有問有答

熱身題

1. 選擇題：被喻為史上最細既香港迪士尼樂園佔地幾多公頃？
A. 126; B. 1,260; C. 12,600 （A.126公頃）

2. 選擇題：香港既住宅用地總面積相等於幾多個香港迪士尼呢？
A.46個; B. 460個; C. 4,600個 （A. 46個）

3. 社會題：香港有幾多成人現正租住公營房屋？（三成）

4. 社會題：香港現時自置居所（買左樓又或者供緊樓）既比率係幾多？(57%）

5. 時事題：現任房屋及規劃地政局局長為？（孫明揚）

6. 時事題：現任房屋委員會主席為？（孫明揚）

7. 選擇題：以下邊個唔係香港土地供應既來源？
A. 市區重建; B. 拍賣官地; C. 填平維港; D. 以上皆是 (D)

8. 選擇題：以下邊個唔係現時政府房屋政策重點？
A穩定樓市.;B. 興建公屋; C.防止炒賣; D.建屋安民 (C)

9. 歷史題：香港第一個「十年建屋計劃」係喺邊一任港督期間出現？
（麥理浩）

10. 歷史題：香港第一次「樓市大幅滑落」係喺邊一任特首期間出現？
（董建華）

11. 是非題：1953年萬聖節石硤尾寮屋區大火，政府成立「徒置事務處」安置災
民。（非，是聖誕節）

12. 是非題：1947年有位叫Abercrombie既英國爵士，向政府主張香港城市規劃
應該「分散發展」，以舒緩市區人口過度擠逼既情況。（是）

13. 地理題：凶宅排行榜既亞軍係港島東，咁冠軍係邊區？（觀塘）

14. 地理題：觀塘區原為亂葬崗同墓地既秀茂坪，原名係？（掃墓坪）

15. 居屋題：「居者有其屋計劃」簡稱居屋，係邊一年推出架？(1978)

16. 居屋題：邊一幢唔會賣既居屋，有「居屋樓王」之稱？（紅灣半島）

17. 是非題：被賤賣俾發商既紅灣半島，政府可以響五十年後唔駛錢攞返。(是）

18. 選擇題：以下邊個唔係政府正研究決定是否清拆的老牌靚海景屋邨？
A 西環邨.;B. 砰石邨; C.華富邨; D. 彩虹邨 (B)

19. 時事題：香港邊個政府部門負責「賣地」呢？（地政總署地政處）

20. 時事題：香港邊個政府部門負責「量地」呢？（地政總署測繪處）

21. 時事題：「田土廳」指既係邊個政府部門？（土地註冊處）

22. 中文題：新世界集團總經理梁志堅曾經話：「紅灣半島個廁所細到……唔好
話大肚婆入唔到去，就算我咁『細粒』都入唔到，要企喺座廁同洗面盆之間
的角落位，先閂到門。」請問呢段說話用左乜野修辭手法？
（答案係冇既，因為佢講既全部係事實）

23. 英文題：和諧式居屋英文Harmony，串法為？（H-A-R-M-O-N-Y）

24. 英文題：康和式居屋英文Concord，串法為？（C-O-N-C-O-R-D）

25. 數學題：一條街有12幢樓，8幢樓喺蝦肉色，4座係泥黃色，問選中泥黃色樓既
或然率係幾多？（100%，因為蝦肉色舊左變埋泥黃色）

26. 數學題：喺凱旋門由39樓行上50樓，要行幾多層？
（1層，因為凱旋門係冇40-49樓既）

27. 填充題：根據規劃署既《城市設計指引》，維港沿岸建築物應避免過高，以
免形成＿＿效應。（牆壁效應）

28. 填充題：對於嘉亨灣樓高70層，本署只能夠感到無奈，因為《城市設計指引》
不是法定文件，不具＿＿效力。（法律效力）

29. IQ題：小芬平日由泳池一邊游到另一邊需要1分鐘，點解今日要10分鐘？
（因為小芬去左會所泳池）

30. IQ題：有乜野網係捉唔到魚，但係人人爭住要呢？（名校校網）

31. 中文題：董建華於2000年接受傳媒訪問時曾經咁講：「由1998年開始，政府就
再冇提過『八萬五』這個字眼，咁你話仲存不存在？」請問呢段說話用左乜野
修辭手法？（反問句）


搶答題

Level 1

1. 本地歷史題：根據《中英聯合聲明》，97前香港每年賣地唔可以超過幾多公
頃？（50）

2. 中國歷史題：以下邊位唔係春秋時代人物？晉靈公/鄭莊公/齊桓公/孫公
(孫公)

3. 對換題：1平方米即係幾多平方呎？（10.76平方呎）

4. 對聯題：上聯為「上水居民居水上」，試對下聯。（油麻地遍地麻油）

5. 成語題：「壯士斷臂」下一句係乜？（業主急走）

6. 人名題：邊位風水師父一直大力反對香港政府填海？（蘇民峰）

7. 社會題：邊個政府部門負責清拆屋宇潛建物？（屋宇署）

8. 社會題：「市區重建局」係邊一年成立？（2001年）

9. 選擇題：負資產數目由03年10萬宗，至05年第二季幾多宗？
A. 7,700宗; B. 9,700宗; C. 9,700宗（B. 8,700宗）

10. 選擇題：新界男性居民擁有「建屋牌照」，俗稱
A. 白牌 B. 紅牌 C. 打牌 D. 丁牌 （D. 丁牌）

11. 英文題：大廈中層避火層英文係咩？(refuge floor)

12. 英文題：複式雙層單位英文duplex點串？
（錯! durex係杜蕾絲，正確答案應該係duplex）

13. 音樂題：Nat King Cole同Laura Fygi音樂風格上有乜相同之處？
（同樣成為樓盤廣告歌）

14. 音樂題：中原地產研究部高級經理黃良昇，同邊一隊八十年代經典樂隊主音
同名？（Blue Jeans）

15. 統計題：2004年產生既建築物廢料總計幾多公噸？（2,050萬公噸）

16. 統計題：2004年全港房屋佔公共開支280億元，即係幾多percent？（10%）

17. 藝術題：畢加索邊幅名畫曾經運黎香港IFC展覽？（巡遊）

18. 風水題：2004年香港踏入「八運」，請問八運屬於五行邊一行？（土、土運）

19. 風水題：家居門對兩幢樓宇之間，似一條狹長空隙，將天空斬成兩截稱為
A. 天煞 B. 天斬煞 C. 大小通殺 (B. 天斬煞)

20. 地產題：地產代理監管局(EAA)係邊一年成立？(1997)

21. 地產題：要成為地產經紀必須要考獲「營業員牌照」，「營業員牌照」考試
一年舉辦幾多次？（156次 / 一星期3次）

22. 地產代理發牌條例營業員牌照每年費用幾多？
A. $4,810, B. $8410, C. $1,840（$1,840）

23. 地產題：香港有幾多間地產代理被稱為「大行」?
（2間：中原、美聯、利嘉閣屬於中原、港置屬於美聯）

24. 文字題：「見票即收」既「票」字係指：
A. 鈔票 B. 郵票 C. 戲票 D. 糧票 (A. 鈔票)

25. 文字題：「有匙即看」呢句成語係黎自甚麼典故？（香港地產公司廣告紙）

26. 文字題：試舉一個四字成語，係同「勾地」既「勾」字同音同義。 (官商勾結)
27. 數學題：一座大廈一梯兩伙，A單位可以飽覽200度景觀，咁B單位可以睇到幾
多度？（都係200度，根據售樓書資料）

28. 地產題：截至2005年7月，有8.933宗樓宇成交，價值二百九十九億八千九百
萬，一共幾多個零？（六個）

29. 地產題：跟據《地產代理條例》，地產經紀可唔可以向客人提供虛假資料？
睇情況（唔可以）

30. 歷史題：周朝既井田制度為何廢除？
（因為塊田只能世襲，唔炒得，因而被淘汰）

31. 地理題：雅典既帕特農神殿係用乜石建成？雲石/紙皮石/大理石/胆石?
（大理石）

32. 語言題：廣東話「地產」日文叫做乜？（不動產/Fudosan）

Level 2

1. 時事題：房屋及規劃地政局轄下有邊五個署？
（房屋署、屋宇署、地政總署、規劃署、土地註冊處）

2. 時事題：規劃署劃分土地用途，住宅甲類同住宅乙類有甚麼分別？
（住宅甲類的最低三層可作商業用途，而住宅乙類用作商業用途需要向規劃
署申請）

3. 時事題：政府喺2002年十一月宣告無限期停建及停售居屋，最後發售既居屋
係邊3幢？（鯉安苑、愉翠苑、豪徑苑）

4. 英文題：1999年4月實施的「申請售賣土地制度」俗稱勾地政策，英文係乜？
（Application List System）

5. 中文題：香港街道可以分為邊八類？（道、路、街、徑、里、巷、圍、坊）

6. 中文題：《三國志魏書呂布傳》「君以千里之眾、足以為人豪」中，「豪」
字加上一個庭係乜？（豪庭）

7. 社會題：根據「居住支出生活指數」，星加坡、香港、紐約、東京從高至低
排名為？（東京、紐約、香港、星加坡）

8. 社會題：一個二人家庭申請公屋既入息限額係幾多？（每月10,632元同埋淨
資產230,000）

9. 翻譯題：「座落維港繁華之央，大都會璀璨魅力，日夜不息」英文翻譯。
（victoria harbour beneath your feet, metropolitan living at its very peak）

10. 翻譯題：「while swimming in the clouds, avoud wetting nearby birds」中文翻譯。
（在雲上暢泳，當心水花濺濕路過的飛鳥）

11. 國文題：「傲立於天海之間，以繁星為伴，月色低照殿堂府邸」中有幾多個
自然景象？（四樣：天、海、繁星、月）

12. 推理題：香港政府對曾蔭權，TVB對方逸華，香港地產建設商會對乜？
（何鴻燊）

13. IQ題：路政署要喺一條500米既馬路，每隔2米種一棵樹，可以種幾多棵？
（零、因為入錯樹種，死晒）

14. IQ題：一架巴士先載58人，到站落左57人，再上12人，到站落7人，問巴士去
邊？（新樓盤示範單位）

15. 算術題：陳先生銀行有150萬，存款利率0.01%，5年後本利和多少？
（負債52萬，因為買左樓）

16. 算術題：x-2.5%=4.25%, x=? （x=p, 最優惠按揭利率）

17. 算術題：窗台長5呎，濶2呎，面積係幾多？（42呎，包埋走廊同後樓梯）

18. 幾何題：鑽石型由幾多條直線組？（十條，因為呢個係鑽石型廳）

19. 方向題：小明喺屋大門向東行5步，再向南行兩步，問小明喺大門邊個方向？
（西，因為呢個屋面面向西）

20. 推理題：97, 85,000, 23, 71 跟住係乜？（8. 8運個8）

21. 推理題：美麗反義詞為醜陋，實業家反義詞係？（炒家）

22. 推理題：村屋十居屋＝豪宅；咁落訂＋供樓等如乜野？（負資產）

23 以下邊類型唔係居屋類型？和諧型／康和型／Y型／監倉型（監倉型）

24. 香港有18%已發展土地，當中6%係工業，住宅佔幾多？(33%)




二零零六年九月