阿強飲西班牙咖啡

 

阿強飲西班牙咖啡

(這篇是新寫的)

大家好！我係阿強，今次講一種飲品︰「西班牙咖啡」。

話說好多年前，我跟朋友去酒店的咖啡店傾吓偈。我打開menu胡亂點了一杯Spanish coffee。我以為橫掂都係咖啡一杯，西班牙同巴西一樣，都係一個地方名啫。

當侍應奉上我那杯「西班牙咖啡」，咖啡上加了一球雲尼拿雪糕，用吸管把雪糕攪拌，咖啡的苦熱混合雪糕的凍甜。口感好rich。這是我記憶中的西班牙咖啡印象。

＊　＊　＊　＊　＊

好了，花園遊完，今次講我遊西班牙的巴塞隆納（Barcelona）。

我不是足球迷，只知道有一隊足球隊叫「巴塞」，至於邊個球員打邊個球員，我就「艾東撈」啦。所以我去到「巴塞」不需要朝聖。反而去了被譽為遊巴塞隆納的「必到景點」― 神聖家族宗座聖殿（Basílicay Templo Expiatorio de la Sagrada Familia）。

「神聖家族宗座聖殿是巴塞隆拿最大的天主教教堂。該教堂由安東尼．高第（Antoni Gaudí i Cornet）設計，聖家教堂從1882年開始修建，因為是贖罪教堂，資金的來源主要靠個人捐款，捐款的多少直接影響到工程進度的快慢，所以至今還未完工，教堂預定2026年完工，正好是設計者高第的逝世100周年。它是世界上唯一一座還未完工就被列為世界遺產的建築物。」- 維基百科

我站在教堂前，教堂的外型像一隻龐大的太空怪物，豎起怪異嶙峋的四隻觸角。當時教堂正進行工程，豎起了鐵架天秤，像升空的穿梭機，帶點科幻感覺。

遊完這座世界遺產的建築物後，是時候嘆返一杯地道的西班牙咖啡啦！結果呢，侍應端來的咖啡就是欠缺了那球雪糕，只是普通的一杯熱咖啡。我懷疑西班牙有黑店專呃中國遊客囉。

飲唔到「西班牙咖啡」唔緊要，至少我吃到「西班牙海鮮飯」，好多海鮮配料，成兜海鮮盆菜咁，吃到我好飽好滿足。

還有，我聽人講「西班牙烏蠅」好毒，掂親都會好大鑊，女人見到要立即調轉頭走。我在西班牙真係見到「西班牙烏蠅」飛埋嚟，嚇得我唔埋咁多，立即逃跑。才保住條命仔到今天咋。

完

二少爺說︰巴塞隆納曾於1992年舉行奧運會。