阿強吃流心朱古力蛋糕

阿強吃流心朱古力蛋糕

(這篇是新寫的)

大家好！我係阿強，先同大家講聲「Happy new year」先！

今次的要講一款西式甜品︰「心太軟 Molten Chocolate Cakes」。

一講起「心太軟」，就不其然諗起任賢齊那首國語歌《心太軟》，「♫ 你總是心太軟 ♬ 心太軟♪獨自一個人流淚到天亮♪」Oh Sorry！我又情不自禁咁唱起嚟添。

任賢齊呢首《心太軟》於1996年出版。咁究竟呢款「朱古力流心蛋糕」，早於本港開埠時已經被命名為「心太軟」吖？還是在1996年後因歌曲流行後才被改名為「心太軟」呢？有無人可以告訴我知呢？

講返「心太軟」呢款甜品先，一刀切落去朱古力蛋糕，入面的朱古力熱漿流出來，伴以雪糕入口，冰火溫度一熱一冷、加上蛋糕和雪糕一硬一軟的質感，甜品之極致。它的熱漿教曉我什麼叫「流心」。另一款中式糕點「奶皇流沙飽」，也是以它的「灼熱流心」見稱。一中一西，各領風騷。

＊    ＊　＊　＊　＊　＊

好啦！講完「流心」喇，今次我遊咁耐花園後，究竟想講乜呢？今次講我遊瑞士的「琉森」(Luzern)。

來到瑞士琉森，我去了著名觀光景點︰獅子紀念碑。

「獅子廣場（Lowenplatz）中有一座丹麥雕刻家伯特爾·托伐爾德森製作的垂死獅子像(Löwendenkmal)，在山壁中鑿出的一頭垂死獅子，牠的背部被箭刺穿，頭部下垂，神情痛苦哀傷；手上緊緊抱著刻有百合花的盾牌。而那個百合花就是Maison de Bourbon王族表彰權勢的盾形紋章代表。紀念在法國大革命時在巴黎杜樂麗宮犧牲的850名瑞士僱傭兵。」 - 維基百科

那頭垂死獅子雕塑，真的栩栩如生。究竟雕刻家在雕刻時，真的有一頭獅子在他面前當Model？還是雕刻家憑空想像出來？還有，那作品的位置是在一道石壁中鑿出來，藝術造藝令人嘆為觀止。

遊完獅子廣場，一定要嚐最地道的「琉森蛋糕」。咦？點解「琉森蛋糕」唔熱嘅？切開又無「朱古力流心」嘅？「琉森蛋糕無流心」？唓！乜原來瑞士跟香港一樣，牛丸無牛、龜靈膏無龜、西施骨無西施、老婆餅無老婆，搵笨！

唯有在歸途時唱著任賢齊的《心太軟》嚟自我安慰一下。

完

二少爺說︰一聽就90年代的回憶湧回來。