~~~~~~~~~~~~~~~~







2008年6月10日 星期二

紀漢醇 - 04 - 旺角機神

紀漢醇 - 第四節 - 旺角機神

Gay man既俏皮又淫邪地斜眼問紀漢醇:「你收實幾多錢吖?計平啲呀!」
紀漢醇連眼珠都突了出來,吓?你當我係鴨呀?!
心裡極度震驚!原來跟自己一直在網上談「性事」的對手,
竟然是一個gay man!

紀漢醇接受不了這個殘酷的事實,只想立即消失於戲院大堂內;
當紀漢醇想轉身走人之際,襯衣衫尾已給gay man扯住。
Gay man:「喂!你約人出嚟,做乜粒聲唔出就走?」
Gay man又尖又姣的聲線和說話內容,引起大堂內旁人的側目!
紀漢醇:「黐線!你認錯人啦!」
Gay man:「Handsome guy;我無搞錯呀!」
紀漢醇不想再跟gay man糾纏,一手甩掉他的手,發足狂奔!
剩下gay man在大堂內捶胸頓足,不依地大叫:「喂呀!喂呀…激死人啦!喂呀…」
Angela當然目睹這一幕男男驚心糾纏,心想:「咦?嗰個男人咪係公司電腦部嘅…」

紀漢醇逃離戲院,到達安全地方後call大嚿,報告剛才的驚險遭遇,
大嚿在電話旁笑到碌地!仲幸災樂禍:「等你仲話好想溝佢!哈哈哈~~」
紀漢醇亦覺瘀到爆,大嘆運滯!
紀漢醇獨自於旺角街頭遊蕩,需要散吓心,才可平服心情回家。
他10:30回家時,發覺淑芳仍未回來,
開電腦見到雅典娜off line,心想應否delete此聯絡人?
但如果一時搞錯,Angela才是雅典娜,
咁咪會誤手殺錯良民?

第二朝10:45分,紀漢醇辦公室的電腦傳來呼喚聲,
是雅典娜says hi!紀漢醇腦內的「恐懼同性戀情意結」又發作,
唔知答好定唔答好?他連忙按下MSN的「繁忙狀態」,問大嚿點算好?
大嚿在旁見狀,安慰他說:「可能咁啱得咁橋,阿gay man認錯人啫!」
紀漢醇:「認錯?佢知道我嘅花名叫Handsome guy喎!」
大嚿:「大佬呀!基佬撩仔,逢仔都叫佢做Handsome guy啦,有乜出奇啫?」
紀漢醇:「咦!又好似幾有道理喎!等我……試吓佢先!」
紀漢醇馬上回覆雅典娜:

韓信says:
sorry!i don’t show up last night!


雅典娜says:
我正想問你為何不應約?我看完整套戲你也沒有出現!

韓信says:
Sorry!something urgent happen to my dad, that’s why I can't come last night!

雅典娜says:
沒所謂!他又食物中毒嗎?已經無恙嗎?

韓信says:
Thank you!he’s fine!BTW, do you like 吳彥祖?金城武?Brad Pitt?Jude Law?

雅典娜says:
OK啦!但唔算係忠實fans!

韓信says:
how about林憶蓮?黃耀明?林一峰?George Michael?Village People?

雅典娜says:
一般啦!做乜咁問?

紀漢醇鼓起勇氣,斬釘截鐵直接問:「are you a man?」
雅典娜聽後,MSN回覆:「哈哈哈哈哈哈!真好笑!」
紀漢醇問雅典娜可否能夠證明她自己是女性?
紀漢醇發問後也覺得自己很傻!
在虛擬的網上世界,如何能夠拿出證據去證實自己的真正性別?身份?
雅典娜回覆:「我是女性,相信與否,悉隨尊便。」

紀漢醇見到雅典娜好像有點怒意,又想起大嚿剛才的睇法,
如果雅典娜真是一名靚女,或者是Angela,咁咪自己扼殺咗一個黃金機會?
紀漢醇有時睇完飲食雜誌介紹,慕名去幫趁某間出名餐廳,發覺原來唔係咁好味,
紀漢醇都唔會一次過判佢死罪,會再給該餐廳second chance,
如果下次都係咁難食,先會列佢入黑名單,永不幫趁!
紀漢醇決定再次給雅典娜多一個機會。

紀漢醇開始主觀地相信:昨夜的gay man只是純粹巧合白撞點錯相!
紀漢醇馬上向雅典娜為昨夜爽約而道歉,相約下次再見面,
雅典娜同意再約吧,隨後off-line。

Lunch時,紀漢醇一邊吃飯,一邊思考Angela會否是雅典娜呢?
如果係都唔錯,因為Angela也算樣貌娟好,小家壁玉!
下午回到辦公室,紀漢醇久唔久就行去pantry洗杯酙水,
希望製造巧遇到Angela的機會,因為走到她部門見她是一件十分刻意突兀的事情。

皇天不負有心人,他終於在當天下午4:45在pantry遇上Angela,
碰巧蒸餾水機無哂水,紀漢醇自動請纓,展起手瓜,替Angela更換蒸餾水;
Angela多謝紀漢醇的幫忙後,紀漢醇見機打蛇隨棍上,
在pantry中,兩人一邊沖咖啡,一邊打開話題吹吓水。

Angela說自己公司部電腦呢排行得好慢,都想叫人睇吓,
紀漢醇好熱心話:「妳放心,我除咗叫做Handsome guy外,我又號稱『旺角機神』,所有電腦我都救得番!等我而家去幫妳check吓!」
Angela當然求之不得啦!
兩人一起回到Angela的座位,

紀漢醇坐下,一邊check電腦,一邊不經意咁問:「呀!妳有冇睇過《咖啡杯邊的唇印》呢套戲呀?」
Angela:「啱啱噚晚睇咗!幾好睇吖!有幾幕都幾感人架!」
紀漢醇心想昨夜百老匯電影中心有六套戲同意上映,
Angela揀咗《咖啡杯邊的唇印》,她是雅典娜的機會又提高了。
紀漢醇:「妳同邊個睇呀?」
Angela:「自己睇咋!」
嘩!紀漢醇有進一步証證據相信Angela是雅典娜了!
Angela:「不過我想問…」
紀漢醇:「妳即管問吖!」
Angela欲言又止:「你…係咪…gay架?」

很明顯,Angela指的是昨夜戲院大堂內的一幕男男拉扯,
紀漢醇口疾疾未知如何回答是好之際,兩人背後傳來一把女尖聲:「吓?!」

原來在他們背後,早已站著一位女同事阿Ling,剛巧路經駐足偷聽,
阿Ling是全公司數一數二最八卦無聊嗰位諸事精,
阿Ling張到嘴巴成O型:「吓?乜阿Handsome哥…原來你係…你係…」




次回《48吋的胸肌》6月13日星期五2345

136 則留言:

  1. If you were Gay... I'd shout HOORAY~!! =D

    I would tell you it's ok, you were just born that way. And as they say, it's in your DNA, you're GAY!

    回覆刪除
  2. 跟住之後Handsome哥會唔會立刻 show 自己擁有ge 48吋的胸肌出黎呢???

    回覆刪除
  3. Handsome哥會show 自己嘅woody出嚟。
    話---"我係直嘅!!!"

    回覆刪除
  4. 嘩,哈哈哈,呀素素,你係斯文女仔黎架,講埋D咁既野!!

    回覆刪除
  5. 好奇一問....

    咁果個 gay 男,點解會咁叻仔,一定見到 handsome 就識得叫 【 handsome guy】? 佢又唔會叫第二個...gay 男會唔會求其搵條友就扯衫尾....?


    果位乜乜阿 Ling ,如果八掛以為 handsome 竟然係 gay ,咁 handsome 都有老婆喎,八掛都唔會見人地有老婆,但又以為人地係 gay 啦,係咪? ( 我 suppose 阿 Ling 會話 handsome 係 gay 啦下 ~)


    我反而想睇關於【雅典娜 + handsome 】既騎呢發展,再加上淑芳互相猜度疑幻疑真既戲軌, suppose 雅典娜係女人而且成功見面反而仲好,或者之後會有鬼馬情節?

    期待期待....


    PS : 死喇你,嘿嘿嘿,似乎觀眾開始【曲線代入】以為卡臣你係....

    回覆刪除
  6. SOSO

    Gay<---無罪
    多謝接納!

    "Cos we're going to YMCA..."....Village people

    回覆刪除
  7. WOODY,

    Handsome哥好渣
    上胸加埋背肌只有36寸度
    妳都勁過handsome呀

    回覆刪除
  8. 咁Angela應該知handsome guy結左婚架喎~~

    回覆刪除
  9. 咁handsome guy都會知angela結左婚未架喎(假設angela真係雅典娜的話)

    回覆刪除
  10. eric.
    呢篇都幾攪笑喎?
    下篇仲堅....我估

    回覆刪除
  11. 大文兄

    有老婆都可能係雙性戀
    或者「後天基」
    好似edison個老豆

    阿ling就是香港娛樂雜誌性格
    捉住少少嘢就炒作

    我話唔係handsome都無人信
    唉~~大老爺,伸冤!

    回覆刪除
  12. 孖瑩

    配實中angela結咗婚未都無關係
    因為網上的婚姻狀態都係亂吹

    回覆刪除
  13. 下次 athena 同 handsome可以試下msn既video chat?

    回覆刪除
  14. Carson,

    我lunch完返咗嚟啦~
    你問Eric啦~ 唔係"好木",係"好林海峰"。

    註:軟硬天師是香港二人娛樂組合,成員為「硬天師」林海峰及「軟天師」葛民輝。

    回覆刪除
  15. 卡神扮純情,詐唔知嗟。。。呵呵。。

    回覆刪除
  16. .......真係對婚姻冇哂幻想呀~~

    P.S. handsome guy咁有男人緣既?!

    回覆刪除
  17. 一陣阿媽有事、一陣又話阿爸有事,如果我係雅小姐,就唔會信紀生,會懷疑佢既誠信。

    其實,先天後天gay或lesbien沒關係,但覺得雙性戀多數是遊戲心態,想剌激。

    p.s.玫瑰都係socialist party既logo喎!

    節外生枝,再加個三八小姐,下集應該重精采!預先Bravo!

    回覆刪除
  18. eric

    題外話
    video msn唔係咁好
    msn優點在家中hea住傾計

    要見人, 又要著返衫,梳頭
    都係文字幻想空間大啲

    正如我而家其實係沖緊涼架

    回覆刪除
  19. 素素

    好林海峰?
    係咪指滑水小便果單嘢?
    咁woody係咪指條柴呀?

    如果對的話,
    咁Woody Allen都老而彌堅囉!

    回覆刪除
  20. mona

    handsome guy咁有男人緣既?!<-----因為作者要玩佢,

    下集紀漢醇改名叫:
    「基漢醇.Handsome Gay」

    回覆刪除
  21. Handsome guy 偷食咁鬼狼忙,比我唔制。可以蕭蕭灑灑,悠悠閒閒的嘛,這才算王道!

    不過我又知,佢鍾意裹面的刺激!

    回覆刪除
  22. 巴黎旅客

    「玫瑰都係socialist party既logo喎!」
    咁乜嘢係Gay Logo? Rainbow Banner?

    我再次聲明:
    我是女同性戀者!

    「節外生枝,再加個三八小姐,下集應該重精采!」
    果然識貨!
    下集有48吋胸肌睇喎!妳話堅唔堅先?

    黎巴嫩旅客上

    回覆刪除
  23. 唉呀..呢篇小說搞到我日日上黎追睇update

    回覆刪除
  24. 素素,eric

    巴黎旅客話俾大家聽
    佢未去法國前,曾住佐敦區,

    咁兩位未移居美加前
    曾住香港邊忽呢?

    心急人上

    回覆刪除
  25. 劉朗兄

    呢家快餐文化好犀厲
    乜都要快:減肥,補習,學外語,愛情
    最短時間內Multi-purpose

    王道益活絡油...留返俾你同我啦
    唔夠啲後生嚟

    回覆刪除
  26. Two fight Six

    多謝你撥時間跟我傻先
    更多謝你留言

    下集星期五
    48吋震波人已經standby

    回覆刪除
  27. 嘩!!!
    大文的SEX and the Billy已經上架
    我睇完之後,已經開唔到工
    沖個花灑先!

    未看速看

    回覆刪除
  28. 呀卡叔叔,做人口調查乎?
    我細個住係九龍塘
    既來來酒店同理想酒店。

    回覆刪除
  29. 應該係彩虹橋,七彩嘅生活。
    Gay同法文gai(開心)同音。

    p.s. 我家在佐敦隔離,即尖沙咀。卡臣想尋找舊街坊呢十幾年嘅芳踪?抑或失散咗既幼兒班B女?

    回覆刪除
  30. eric
    你住係九龍塘?
    有錢人呀!

    我羨慕

    回覆刪除
  31. 巴黎旅客

    妳家在尖沙咀
    我都有去覺士道公園玩沙池

    我想搵返失散咗既幼兒班B女女同學
    我係阿卡呀!
    妳聽見嗎?

    天涯海角都要搵妳~B女~

    回覆刪除
  32. 下?我以前屋企係來來做打掃架咋。
    唔,我以前都好似見到你帶D女女黎爆房...

    回覆刪除
  33. 紀漢醇放飛機兩次,雅典娜仲肯同意再約下次見面,有啲尊嚴嘅女性都唔會啦!

    希望下回“48吋的胸肌“嘅“震波人“唔係阿Ling。

    回覆刪除
  34. Eric

    「你帶D女女黎爆房...」?
    吓!咁都俾你認得出,

    其實我有鬼錢去爆房!
    我係馬佚咋

    最後因為「靠妓女維生嘅罪名」入獄
    認識了葉繼歡和林過雲...

    回覆刪除
  35. 歪歪

    如果阿ling有“48吋的胸肌“嘅“的話,
    我諗佢去咗world tour展覽.

    兩次放飛機...真係容忍極限!

    回覆刪除
  36. 唉全世界咁多人叫B女,都怕幾難揾!會唔會移左民?佢細個點樣架?有冇幼稚園畢業相?

    其實,童年回憶,留係心裡面或者重美好!

    回覆刪除
  37. 卡臣,你做“馬佚“帶48吋胸嘅阿Ling去World Tour,包你地賺到笑。

    咁我希望下回“48吋的胸肌“嘅“震波人“係大嚿!

    回覆刪除
  38. Carson,

    我以前住清水灣,有鯊魚。 以前多村民...依家多鬼....佬....開晒party咁。

    回覆刪除
  39. 巴黎旅客

    多謝關心先
    B女已經主動蒲頭跟我相認
    她叫Mulin Yu
    余慕蓮

    我們重溫工展會,啟德遊樂場的光景

    多謝大家關心
    我以後會唱好啲歌
    多謝paco...

    回覆刪除
  40. 歪歪

    「48吋的胸肌“嘅“震波人“係大嚿!」
    哈哈
    俾個貼士你
    係另有其人呀....

    回覆刪除
  41. 素素

    妳以前住清水灣?
    同eric一樣,非富則貴喎!
    仲背山面海添

    你地好心地
    咁有錢都肯同uncle car傾計

    好心呢~福心呢!

    回覆刪除
  42. 嘩,清水灣,我呢D住係來來既,點及呀。。。做跟班都唔掂啦。

    回覆刪除
  43. 做乜卡神扯晒旗既。仲要係彩虹旗添。。

    回覆刪除
  44. eric

    清水灣有個高爾夫球場
    我想做球童都無資格

    彩虹旗...我宣佈我是女同性戀者嘛!

    回覆刪除
  45. 我理解上,男人【後天 Gay】唔係無,但係比較少,就算女人後天 Les ,都比較少。

    同性戀係較多先天 DNA 已有這種愛好,陳冠希個老豆,可能本身係雙性戀、或本身係同性戀,但家長關系要結婚生仔。

    回覆刪除
  46. 素素:

    車!我以前呀都好熟清水灣架,每次我賴左嘢判社會服務令呢,都要去清水灣拾垃圾掃狗屎既!


    .......好多靚車我都揸過架,真架...

    真....架....係真....架...





    醫生:陳生,呢隻新藥似乎唔係好得,無法啦醫管局無 budget嘛,你繼續食舊果隻藥先啦下 ~。

    陳 __ 文: 啊....啊...你痴線既你痴線既你痴線既......我....無痴線架..嗚 ~~~

    回覆刪除
  47. 大文

    明白哂,後天基跟先天基的解說.

    你住喺清水灣呀?
    我就住喺淺水灣

    賣汽水魚蛋太陽傘咁...
    而家peak season, 好忙!

    大家嚟淺水灣
    大嗌一聲48吋
    我就會出嚟

    不過我下個月搬去南灣
    多啲「自己友」嘛~~

    回覆刪除
  48. 卡臣兄:

    萬歷十五年有電鬚刨咩?

    Daniel.

    回覆刪除
  49. Daniel

    萬歷十五年何止有電鬚刨!
    電動牙刷,電動按摩器都有呀!

    回覆刪除
  50. 大文

    今夜咁靜
    我諗去哂你果邊呱?!

    回覆刪除
  51. [ 我諗去哂你果邊呱?! ] ...


    >>> Um ...呢個當然無可能啦。

    回覆刪除
  52. Diamond,

    你講得冇錯,清水灣眞係好多狗屎...以前仲有蛇餅,巨形蜘蛛網,偷盜客,野狗開片,咬人鯊魚,阿婆新年燒炮杖... 我阿哥會用炮杖嚟爆狗屎,好激~ 佢就奸啦,坤其他D嚫仔嚟幫佢點火。

    回覆刪除
  53. 呀素素,
    爆狗屎!?玩屎?唔係咁攪野呀掛。

    Uncle Car,
    南灣係邊架,有乜特別野呢?

    大文兄咁夜仲未訓?好傷身架。

    回覆刪除
  54. 卡臣兄:

    不如你都編番套"紀漢醇"舞台版丫? 香港上班族應該幾受落!

    無喇喇記起也是玩健身的"占米角", 睇過佢在 "為哥死, 為哥亡" 的演出(唔肯定有冇記錯劇名), 估唔到當年佢會晌劇場玩"叫床"咁前衛, 唔知佢老人家去左邊呢?

    回覆刪除
  55. 大文

    [ 我諗去哂你果邊呱?! ] ...
    >>> Um ...呢個當然無可能啦。

    卡臣: 這個當然無可能! 怎會得一晚咁少,
    晚晚都去哂你果邊就真實啲!

    回覆刪除
  56. 素素

    請問妳阿哥而家做勝行?
    工作同爆破有無關係呢?

    回覆刪除
  57. eric

    南灣喺淺水灣隔離
    好多男同性戀者去矖太陽

    下次你回港,記得幫趁吓南灣啦!
    ~衰鬼~

    回覆刪除
  58. 渣sir

    "紀漢醇"舞台版?
    可惜我只識做啲"前衛"劇場,
    呢啲咁有故事性的話劇
    留俾其他善心人士

    占米角...聽聞他住在new york
    跟老外同居
    占米角現從事property agent行業
    不過呢段料...好耐之前
    而家可能唔update

    查實, 我有份做 "為哥死, 為哥亡"(1995)
    張poster..我是坐在中央
    等我7月post呢張poster 等大家睇吓
    如果大家唔反對的話

    回覆刪除
  59. 你就好啦,原來慕蓮姐就係你青梅竹馬嘅B女,我好鍾意睇佢做戲架!連鄧生都揾佢做model!可唔可以幫我攞張簽名玉照(讀幼稚園个張)?

    回覆刪除
  60. 黎巴嫩旅客:
    貝魯特成日開火,你唔驚咩?咁你除左講阿拉伯話,應該都識D法文喎?今晚打老虎!

    回覆刪除
  61. 巴黎旅客

    係呀! mulin做阿鄧達志行天橋單嘢
    mulin有話我知,
    她仲問我有冇Project Runway feel?
    我話:勁!

    細個啲相?
    果陣唔係數碼年代
    點映呀?!
    她已活在我記憶中
    阿門

    回覆刪除
  62. 等我7月post呢張poster 等大家睇吓
    如果大家唔反對的話

    簡直支持死啦~~

    回覆刪除
  63. 巴黎旅客

    貝魯特被法國人統治果陣, 真係唔錯, 又有Delifrance, agne' b 同Luc Besson

    我法文唔識, 法國田螺吃不少

    又空襲啦, 請呀!

    黎巴嫩旅客

    回覆刪除
  64. mona

    "簡直支持死啦~~"

    簡直支持卡臣快啲x啦~~

    回覆刪除
  65. 簡直支持卡臣快啲x啦~~

    where x = 變返直

    回覆刪除
  66. mona

    既然妳咁支持
    逐漸變直又得,
    立即變直又得,
    得咗

    我直返啦!
    拔起彩虹旗添

    回覆刪除
  67. "我宣佈我是女同性戀者嘛!
    ......
    我直返啦!"

    嘩,你用負離子電直㗎?仲變得快過變型金鋼喎。

    如果你真係想做女同志,就唔可以再叫做“鍾加乘“,要叫做“鍾減除“,因為你要“減除“咗身上某啲嘢先至可以做到女人。

    不過,我睇你都係唔捨得副架生喇!

    回覆刪除
  68. 歪歪

    我偽造讀者呢單嘢揚咗添!

    其實連歪歪都係我自己扮出嚟

    今次玩自我踢爆!

    回覆刪除
  69. 卡神,你變番直,咁我呢?我咪冇得同你把臂遊南灣?嗚嗚~~~我唔制你丟低我唔理我以後點算呀你個死佬你冇良心呀你因住呀我死俾你睇架。嗚嗚嗚~~~

    回覆刪除
  70. 卡臣,我點會係你哩,你高大威猛,英俊瀟灑,博學多才,天資聰敏,風趣幽默......優點多到不能盡錄。

    我只不過係你嘅小fans啫!

    回覆刪除
  71. eric

    雖然我直返,不過我介紹另一位朋友俾你識,

    佢染了栗紅色one length及膊頭髮、身材瘦削,穿了耳環、穿緊身紅色T-Shirt窄腳牛仔褲,戴了很多金屬飾物,沒有塗口紅及眼蓋,出沒於百老匯電影中心!

    佢已在南灣舖好太陽遮等緊你

    速去!

    回覆刪除
  72. 「卡臣,我點會係你哩,你高大威猛,英俊瀟灑,博學多才,天資聰敏,風趣幽默......優點多到不能盡錄。

    我只不過係你嘅小fans啫!」


    呢段....都係我自己扮番
    我邊有fans? 只有friends!

    我兜多個圈再讚自己,唔怕面皮厚!

    ********

    歪歪

    你有冇方法證明你唔係卡臣扮呀?

    哎呀...我開始精神分裂啦...

    回覆刪除
  73. 我今日真係大 Hang 機!

    成係北角區寬頻斷左,而家至有番。

    回覆刪除
  74. ....高文安 o 唔 ok ?

    【高文安比顏福偉高級啲架 ~】

    回覆刪除
  75. 果單大陸明星扮假 fans....

    大陸就可能要,香港唔駛喇,因為真係會好多 Fans 到訪。

    回覆刪除
  76. 你睇你直返阿eric幾唔開心~

    不如你又直又"luen"啦,幾方便!

    回覆刪除
  77. 大文
    嘩!成7點先online番?
    好痛苦啫!

    真係「豈有此理!豈有此理!豈有此理!豈有此理!豈有此理!豈有此理!豈有此理!」

    係喎, 高文安曾經駐紮係南灣噃!

    「香港扮fans舉牌追車」<---呢份工我想撈,用牌阻面,嗌吓收工! 正!

    回覆刪除
  78. mona

    eric is fine
    我朋友喺南灣招呼緊佢
    不知幾happy!
    樂而忘返
    從今以沙灘為家..

    回覆刪除
  79. 大文's Sex and the Billy.2
    【快樂】已經上架!

    上集疑團已經解開啦!

    今集仲有2nd契媽...

    回覆刪除
  80. 我睇左啦!好正!luen都坳番直!2nd契媽仲正,更上一層樓!

    回覆刪除
  81. 其實在下真的很多謝卡兄你在自己的部落推介在下之爛小說。


    我在周六會寫一篇另類影評,是電影 Sex & the City 。真係果套電影。

    但個影評唔係講套戲既劇情。 ( 其實講真啦,對於睇晒果套電視劇既人嚟講,呢套電影係唔駛再睇的,電視劇版本係好過電影版的 )

    回覆刪除
  82. eric

    係呀!
    喂eric,細個果陣,你有冇試過對住電風扇講嘢呀?說話會變成震音,

    好似:呀...哎...咿...咽...嘩...啊...呵...呀...哎...咿...咽...嘩...啊...呵...

    回覆刪除
  83. DIAMOND

    好嘢小說.梗係要介紹啦!

    講開電影,我呢期最期待「破天.慌
    The Happening 」
    導演 Night Shyamalan 拍嘅戲,
    故事峰迴路轉
    是我神臺供奉的導演之一

    回覆刪除
  84. M. Night Shyamalan

    Yes , agree !!!

    【 Sixth sence】鬼眼---果條友嘛,我自 sixth sence 啟蒙了很多。

    仲有【 Unbreakable】呢,我好鍾意佢寫既故仔,好特別,唔同一般 Hollywood 電影橋,不論戲橋本身,就算睇套電影,再番睇都唔會悶。


    PS : 在香港,呢類題材係唔 work的,或者由一班 D L L M 偶像拍,送飛都費 L 事去睇。

    回覆刪除
  85. 講真,我覺得 Sex & the City 呢套片唔係好特別之嘛,不過香港人以為這片好似探討乜乜社會中年情感問題,講到好神化。


    講番果個 Night Shyamalan ,我仲好鍾意佢果套【 Village 】,故事係講一班好叻既科學家,但對現代社會好不滿和失望,於是在地球一處經緯度不能發現的死角,建立一個【 Old Fashion 村落】,好 Classic ,無電無科技、他們的後代一直以為自己活在的時代就是這樣。但其實外界是科技世界。


    我覺得呢啲故事係好有唸頭,好似好電影,但又覺得不是沒可能。

    回覆刪除
  86. 哈哈,係呀我細個都好無聊地試過咁同阿媽講野。咁既野你又會無啦啦記得。

    M.Night Shyamalan 既戲,自從sixth sense之後,唔知點解幾乎(除了Signs之外,可能有Mel Gibson撐住)都係票房度P晒K。希望今次可以翻身啦。

    回覆刪除
  87. 大文

    一講起Night Shyamalan,我有嘢講

    The Village : 香港釋做「森魔」
    抵死在搵個盲女去買藥
    對文明控訴(不如盲咗仲好)

    The signs - 講外星人, 但破解方法一早命運已安排好...勁舖排

    lady in the water 禍水
    仲勁!我諗佢點將一個神話合理化
    到最後, 原來真係一個神話
    你話係咪俾佢玩死先

    睇佢嘅戲切忌預先知道故事講乜

    嘩~我要上注香俾Night Shyamalan啦!

    回覆刪除
  88. eric

    「咁既野你又會無啦啦記得。」

    想講吓兒時無聊嘢啫

    回覆刪除
  89. 哈,係呀我細個好無聊架,拿,講開風扇,我細個會將D紙巾吸入風扇,打到爛晒吹翻出黎,咪當落雪囉。

    回覆刪除
  90. 嘩!
    我喺學校男廁
    將啲濕紙巾扔上天花板
    黐喺天花板
    奇觀啊!

    回覆刪除
  91. 哈,你係廁所係用水丫定係用你既__黎濕D紙巾呢?呵呵。

    回覆刪除
  92. 我鍾意係學校lunch之後一野dup落麥當當既番茄汁包,bit晒D汁出黎係個壁報版上面。好似發生命案咁。

    回覆刪除
  93. Lady in the water 我都有睇,我對呢套無乜 feel ( 個人而已,無代表性的 )。


    其實有班 Hollywood 演員我都有追開睇佢地。

    導演方面,其中一個我想講既係 Tony Scott 同 Ridley Scott ,尤其係 Ridley Scott 既手法,真係好有張力。


    PS : 有人話杜乜乜果套【根中】好有張力,I don't think so ( 個人意見 ~)

    回覆刪除
  94. 咦個個唔瞓覺係呢度談天說地....啊唔記得eric係加拿大時間,食左午飯未?
    sixth sense我自己一個人係巴黎間百年老屋睇vcd,之後幾晚都唔敢去厠所。

    回覆刪除
  95. 巴黎/扒嘻旅客,哈係呀,食完飯,蛇緊王囉。supervisor未返嘛。嘩,百年老屋睇鬼片,你真係勁!

    回覆刪除
  96. 其實eric自己就係supervisor!
    咦有無人呀?陳大文同黎巴嫩旅客去咗揾周生呀?今晚早D喎!
    我覺得更加恐怖嘅鬼片係午夜凶鈴!
    今日係黑色星期五喎!
    唔好意思自言自語,唔知係唔你耳濡目染、近朱者赤...都係去瞓覺啦!

    回覆刪除
  97. "歪歪

    你有冇方法證明你唔係卡臣扮呀?

    哎呀...我開始精神分裂啦..."

    都勸過你唔好攪咁多alter ego㗎啦!一時做“阿強“,一時又做“Handsome Guy“,仲要分飾做多個“大嚿“,家吓你精神分裂,都以經太遲嗱!

    你想要做埋"歪歪“,我讓俾你喇,記住你顛起上嚟唔好追斬我呀!

    回覆刪除
  98. eric

    「哈,你係廁所係用水丫定係用你既__黎濕D紙巾呢?呵呵。」....用我既__,我驚反彈!

    無聊嘢....
    新購電器的包裝防震「啪啪紙」
    係咁啪爆佢囉

    回覆刪除
  99. 大文

    Tony Scott 同 Ridley Scott兩兄弟,
    2020,alien,帝國梟雄,Top gun,black rain,紅潮風暴...
    都深得我心
    兩位寶刀未老!

    果套【根中】係羅永昌,ok警匪片囉
    但無師傅杜其峰講的宿舍禪理
    平咗啲啲
    同「神探」爭好多皮(個人意見)

    回覆刪除
  100. 巴黎旅客

    妳自己一個人係巴黎間百年老屋睇
    sixth sense?
    好夠薑喎!
    之後幾晚都唔敢去厠所?
    去china town買返個尿壺嘛.
    咁大個人, 尿床唔好嘛~

    我通常香港時間1點要瞓
    第朝要返工呀

    加上呢度黎巴嫩宵禁
    好早就瞓

    「唔好意思自言自語,唔知係唔你耳濡目染、近朱者赤」<----吓!妳講乜呀!
    呢度全部人講佛偈
    好多禈理係入面

    別人笑我太瘋癲
    我笑他人愛吸煙

    哈哈~

    回覆刪除
  101. 歪歪

    歡迎嚟到Matrix
    我就係Agent Smith
    隨時變成其他人個位
    記唔記得奇諾里維斯一人喺天台跟過百個Agent Smith圍揪個幕...勁!

    I am Agent smith! 變!變!變!

    回覆刪除
  102. 嘩一起身就見到窗外風大雨大!
    乜阿嫩旅客 你要返工既咩?你唔係自遊工作者間中客串舞台劇架?
    我自己話就話係自遊工作者,實情係量地、得閒煮吓飯、飲吓咖啡、去吓旅行...

    唉十三区唐人街邊度有X壺賣,有人係街口弹二胡就真,哀怨動人聽到D法國少女如痴如醉日日去捧塲。

    講真呀巴黎大部份既屋都上百年架啦,我聽唔少鬼故,下次不如寫D親身經歷。

    唔怪得聽唔明啦,你地成日用英文字母寫野(尤其阿文兄),原來係佛偈呀?

    回覆刪除
  103. Matrix....

    我鍾意做果個....Architect ...

    坐喺張凳,拿枝筆玩下玩下講嘢...

    型。

    回覆刪除
  104. 我有個同事好憎啪啪紙既聲,我地就專登係佢面前啪。最正係捲埋一齊,扭住黎啪。好爽架。

    回覆刪除
  105. 奇諾里維斯好靚仔呀。嘩嘩嘩我鍾意呀(尖叫狀)。
    不過講真,佢係有D戲真係冇乜表情。

    回覆刪除
  106. Agent Smith,

    我記得你,自從喺天台一役之後,我到依家都好得番晒。

    Neo

    P.S. 八卦問句,咁“占米角“係咪就係Moore?

    回覆刪除
  107. 更正:

    Agent Smith,

    我記得你,自從喺天台一役之後,我到依家都未好得番晒。

    Neo

    P.S. 八卦問句,咁“占米角“係咪就係Moore?

    回覆刪除
  108. 巴黎旅客

    我係鬼浪漫自由人咩?
    朝九晚六果隻
    我一路開工一路玩電腦之嘛
    邊度似妳有陣法國味呀!

    「我聽唔少鬼故,下次不如寫D親身經歷。」
    係咪先?咪氹我開心!

    黎巴嫩旅客

    回覆刪除
  109. 大文
    你sex and the billy啲插圖好哽喎
    我要飲杯冰水先!

    第三集啲插圖會唔會更上一層樓呀?

    回覆刪除
  110. neo

    “占米角“係咪就係Moore?<---非也!

    另有其人, 不便公開
    我好有口德架!

    Trinity

    回覆刪除
  111. eric

    好多人鐘意奇諾里維斯嘅Speed
    我就鐘意Point Break多啲

    回覆刪除
  112. 佢係Point break嫩口D?好此仲有呀Patrick Swayze添。

    回覆刪除
  113. ERIC

    我諗唔鐘意SPEED的原因是因為sandra bullock

    巴黎鬼故...我恨聽!

    回覆刪除
  114. 跟蹤 係游乃海咖

    have u seen "The Happening" yet?

    回覆刪除
  115. 今晚又有紀漢醇喇 ~~~

    今晚又好大雨...巨雨。

    回覆刪除
  116. nost

    多謝更正
    呢排見羅永昌喺文雀poster
    一時搞錯

    the Happening....明天看
    愈遲睇,愈多人講,穿哂條橋,唔掂呀

    回覆刪除
  117. 大文

    黃雨警告,大家留在家中吧!
    巨乳....48吋胸肌
    2345見

    回覆刪除
  118. 想問下其他題材,例如 hk top ten 、或其他,係咪要等紀漢醇完晒之後至會寫,或者已轉寫作風格?還有其他生活事的,係咪會再寫?

    係咪印象中好似講你表妹(?)的小說會寫?

    回覆刪除
  119. 大文

    多謝關心先

    我仲有好多HKT10未出呀
    其實寫咗好多HKT10&小說未出
    但每月10篇令我有buffer
    咁忙排戲都有嘢出嘛

    handsome後, 7月回復正常

    其實你先影響我, 或者我們交叉影響吧

    好耐未試過正經答問題啦, 唔慣添~

    回覆刪除
  120. 外面雷電交加,兩位文人雅仕交心。
    令人感動....

    我而家去睇第5集啦。

    回覆刪除
  121. 啊巴黎鬼故,而家寫緊架喇,剛才一聲響雷,嚇了一跳!

    回覆刪除
  122. 巴黎旅客

    剛才一聲響雷,嚇了一跳!

    唔使驚!

    uncle car呵番

    回覆刪除

LinkWithin

Blog Widget by LinkWithin