阿強遊羅浮宮

(網上照片)

阿強遊羅浮宮

(這篇是新寫的)

大家好！又係我阿強，好耐無同大家見面喇！今次回憶下我遊法國的羅浮宮(Musée du Louvre)。

以香港為例，匯豐銀行總行、香港國際機場、啟德郵輪碼頭的設計，都是來自英國建築師Norman Foster的手筆，外國人在華人地方係威係勢，有幾可華人可以在歐洲地方揚威呢？

結果中國人終於威返次，竟然可以在法國羅浮宮廣場豎立一座由華人建築師貝聿銘所設計的玻璃金字塔，成為華人世界的一時佳話。

有人覺得具有八百年歷史、古典建築風格的羅浮宮旁邊，興建一座現代感十足的玻璃帷幕金字塔，唔新唔舊，九唔搭八，感覺不是很突兀嗎？

但當我見到年過七十的香港富商，拖著二十五歲的女藝人，其實都無話唔得架！真係…世事無絕對，只有真情趣。

咁點解起嘅係「金字塔」，而唔係「金塔」、或者「金閣寺」呢？

原來羅浮宮館藏的年代是以埃及文物為起點，所以用金字塔作為人類輝煌文明起源的涵義，果然有意思。咁即係其實起座「玻璃獅身人面像」都可以喇。

法國人的文化接受能力都幾高，最初一片反對聲音，最後都成功通過，讓一座具現代特色的「玻璃金字塔」豎立在華麗的羅浮宮旁。

如果在北京故宮旁起一座現代建築物，應該起什麼好呢？

完

二少爺說︰香港一些古舊建築物，被保育及活化後，成為展覽場地或歷史博物館。