阿強吃Pizza

阿強吃Pizza

大家好！又係我阿強，今次我要寫吓食經，講食意大利薄餅 - Pizza。

我第一次吃意大利菜，應該是我中學時代跟同學仔去吃「必勝客」（Pizza Hut）。那時候Pizza Hut有「自助沙津吧」，我們幾個同學仔夾手夾腳，把沙津擠滿在一個膠兜上：青瓜、菠蘿、蕃茄、粟米、生菜呀，越疊越高，當中牽涉到好多建築學問和力學計算。完成後，捧著個兜沙律兜步步為營咁返回座位。沙津砌得越高，越值得自豪。後來Pizza Hut取消了這項服務，它便成為我這些中坑的集體回憶。

至於Pizza呢，我最愛「夏威夷厚批」，吃時狂落芝士粉，Tabasco我就唔啱。除了去Pizza Hut外，節日去朋友屋企聚會，都走唔甩Pizza外賣。

好啦！花園遊完，今次講阿強遊比薩斜塔。

比薩斜塔（意大利語：Torre pendente di Pisa）是意大利比薩城大教堂的獨立式鐘樓。比薩大教堂鐘樓於1173年開始建造，在1185年，當鐘樓興建到第4層時，發現由於地基不均勻和土層鬆軟，導致鐘樓已經傾斜偏向東南方，工程因此暫停。在停滯了差不多一個世紀後，鐘樓的設計作了最後一次重要的修正，1372年擺放鐘的頂層宣佈完工，鐘樓歷經約200年才完工。（維基百科）

我細細個睇過電影《八十日環遊世界》，戲中見過「比薩斜塔」。今次終於見到實物。我細個也見過uncle和auntie的相薄中，必有一張「單手扮托著斜塔」的相片。今次終於輪到我有機會啦！

結果…最後我都無影到「單手扮托著斜塔」的相片，在其他國家遊客面前我怕「瘀」嘛！唯有正正經經咁企喺度影張相先。

我記得電影《超人續集‧Superman 2》中，外星人到地球各處搗亂，包括：吹熄奧運火炬、掀走白宮的頂部，和把比薩斜塔推返垂直。最後，超人又把比薩斜塔推返斜。哈哈哈哈！

一座傾斜的建築物，聞名於世的原因就在於它的不完美。就算有機會變返正常，但因為世人已接受了它的歪，最好把它keep返係歪。呢個啟發好重要呀！一樣道理，我諗人也可以利用他的「不完美」變成它「完美」的地方。太好啦！我就一定「貨源充足」了。

可惜在Pisa那裡找不到Pizza Hut，未能在「比薩」吃到「必勝客」。成為旅程不完美的地方。咦？「不完美」不就是它的「完美」的地方嗎？咁諗就應該開心啲啦！

完

二少爺說：循例都要聽返首歌先。

Luciano Pavarotti - Nessun Dorma