阿強在北京道
大家好！我係阿強，新一年同大家第一次個面，祝各位兔年
強 而 有 力 ！
形 勢 最 強 ！
言歸正傳，尖沙嘴的北京道，全港最大的HMV唱片店，曾是我在尖沙嘴等未到朋友的最佳消磨時間地方。無奈睇的人多、買的人少，搞到HMV縮皮唔租三層樓。店舖縮細了，轉戰漢口道分店。我都好耐無買CD，成為HMV縮皮的其中一名幫兇。
講咗咁耐題外話，都未入主題。今次我阿強回憶我做「老漢」，Sorry！打錯！應該是「好漢」。正所謂：「不到長城非好漢」，我阿強當然要一登長城做好漢啦！
好多年前，我揀選在12月去北京，原本帶了泳褲及太陽油，諗著游水曬太陽。但因為當地落雪關係，被迫取消。雪中的北京市，陰天更寒冷。幸而登長城那天陽光普照，以為無咁涷，怎料上到八達嶺，刮起風來，如刀削面，寒風刺骨。手套冷帽頸巾大褸冷底褲乜都著哂上身，但都凍到鼻哥紅哂。
長城石階峻斜，有雪更冼腳。幾經辛苦攀越，終於登上萬里長城！世界七大奇景的萬里長城啊！太空人回望地球唯一建築物的萬里長城啊！雖然我登上了長城，但無人頒發「好漢証書」給我，點代表我成為好漢呢？唯有拍照為證囉。
長城的城牆仍然堅固非常，有說「孟姜女哭崩長城」，點哭得崩呀？識獅吼功都唔得啦，除非孟姜女係外星人或者有特異功能啦。
中學時讀中史科和中文科，讀到古代將軍到邊疆抵抗異族外敵，描述塞外風光如何蕭颯，都是文字上的想像。當親身站在城樓，放眼塞外，嘩！真係天蒼蒼野茫茫呀！再一次証明「讀萬卷書不如吔萬寶路」，親身登長城一次，勝過讀萬語千言。
講吓「食」方面，朋友帶我去吃：刷羊肉、吃餃子、水煮魚和填鴨。朋友還帶我去王府井大街，吃街邊小食：冰糖葫蘆、狗不理和烤餅等。吃得我津津有味，正如我們在香港看「大陸自由行」在街邊吃魚旦燒賣般滋味。
聽聞中國中央政府研究「遷都」的可行性，好呀！我提議遷徙首都去深圳，官方語言順便改做廣東話。哈！我阿強講吓笑啫。中央遷都遷去邊都好，在我心中，有天安門、故宮和長城的北京，地位難以被取締。
完
北京一夜 - 陳昇 / 劉佳慧
作曲︰陳昇
作詞︰陳昇 / 劉佳慧
女︰不想再問你 你到底在何方
不想再思量 你能否歸來嚦
想著你的心 想著你的臉
想捧在胸口 能不放就不放
男︰ONE NIGHT IN BEIJING 我留下許多情
不管你愛與不愛 都是歷史的塵埃
ONE NIGHT IN BEIJING 我留下許多情
不敢在午夜問路 怕走到了百花深處
女︰人說百花的深處 住著老情人 縫著繡花鞋
面容安詳的老人 依舊等待著那出征的歸人
男︰ONE NIGHT IN BEIJING 你可別喝太多酒
不管你愛與不愛 都是歷史的塵埃
ONE NIGHT IN BEIJING 我留下許多情
把酒對月高歌的男兒 是北方的狼族
女︰人說北方的狼族 會在寒風起 站在城門外
穿著腐蝕的鐵衣 呼喚城門外 眼中含著淚
男︰嗚 我已等待了幾千年 為何城門還不開
女︰嗚 我已等待了幾千年 為何良人不回來
合︰ONE NIGHT IN BEIJING 我留下許多情
男︰不敢在午夜問路 怕觸動了傷心的魂
合︰ONE NIGHT IN BEIJING 我留下許多情
男︰不敢在午夜問路 怕走到了地安門
女︰人說地安門裡面 有位老婦人 猶在痴痴等
面容安詳的老人 依舊等待那出征的歸人
男︰ONE NIGHT IN BEIJING 你可別喝太多酒
走在地安門外 沒有人不動真情
合︰ONE NIGHT IN BEIJING 你會留下許多情
不要在午夜問路 怕觸動了傷心的魂人
阿強：
回覆刪除乜話？冬天去爬長城？穿了有釘鞋呀？點上呀？王昭君企係烽火台，都 ... 都 ... 都爬唔上架！
阿強：
回覆刪除唔好意思！講錯佐！應該係有東瀛魔女，穿丁字比基尼泳裝，企係烽火台，話如果我爬上去錫佢一啖，就同我一夕風流，兼梅開二度，我都唔會爬上去。
佛爺
回覆刪除我練得一身橫鍊肌肉都頂唔順，為了做老漢，sorry!打錯，好漢．幾涷都要頂!
另，如果有東瀛魔女在，我估你會爬上去喎
『聽聞中國中央政府研究「遷都」的可行性』－真的嗎？我同你一樣，絕對唔贊成！
回覆刪除喂，你係咪真係著左冷底褲先？？我覺得帶一條大頸巾用來遮面真係好重要，因為塊面真係冰咁凍！
仲有，新年快樂呀，力王（你自己記唔記得呢個名呢？哈哈）
Mac
回覆刪除祝你一家大小身體健康
如你個仔想健身，我阿強免費做教練又點話
係呀!真的有研究過遷都
有感於北京市沒有好好設計
想找一個地方重新設計(city planning)
涷到露出對眼都嫌多呀!
力王? 樊少皇主演的電影,改編自日本漫畫
我知道吖
阿強：
回覆刪除就算東瀛魔女紮個有暖氣既營，叫我上去即刻同我就地巫山雲雨情，我都唔制呀！
佛爺
回覆刪除我明白既
因為我都知道什麼叫「涷到縮」
阿強：
回覆刪除我有一些遷都的資料。北京是春秋戰國時燕國的首都燕京。
大約在公元940年，遼太宗在那裡建立另一首都，跟宋朝打過，命名為東京。
忽必烈於公元1271年在那裡建立首都，命名大都。
後來明成祖朱棣決定遷都北京，於1402至1422大興土木，經二十年建成皇宮，1422年後，明朝才由金陵(南京)遷都至北京！
北京成為首都，因古代外敵，多來自北方，方便應戰。
清朝末年，外敵多來自海上，北京的位置已沒有意義。
加上北京從古代已經缺水，又受沙塵暴影響，現今整個城市又發展至爆棚，所以有一派學者的意見，應該把首都遷往長江流域，近武漢附近，興建一個新城市，作為首都。
佛爺
回覆刪除多謝資料補充
原來如此...
千祈唔好遷都深圳呀
否則就成日掃黃整肅反老翻
講遷都, 首先一定唔會係南方, 因為中國從來都係大中原心態, 逐鹿一定要中原, 南方人唔夠正統。
回覆刪除其次, 中國人首都選址係講文化傳統, 其它城市冇曬皇權象徵, (中央部門都設在中南海LA, 叫佢地遷去海定區都唔肯LA)
我當年去長城都係有雪，其中有一段我要sir滑梯先落到嚟
回覆刪除ps:你張到長城一遊相同我張咁似嘅
篤篤
回覆刪除咁就好了，放心哂
南蠻始終係南蠻
+++
naruto
「ps:你張到長城一遊相同我張咁似嘅」
咁似?
你搵機會post一吓
等大家過過目吖
阿強：
回覆刪除祝你乳就最強！
舊時手提電話未普及，我都係好鍾意响唱片舖同書店等人，就算人哋遲到自己都唔駛戇居居。
遷都？唔係响北京道？咁搬去奶路臣街囉！啲直佬一定會成日上京，再唔係就搬去吉慶後街，孿男一定贊成。
我夏天去的長城好多人，大家排隊等影好漢相，不過我沒有去湊熱鬧，我還是做我的女人好！
回覆刪除么二少爷out dated 左啦？变左阿强窝！
回覆刪除北方di天气冷起上黎真系好势利架！
两只耳仔分分钟俾di北风吹到好似割左落黎敢样，额头被吹到头痛，鼻梁一冷就鼻涕踮踮流；最好包成好似个di塔利班敢嘅款，净系露出两粒眼，就万无一失咯！
歪歪
回覆刪除祝你兔年行運先!
而家後生仔等人又好，就算見到朋友，一齊食飯都玩i-phone
中央搬去北京道啦
文化中心做辦公室
半島酒店做宿舍
碼頭做解放軍海軍基地...
++++
coffee
妳上唔上長城都係義氣仔女
++++
hellonine
吓!
我阿強在這BLOG的年資
高過二少爺好啲架!
去長城最好著iron man套戰甲，包實哂!
不如遷都嚟香港都好wor^^
回覆刪除eben
回覆刪除咁特首唔使再上京述職了
三層樓(好似試過有四樓添)嘅 hmv 係好令人懷念
回覆刪除阿強周圍嘅雪花好似 key 落去咁~
做老漢好吖，可以推車。
回覆刪除largeheadboy
回覆刪除對呀!行吓hmv都開心
雖然無買嘢
我唔識用photoshop key 相架
++++
eric
老漢可推車，
痴漢你望咩?
干嘛还带泳裤？不怕晒出裤纹来？难看的哦！不信？问问歪歪！嘿嘿~
回覆刪除最近check下blogger個stat，見到最多人響你個blog入黎我果邊啊！多謝你幫我宣傳！哈哈！祝你來年身體健康！
回覆刪除嘿嘿，你講得啱，唔著就最自由奔放。阿強，咁你下次應該show畀各位睇下乜嘢先係真正嘅長城，傳說中嘅世界第八大奇景。
回覆刪除婉兒
回覆刪除在我這邊去妳那裡?
唔關我事呢
都要因為妳寫的好先有人去嘛
妳叻啲
祝學業進步!
嘿嘿
回覆刪除我帶泳褲去北京
諗住天氣冷
作打底之用
暖好多架
你可以試吓
+++
歪歪
我條唔係長城
係危城
甩咁滯添呀
阿強同卡臣是雙生兒~
回覆刪除I.minor
回覆刪除係Boys
唔係Twins
卡臣：
回覆刪除你穿什麼泳褲可保暖？去北極同北極熊暢游果種呀？
佛爺
回覆刪除那是傳統男性泳裝
長袖長褲
說它是潛水衣更適合
阿强=二少爷=卡臣？
回覆刪除终于睇到你嘅庐山真面目啦。。。
冬天去游冬泳，你真另类啊，阿强！
cindy
回覆刪除阿強無去游冬泳
佢帶泳褲去禦寒啫
唔係危城，等我教你啦。長袖長褲泳衣/褲，再加𠹺文中提及嘅冷底褲著响面，咁阿強咪就係超人囉！
回覆刪除阿強
回覆刪除其實呢...喺香港，好多唱片店，都好值得懷念。80年代旺角荷李活購物中心內的一排唱片舖，同埋90年代時代廣場的Tower Records，依家都無哂喇!都係mp3的錯:{
歪歪
回覆刪除超人!!!
哈哈!
好嘢!咁都俾你入到位
佩服~~
++
快樂人
講起唱片店
不得不提80年代
旺角信和中心/高登商場的
東急和迴音閣
打躉之地!
還有後來90's 灣仔268商場3/F的中古二手CD舖
阿強哥
回覆刪除咁耐無見竟然見你著大褸....好失望，懷念肌肉期既阿大隻強哥
新年的一年祝你繼續大隻，健身房出入平安，生肌處處！
3ears
回覆刪除呢排過新年
吃了不少糕點
肥爆
所以要遮掩吓
我祝妳同新冶
兔年旺相
三世奇昌
依家喺旺角德發商場（女人街入口）附近都可以搵到幾間唱片舖。其中有間舖，仲係80年代，喺荷李活購物中心賣日本碟嘅大舖。依家，都係鍾意行呢啲唱片舖同埋旺角信和。
回覆刪除溫馨提示：做超人著冷底褲著响面，好過做周吉猛咁R。
回覆刪除快樂人
回覆刪除德發商場...我有落過去
買二手DVD囉
(全部歐西電影，無三級)
我都好耐無買碟...
+++
歪歪
咁祝你新春大拮
拮人天相
阿強張長城好漢照好man噃，讚！
回覆刪除無三級?亞強，你真係..好強。(哈)
回覆刪除校長
回覆刪除你遊遍名山大澤
你登長城張相
應該更man更英!
+++
快樂人
係呀
無三級...
四級之嘛
真係要向你"直豎拇指"致敬
回覆刪除我有「植樹」但「無子」囉
回覆刪除對了，我覺得"重生"很精彩。希望可以再次看見歪歪的新作品啦！我會食著羊肉麵，等待佢嘅新作品㗎!
回覆刪除快樂人
回覆刪除對呀!
「重生」很精彩，描寫仔細，很有電影感!
歪歪，加油啦
大家等住睇架
我仲好懷念灣仔海運商場的 cd 鋪
回覆刪除依家嗰度變咗大快活~
而我呢....就好懷念旺角嗰間"新興唱片"喇。但係,佢哋賣得比較貴。不過,唱片和卡帶都好齊。我仲有個同學仔喺樓上住添㗎!(我鍾意聽歌!)
回覆刪除未走時，我喺時代廣場的Tower Records見過唔少歌星㗎。乜冇左喇？
回覆刪除largeheadboy
回覆刪除灣仔海運商場?
嘩! 我的回憶湧起啦
我幫趁過那裡時裝店
孖襟西裝(紅色/黃色)及燙斗鞋
+++
快樂人
新興唱片?
係咪彌敦道果間?
印象中一邊賣中文歌一邊賣歐西歌
+++
eric
時代廣場的Tower Records已執笠
變成page one書店
(如我搞錯請指正)
阿強
回覆刪除就係彌敦道嗰間新興唱片喇!係個幾大嘅地舖嚟㗎!
依家要搵 Tower Records，可能要去新加坡或東京囉!我鍾意Tower Records嗰種親切感，佢哋鍾意寫啲字仔牌，放喺啲CD隔離，介紹吓佢哋。
其實,我覺得Hong Kong Records都有啲 Tower Records嘅影子。
快樂人
回覆刪除哦!真係果間，印象中價錢唔平，所以好少幫趁。
講起寫啲字仔牌，放喺啲CD隔離，介紹吓佢哋。旺角那間「minotor助聽器」也有呀!
(如我搞錯請指正)
Hong Kong Records<--gateway同langham都有去過，都係HMV命運，只睇唔買
卡臣
回覆刪除依家去任何大唱片店，我都係只睇唔買，去只因舖頭夠大，好行。如果真係要買,我寧願幫趁信和舖頭仔。
langham嗰間HKRecords，如由12樓，行啲崎嶇樓梯,落返去搭地鐵，運動量高過喺國金跑樓梯。
時代間 tower 當年喺七樓，依家好似係百老匯之類，page one 就喺九樓，唔關事。
回覆刪除當年鑽石山荷里活廣場開張嗰陣都有間好巨型嘅 tower，但好快就執咗。
東京涉谷嗰座 tower 正啊，每次去涉谷點都要兜個圈，雖然都係睇多過買。希望佢捱到落去喇！
hk records 好行過 hmv，闊落好多~
快樂人
回覆刪除對於我來說:
食肆就大財團(鏈鎖食店)驅逐小本食店
唱片舖就小店勝過大集團
+++
largeheadboy
多謝資料補充
你幫手回憶吓
我啲RAM唔見哂
日本方面，我去過大阪心齋橋，近難波那段，有一間幾層高的唱片店，好好看
不過，好耐無去，係咪執咗?
快樂人，多謝讚賞，多得卡臣俾我响度搭單。
回覆刪除羊肉麵，聽到流口水！
你慢慢揾返啲舊作嚟睇，卡臣嗰啲先至係正貨呀！
歪歪 & 卡臣
回覆刪除其實你哋兩位嘅文章，各有特色，我好鍾意㗎。
歪歪, 我會繼續喺呢度等你嘅好文章出現㗎!
唔好使香港人失望呀!
歪歪
回覆刪除我啲邊夠你正
特此頒發【正貨】給你
大家認住呢個標籤呀
㊣
快樂人，食住羊肉麵先，大概一個星期度有我嘅新作。
回覆刪除卡臣，多謝呀！呢世人第一次畀人話㊣！你真識貨！吓？乜原來係讀「證」呀！唓！
歪歪
回覆刪除一星期就有?
太好啦!!
熱烈期待中...
呢個㊣印，發音是「正」
你實至名歸啦
記得揀定「相」和「歌」啦
到
回覆刪除歪歪
回覆刪除實在太好喇！
一定等你:)