阿強遊凱旋門

阿強遊凱旋門

大家好！我係阿強，今次又遊邊度呢？

香港西九龍地標豪宅：「凱旋門The Arch」，我未上過去，我連睇樓的資格都無，離遠望過就有。相信我呢世都無機會上去，除非我做外賣員送外賣上去嘞。不過我相信啲富戶都唔識叫外賣囉，就算有，啲大廈「實Q」都唔俾外賣仔進入名貴屋苑啦。

香港豪宅貴到離哂譜，都唔駛我多講。我之前看過報紙地產版，介紹某豪宅的其中一個層位，圖文並荗。吓？其中一間房竟然用「碌架床」！我真係要對「豪宅富戶」重新定位。仲有呀，因為房細呃尺，如果睡房放了一張Kings size床，主人便不能從床的兩邊上床，因床的三邊已貼哂牆。

仲有呀，發展商愛用世界聞名地標來替自己物業命名：黃金海岸、比華利山、曼克頓山、凱旋門、時代廣場、蘇豪…有無版權衝突呀？係咪崇洋成咁先？總之香港地產怪現象，聞名世界。

好啦！唔講香港樓市怪談，入正題了，今次講阿強遊花都「凱旋門」。

玩條爛gag題先：邊個人喜歡「拎著個爛車呔」呢？無錯，答啱了，就是「拿破崙」（拿破輪）。終於可以親身去到拿破崙為紀念1805年打贏俄羅斯同奧地利，下令興建的「凱旋門」。

乘地下鐵到凱旋門，嘩！找到了。終於親眼見到成座凱旋門豎立在面前。巴黎12條大街都以凱旋門為中心，好似個太陽向巴黎市四周放射。為了攞個靚景，我站在馬路中心影相，我諗啲巴黎司機見到遊客走出馬路中心影相，都見怪不怪。

記得張國榮在1988年替無線電視拍了一套音樂特輯《日落巴黎》，女主角是張曼玉和鍾楚紅。我既然去到巴黎喎，當然有chok住個樣去影相啦！而家睇返，只覺「作狀到嘔」，不忍目睹。
又話巴黎是浪漫之都，好易有霧水情緣，唓～～吹水架！無嘅！呃人架！

不過算啦，能夠在巴黎街頭漫步吓，當係向杜魯福、尚盧高達、伊力盧馬、阿倫雷奈等電影大師致敬，我已經覺得自己好型啦。

完

二少爺說：哥哥在這MV裡，表情迷茫地叼著一根煙，佢做就係叫「型」，第二個做就叫「扮嘢」！

由零開始 - 張國榮
作曲：張國榮
作詞：小美

回憶　纏住了心事千遍
由零開始　偷偷想到落淚
由零想起　當天一切樂與怒
總揮不去　仍無悔　只知繼續進取

人海中　能共妳相遇相對
人離不開　種種歡笑或顧慮
人離不開　只因真摯未變異
坦率相對　全憑有妳　祝福萬句千句

Will you remember me
若我另有心志
暫別遠去　遠去找那自由再衝刺
來日我會放下一切
尋覓舊日動人故事
即使　其實有點不依

Will you remember me
就算是不得已
如若愛我　盼妳可以給我試一次
來日妳我再度相見
仍是舊日動人笑面
給我熊熱眼光一遍
一千遍
還望說聲不變　不改變