本命年
「生肖的一輪周期為12年。人的歲數等於12的倍數，稱為本命年。」- 維基百科。
相片拍於我12歲的時候，這張是我申請回鄉証的相片。
12歲的我有很濃密的頭髮，現在髮線後移，變得稀疏。當時影相個樣Chok Chok哋，倔強中有點憂鬱，多愁善感中又帶點自閉，自憐中又帶點白癡。
12歲的我，睇《中華英雄》漫畫、聽英倫新浪漫音樂、到「美國寶」打桌球、砌高達紅彗星模型，不知天高地厚，開開心心過日子。
第二個、第三個本命年，即是24歲和36歲，已經不復當年的歡欣日子，得到許多，也失去很多。身體基能開始衰退。最鋒利嘅刀都有锈嘅一日，何況係人呢！幸好我學懂苦中作樂，學會阿Q精神，學曉自己安慰自己，做人先無咁灰咋。
得閒笑吓人哋、笑吓自己，咁做人就做得開心啲囉。
完
二少爺說：80年代一套影響我至深的電影。
當年情 - 張國榮
作曲： 顧嘉輝
作詞： 黃霑
輕輕笑聲 在為我送溫暖
你為我注入快樂強電
輕輕說聲 漫長路快要走過
終於走到明媚晴天
聲聲歡呼躍起 像紅日發放金箭
我伴你往日笑面重現
輕輕叫聲 共抬望眼看高空
終於青天優美為你獻
擁著你 當初溫馨再湧現
心裡邊 童年稚氣夢未污染
今日我 與你又試肩並肩
當年情 此刻是添上新鮮
一望你 眼裡溫馨已通電
心裡邊 從前夢一點未改變
今日我 與你又試肩並肩
當年情 再度添上新鮮
um...此子神情專注，眼神內斂，不言語卻像有千言萬語，當是鎂光燈下之能人！
回覆刪除哈哈，第一~~~~
回覆刪除laulong
回覆刪除多謝美言先
我申報先:
其實我放自己相片不是存心搏取大家讚賞，
只是回老家找到舊照，驚自己hard disc有死的一天，所以放在blogspot，多個存份啫
多多包涵呀大家
這是你的部落，你喜歡怎樣就怎樣嘛，就如所說一百個人有一百種聲音仍能共處，才是好。
回覆刪除最驚啲舊相唔見晒。得閒要scan晒落嚟。
回覆刪除coffee
回覆刪除好，等我放啲絕密相片先。
／／／／
eric
做back up啦唯有。
卡臣：
回覆刪除十二歲果陣拍拖未呀？有冇比大姐姐嘴過呀？嘻嘻！
佛爺
回覆刪除我十二歲未拍拖，你的大姐姐我無福消受
卡臣：
回覆刪除唔係喎！睇你十二歲果個純情樣，應該好多大姐姐會抱抱和錫錫架喎！宜家仲驚尷尬，唔敢認！嘻嘻！
佛爺
回覆刪除又俾你踢穿，我一早已知道「詐顛納福」是什麼意思。
卡臣：
回覆刪除哈哈！「詐顛納福」？好詞！我未曾聽過添！
世上大部份人也活得不快樂！我認識一些生活富裕的人，經常怨天尤人，失眠兼焦慮，周身病痛，簡直教人不可思議？若果我是他們，我快活過神仙了。
佛爺
回覆刪除詐顛納福這四個字是我母親教我的。多謝她
做人最緊要知足，我吃茶餐廳都開心，視乎同邊個去啦，
12岁的忧郁小生，头发真的很浓密呢！
回覆刪除我看男生都是如此，一到中年就稀疏。
为什么？
人生就是这样，有得有失。好好保重！
cindy
回覆刪除男人長大後遇上很多難題，𢱑𢱑頭就搲甩頭髮，無計！
卡臣：
回覆刪除很多人生在福中不知福！無病呻吟！太無牽慮，也是負慮！
彿爺
回覆刪除唔知足、永不快樂，我知足，其實無野心
卡臣：
回覆刪除我也沒有野心！但一個人存在一處空間，自然會有人覺得你是威脅著他的存在，他們就會來踐踏你！
我在這裡受過教育，自然認識香港一些名人的第二代。這些富二代生活奢華，但竟然以為自己十分節儉。他們經常出口傷人，但竟然認定自己非常有教養。心理學的自我中心，經常受到其他人的猛烈抨擊。但我卻認為，自我中心是不少人行為的基石。
佛爺
回覆刪除我不犯人，人卻犯我，只怪他人太貪婪。
二世祖不知人間疾苦，香港果位唐氏綜合症咪係二世祖，不識應付問題的廢柴。
卡臣，12歲的你好多頭髮，尤如戴上一頂皇冠。而家的你都唔差啦，起碼唔駛好似D佬咁，頭上得番幾條毛，仲要夾硬疏分界，哈哈！
回覆刪除卡臣：
回覆刪除介紹個好野比你！當你寫野寫到半天吊，又要趕住去第二度個陣，佢自動幫你上傳，你番到屋企，佢就會自動入佐你部電腦架喇！
http://www.dropbox.com/
仲有，你同蝦女Ｄ相都可以放埋上去，硬碟壞佐都唔駛驚呀嘛！
30
回覆刪除大家年輕時，大量苛爾蒙
真係呢頭剪髮，好快又長返
仲成日硬添
而家就...唉..
////
佛爺
多謝貼士
等我試用
但係絕密照就唔好放
容乜易外流
12歲. ON居居的又以為自己好醒.
回覆刪除做咩咁感慨呢? :)
卡臣：
回覆刪除大部份這個網上寄存的用戶是寫手，它主要不是用來寄放圖像的。因它會自動更新每一部電腦指定的文件夾，致使那些須要經常寫文的人，視它為恩物。
http://www.dropbox.com/
卡臣:
回覆刪除乜你以前D頭髮好易硬咩? 哈哈. 咁我提議你買hair gel買啲ultra hard, 咁頭髮咪易硬囉 :)
M
回覆刪除無！找到舊相，感歎光陰似箭，不得不認老。
／／／
佛爺
多謝賜教，等我硏究下
／／／／
30
我而家啲頭髮好軟，無力，gel都幫唔到，印度之寶可能有用
我唔想咁快到本命年住呀～
回覆刪除naruto
回覆刪除你迎接24歲啫，使乜咁驚呀
果然係靚仔嘅o靚仔！
回覆刪除Eben
回覆刪除唔靚，柒就有份
話時話
回覆刪除你個樣真係無乜點變
你d 同學一定認得既家誠!
巴黎
回覆刪除多謝你的鼓勵
我欠同學錢，那些債主同學一定認得我
髮線後移，變得稀疏？睇你微博啲新相仲好濃密啫！
回覆刪除幾時再登啲廿四、三十六呀？
歪歪
回覆刪除等我放張update相上微博先