世說新語 (第二版)

世說新語 (第二版)

＊　＊　＊　＊

第一篇

某名嘴加入電台，主持一個清談節目。這位名嘴每晚開咪做節目之前，必要做一連串的準備功夫。他會check mic，在咪前重覆講：「One Two、一、二」，讓技術人員調較音色。如果名嘴喉嚨有痰，便要咳清吐出，確保節目中聲線無問題。

故事講完，呢個故事叫做：「開咪前嘅事：check mic一二 再吐痰」。

原文：【開門七件事：柴、米、油、鹽、醬、醋、茶】

＊　＊　＊　＊　＊　

第二篇

中國中央電視台（CCTV）製作的《每周品質報告》節目，踢爆中國市面上的假貨毒貨冒牌貨。因有顧客投訴市面滲入毒冬瓜，攝製隊到菜市場買冬瓜進行測試。最後發現冬瓜沒有注入工業素料，反而西瓜就混入紅色素和人造糖精，長期食用可致癌。

故事講完，呢個故事叫做：「冬瓜唔假 假西瓜」。

原文：【東家唔打 打西家】

＊　＊　＊　＊　＊　＊

第三篇

一個超級颱風，橫掃東南亞，各地機場都受到颱風影響需要停航。海陸空交通全面癱瘓。一批滯留在香港機場的大陸旅客十分鼓譟，向航空公司要求賠償，大吵大鬧。最後航空公司應承安排酒店住宿及餐券，接待這批滯港旅客，直至所有風球除下為止。

故事講完，呢個故事叫做：「有幾耐風球 有幾耐接待」。

原文：【有幾耐風流 有幾耐折墮】

＊　＊　＊　＊　＊　

完

二少爺說：有幾勁嘅風頭，就有幾勁嘅排場。