, Sorry 。

    係【賀文】,出錯左字!


    係【賀文】! sorryyyyy

    回覆刪除
  111. [ 香港還有沒有菲律賓酒廊歌手 ]...


    梗係有啦,出 $$$ 就自然有架喇。

    但素素係 USA 喎,果度有黑人歌手,仲正啦下。

    回覆刪除
  112. 為什麼你們的留言會有相片的?

    巴黎旅客 - 咁高要求? 你估我香港小姐咩?

    回覆刪除
  113. 小妮妹,妳係born in 香港小姐喎,還接受過中、英、法、瑞典文化薰陶!唔算要求高!

    黎巴嫩旅客你真係笺鬼,咁都比你諗到菲律賓酒廊歌手(唱歌好聽真係好吸引架)。

    其實Mr Right在燈火蘭珊下等緊呢。

    咦下集差唔多出街嘍,邊鬼個要打針呀?

    回覆刪除
  114. 大文

    一於寫賀文啦!
    "齊歡唱,慶團圓~~”

    回覆刪除
  115. 巴黎旅客

    「其實Mr Right在燈火蘭珊下等緊呢。」
    咦!即係有人等緊小妮啦

    妳做吓好心,寫得明顯啲
    起碼等小妮考慮吓
    或者叫我地幫吓眼

    係呀,今晚2345支補針等緊大家

    回覆刪除
  116. 大文

    今晚我開定喜力恭侯大賀

    sorry!我打錯大駕做大賀添

    回覆刪除
  117. 下? 素素真係結婚呀???
    恭喜恭喜!!!

    回覆刪除
  118. 我覺得喜力唔錯,不過香檳就更加歡樂時間!

    Mr Right?我唔知邊個架,又唔係吉普賽占星,我覺得呢個人總會係最不經意嘅時候出現,好文藝,好似小說突然彈出嚟嘅人物。

    21:10,仲有兩個幾鐘喎,飲杯aperitif先。

    回覆刪除
  119. mona
    「下? 素素真係結婚呀???」
    點解妳有unbelievable的意味?

    唔好以為素素好細
    夠18歲啦
    唔駛搵父母代簽結婚証書,

    回覆刪除
  120. 巴黎

    「我覺得呢個人總會係最不經意嘅時候出現,」<---
    1.落雨無傘,男人問不如遮埋妳
    2.同一時間困電梯
    3.餐廳遺留電話,有人拾回
    4.買書時只剩下一本,男士割愛

    回覆刪除
  121. hahha,因為留那言之前未到她blog看那文。

    以為你們開玩笑嘛 ^^"

    回覆刪除
  122. mona

    「以為你們開玩笑嘛 」
    我地呢度好嚴肅,
    講親都句句真話!
    唔準講笑架!

    姐...姐...我要食...砵仔糕...

    回覆刪除
  123. [唔好以為素素好細 ,夠18歲啦 ] <--卡 Zen said ~



    下?唔係化,我以為素素得 15 歲咋喎睇落 ....【幼齒】嚟架 ~


    我唸素素呢排都會好忙架喇,忙去攪個世紀婚禮,唔知佢 send 左信去白宮,總統佢地點安排呢下?

    回覆刪除
  124. [我地呢度好嚴肅,講親都句句真話!唔準講笑架! ]....


    呢度卡臣俱樂部,係主張琴棋書畫、資治通鑑....天文地理....航天星象....




    醫生:......無嘢喇...

    回覆刪除
  125. 大文

    素素個世紀婚禮
    起碼擺成個月
    仲要tour
    唔知幾時輪到香港呢一站呢?

    渡蜜月仲勁,搭穿梭機
    漫遊月球
    出埋紀念DVD
    各大影音店均有發售

    回覆刪除
  126. 唔知會唔會出郵票呢?有我實買,買哂成套.

    回覆刪除

LinkWithin

Blog Widget by LinkWithin