再找得著藉口

再找得著藉口

上一代的人用「中國諺語」等老生常談來替自己的惡行開脫，新一代又用什麼說話做「擋箭牌」呢？數一數呢一代人，找什麼藉口，成為他們口中的「大條道理」和「免死金牌」。

第十位：「一個人嘅力量有限！」
人的最大敵人是「無力感」，未試已經先認輸，否定自己的力量。舉例：問：「點解你唔將垃圾分類？」答：「車！個個都唔分，得我一個肯分，有Q用呀！一個人嘅力量有限！」因為事前已經打定輸數而索性放棄，不相信「齊心就事成」。如果大家都咁諗，人人都唔踏出第一步，咁就乜都會注定失敗。

第九位：「呢啲嘢，我唔做，都有大把人做啦！」
有人專做壞事搞衰嘢：搞黃賭毒、賣假藥、拐帶兒童、殺人放火、械劫綁架等等。做得呢啲傷天害理嘅衰嘢，一定有人會鬧。作奸犯科之輩反駁：「呢啲嘢，我唔做，都有大把人做啦！」本著「我不入地獄，誰入地獄？」的精神，社會角色有正有邪，有兵就必有賊，互相制衡。如果我唔擔當壞人，都有其他人做壞人，咁不如我蝕底啲，由我做番啦。

第八位：「無人會同錢作對！」
香港這個拜金社會，大家為錢，爾虞我詐。如果有人「貪不義之財」、「發死人財」， 搵阿婆笨、呃小朋友錢….被人指著鬧「發錢寒」時，他會自辯：「無人會同錢作對！」喺呢個「無錢萬萬不能」的社會裡，呢一句又變得氣直理壯。「同錢有仇呀？」、「嫌錢腥吖？」、「錢都會嫌多？」都是同一鼻孔呼出的氣。

第七位：「你唔蝦人，人哋就會蝦你！」
文明社會都有「森林規則」，弱肉強食，以大欺細，適者生存。總有一些人「蝦蝦霸霸」，持強凌弱。被人指責時，反駁說：「你唔蝦人，人哋就會蝦你！」是自保的一種方法。同樣地：「你唔兇人，人哋就會兇你！」、「你唔打人，人哋就會打你！」大家爭取先機，先發制人。

第六位：「咪當教精佢囉！」
有些人的職業是「揾人笨」、「呃人錢」，例如「補藥黨」、「祈福黨」、「零件黨」到處揾著數。被人指責時，反駁：「咪當教精佢囉！」自己充當社會大學導師，教育吓啲蠢人，身體力行去教精佢哋，等佢哋唔好再上當。但當然要收取學費，攞吓啲蠢人嘅著數。美其名，繼續去呃人，招搖撞騙，等市民從受騙中吸取教訓。

第五位：「幾時死？整定架啦！」
如果有人酗酒、濫交、濫藥、狂抽煙、唔戒口、身邊朋友苦口婆心作出勸喻：「為身體著想」、「會死人架！」以死亡作為警告。但是對方反駁：「幾時死？整定架啦！」有人不煙不酒食素唔嫖，突然患癌去世，有人好煙好酒好滾，90歲仲好精神咁打通宵麻雀。他們相信命運一早已經安排好哂，點避都無用，繼續放縱生活吧啦。

第四位：「做人都係想自己開心啫！」
有人沉溺在某種嗜好中，甚至接近瘋狂程度，玩物喪志、傾家蕩產。身邊朋友好心勸止，換來一句：「做人都係想自己開心啫！」人嚟到呢個世界，無非想追求「快樂」兩個字，大前題是不犯法、不影響到其他人，咁自己做乜都得。如果唔能夠令自己開心，做人又有咩義意呢？所以要繼續沉迷在自我的私人世界裡。

第三位：「人之常情啫！」
人的性格有正面、也有陰暗面，有正有反，十分正常。所以當一個人被批評：「陰毒、奸詐、古蠱…」，他冷冷地反駁：「呢啲……人之常情啫！」他坦白承認人的性格有陰暗面，是十分正常的表現。所以直認無諱，毫不介懷。舉例；問：「乜你咁懶架？」答：「懶？人之常情啫！」或者；問：「乜你咁鹹濕架？」答：「鹹濕？人之常情啫！」立即將指責，轉為情理，化解於無形。

第二位：「條命係我嘅！」
自殺、自暴自棄、自我放縱、自殘身體、自毀傾向…..等等，都令身邊人感到可惜和心痛。上前加以勸阻，但遭到大大聲的回應：「條命係我嘅！」、「我鐘意點就點！你理得我吖？！」生命勝在有選擇，條路自己鐘意點行就點行，自己承擔後果。旁人不得哝牙鬆槓。只好尊重其個人決定和默默送上祝福。

第一位：「個個都係咁架啦！」
如果有一個陋習，很多人都會同犯，咁點解要偏偏針對我呢？舉例；問：「點解你紅燈都衝過馬路？」答：「唓！個個都係咁樣衝過去架啦！做乜偏偏針對我！？」、問：「點解你幾十歲人，仲偷用學生飛入閘？」答：「唓！個個都係咁樣偷用架啦！做乜偏偏針對我！？」將自己的罪行，歸納成眾人的罪行，沖淡自己惡行的嚴重性，一齊「習非成是」，大家一齊錯，就變成大家都無錯，咦？都係幾唔錯喎！


完

講起「錯」，Culture Club認為「第三號錯誤」是指婚姻這個終生大錯。

Mistake Number 3 – Culture Club

You can't by stand all the people
Stand them on their own
They will fall to pieces
So we watch them grow
Into strange and pretty faces
I don't know
Clutching to my lipstick traces
Watch them go

Make mistake number three
Make mistake number three
Make mistake number three
It's strange how much it changes
How they want to know
How cynical are people
That's where children go
Dragged into a conversation
They can't hold
It's so sad
But it prepares them for the mould

Why is my love like an ocean run dry?
Why is my love
Such a struggle with life?

You can't by stand all the people
Stand them on their own
They will fall into pieces
So we watch them grow
Make mistake number three