Yugoslavia

Yugoslavia

（這篇是新寫的）

今日我唔再無鬼聊聊，同大家講吓通識，一於講吓「南斯拉夫」：

「南斯拉夫（Yugoslavia），是1929年至2003年建立於南歐巴爾幹半島上的數個國家的總稱。以從鄂圖曼土耳其帝國獨立的塞爾維亞族所建立的塞爾維亞王國為基礎，經兩次巴爾幹戰爭及第一次世界大戰，隨著鄂圖曼土耳其帝國、奧匈帝國的戰敗，塞爾維亞和附近的各南斯拉夫人地區合併，創建了南斯拉夫聯邦。」 - 【維基百科】

好啦，正經完，轉個話題，講返十個故仔先：

1.      有個新郎哥今早結婚，點知個伴郎突然病咗嚟唔到，新郎哥立即call佢另一個friend飛趕來做伴郎，個friend認真唔話得！

好！故事講完，呢個故事叫「臨時拉夫」。

2.      一對男女partner參加跳舞比賽，跳tango跳得好精彩。可惜臨結尾的時候，男參賽者突然甩褲，全場嘩然，十分尷尬。結果只得到很低的分數。

好！故事講完，呢個故事叫「Last甩褲」。

3.      日本人又有新發明，一把專用來切硬殼果的刀，刀身十分堅韌鋒利。

好！故事講完，呢個故事叫「Nuts  knife」。

4.      一個宗教組織，有感於世人不珍惜愛。在社區會堂搞了一個活動，宣揚愛和關懷，叫人不妨大膽去愛。

好！故事講完，呢個故事叫「Let’s  love」。

5.      傳統結婚喜帖內，除了禮帖、餅券之外，還有一封利是，作為對賓客支付賀金的回禮。

好！故事講完，呢個故事叫「利是內附」。

6.      傍晚時分，一對男女情侶在旺角行人專用區內發生口角，引來大堆旁人圍觀。女友破口指罵男友，男友罵不還口，只在捱鬧，形勢一面倒，途人看得十分無癮。

好！故事講完，呢個故事叫「鬧市懦夫」。

7.      香港地產商為了利益，囤積居奇，令樓價長期高企。政府有意打擊過熱樓市，實施「打老虎」政策，推行辣招，矛頭直指地產大老虎。

好！故事講完，呢個故事叫「樓市老虎」。

8.      香港護老院出現虐老事件。老人家年紀大，身體機能衰退，間中大小二便失禁，弄污衣物。護理人員見狀立即大發雷霆，粗暴對待老人家。令老人家身心受到創傷。

好！故事講完，呢個故事叫「瀨屎落褲」。

9.      有機農場大行其道，有機蔬菜大受歡迎。有機農夫棄用化學肥料和農藥，改用真屎施肥，耕種過程講究天然。

好！故事講完，呢個故事叫「淋屎農夫」。

10.  男士在面褲內，多穿一條用布料製成、可以遮住臀部和下體的貼身內衣。

好！故事講完，呢個故事叫「男士內褲」。

完

二少爺說：唔知Sarajevo同Yugoslavia地理上距離近唔近呢？

Miss Sarajevo - U2

Is there a time for keeping your distance

A time to turn your eyes away

Is there a time for keeping your head down

For getting on with the day

Is there a time for curl and lipstick

A time for cutting hair

Is there a time for High Street shopping

To find the right dress to wear.

Here she comes, heads turn around

Here she comes, to take her crown.

Is there a time to run for cover

A time for kiss and tell

Is there a time for different colours,

Different names you find it hard to spell

Is there a time for First Communion

A time for East 17

Is there a time to turn to Mecca

Is there a time to be a beauty queen

Here she comes, beauty plays the clown

Here she comes, sureal in her crown

Dici che il fiume trova la via al mare

E come il fiume giungerai a me

Oltre i confini e le terre assetate

Dici che come fiume, come fiume l'Amore giunger

L'Amore

Che non posso pregare

E' nell'Amore che non so pi sperare

E quell'Amore non so aspettare.

Is there a time for tying ribbons

A time for Christmas trees

Is there a time for laying tables

When the night is set to freeze.

命運是你家

命運是你家

（這篇是新寫的）

我是一名高級督察，在重案組工作快三年了。這兩天的經歷是我當差生涯中最難忘的。

我正調查一宗「一樓一鳳」妓女謀殺案。連日來陸續有三名妓女遭兇徒勒死，犯案手法相似。兇手可能是一名連環殺手。從目擊者口供及閉路電視錄影，我鎖緊了一名疑兇，是一位三十歲中國藉男子，我到他工作的車房，請他回警署協助調查。他在登上警車之際，突然發難逃走，我跟他糾纏，混亂間給他逃脫。我手中留有他的頭髮。我把頭髮交給「鑑証科」，希望疑兇的頭髮DNA跟現場留下的證物吻合。「鑑証科」說24小時內有結果。已經晚上十二時，我休班回家休息。

我駕車往西貢途中，沿途交通情況正常，今晚月亮特別明亮，原來今晚是初一。我的汽車在毫無先兆下，突然在清水灣公路停低。我見四周無車無人，我下車檢查是否爆呔。突然一度猛如日頭的強光由我頭頂照下，我立即抬頭一望，嘩！睜不開眼，但我隱約見到一個直徑五十米的發光圓形飛行物體，在我頭頂20米高空盤旋。但它一粒引擎雜音都無。我在它發出的紅色強光下，口乾頭暈，之後我昏倒在馬路上，失去知覺。

當我再次甦醒過來的時候，是由一名路過的熱心司機叫醒我。我見到周遭一切情況回復正常。我發覺我臉部和雙臂都曬紅了，皮膚有點刺痛。證明我剛才遇上UFO應該不是幻覺。我編了一個大話，說我因為血糖不夠，所以突然暈倒。如果我告訴他目擊UFO之事，他一定會當我精神有問題。他問我需要送院檢查嗎？我拒絕了。

正當我想離開現場，我見到遠處有一位交通警騎著電單車駛來。我立即跳入車廂準備離開。可惜未撻著車匙，交通警已駛至。問我發生什麼事？我一望見交通警，嚇了一跳。他穿著的交通警制服，是皇家警察制服，即是1997年前才見到。

我在警校受過訓練，學會保持鎮定。對皇家警察訛稱我血糖不夠而暈倒。交通警見我無事，便著我開車離開。是否我遇到UFO後，它令我回到16年前的空間？

我在車廂內打開汽車收音機，OMG！晚間新聞報導：「彭定康和魯平會面商討」，我真係回到1996年！點算好呢？點樣可以回到2013年？我屋企是一個新落成屋苑，1996年前可能只是一片空地。我現在應該去邊呢？

我嘗試打電話找女朋友，可惜電話失靈，1997年未有3G電話網絡。我決定駕車找家住大埔的女朋友，她96年起一直住在那裡。

當我的汽車穿出大老山隧道時，我高興得大叫起來！我見到隧道口的大型廣告牌：是電影「Iron man 3」！好嘢！可能我在隧道中無意中找到時空缺口，衝出返回2013年。既然無事，我又太累，身體仲曬傷咗，我決定U turn駕車回家休息。

我回到家中立即上網到天文台網站和各大討論區，是否有其他人也目擊UFO？結果查出在事發的時間，廣西發生了3.2級地震。我昏迷了所以未能感到。到底兩件事有關係嗎？

＊　＊　＊　＊　＊　＊

第二天早上我回警署上班，「鑑証科」同事找我，DNA報告出了。根據報告結果：頭髮是屬於一名五十歲中國藉男子，他已於五年前被人謀殺逝世，兇手仍未歸案。嘩！撞鬼呀我？殺妓疑兇竟然是一名死人，我全身起了雞皮。不知如何解釋之際，手提電話響起，阿頭急call我，IFC七十樓某美國投資銀行發生脅持人質事件，需要我和夥計們立即趕往現場增援。

當我在趕往IFC途中，我在警車中收到女朋友的whatsapp，她留了一句古怪說話：「你昨夜來我家留下手電。」嘩！嚇了我一跳！我昨夜那有去她屋企！我工作關係有兩部電話，一部工作用、一部私人用。我立即摸一摸褲袋，咦！我的私人電話真係唔見喎，咁我昨晚真係有去？點解我唔知？我立即call她，可惜她沒有接聽。無奈我有任務在身，唯有工作之後，才找她吧！

當我抵達現場時，銀行內有幾個激進的社運份子，因為反對資本主義的剝削，他們身纏炸藥，揚言要跟「銀行佬」同歸於盡。談判專家正努力遊說他們，形勢僵持著。我乘機從70樓辦公室的玻璃窗，欣賞吓維港景色。

突然有個夥計指著窗外大叫！我朝那方向望過去，見到一架A300空中巴士，不尋常地低飛，正由葵涌方向飛近IFC。我腦海中本能地想到兩個字：「恐襲」！

吓！香港有恐襲？估計一分鐘內就撞埋IFC，前面那幾個疑犯又隨時引爆炸藥。我今次死梗啦！唔得！Cut呀！Cut機呀！作者你使唔使玩到咁大呀！

卡臣：「今次我都唔知…點收科呀！」

naruto：「係囉，玩大咗添…」

原來卡臣、同香港聞名天才橫溢靚仔博客naruto玩crossover，你寫一段，我寫一段。結果搞到個偵探故事毫無邏輯、天馬行空、鐘意點就點，而家埋唔到尾。搞到男主角急到發老脾，出嚟嗌Cut機。

兩位作者，十分之愛國愛港，都唔想香港發生大災難。但又想唔出一個合理的結局去擺平單大災難。經兩位作者商討後，達成共識：如今折衷的辦法，就是「擱筆」，唔再寫落去。

就由這一刻開始，故事的畫面就定格在這一幕，警察疑犯人質在辦公室內freeze。飛機在空中凝固，世界變得鴉雀無聲、靜如止水。

兩位作者暫且唔再寫下去，不需要再花腦筋去拆解故事中留下的種種謎團。省回不少腦細胞，諗落都唔錯吖。這個「擱筆」的結局，也不失是一個好結局。

完唔到…

二少爺說：這篇虛構故事由虛構人物出發，最後涉及現實人物。而該兩名現實人物的合作，其實又是虛構。真真假假、虛虛實實，搞到我自己都唔知自己講緊乜。

命運是你家 - Beyond

天生你是個 不屈不撓的男子

不需修飾的面孔 都不錯

風霜撲面過 都不可吹熄烈火

幾多辛酸依由它 都經過

不管身邊始終不停有冷笑侵襲

你有你血乾 不會怕

即使瑟縮街邊依然你說你的話

哪會有妥協 命運是你家

從沒埋怨 苦與他同行

迎著狂雨 傷痛的靈魂

不經不覺裡 獨行

天生你是錯 長於水深火熱中

可惜他根本未知 只苦幹

溫馨笑面裡 太多辛苦的痕跡

今天即使他受傷 都不覺

不管身邊始終不停有冷笑侵襲

你有你血乾，不會怕

即使瑟縮街邊依然你說你的話

哪會有妥協 命運是你家

從沒埋怨 苦與他同行

迎著狂雨 傷痛的靈魂

不經不覺裡 獨行

命運符號

命運符號

（這篇是新寫的）

我叫Gary，大學時候讀business，畢業之後，經濟唔好，好難搵工。畢業三個月後終於畀我搵到一份工，是地產代理。

做地產代理，收入唔穩定。底薪5千元。佣金浮動，最叻試過月薪二萬蚊，最霉嗰個月咪5千蚊。好彩我同父母同住天水圍公屋，我唔使交租。否則搭埋車食埋lunch交埋電話費之後，得返雞碎咁多。

我有一個女朋友，叫Judy，是大學同學，她做電話直銷員。我很慶幸有這個女朋友，因我是一名200磅肥仔、樣貌平庸，真係一街都係的典型肥港男。正如陳奕迅說：「我絕不罕有，往街裡繞過一周，」就通街都係。雖然我無屋無車，但Judy也不嫌棄。香港而家好少呢啲好女仔啦。

我雖然無過人之處，但唯一我較有自信的地方，就是我「食量驚人」。我可以吃不停。我花名叫「Buffet剋星」。Judy曾經勸我減肥，但我實在太喜歡食嘢了。

＊　＊　＊　＊　＊　＊

Judy今晚whatsapp我，叫我參加某連鎖集團舉辦的「拉麵勁食比賽」，冠軍獎品是一部iPhone 5，都幾吸引喎。Judy說：明晚放工後陪我去報名。我終於能夠對一件事情有些把握，贏就最好啦，輸咗也有一餐勁吃。

我和Judy到連鎖食店報名，要先交300元報名費。在counter辦手續時，那女sales拿出sales kit給我們作介紹：比賽詳情、遊戲規則、公司聲明、歷屆冠軍等呀。Sales掀到某一頁，吸引了我的眼睛：「咦！點解嗰個男仔咁似我嘅？」Judy都同意。

我睇圖片的說明文字：2009年的冠軍，那肥仔名字叫…..Gary Cheung？

咦！咪同我同名？嚇了我一跳，唔止個樣似，連英文名都一樣。我知道我普通平凡啫，真係典型到咁交關？

我再掀去下一頁，OMG！是Gary Cheung領獎時，跟評判和女朋友合照。而他的女朋友又跟Judy一模一樣，身材高度也是一樣！再睇圖片的說明文字，FxxK！又係叫Judy Wong，乜連女朋友個英文名都中？！

Judy和我面面相覷，大家四年前是中七學生，都未認識，何來手拖手去比賽和領獎？唔通係déjà vu呀？但呢個世界真係確實有另一個人跟自己一樣，有人証物証擺在眼前喎。

我問sales相中那Gary Cheung的地址，Sales因為私隱條例，當然不便公開啦。但那Sales也是一個好奇心重的女生，決定冒犯法的情況下，按電腦鍵，查出Gary Cheung的資料。

結果呢…….竟然就是天水圍我屋邨的單位地址，連電話號碼也是一樣！

吓！唔通係平行時空下的兩個人，兩人在兩個空間內生活，沿著相同的軌跡運行？我百思不得其解。

咦，如果佢真的存在，他行先我四年，如果我能夠找到他的話，我咪可以知道四年後我的生活景況囉！但…點樣可以找到他呢？

突然，電話whatsapp響起，我望一望電話，是作者卡臣。

卡臣：
Sorry，我正翻叮一篇2009年的舊文，
你見到那Gary Cheung是
四年前第一次post時攝下。
(下午9:25PP)

Gary Cheung
吓！即是我被翻叮？
(PP下午9:25)

卡臣：
係，最衰那sales拿出舊相

才被你發現。(下午9:26PP)

Gary Cheung

屌！嚇撚死我！

我唔撚做啦！

(PP下午9:26)

卡臣：

喂喂喂！你唔做邊個做呀？

(下午9:27)

卡臣：
喂，返嚟呀！(下午9:28)

各位唔好意思，阿Gary劈炮唔做、玩失蹤，戲做唔落去。

我會檢討日後如何避免相同情況發生，

er….er….多謝大家收睇，係咁先。

完

二少爺說：今次提早收工，請請。