骨的摸擰

骨的摸擰

Good Morning！大家好！

要忙的事情終於忙完了，我懷著輕鬆的心情，享受2010年的餘下兩個星期。

既然咁得閒，是時候再寫吓啲無聊嘢，挑戰一吓大家對無聊文字的容忍度底線。不過我今次面對的問題，不是「時間唔夠」，而是真正「大腦乾塘」，我再無任何有趣點子可寫。

我曾經想過：不如寫吓「我食過乜？去過邊？做過乜？玩過乜？」但本人乃尋常小市民一名，無人會對我的起居飲食感到興趣喎！或者，美其名跟人分享自己的生活點滴，但自己素來過著樸實簡約的生活（其實因為無錢啫），講出自己食乜著乜反而叫自己難為情。內容沉悶無睇頭之餘，還叫自己尷尬，最後打消了寫「私人日程」的念頭。

咁…寫咩好呢？寫影評碟評？我消費完它便算了，過眼雲煙，完全沒有深度的分析可言。
咁…寫咩好呢？情深款款的感性文字？「一片秋葉飄呀飄」嘩！我乃純種麻甩佬一名，文藝嘢我又唔識寫。
咁…影啲沙龍相啦，吓？我連似樣啲嘅相機都無部，影相又手震。咁…..點算呢？

如果呢個blog係一隻船，船長想開船，但係去邊呢？無人知喎？船長乘客水手都唔知喎。咁即係點呀？無腳嘅雀仔呀？無舵嘅船呀！

問：「喂！你講咗咁耐，一句到尾，到底你寫定唔寫呀？」
答：「我…寫…寫…寫，不過唔知將會寫咗啲乜嘢出嚟啫。希望大家多多包涵咁囉。」


完

希望 至少還有你 會繼續看下去。

至少還有你 – 張國榮
作曲：Davy Chan　　
作詞：林夕　
　
我怕來不及　我要抱著你　
直到感覺你的皺紋　有了歲月的痕跡
直到肯定你是真的　直到失去力氣　
為了你　我願意
　
動也不能動　也要看著你　
直到感覺你的髮線　有了白雪的痕跡
直到視線變得模糊　直到不能呼吸　
讓我們　形影不離
　
如果　全世界我也可以放棄　
至少還有你　值得我去珍惜
而你在這裡　就是生命的奇蹟
也許　全世界我也可以忘記　
就是不願意　失去你的消息
你掌心的痣　我總記得在那裡