解決問題

女:做乜個樣咁愁，呢排煩乜野？

男:唉！同女朋友嗌交囉！都成個禮拜囉！唔聽我電話，又唔覆e-mail，MSN又block埋。唔知佢幾時嬲完？

女:哦？好簡單！等我教你忘記煩惱既簡單方法。我都試過，幾 work架！

男:咁妳快D講黎聽啦。

女;其實好簡單，要忘記一個問題，最快捷既方法就係創造另一個更新更大既問題，咁新問題就會令你忘記舊問題既存在，跟著再創造另一個更大既問題蓋過第二個問題。
舉個例子: 你而家煩同女朋友嘈，你就應該即刻返公司同老細嘈，咁你就會忘記同女朋友嘈既事啦，
隨即你係條街度搶差佬支鎗，咁你就會忘記同老細嘈既事啦，
睇番轉頭，同女朋友嘈就簡直唔係問題！
如此類推……
點呀？好計呢？

男: 都幾好計喎！不過個問題愈滾愈大，最後點收科？我驚死都唔惦！

女: 咁你有無聽人講過死就一了百了？

男: 咁你又有無聽人講過死係解決唔到問題？人死左只係將問題留俾其他人解決！

女: 咁我地要創造另一個比死亡更大既問題黎蓋過死亡呢個問題。

男: 例如呢？

女: 人類既命運、溫室效應之類。

男: 嘩！我同女朋友嗌交啫，講到去人類命運, 食野把啦！


二零零七年四月