唱 K方程式

(聲音 大echo)

A： (講緊手提電話) ：23 號房，快到！(收線)

B： 喂，快d揀歌先，

A： 你有無留意到唱K係有一條Formula？

B： 講黎聽下，

A： 就當你十點入房，四點埋單，
十點到十二點就係新歌試唱，
搶咪既情況非常之激烈，
由於新歌太新，
要伴唱既情形好常見。
十二點到兩點就唱過去幾年既流行金曲，
搶咪既情況依然激烈，
但係d歌太流行，所以唔使再要伴唱啦。
最後兩點到四點就唱九十年代既懷舊金曲，
因為都夜啦，
有d攰，所以無乜人搶咪啦，
而且要男女合唱歌，可以慳d氣，
最後聲沙埋單再出去食宵夜！

B： 唔，又係喎。
咁點解香港人咁鍾意唱K呢？

A： 唔知！

B： 因為人人都想試下做歌星既滋味囉，
Andy Warhol 話過
每個人都可以成名…呀？
…幾多分鐘呢？唔記得啦！
總之人人都想成名，
人人都想被人見到啦！

A： 我諗因為音樂可以陶冶性情呱！

B： 乜香港d歌曲可以陶冶性情咩？
d歌通常叫人怨恨ex，
或者唱到自己慘到天崩，

A： 不如我地揀d有乜勵志歌可以唱？
呀！就呢隻啦，
呢隻教人靠自己掙扎向上，
咬住牙根向上爬。

B： 唔算喎！
呢隻歌既chorus既前半段，
先講佢俾人飛左，
chorus 既下半段就講佢要靠自己起番身，
所以唔係一隻純勵志歌。
啦！呢隻歌似係啦！
叫人積極進取，強化自己，

A： 你搞錯啦，
隻歌叫人強化自己之後，
就可以向ex boyfriend 恨恨咁報仇啦！

B： 呀！終於搵到啦！
呢隻歌一定係勵志歌！
一齊唱啦！

(音樂起 – 郭富城既「強」)

孔/苦： (合唱) 雖跨多少個山……音樂Fade out

A： 呢隻歌係1995年既作品，
嘩！呢11年香港發生乜野事呀？


二零零六年七月