上天台曬太陽

（大風聲）

A：呢度真係好高呀！可以望到好遠。

B： 仲好曬，好大風呀，

A： 我約你係呢度見面，都係貪佢無乜人、又夠靜，我叫你帶黎既野，你帶左黎未？

B： 當然帶左啦，咁你有無帶錢嚟？

A： 當然有啦！咁我哋一手交錢、一手交貨，

B： 呢度咁靜，又無乜人，都叫做安全囉呵，
我而家攞出黎俾你，小心有人見到，

A： 唔，我周圍昅過，無差人，放心！

B： 好！我哋交易開始。拿！呢本就係政制綠皮書，
夜晚訓唔著，攞出黎掀下都唔錯！

A： 唔。d錢啱數囉呵？好！交易成功， 我地落番地下囉！

B： 唔得！人在江湖，身不由己，
唔係話落去就可以落去，我地仲要等一等先走得，

A： 吓！你！你call左差佬？

B： 傻架！唔好咁緊張， 大家同坐一條船，
我點會害你呀？
不過而家落番去嘅timing 唔係咁好，
不如大家喺度欣賞吓風景先！

A： 原來企喺呢度可以好遠咁望到嗰個主題公園嘅邊邊。

B： 點解咁多人鍾意去主題公園玩呢？

A： 我諗因為d人覺得响公園入面好童話化，
可以逃避一下現實！

B： 係咩？唔係喎！公園入面咁多紀念品賣，
明碼實價，成日提醒你錢喺現實生活係幾咁重要！
一d都唔童話化！

A： 我地都企左好耐，
究竟我哋幾時可以落番去？我等夠啦！

B： 哝！我哋可以落山囉！架吊車終於可以郁番！

A： 早知呢隻吊車成日故障，我就打死都唔搭啦！

B： 算啦，我哋困左10幾分鐘啫！都唔算耐架啦！

(機械故障聲)

A：弊！架吊車又停返！點解會咁架！？


二零零六年七月