請在「咇」一聲之後留言 (上集)

請在「咇」一聲之後留言 (上集)

前天重貼的《普羅米修斯》，一年前首次貼出時，在留言中跟naruto你一句我一句，就變成跟naruto的crossover，把《普羅米修斯》變奏其可能性。

naruto是我欣賞的blogger之一，幽默抵死，攝影好技術、又有創意。2011年已跟他crossover過，作品叫《點解阿鳳係阿鳳》，naruto出相片，我出文字。好玩的一次經驗。

好啦，唔阻大家，睇吓我和naruto如何將《普羅米修斯》變奏成什麼樣？

＊　＊　＊　＊　＊　＊

卡臣：從前有個女人衣著暴露，酒醉後愛在酒吧搞事。酒吧睇場警告她。

呢個故事叫：暴露咪生事

naruto：以前倒夜香，個籮穿咗，要拎去補。

呢個故事叫：補籮咪收屎

卡臣：十七世紀非洲部落之間經常互相仇殺，法國傳教士到非洲宣教，勸土著停止仇殺。

呢個故事叫：部落咪仇視

naruto：普羅比宙斯玩足咁多年，決定報仇，搵大班人去圍宙斯。

呢個故事叫：普羅圍宙斯

卡臣：有個男人叫Paul Law，他吻了隻西施狗一啖。

呢個故事叫：Paul Law 吻西施

naruto：好囉喎，仲玩喎！

呢個咪就係叫：好囉咪低B

卡臣：有個肥女人去買衫，可惜她的籮柚暴漲，沒有size啱她。

呢個故事叫：暴籮無size

naruto：小女孩Paula最鍾意食芝士，半夜佢走去廚房偷食。媽媽第二朝問Paula有無偷食？她話無！

呢個故事叫：Paula無偷士

卡臣：星光耀保良，今年想在有線電視搞直播，保良局向有缐電視查問收視率。

呢個故事叫：保良問收視

naruto：我認輸了。

卡臣：哈哈，你讓我啫。

呢件事叫：保我咪使輸

待續…

二少爺說：保羅……令我想起Paul McCartney。