陰陽路 ― 泰國旅魂團

陰陽路 ― 泰國旅魂團

(這篇是新寫的)

一個香港旅行團到泰國旅遊。團友第一天傍晚到達曼谷，先到酒店check in。晚上吃晚飯和自由時間後。團友們各自回酒店休息。準備第二天的行程正式開始。Michael和Jackson是中學同學，被編一房間。David和Bowie是同事，被編一房間。

＊    ＊ ＊ ＊ ＊ ＊

第二天早上，團友們起床梳洗後，紛紛到酒店餐廳吃自助早餐。David自己在吃早餐，他的同房Bowie寧願睡多一陣，放棄唔食早餐。

David吃著煎蛋時，另一名團友Michael出現，Michael雙眼通紅，精神很差，似乎他昨夜未有好好睡過。

Michael主動坐在David面前，

David︰「早晨，你朋友Jackson呢？」

Michael回答︰「Jackson佢玩通宵，未返酒店。」

Michael唔理咁多，第二句就向David猶有餘悸地說出昨晚遇到的怪事。

＊    ＊ ＊ ＊ ＊ ＊

Michael昨夜1時上床，同房朋友Jackson仍未回酒店，Jackson打電話給Michael，Jackson說他會在按摩院過夜，今晚不回酒店。Michael開了暗燈，先睡。

怎料睡夢中的Michael被怪聲嘈醒，發覺自己全身不能動彈。昏暗光線下，Michael見到一個老伯站在房的牆角，怒目看著自己，可能因為Michael今晚霸了它的床。Michael驚到震。

五分鐘後，老伯自動消失了。Michael的身體可以再活動了。他立即第一時間離開房間。咁啱男導遊的間房也在同一層。Michael跑去敲導遊的門。

男導遊開門，Michael向導遊講剛才發生什麼事。因為Jackson不回酒店，Michael問導遊可否收留他一晚？起碼有個人陪吓自己壯膽。Michael嚇親後瞓得唔好，捱到天光，不如去吃早餐。結果在餐廳遇上David。

David聽後都嚇親，因為David的房間同Michael那間房都幾接近。Michael講完都有啲驚，起身出去攞嘢食先，剩下David一人。

五分鐘後，David未見Michael回來，反而同房Jackson步入餐廳。David向Jackson揮手，叫他一起坐。

David對Jackson說︰「聽講你噚晚去揼骨喎？」

Jackson點頭︰「係呀，啱啱朝早先返酒店咋。」

David壓低聲音︰「你知唔知你朋友Michael噚晚撞鬼呀？」

Jackson︰「吓！係咩？」

David把剛才知道的一五一十告訴Jackson。

Jackson聽後，面色大變，細細聲告訴David︰「無可能！我今朝返嚟聽到個壞消息，我哋個男導遊，噚晚帶客出去玩，個男導遊半夜被車撞死咗…」

David聽後，嚇到彈開！「唔係吓嘛！導遊死咗？噚晚Michael同鬼瞓呀？」

Jackson見狀，哈哈大笑︰「我講笑咋，我亂吹咋。」

David︰「屌！嚇撚死人咩！」

Jackson︰「哈哈，唔講邊有得笑呀。」

David︰「嚇到我急尿，我去廁所先。」

David離座，去洗手間。

正當Jackson想去攞嘢食的時候，同房Michael震騰騰咁回來。Michael口震震咁講︰「剛才見到男導遊、泰國警察同酒店人員，成班人喺酒店大堂，好大鑊嘢咁。一問之下，原來我哋有個叫David嘅團友，噚晚喺酒店房入面上吊自殺，死咗！今朝佢同事Bowie起身先發覺屍體…」

Jackson聽後，嚇到彈起！「唔係吓嘛？！我啱啱先同David傾偈咋！」

Michael︰「絕對無講大話，我都好撚驚，我都啱啱同David傾過偈！」

Michael認真當黑，昨夜遇到泰國阿伯鬼魂，今朝又遇到David鬼魂，連中兩元，夠鬼運。

這時候，男導遊步入餐廳，向團友們宣佈David昨夜自殺的壞消息。大家都好Shocking！但最震驚的，莫過於Michael同 Jackson了。

完

二少爺說︰山長水遠去到泰國先自殺，可謂用心良苦。