爛gag

爛gag

（一）

超級市場內，一對情侶推著購物車買餸，女的打開冰櫃。

男：「吖，唔知有無雨落呢？」

女：「呢度室內，點知出面有無落雨呀？」

男：「我問妳冰櫃裡面有無『乳酪』呀。」

女：「………」

（二）

泳池旁邊的太陽椅上，兩名大隻佬躺著曬太陽。一個胸肌勁、一個腹肌靚。

胸肌佬：「乜你兩隻腳一條毛都無架，會唔會有病呀？」

腹肌佬：「乜嘢病呢？」

胸肌佬：「『無毛病』囉！」

腹肌佬：「係呀！我咁正常，當然『無毛病』喇。」

胸肌佬：「…….」

（三）

兩名打工仔在快餐店吃lunch，一個四眼、一個禿髮。

四眼：「唉~ 我公司部電腦Block哂facebook、instagram、微博，好慘呀！」

禿髮：「好彩我公司電腦無block嘢唧。」

四眼：「吓！你公司電腦無block嘢？」

禿髮：「梗係啦！電腦係死物，點會『扑嘢』呀？」

四眼：「……..」

完

二少爺說︰無嘢好講囉…