黃道益活絡油

黃道益活絡油

Joanna依依不捨地拖著行李喼，跟Ivan道別後，她望了這間屋的最後一眼，Joanna知道她踏出這個門口後，就不會再回來……

＊　＊　＊　＊　＊

Joanna是健身連鎖店的接待員，她在銅鑼灣上班。Joanna長得五官精緻、人靚聲甜，經通被四肢發達的健身教練主動搭訕。健身教練中，有醜樣、有自大、有粗鄙、有乸型，結果22歲的Joanna在云云健身教練中，揀了樣貌最「四正」、25歲的Ivan做男朋友。Ivan在銅鑼灣租了一個單位，不久，Joanna搬入，共赴同居。兩人一起上班下班、起居飲食。開始甜蜜的情侶生活。

Ivan除了教學生的時候，工餘時都會在健身室內做運動，操到自己肌肉一嚿嚿，省靚自己個生招牌。Ivan做運動前後，都喜歡塗「黃道益活絡油」，舒緩肌肉疼痛。為什麼Ivan會揀黃道益活絡油？因為Ivan的健身師傅用開黃道益，Ivan沿襲照用至今。

每次Ivan回家，Joanna都聞到黃道益的獨有氣味。起初Joanna極度討厭黃道益陣藥味，但愛屋及烏之下，久而久之，Joanna變得喜歡聞黃道益的氣味。一聞到陣味，就知Ivan在身邊。

好景不常，Joanna被調去中環分店工作。因為輪班關係，Ivan和Joanna聚少離多，加上性格不合，兩人始終唔夾，多次商討後，兩人終於在和平氣氛下分手。Joanna依依不捨地拖著行李喼，離開了Ivan的單位。

＊ ＊　＊　＊　＊

Joanna在中環分店，繼續被四肢發達的健身教練主動搭訕。Joanna在云云健身教練中，揀了較為樣好的30歲Keith做新男友。Keith在上環租了一個單位，不久，Joanna搬入，共赴同居。兩人一起上班下班，起居作息。

30歲的Keith，性格為人比Ivan成熟，懂得照顧和關心別人，著緊女友，噓寒問暖。又會給Joanna吃一些健康食品，帶她一起到郊區踏單車，迫她戒煙。跟Ivan只自顧打機和睇波不一樣。但Keith有時就長氣咗少少，問長問短，令Joanna有點吃不消。

健身教練Keith喜歡在做運動前後，塗上曼秀雷敦摩擦膏，舒緩肌肉疼痛。每次Keith回家，Joanna都聞到曼秀雷敦摩擦膏的獨有氣味。Joanna極度討厭曼秀雷的氣味，開始懷念黃道益的氣味。Joanna決定游說Keith用黃道益活絡油，從中可以懷緬一吓跟Ivan一起的日子。

這晚他們下班回家，Joanna和Keith在客廳看影碟時，Joanna好不經意咁講：「我睇過今期《選擇》月刊，中國古方嘅黃道益活絡油，含有冬青、樟腦、靈仙、當歸嘅藥材成份，功效好過西方藥廠製造嘅曼秀雷敦，化學品真係無益架。」Joanna勸Keith試用黃道益活絡油。Keith為了想Joanna開心，一口答應。

第二晚，Keith放工回家，他在運動袋中取出一支黃道益活絡油，向Joanna說：「我買咗嚟用啦！」Joanna見到Keith咁聽話，心都甜了。Keith說：「我俾錢嗰陣，casher送咗支L'Oreal潤膚霜俾我，話係贈品試用裝喎。」Joanna接過潤膚霜。Keith繼續補充：「講開又講，其實妳用『雪完美潤膚霜』，對皮膚唔好架，不如改用L'Oreal啦，上兩期《選擇》月刊講過，L'Oreal係最滋潤。」

Joanna想Keith開心，一口答應。感激地說：「我知你細心。連咁細微嘅嘢都有留意到。」自這晚起，Joanna可以在Keith家裡聞到Ivan的黃道益的氣味。

Photo by Denzel

一個月後，某個早上，兩人9時上班，先去附近茶餐廳吃早餐。Joanna突然醒起：「呀！我噚晚啱啱用哂支潤膚霜，一陣提我買過支。」Keith點頭。

結帳後，兩人由茶餐廳步行到健身室，路經「屈臣氏」，Keith示意Joanna入去買潤膚霜。正當Joanna想步入之際，一個OL模樣的少女向Keith打招呼：「嗨！Keith，乜咁啱呀！」
Keith尷尬地：「係呀！乜咁啱呀！」
OL少女：「我今朝咁啱過嚟呢面見個客之嘛。」
Keith：「最近點呀？……」
Joanna從兩人的對話內容中，猜想到OL少女是Keith的前度女友。

Keith 介紹Joanna給OL少女認識，Joanna跟少女握手，Joanna聞到一陣L'Oreal潤膚霜的氣味。Joanna今早沒有塗潤膚霜，很明顯，潤膚霜的香味是由OL少女手上傳到自己手上。

終於真相大白，Keith 帶Joanna到郊區踏單車、塗L'Oreal潤膚霜、不吸煙等表面上為她好的事情，其實只不過是想將Joanna複製成自己前度女友，找她做替身。

Joanna沒有很大的情緒波動，畢竟他也有找Keith當Ivan的替身，你找我找你做替身，妳找我找妳做代替品。

Joanna步入「屈臣氏」買了一支「黃道益活絡油」和一支「雪完美潤膚霜」後，當無事發生，繼續如常拖著Keith一起上班工作去。

完

黃玫瑰 - 印象合唱團
緊握住一束黃玫瑰
祈盼著最后的約會
別讓你的情和意沉睡
別讓彷徨的心靈日漸憔悴
緊握住一束黃玫瑰
盼望在你窗前低徊

街燈留著離別的滋味
我想我該試著離開你才對
留下黃玫瑰

緊握住一束黃玫瑰
祈盼著你或許相隨
為我帶走泥濘的思維
別讓失眠的沉默不停徘徊

緊握住一束黃玫瑰
不再想逝去的安慰
就算暮色緊緊地包圍
也許會神傷我都不願後悔
留下黃玫瑰