要嚟一笑！

要嚟一笑！

要嚟一笑！。。。。。。2014了！

還記得2013年年頭同大家講新年快樂，話口未完，轉眼已經來到2013年的最後一天。

先講吓自己︰今年去了西安睇兵馬俑，新工作上了軌道，入醫院做了一次手術，好彩有得claim保險，去了一趟寶福山送別一位親戚，參與了一部短片的演出，拍了一個廣告，做了一宗event的M C，多玩咗facebook，少咗寫blog，電影睇多咗，跑步多咗，年中曾經瘦過，如今已反彈。

講完自己，講吓大環境。我要用「魔幻」呢兩個字來形容香港這一年。很多荒誕、違反常理的事情接連發生。香港似乎已經黯然無光，一直沉下去，以為到了谷底，怎料只是到達萬丈深淵的入口而已，仲有排跌，唔見底。

我的性格是消極地樂觀，希望否極泰來啦！

祝大家2014年
新年快樂！苦中作樂！

二少爺說︰政府還要花錢粉飾太平，搞什麼「家是香港」運動，嘥錢最叻！