卡臣: 殺機四伏

2012年11月16日星期五

殺機四伏– 下集

殺機四伏– 下集

阿夕突然發現樓下K行座位上，有一張熟識的面孔！阿夕極度震驚地：「吓？點解佢…..會喺度架！？」

原來阿夕見到下面其中一位男觀眾是「顏Sir」。顏Sir是阿夕中五時最尊敬和愛戴的老師。阿夕原本成績很差，如同地上爛泥。唯獨顏Sir對阿夕唔放棄，仲不斷鼓勵阿夕，給予課後額外補習（正經嗰種）。令阿夕追上成績後，才可順利中學畢業。此刻，顏Sir跟身旁一名外籍人士手拖手並坐，原來顏Sir是gay的。唔怪得佢咁好脾氣、咁斯文又咁鐘意吃素喇！

阿夕想殺死其餘199位同志，但絕對唔可以親手殺死恩師顏Sir。阿夕立即叫阿Lo「終止殺基行動」。但阿Lo已經陷入瘋狂亢奮狀態，點會喺呢個生死關頭臨崖勒馬？一手撥開阿夕，立即按下「倒數計時器」按鈕，八分鐘後毒氣便會大爆發！

阿夕情急之下，唯有獨自跑落影院的觀眾席，大嗌：「快啲走！有人放毒氣！恐怖襲擊啊！走啊！…走啊！…」觀眾一聽到恐怖襲擊，寧可信其有，立即循緊急出口逃生！

那邊廂，阿Lo按完「倒數計時器」後，在冷氣糟內急急爬行逃走時，右腳不慎被鐵糟夾實，愈想掙脫、夾得愈實！結果阿Lo動彈不得。尚餘六分鐘，毒氣便會調轉槍頭對付阿Lo，同歸於盡。任阿Lo點樣狂嗌大叫，但都無補於事。

戲院方面馬上報警，警方發出「恐襲警報」，啟動緊急應變措施，警察、反恐、飛虎隊、生化專家、消防員、救護車、紛紛趕到戲院現場。穿著全身防毒裝備的反恐特工疏散現場。同志觀眾們逃出生天後，喜極而泣、猶有餘悸。更有一些觀眾被雄糾糾的穿制服男子漢所吸引，立即施行注目禮。而阿夕因為作賊心虛，逃出戲院後，趁混亂逃離現場。

反恐特工進入現場，發覺只是虛驚一場。探測器發現戲院內空氣成份一點毒性也沒有。原來阿Lo從網上download的毒氣formula是流嘢，一啲都唔work！乜嘢毒氣都無，反而飄散一股洗髮水般的清新薰衣草香味。

阿Lo在冷氣糟中獲救，但他原本在做案前已經有少少思覺失調，剛才在死亡威脅的氣氛籠罩下，歇斯底里地狂叫，阿Lo最後終於逼瘋了。警方盤問了阿Lo一日一夜，阿Lo只懂傻笑和流口水，也記不起阿夕這拍擋，所以沒有供出阿夕的名字。阿Lo被送往青山拘留所，等待精神科醫生的進一步檢查報告。

＊　＊　＊　＊　＊　＊

翌日各大報章大肆報導這單「屠基大會」。各大「同性戀網上討論區」都議論紛紛這宗「Gay 911」。究竟阿Lo是何許人？做案動機是什麼？而拯救全院的「同志英雄」又是何方神聖？謠言推測全城滿天飛。

昨夜戲院內有目擊者用電話拍下阿夕的尊容，並上載到討論區。因為當時在戲院的緊急照明系統開啟了，光線充足下，阿夕的容貌清晰易見。阿夕一晚之間，由「Gay Killer」變成「Gay Hero」。

第二朝，阿夕在報紙見到自己個樣上了頭條，立即驚到去髮型屋剷個skin head，戴返副粗黑匡眼鏡又留鬍鬚，整色整水改變自己的outlook，行路耷低頭行又扮少少陀背；總之驚死有人會認得出自己。

＊　＊　＊　＊　＊　＊

在中學教書的顏Sir，是二百名受害者之一，當然有留意呢單新聞。他從新聞報導的圖片，亦認得出「Gay Hero」是他的舊學生阿夕。他在辦公桌把抽屜翻倒過來，找回2007年的舊記事簿，在通訊錄找回阿夕的手電號碼。

顏Sir打電話給阿夕，恰巧阿夕正在大廈地牢進行冷氣機維修工作，接收訊號較弱，收不到顏Sir的來電。顏Sir被駁至留言信箱，顏Sir留言：「喂，陳家夕，顏Sir呀！記唔記得我吖？你畢業之後，都好耐無返嚟學校探吓我喎，幾時方便返嚟行吓吖？」阿夕下班後，由地牢返回地面，聽完顏Sir的留言後，想了一想，碰巧明天補假，阿夕用whatsapp回覆顏Sir明天下午會回母校探望顏Sir。