大賊

大賊

(這篇是新寫的)

技安是一個三十幾歲的肥佬，他專承接裝修工程，當外判工人完成工程後，如有些瑕疵，技安便上門執手尾，順便向業主收工程尾數。

技安吃得裝修這行飯，他走「爛仔路線」，講嘢爛撻撻，有時甚至要「靠惡靠嚇」。

這天，技安患了重感冒，要戴上口罩，他來到一幢舊唐樓，要到某單位，執手尾兼收尾數。技安把私家車泊在唐樓地下，獨自行樓梯上去。

技安上到單位，業主開門給他。技安完成一些油漆工作，還用一把大界刀把木櫃的多餘膠水邊削去。

技安因為尾數和業主發生爭拗，技安為了錢，用爛仔方法令業主屈服。業主死死地氣把現金七千元交到技安手上。

技安因為雙手沾了油漆，不想弄污自己個真皮銀包，他唯有手持現金，待稍後回到汽車，從車尾箱取出天拿水去清洗雙手。

如是者，戴上口罩的技安、左手揸現金、右手揸界刀離開單位，落樓到地下時，一出大廈鐵閘，咁啱在唐樓門口遇上兩位路經的巡邏警察。

警察見到技安的「口罩持刀」打扮，立即喝令技安掉低武器舉高雙手。技安解釋事情經過，技安叫警察打電話給樓上業主查證。怎料業主因為剛才尾數爭拗，怒氣未消，一聲話唔識技安，便立即收線。警察當然唔會冒生命危險跟技安上樓找業主啦。

就係因為咁，技安坐了他人生第一次的警車，去警署參觀。

完

二少爺說︰因果自有循環。