留低嘅係一份心意而唔係負擔（下集）

留低嘅係一份心意而唔係負擔（下集）

阿朱從醫生口中知道「鏽鏽」不是己出的消息後，並沒有太大震驚，其實阿朱一早都已經心裡有數。

雖然阿朱廿幾歲仔，應該精力旺盛，但他天生的「生產精子數量活躍比例」較常人為低，難以令女方的卵子受孕，即簡單的兩個字：「不育」。

18歲的刀刀，踏入青春期，都會對異性動春心。刀刀竟然暗戀偶爾到吉梗號幫襯的中學老師「趙老師」。最後，刀刀跟趙老師搭上了，仲被趙老師搞大咗個肚。

趙老師已經有老婆，衰到「趙完鬆」，人間蒸發。正所謂：「仗義每多屠狗輩、負心皆是讀書人」，豬肉佬阿朱同刀刀素有交情，見到愁眉苦臉的刀刀，好奇一問之下，刀刀和盤托出，阿朱聽後竟然願意食呢隻「死貓」。一來可以為不育的自己繼後香燈、二來豬肉舖的豬肉刀可以找外父免費磨利，果然是一名生意人。所以他們閃電結婚，免「刀刀」現肚。

雖則刀刀憎恨「趙老師」，但心底裡仍然放不下他，刀刀潛意識裡，把對趙老師的情感投射到女兒「鏽鏽」身上，希望女兒溫文儒雅，像趙老師一樣做個斯文讀書人。所以她性格180度改變，以身作則。母愛的力量真的不容低估。

阿朱見鏽鏽咁可愛，視如己出般對待和愛鍚。一家三口樂也融融。

可能好心有好報啦，刀刀的第二個仔，的確是阿朱經手的。事源某晚阿朱在深圳吃咗野味後，精子突然活躍起來，一擊即中。

阿朱替兒子取名「心意」，喻意「一心一意，終可事成」，阿朱終於有一個親生兒子，長大後可以承繼豬肉檔生意。立即去還神。

＊　＊　＊　＊　＊

不幸消息傳來，「鏽鏽」在留醫期間併發症發作，返魂乏術。鏽鏽的死訊對他們是一個重大打擊。禍不單行，街市最多八卦人，竟然將阿朱做「平宜老豆」的醜事宣揚出去，阿朱曾經嬲到拿刀追斬人。

刀刀覺得自己成為丈夫的精神負擔，令丈夫名譽掃地，添煩添亂。那時離婚並不普遍，刀刀思前想後，決定一走了之，留下兒子給丈夫照顧。街市中人，就把這件事叫做：「留低嘅係一份『心意』而唔係負擔」來譬喻「人為了逃避是非閒話而一走了之」。街坊見阿朱頭家都散了，不再落井下石，自動封口。

阿朱於短時間內發生巨變，先喪女兒，後老婆走佬。心情突變，令他性格變得沉默古怪。但他愛子之心，始終不變如一。

經過30年後，新填地街市裡已無人再記起這個久遠故事，刀刀去了哪裡？無人知曉。阿朱沒有再娶，97年前跟兒子移民去了溫哥華。

一切已成為過去，誰人又曾記得「最鋒利嘅刀都會有生鏽嘅一日，留低嘅係一份心意而唔係負擔」這個家庭倫理的悲痛故事呢？

完

二少爺說：好懷念呢個廣告。