無聊邊爐

無聊邊爐

年近聖誕節，多了朋友聚會，近日跟朋友到酒樓打邊爐，阿安（假名）有以下兩段無聊對話，寫出嚟呃吓blog先。

之一

阿安打打吓邊爐，向侍應大聲叫：「阿姐，唔該幫我『揸揸水』呀！」聽到我哋睩大對眼，「揸揸水」是「小便」的意思，阿安要求侍應阿姐幫佢去痾尿？腎虧呀？咁當然阿安要求阿姐「加加水」啫，不過無聊的我們，已經起哄：「要阿姐入廁所幫你『兜著痾尿』呀？哈哈哈！！」好無聊呀我哋~~

之二

打打吓邊爐，阿安用電話跟同枱一位女性朋友合照。拍照完之後，阿安禮貌地問那位女性朋友：「我可唔可以『嗒妳』呀？」聽到我哋睩大對眼，「嗒妳」是「食咗妳（或上床）」的意思，阿安公然當著我們性騷擾她？咁當然阿安想把合照放上facebook，問「我可唔可以『tag妳』呀？」不過無聊的我們，已經起哄：「嗒佢！嗒佢！嗒佢！….」好無聊呀我哋~~

備註：阿安絕對不是本人，各位不須作無謂的猜測。

報告完畢。

二少爺說：一首填詞十分絕核的廣東歌。