安樂自在

安樂自在

「點解呢排打親電話俾妳，妳都唔聽，飛去留言信箱嘅？」
「哦！我男朋友送咗部Prada電話俾我，做生日禮物。」
「咁……關唔聽電話乜嘢事？」
「我見部Prada電話咁靚咁貴，就去買個Gucci電話套，包著個Prada電話。」
「咁，點呢？」
「我見個Gucci電話套咁靚咁貴，就去買個Bathing Ape電話套，包著個Gucci電話套，我又見個Bathing Ape電話套咁靚咁新，就去買個agnes’b電話套，包著個Bathing Ape電話套，最後買個「啤啤熊毛毛袋」，袋住個agnes’b電話套，然後掛喺心口度。」
「咁……我明白啦！」
「係呀！當電話響，我喺啤啤熊袋攞出agnes’b電話套、再攞出Bathing Ape電話套、再攞出Gucci電話套、再攞出個Prada電話嚟聽，對方已經收咗線。」
「哦！原來係咁！」

＊　＊　＊　＊　＊　＊

「咦！點解呢排打電話俾妳，妳又咁快聽電話嘅？」
「唉！我前日上深圳，喺街度俾電單車黨搶走我個啤啤熊袋，乜都無哂！而家唯有用番個千零蚊嘅電話囉，無用電話套，咪好快聽到電話囉！」
「哦，原來係咁！」

．．．．．．．．．．．．．．．．．．．．

一個鐵罐，密不透風；
心窗關起，枷鎖重重。
每個人的心裡面，唔多唔少總背負一些包袱：錢財、工作、親人、身體、愛情或朋友，因而終日眉頭深鎖。
有人時常抱怨自己欠缺或失去什麼？而不會去感欣自已已經擁有什麼？
有人因為買不到一對限量版波鞋而耿耿於懷，而唔知道係柬埔寨，有小朋友因為誤觸地雷而需要被切去雙腿。

祝福的說話；是別人給予的，
煩惱和困擾；是自製或自尋，
情緒和心情；是自己調節的，
安樂和自在，早已藏在心裡。

祝大家安樂自在！

卡臣敬上

管弦賀年歌 – 美麗在心頭

我在2008年看過的電影