阿強到天使之城

阿強到天使之城

大家好！又係我阿強，今次同大家懷舊一吓，重溫一個1986年的洋酒廣告。是《人頭馬V.S.O.P.廣告》。

點解我對這廣告印象咁深呢？因為廣告中有三個穿比堅尼的洋妞在鏡頭前扭動身體。對於血氣方剛的我來說，是何其吸引。只要一聽到廣告歌引子，我便會立即衝去電視機前「昅嘢」。

廣告歌中最入腦的,兩句歌詞，便是呢句「洛杉磯有嬌娃，滿街Super Stars」。年少的我，真的以為洛杉磯滿街有嬌娃，希望有一天我可以去洛杉磯見識一吓。

＊　＊　＊　＊　＊　＊

好！遊完花園，今次講阿強去洛杉磯，考察一吓是否滿街有嬌娃？

「洛杉磯（Los Angeles）是西班牙語「天使之城」的意思。縮寫為L.A.。一座位於美國西岸加州南部的城市。按照人口排名，洛杉磯是加州的第一大城（擁有超過400萬人口），也是美國的第二大城，僅次於紐約市（人口800萬）。」- 維基百科

我終於來到洛杉磯，嘩！可以享受到加州陽光。我口中整天哼著Beach Boys的《California Dreaming》。仲扮埋電影《重慶森林》中的王菲，邊唱邊un身un勢。

阿強在洛杉磯街頭留影

點解！點解！點解！

又話「洛杉磯有嬌娃，滿街Super Stars」，點解唔係架！呃人嘅！大肥婆就周街都見到。嬌娃呢？去咗邊呀？

我自幼睇荷里活電影睇到大，終於來到荷里活夢工場。雖然不是周街都有明星，不過見到洛杉磯街景，跟電影中發生飛車場面的街景似曾相識，都已經好興奮。

既然睇唔到「洛杉磯有嬌娃，滿街Super Stars」的壯觀情況，我的California Dreaming亦夢醒了。只怪我自己當初太天真，竟然相信廣告歌的內容，唉~~真傻仔…

完

二少爺說：1986年已經有97危機，這廣告歌叫大家留港，唔好移民。

人頭馬V.S.O.P.廣告歌 （1986年）

洛杉磯有嬌娃，滿街Super Stars
杯杯暢飲Number 1

(獨白) 香港幾好都有，仲有好朋友同靚酒

香港景緻更佳，全部實力派

杯杯暢飲Number 1創新境界

(獨白) 香港幾好都有，點捨得走。