阿強到米蘭站

阿強到米蘭站

大家好！又係我阿強呀，今次講一講香港的名牌二手店: 「米蘭站」。

我無錢買名牌，所以無幫襯過「米蘭站」，不過我都有入過去睇吓。門口企咗個「實Q」喺度，嘩！廣東道啲高級名店都係咁過喎，令我產生它們是同級數的幻覺。

舖頭入面，二手名牌手袋包在膠袋內，列陣在貨架上。香港人買名牌手袋，用了一兩季後嫌舊，便把它拿去「米蘭站」變賣套現，再把它的剩餘價值補貼自己買新貨。香港人真係叻一買一賣的商業活動，怪不得咁多香港人愛炒樓炒股啦！

我嗰代的人，東西用到爛先肯掉。如今新一代，顧及物伴的剩餘價值，會好「鏡錫」咁用，知道該物件只會「持貨」幾個月，之後便要拋售。唔知他們對感情是否又抱有相同的睇法？

好啦！兜完花園之後，今次講阿強遊意大利「米蘭」。

「米蘭」乃聞名於世的「時裝之都」。但對於一個「著衫只為咗求其搵啲布遮住個身軀重要部位來乎合香港法律免被政府控告露體」的阿強來說：時裝是「功能性的成衣」而不是「文化藝術」。而且阿強又唔鍾意睇足球，「AC米蘭」有邊個球星都唔知。所以對於阿強來說：「米蘭」只是歐洲某個城市而已。

來到米蘭，一定要去「米蘭大教堂」 (Duomo di Milano) 參觀。這座歌德式大教堂於 1368年開始動工興建，花了450年才正式落成。我在旅遊書見到它，已經覺得它十分之宏偉，必到之選。我一出地鐵站，行兩步，抬頭一望，嘩~~好宏偉呀我真心覺得！

教堂門外的大廣場，好多白鴿飛嚟飛去，吳宇森見到一定會好開心。我用「麵包碎」餵呀餵，好多白鴿湧埋嚟我度，有喪屍群包圍一個活人的電影感覺。

聽講米蘭人著衫好講究，就我在當地街頭的觀察，唔….一般啦。(可能我時運低撞唔到啩！) 我覺得日本人著衫仲有心思同創意喎。

睇Fashion TV，米蘭時裝Fashion Show啲衫好靚，唔知米蘭人又會唔會變賣自己啲二手衫袋呢？唔知米蘭人又知唔知香港有個「米蘭站」呢？

完

二少爺說：搞唔清楚 Milano  同 Cuppucino 有乜關係呢？



情迷 Milano - Face To Face

作曲：Davis/Beennu/Uozumi

填詞：周禮茂

依依的心想起你 

幽幽的古典氣味

停在夢裏倚在花街下 

回味仍令我心醉死

燈影中繽紛的你 

衣香飄灑輕撲鼻

人獨處咖啡座昏昏睡 

迷夢裏彷彿是你

愛上你Milano  夢在浪漫街道

啖著Cuppucino  擁抱你

愛上你Milano  夢幻獨自編造

但願夢內傾慕  只有你

翩翩的歐洲空氣 

輕輕的掀起旖旎

懷念是你相伴擁抱夜 

迷漫同在看小雨飛

風捨不得吹醒我 

心癡癡的飄墮

凝望大理壁上的肖像 

仍是你依稀掠過