港鐵車廂內，一名20歲中國藉年輕男子，
他的電話響起，他望見來電顯示後，急不及待接聽：
＊「喂！.....喂.....大聲啲！.....喂......」
△「喂！.....喂......好窒呀！.....喂！聽唔聽到呀？！」
...........
「喂.....而家好啲啦，......咩話？......我部電話最新款，唔關部電話事！
.....係呀！搭地鐵過緊隧道嗰陣，好容易斷線嘛，
吓？關我咩事呀！.....妳問吓電話公司點解啦！......
.......我唔係串妳！我意思即係......我都好想問吓電話公司點解咁易斷線囉！......喂！......喂！唔係嬲吖？咁易嬲？乜妳咁小器架！......
......我唔係咁意思，但係妳有時.....唉～～算啦算啦！
唔好講啦.....哦！......好～係妳叫我講架咋！我聽妳話，我先講咋！
嗱！唔講遠，就講嗰次我哋上Yuki屋企玩佢新買嗰隻狗仔，Yuki叫我幫手一齊餵狗仔，無理妳一陣之嘛，妳就跟住成晚黑面。我認衰仔專登遞支可樂妳飲，
妳就當住我班friend面前，鬧我零醒目！做乜隊支甜嘢俾妳飲！
想落我面吖嘛！OK！跟住輪到我黑面啦，咁妳就成晚「柄」埋一面喪煲電話粥，當我哋全部透明，第日我仲俾班friend串我「削」，嗰鑊我真係灰爆！
我有冇怪過妳呀？！係無呀！我仲借埋部PSP過妳，等妳看舖嗰陣打，驚妳悶親！
仲有嗰次，我哋行旺角，妳話想出過部新電話，行咗一陣，
我話口渴想入「七仔」買啲嘢飲，妳就話唔好！
想正正經經坐低飲杯嘢「Hea」一陣，咁好啦！我成日都就哂妳，妳知架！
好啦！妳就由街頭行到街尾，唔係嫌呢間污糟、就嫌嗰間多麻甩佬，嗰間嫌人多唔想等位。結果無間肯入，渴到我P哂K！
最後咪幫趁太子間Circle K！妳有冇諗吓我嘅感受吖？…
吓？......唔係！....我唔係咁嘅意思！.....我無話過妳唔愛我！ 不過有時妳真係好飄忽囉！
嗰晚我契妹約我一齊落中環「北京」玩，佢都有叫埋妳一齊去玩架！
我叫埋妳去，妳就扭轉塊面行開，眼濕濕話唔想阻住我哋，我聽完之後超搲頭！
我話我同佢無嘢啦，佢條仔阿Van妳都識架！妳剩係識得喺度勁嘆氣，
仲話一個係咁、兩個又係咁！點解條命生得咁坎坷？！
最後我話唔去玩囉！妳又話妳唔係啲咁小器嘅人！我當堂O哂嘴！
咁我話一於去啦！妳又話去咗就返嚟幫妳收屍，我真係超無奈！
俾着係妳，我諗妳都會當堂撻低喺地下度啦！
仲有上次.....我......喂！hold hold先，我有電話入，
.................................
『喂！......吓？家居電話優惠？無嘢呀你！？唔好再打嚟呀！』.....
喂！.....妳仲喺唔喺度吖？.......唔係我契妹打嚟，啲傳銷電話之嘛！.....我做乜要呃妳唧！......都話唔係我契妹打嚟囉！.......我頭先都未講完，
嗰次妳話一個人睇舖好悶，叫我落嚟銅鑼灣揾妳，陪妳一齊看舖，
又話好恨食雪糕夾餅，叫我買，OK！我咪去到無雷公咁遠嗰度買囉！
我一句都無怨到！仲驚佢溶，跑返嚟，好啦！買咗返嚟啦，
妳先至話要「薄荷石板街」雪糕！仲叫我山長水遠再去買過？！.......
妳有冇理吓我嘅感........喂！......喂!.......
喂！....喂.......大聲啲！......好窒呀！......喂！」
Repeat ＊ 2 次
Repeat △ 3 次
完
各方好友
回覆刪除你/妳們在9月「一家人嘛」及「又一家人」的寶貴留言,已轉載至:
2007年10月6日「一家人嘛」;及
2007年10月16日「再嚟一家人」內保存.
敬請注意
一路睇一路笑，電話內容似曾相識，應該每日都會係地鐵、巴士上演。血淋淋的私人生活、幼稚對白，強迫性要全車人聽到！
回覆刪除啊! 唔怪得搵唔番一家人睇呀!
回覆刪除嘩...呢篇好傳神....一個字"正"!!
我係女都睇唔過眼, 如果我係仔, 飛佢9年呀!仲喂....
巴黎
回覆刪除雖然對白低能
但都是我成長階段有講過
(當然少了很多潮語)
諗番都耳熱面紅(羞恥中)
++++++
自由
因為想keep番每個月十篇文
齊整啲美觀啲
所以請移玉步啦
佢地一個願打一個願捱
我地第三者,唯有祝福佢地啦!
>佢地一個願打一個願捱
回覆刪除我地第三者,唯有祝福佢地啦!
呢個當然呀! 唔通走去同佢講"分手呀!分手呀!"
哈哈哈
自由
回覆刪除唔通走去同佢講"分手呀!分手呀!"
咁又係!
寧教人打仔,莫教人分妻
周街叫人"分手呀!分手呀!"
都幾青山feel喎
「因為想keep番每個月十篇文
回覆刪除齊整啲美觀啲」
原來卡臣是完美主義者。
你的綿綿情話應該感人肺腑、生鬼動聽，令無數美少女神魂顛倒....
巴黎
回覆刪除「十」字幾好吖
好完整!好完滿咁!
我的綿綿情話應該幾搞笑
妳知我的style啦
我煞有介事講肺腑情話
只會換來喜劇效果
對方都會喊
不過唔係感動到喊
而係笑到喊
『雖然對白低能
回覆刪除但都是我成長階段有講過』
「我同佢（契妹）無嘢啦」呢句特別聽得出係你响成長階段中講過啦！
其實以我嘅觀察，通常啲人响街度傾電話聲浪越大，所傾嘅內容就越無聊。文中嘅一字一句就係好好嘅例子！
舊年响法國坐火車，發現佢地唔俾人响車廂內講電話，要講就要走去近門上落嘅「講電話專用範圍」，雖然我都見到有人偷雞响車廂內講，但係就細聲到周圍嘅人係聽唔到。或者巴黎旅客可以有更詳細嘅補充。
遲啲連响飛機都可以講電話，我真係唔敢想像坐長途機時點算！
通常認契妹都係想溝但溝唔到.
回覆刪除唉！
回覆刪除歪歪
回覆刪除「唔好講啦.....哦！......好～係妳叫我講架咋！我聽妳話，我先講咋！」
==>呢句我都常講
你講開舊年响法國坐火車,我又講吓日本火車
乘客狂收短訊,狂send短訊
手指打過不停
用sms text溝通
靜好多!
+++++
nost
>通常認契妹都係想溝但溝唔到.
==>對於我來說,契媽都係!
+++++++
笑
似乎你心同身受,好有共鳴喎
咁....算罷啦
卡臣：
回覆刪除如果我係佢男友就="=
等佢慢慢發瘋，彩佢都傻
豬多要求，飛左佢
因為想keep番每個月十篇文
齊整啲美觀啲
所以請移玉步啦
-->嘜卡臣咁追求呢d榮慾感啊！
我以前開blog唔公開，更加無link俾人，但我一得閒都寫~係讀中三開始興xanaga先同你share...同用yahoo就可以用電腦search文章先有人回下我，其實回亦如是
有點兒奇怪，為甚麼常常有人去我yahoo blog叫我去佢blog留言？其實留言有咁重要咩？
不過如果有朋友來留言當然係開心d...但無留言唔代表就唔寫blog，我認為寫blog只係生活的記錄及分享平台
有隨，有興趣就留一言，落一下足跡，令我知道閱讀者你的觀看，使我更有發文的推動力
但無亦如是
卡臣唔好嬲wow！我唔係鬧你啊><！
我以前開blog唔公開，更加無link俾人，但我一得閒都寫~係讀中三開始興xanaga先同人share...然後用yahoo就係可以用電腦search文章先有人回下我d文，其實回亦如是，不回亦如
回覆刪除如果要有留言先開心，咁寫blog咪好辛苦？
隨心隨意隨緣，是最快樂~~~無驅無束才是享受~
Let enjoy your life~^^
佚名
回覆刪除我明白妳說什麼
但我只是不想9月有12篇文章
所以keep番10篇
因為第10篇「生日願望」之後
重溫「一家人嘛」,因為故事中男主角想要一兒子, 是有舖排的
而「又嚟一家人」,是下一集,錢幣的兩面
所以重溫埋
基本上跟留言多少無關
不過妳這個聯想反而令我啟發一點東西
原來.....
卡臣：
回覆刪除我明白妳說什麼
但我只是不想9月有12篇文章
所以keep番10篇
-->哦!原來係咁^^
其實我都係up廢話者
基本上跟留言多少無關
不過妳這個聯想反而令我啟發一點東西
原來.....
-->係無關ga...係引發聯想^^
你明白就好啦！我講野成日講講下就離題！飛topic飛得好快@@！
令你啟發？？原來？？？咩啊？？？
佚名
回覆刪除其實我都係up廢話
我啟發到原來我給人的印象是虛榮囉~
卡臣：
回覆刪除其實我都係up廢話
我啟發到原來我給人的印象是虛榮囉~
-->不，說笑而且，卡臣沒有給人這感覺^^
不用擔心:P
亂up當秘給啊！
佚名
回覆刪除亂up當秘笈....也是我的專長啊!
聽你咁講，睇嚟响呢方面法國人同日本人都比較文明，識得喺公眾地方尊重其他人嘅空間。
回覆刪除我記得細個嗰陣同阿媽講話：「如果個電話可以拎出街打就好方便喇！」我阿媽答我話：「科技日新月異，第日有咁嘅發明都唔出奇。」終於人人都有部手提電話，勢估唔到新科技係會帶嚟新噪音。
唉，敗於自己！
回覆刪除心魔呀心魔！
講 "咁我地分手啦" 喎，尋日先至飛咗一件落街！
回覆刪除睇完有千般感受在心頭.....
回覆刪除我諗得太多喇 XD
小弟搬左網址，內容一樣，得閒黎坐 =)
歪歪
回覆刪除好嘢!
唔通你有預知能力?
快啲講6個號碼出嚟
++++++
laulong
吓?
你昨天又甩了一位女友
灑脫~~~
+++++++
笑
難道你有類似遭遇?
我知你搬了
但只是一個空版面
未寫嘢?
卡臣：
回覆刪除亂up當秘笈....也是我的專長啊!
-->oh~！give me five！！yeah！
吓？唔係我甩人呀，係我飛落街吖，喺 ground floor 嘅窗口！
回覆刪除爺爺：
回覆刪除吓？唔係我甩人呀，係我飛落街吖，喺 ground floor 嘅窗口！
-->飛落街？？0.0？
點飛啊？？
佚名:
回覆刪除你仲唔送套"超人衫"俾你亞爺著住飛?
歪歪：法國的火車有分idzen(寧靜車卡)及idzap(有娛樂設備車卡)，其實許多人都不會大聲講電話，會覺得不好意思，所以都會自動自覺出走廊傾。
回覆刪除卡卡：我也留意到日本人的sms文化呢！不擾民。
這對情侶好襯!! LOL
回覆刪除Laulong, 佚名
回覆刪除校長,你飛落街，雖然喺 ground floor 嘅窗口唧！磨親下半身就唔好啦
好傷架嘛!
做乜受咁大刺激呀?
飛撲晚霞乎?
++++++
自由
叫校長紅底褲外穿?
妳想睇好耐呢?
巴黎
回覆刪除香港人講廣東話慣大聲
真係令人神經衰弱
妳15號飛去巴黎呀?
又打風啦
預祝妳順風先
+++++
jessie
這對情侶絕配?
旺角仲多
俯拾皆是
個男仔... 有d On 居播...
回覆刪除C+
回覆刪除愛情令人戇居
>叫校長紅底褲外穿?
回覆刪除擋煞一流, 保你家宅平安, 你要唔要張傍身?
自由行
回覆刪除乜校長紅底褲外穿用來擋煞咩?
我以為吹桃花運添~~~
hi~carson
回覆刪除我係九龍灣ar!!
『唔通你有預知能力?
回覆刪除快啲講6個號碼出嚟』
我嗰啲係童言無忌，唔係有『預知能力』。早知人人都會有部手提電話，我就應該勞力讀書，發明手提電話發大達啦。
所以你要我講6個號碼出嚟，我唯有氹你開心講38、24、36，拆散咗都有6個號碼嘅！
最後要多謝「巴黎旅客」提供補充，下次我都會揀返「寧靜車卡」坐。
唓，唔著紅底好耐 lu. 依家做番學生仔，做小白兔！
回覆刪除Ground floor 窗ロ飛落街唔會死，我咪飛咯，高少少我都唔制呀！
其實我畏高又怕死！
卡卡：
回覆刪除仲吹運？唔好喇，頂唔順喇！
haha, 廢人廢噏！
嗰电话内容, 超夸张.
回覆刪除佚名
回覆刪除妳係九龍灣呀?
妳當街大聲嗌三聲:卡臣!
我就會出現架啦!
+++++++++
歪歪
多謝提供號碼先
我一於照買
你又去巴黎?
唉~~兩個字>>>>>>羨慕!
+++++++
laulong
回覆刪除你怕死?
有冇搞錯?！
你直情係「求愛敢死隊!」
++++++
小瓶子
嗰电话内容超夸张?
妳搵日落旺角兜個圈吖
保證妳聽到大同小異的對話
唔信?
妳親自求證啦
卡臣：
回覆刪除妳係九龍灣呀?
妳當街大聲嗌三聲:卡臣!
我就會出現架啦!
-->你當我傻ga！！
你不如你叫啊！佚名！佚名！佚名！or 風之舞！風之舞！
我頭先去左德福kfc任拎、同行淘大，之後就上樓開餐~~
佚名
回覆刪除我去咗 megabox 健身呀
打風唔成
卡臣：
回覆刪除我去咗 megabox 健身呀
打風唔成
-->嗚~所謂既4日大假無望...對我而言，要返工，有放假等於無假放@@！
吓，乜你唔記得38、24、36係你契妹嘅三圍數字嚟㗎咩？
回覆刪除如果你咁買都中到六合彩，到時記得分返一半俾我呀！唔好誤會吔，我唔係貪錢，只係驚你 「財多身子弱」，諗住幫輕下你咁啫。
>>卡臣
回覆刪除我留意咗好耐, 原來卡臣有啲怪癖ge.. 既然你認，我斷定你有10篇怪癖症...
佚名
回覆刪除祝妳預工作如娛樂!
或者苦中作樂
++++++
歪歪
如果我有錢,我一定分俾你
(弊在我無吖嘛~~)
+++++
lo哥
我都懷疑自己有「強迫症」呀!
卡臣：
回覆刪除祝妳預工作如娛樂!
或者苦中作樂
-->兩樣都有~有時是娛樂，有時是苦@@
佚名
回覆刪除打工的藝術:第一講
有工開是恩賜
有錢賺才可放肆
第一講~完