給自己的信

給自己的信

卡臣，你好！
我在鼠年第一個月寫一封信，給12個月後的自己看。
相信你喺呢一年無穿無爛，又平穩渡過了365天，
你而家坐在電腦前等瞓覺，年尾你都唔會太忙碌。
大掃除、封利是、簡單佈置嘅瑣碎嘢，一早已經搞掂哂！
平靜如常地期待牛年來臨。
啊！sorry！其實又沒有什麼值得期待，
就算沒有特別驚喜發生，日子也要如常地過。
對於你來說，大年初一只是其中一天公眾假期已矣！

其實12個月一轉眼就過去，
在這一年來，我估你沒有轉工，仍然在那間公司工作、
你可能搬咗，至於搬咗去邊呢？都係九龍區啩？！
你會做三套話劇，
你會離港外遊一次，
立法會選舉，Tanya成為立法會議員，
香港搞奧運馬術比賽，結果出現錯漏，
有位政府高官鬧出醜聞，
有位香港政治人物逝世，
有位娛樂圈中人逝世，
有樣新的網上玩意出現，風靡萬千網民，
有間老字號的食肆結業，
有間大型商場開幕，但人流不足，
繼Starbucks、Krispy Kreme後，另一個外國食店登陸香港，
啟德空地仍然丟空，繼續進行咨詢，
西九仍舊是一塊空地，未施土木，

一年閃逝，送鼠迎牛；
缺乏冒險精神的你，不求大起大趺，只求過安樂平穩的日子。
相信你能夠繼續用樂觀的心情去面對未來的日子吧！
呀！我突然記起你的座右銘是「苦中仍然要作樂」！
開心不開心，日子也要過嘛！

最後，如果健康就是財富，
我祝你身體健康！日日都當作是好日！

卡臣上
二零零八年二月九日

p.s.
很高興去年在網上認識各位好友，
多謝各方好友在豬年肯花寶貴的時間看小弟的拙作，不勝感激！
例如： BC、Cora、Gerald、Francis、Jay、Michelle、Nostalgia、Rachel、Sandee、Savageman、tt、VC、Vicky、Vincent、賢、等等…（排名按字母先後），希望來年繼續留言交流，如果未曾留言的朋友，希望大家能夠make fun of it!
謹祝各位於新一年：身體健康，逢凶化吉，步步高陞！